Galatians3
1हे मूरख गलातियन! कौन तोरा मोह लेलक हे, जेकर आँख के सामने यीशु मसीह के सार्वजनिक रूप से क्रूस पर चढ़ावल गेल देखावल गेल हे?2हम तोरा से खाली ई सीखे ला चाहऽ ही: कि का तोरा व्यवस्था के काम से परमेश्वर के आत्मा प्राप्त होल, कि विश्वास के बात सुन के आत्मा प्राप्त होल? 3का तूँ एतना मूरख हऽ? कि परमेश्वर के आत्मा से शुरु कर के, का तूँ अखनी देह से खतम करवऽ?4जदि ई सच में बेकार ही हल, तऽ का तूँ बेकार में ही एतना सारा बात के अनुभव करलऽ?5येहिगुने परमेश्वर जे तोरा आत्मा दे हथन आउर तोहनी बीच में अचरज काम करऽ हथन, तऽ का ऊ व्यवस्था के काम के द्वारा अईसन करऽ हथन, कि विश्वास के बात सुने के द्वारा करऽ हथन?6जईसे अब्राहम “परमेश्वर पर विश्वास करलन, आउर ई उनका ला धार्मिकता गिनल गेल” 7तऽ फिनो, ई जान लऽ, कि जे विश्वास करे वाला हथन, ओखनी अब्राहम के संतान हथन।8आउर पवित्रशास्त्र, पहिले से ही ई जान के कि परमेश्वर अन्यजातियन के विश्वास के द्वारा धर्मी ठहरईतन, अब्राहम के पहिले ही ई सुसमाचार सुना देलन, कि “तोरा से सभे जाति आशीष पईतन। 9येहिगुने विश्वास करे वाला लोग अब्राहम पर विश्वास करे से उनका जौरे आशीष पावऽ हथन।”10काहेकि जेतना लोग व्यवस्था के काम वाला हे, ओखनी श्राप के अधीन हे; काहेकि अईसन लिखल हे कि “जे लोग व्यवस्था के किताब में लिखल गेल सभे बात के माने लागी ओकर पालन नऽ करऽ हे, ओखनी सभे श्रापित हे।” 11अखनी, ई बात साफ हे कि व्यवस्था के द्वारा परमेश्वर के सामने कोई भी धर्मी नऽ ठहरत, काहेकि “धर्मी जन विश्वास से जिन्दा रहतन।” 12अखनी व्यवस्था तऽ विश्वास से नऽ हे, बाकि, “जे ऊ बात के पालन करतन ऊ उनका में जिन्दा रहतन।” 13मसीह हमनी लागी श्रापित होके हमरा व्यवस्था के श्राप से छोड़ईलन काहेकि पवित्रशास्त्र अईसे लिखल हे, “जे कोई क्रूस पर लटकावल जा हे, ऊ श्रापित हे” 14जेकरा से अब्राहम के आशीष यीशु मसीह में अन्यजातियन के पास आ सकत, जेकरा से कि हमनी विश्वास के द्वारा आत्मा के प्रतिज्ञा के ग्रहण कर सकम।15हे भईवन, हम आदमी के रीति से बोलऽ ही। तईयो आदमी के द्वारा बनावल वाचा के कोई आदमी अलग नऽ करऽ हे चाहे ओकरा में कुछो जोड़ऽ नऽ हे।16अखनी जे प्रतिज्ञावन अब्राहम आउर उनकर वंश से करल गेल हल। ऊ ई नऽ कहऽ हथन कि “वंश के” जईसे कि बड़ी सा के बारे कहलन, बाकि एगो के बारे में कि “तोर वंश के” जे कि मसीह हथन। 17अखनी हम ई कह ही: कि चार सौ तीस साल के बाद आयेल व्यवस्था, ऊ प्रतिज्ञा के दरकिनार नऽ करऽ हे जेकरा परमेश्वर पहिले से ऊ वाचा के रद्द करे लागी स्थापित करलन हल। 18काहेकि जदि विरासत व्यवस्था से मिलल हे, तऽ फिनो अखनी ई वाचा से नऽ। बाकि परमेश्वर कृपा से एकरा अब्राहम के एगो प्रतिज्ञा के द्वारा देलन हे।19तऽ फिनो व्यवस्था कहाँ रहल? एकरा अपराधवन के कारण जोड़ल गेल हल, कि जब तक ऊ वंश नऽ आ जईतन जेकरा लागी प्रतिज्ञा करलन गेल हल, जब तक एकरा स्वर्गदूतवन के माध्यम से एगो बीचमान के हाथ से लागू करल गेल हल।20अखनी बीचमान तऽ कोई एगो नऽ हे, बाकि परमेश्वर एक्केगो गो हथन।21येहिगुने का व्यवस्था परमेश्वर के प्रतिज्ञावन के खिलाफ हे? अईसन कहियो नऽ होत! काहेकि जदि अईसन योग्य व्यवस्था देवल जायेत हल जे जीवित कर सकल हे, तऽ व्यवस्था के द्वारा सचमुच धार्मिकता आवत हल।22बाकि पवित्रशास्त्र सभे बात के कैद कर के पाप के अधीन कर देलक, ताकि विश्वास करे वालन के यीशु मसीह पर विश्वास करलऽ पर प्रतिज्ञा देवल जाय।23अखनी विश्वास के आवे से पहिले हमनी व्यवस्था के अधीन बन्धुवाई में रखल गेली हल, आउर जब तक विश्वास परकट नऽ होल, तब तक कैद में रहली।24येहिगुने मसीह तक पहुँचावे लागी व्यवस्था हमनी के सुरक्षा बनल, कि हमनी विश्वास से धर्मी ठहरियई।25बाकि विश्वास के आवे पर, हम अब कोई के सुरक्षा के अधीन नऽ रहली।26काहेकि तोहनी सभे यीशु मसीह पर विश्वास करे के कारण परमेश्वर के बेटा हऽ। 27काहेकि जेतना लोग मसीह के बपतिस्मा लेलन हे, ओखनी मसीह के पेहेन लेलन हे।28अखनी नऽ कोई यहूदी हे, आउर नऽ यूनानी, अखनी नऽ कोई दास हे आउर नऽ स्वतंत्र, अखनी नऽ कोई मरद हे, आउर नऽ औरत, काहेकि तोहनी सभे यीशु मसीह में एक हऽ।29अखनी जदि तोहनी मसीह के हऽ, तऽ अब्राहम के वंश, आउर प्रतिज्ञा के मुताबिक वारिस भी हऽ।
Bridge Connectivity Solutions Pvt. Ltd.