Exodus35
1फिर मूसा सभे इस्राएलियन के जमा कर के उनका से कहलन, “यहोवा तोरा येही करे के आज्ञा देलन हे।2हरेक सप्ताह छउ दिन तक काम कर सकल हे, बाकि सतमा दिन तोरा आराम करे के चाही। ई तोहनी लागी एगो पवित्र दिन हे, जे यहोवा के समर्पित हे। जे कोई काम करतन ओकरा सतमा दिन सजा दिहऽ।3विश्रामदिन में अपन घर में आग नऽ जलईहऽ।”4फिरू मूसा सभे जमा होल इस्राएलियन से कहलन, यहोवा जे आज्ञा देलन हे ऊ ई हे।5जे कोई यहोवा लागी भेंट लावे ला चाहतन ऊ ले आवे, उनका यहोवा लागी ई प्रकार के उपहार लावे के चाही सोना, चाँदी, चाहे पीतल,6नीला रंग के कपड़ा, बैंगनी रंग के कपड़ा, चमकदार लाल रंग के कपड़ा, बढ़ियाँ मलमल, बकरी के बाल से बनल कपड़ा,7लाल मेढ़वन के खाल, सुन्दर चमड़ा के खाल, बबूल के कड़ा लकड़ी,8दीया में जलावे लागी जैतून के तेल, याजकवन के अभिषेक लागी जैतून के तेल में डाले लागी मसाला, आउर सुगन्धित धूप में डाले लागी मसाला,9याजक के पवित्र एपोद पर बांधे लागी आउर सीनाबंद पर मौजूद संदूक के थैली पर लगावे लागी गोमेद पत्थर आउर दूसरा महंगा पत्थर।10तोहनी में से सभे बढ़ियाँ कारीगर आके ऊ सभे चीज बनईतन, जेकरा बनावे के आज्ञा यहोवा तोरा देलन हे।11तम्बू समेत निवास, आउर ओकर घुंडी, तख्ता, बेंड़ा, खम्भा आउर कुर्सी;12डंडा आउर ढक्कन सहित पवित्र सन्दूक, आउर ऊ परदा जे पवित्रस्थान के परमपवित्र स्थान से अलग करऽ हे,13आउर उठावे लागी डंडा सहित मेज, आउर सभे समान, माने कि परमेश्वर के चढ़ावे लागी पवित्र रोटी,14आउर समान आउर दीपक समेत इंजोर करेलागी दीया, आउर इंजोर करेलागी तेल,15धूप जलावे लागी वेदी आउर वेदी उठावे लागी डंडा, अभिषेक लागी तेल आउर सुगन्धित धूप, पवित्र तम्बू दुआरी के परदा,16होमबलि लागी वेदी, आउर ओकर पीतल के झंझरी, वेदी के उठावे लागी डंडा, आउर ओकर सभे सामान, हौद आउर ओकर आधार,17आँगन के चारो पट्टी के परदा, आउर परदा के सहारा देवे लागी खम्भवन आउर कुर्सियन; आँगन के ढूक्के दुआरी के परदा;18पवित्र तम्बू आउर ओकर आँगन लागी खूँटियन आउर रस्सियन,19हारून आउर ओकर बेटा पवित्रस्थान में याजक के काम करते घड़ी पहने लागी सुन्दर, पवित्र पोशाक।20तब सभे इस्राएली ऊहाँ से चल गेलन जहाँ ऊ मूसा के सुने लागी जमा होलन हल।21जे कोई यहोवा लागी भेंट लावे ला चाहऽ हथन, ऊ ओईसन कर सकऽ हलन। ऊ पवित्र तम्बू बनावे लागी चीज, विधि विधान लागी दोसरा सभे समान आउर याजकवन लागी पवित्र कपड़ा लावऽ।22सभे आदमी आउर औरत जे हार, झुमका, अंगूठियन, सोना के गहना-सोना से बनल सभे तरह के भेंट लावे ला चाहऽ हलन। तब ओखनी ऊ यहोवा के समर्पित करे लागी ऊँचा उठईलन। सभे आदमी आउर औरत जे हार, झुमका, अंगूठियन, सोना के गहना-सोना से बनल सभे प्रकार के चीजवन लावे ला चाहऽ हलन। तऽ ओखनी ऊ यहोवा के समर्पित करे लागी ऊँचा उठईलन।23बहुत आदमी लोग जिनका भीर नीला, बैंगनी, चाहे चमकदार लाल कपड़ा, चाहे पतला सनी के कपड़ा, चाहे बकरी के बाल से बनल कपड़ा, चाहे लाल मेढ़वन के खाल, चाहे सुन्दर चमड़ा के खाल हल, ऊ ई चीज में से कुछ ले आवऽ।24जे कोई चाँदी चाहे सोना के भेंट चढ़ावे ला चाहऽ हलन, ऊ ओकरा यहोवा भीर ले अईलन। बबूल के पेड़ के लकड़ी रखे वाला कोई भी आदमी ई भवन निर्माण के काम के कोई भी हिस्सा लागी ले आवऽ हल।25ऊ सभे औरतियन जे कपड़ा बनावे में कुशल हलक, नीला, बैंगनी, चाहे लाल ऊनी सूत, आउर बारीक सनी के धागा, जे ऊ हाथ से काट के बनईलन हल, ले अईलन।26ऊ सभे कुशल औरतियन जे बकरियन के बाल से सूत बनावे ला चाहऽ हलन।27प्रधान हारून के पवित्र अंगारा आउर पवित्र थैली में लगावे लागी सुलैमानी पत्थर आउर दूसरा सुन्दर पत्थर,28आउर दीपक, अभिषेक तेल, आउर सुगन्धित धूप लागी मसाला आउर तेल ले अईलन।29आउर जेतना इस्राएली मरद आउर औरतियन ई चीजवन आजादी से लावे ला चाहऽ हलन, ऊ सभे ओखनी के ऊ काम करे लागी यहोवा के सामने चढ़ईलन, जेकर आज्ञा ऊ मूसा के देलन हल।30मूसा इस्राएलियन से कहलन, ध्यान से सुनऽ। यहोवा यहूदा के गोत्र में से बसलेल नामक एगो आदमी के, जे ऊरी के बेटा आउर हूर के पोता हल, चुन लेली हे।31यहोवा अपन आत्मा से उनका बुद्धिमानी आउर बुद्धि से सभे प्रकार के बढ़ियाँ चीज बनावे ला सिखयलन हे।32ऊ सोना, चाँदी आउर काँसा में कुशल डिजाइन ऊ कर सकऽ हे।33ऊ गहना काट सकऽ हे, आउर ऊ सोना के छोटा-छोटा खाना में बंद कर सकऽ हे। ऊ लकड़ी के चीज बना सकऽ हे आउर दोसरा आविष्कारशील, कुशल काम कर सकऽ हे।34यहोवा दान के गोत्र में से बसलेल आउर अहीसामाक के बेटा ओहोलीआब के भी जे कुछ ऊ करऽ हे, ऊ दूसरा के सिखावे के योग्य बनईलन हे।35ऊ ओकरा सभे प्रकार के शिल्प-काम कुशलता से करे के काबिल कईलन हे, ऊ जे कलात्मक चीज बनावऽ हथन, ऊ जे सनी के कपड़ा में नीला, बैंगनी, चाहे लाल ऊनी सूत के इस्तेमाल कर के कढ़ाई करऽ हथन, आउर जे कपड़ा बनावऽ हथन। ई कोई तरह के कलात्मक काम के योजना बनावे आउर ओकरा करे के काबिल होवऽ हे।
Bridge Connectivity Solutions Pvt. Ltd.