Exodus34
1फिरू यहोवा मूसा से कहते रहलन, “पत्थर के दूगो पटियन पहिलका पटियन के जईसन, जेकरा तूँ तोड़ देलऽ हल, काट डालिहऽ। फिरू हम ओकरा पर ओही बात लिखम जे पहिलका पट्टी पर लिखली हल।2कल सवेरे तईयार हो जईहऽ, आउर सीनै पर्वत के चोटी पर हमरा सामने खड़ा हो जईहऽ।3केकरो अपना भीर आवे नऽ दिहऽ। हम नऽ चाहऽ ही कि पहाड़ पर कहीं भी कोई आउर रहतन। कोई भेड़ चाहे जानवर के भी पहाड़ भीर घास खाय के आज्ञा नऽ दिहऽ।”4तऽ मूसा पहिलका पट्टियन के जईसन पत्थर के दूगो पट्टियन काट देलन। ऊ विहान भोर के जल्दी उठलन, पट्टियन उठईलन, आउर ओकरा अपन हाथ में उठ के सीनै पर्वत के चोटी तक ले गेलन, जईसन कि यहोवा उनका से कहलन हल।5तऽ यहोवा ऊँचा बादल से उतर के ऊहाँ मूसा के साथे खड़ा होलन। तऽ यहोवा अपन नाम पुकारलन, “यहोवा।”6यहोवा उनकर सामने से गुजरलन आउर पुकारलन, “हम यहोवा परमेश्वर ही। हम हमेशा लोगवन के प्रति दयालुता आउर अनुग्रहकारी से व्यवहार करऽ ही आउर हमरा जल्दी गुस्सा नऽ आवऽ हे। हम अपन लोगवन से जे भी वादा करऽ ही, ओकरा बहुत प्यार करऽ ही आउर ईमानदारी से ओकरा पूरा करऽ ही।7हम हजार पीढ़ियन तक करुणा करे वाला। हम लोगवन के गलत काम कईलऽ, उल्लंघन कईलऽ आउर पाप कईलऽ पर मांफ करऽ ही। बाकि हम गलत के सजा जरूर देम। जदि लोग गलत करऽ हथन, तऽ हम एकर असर ओकर वंशजवन, तेसरका आउर चौथा पीढ़ियन पर तक डालम।”8मूसा तुरन्त जमीन पर गिरकर यहोवा के दण्डवत कईलन।9ऊ कहलन, “हे प्रभु, जदि तोर अनुग्रह के नजर हमरा पर हे, तऽ हम तोरा से विनती करऽ ही कि हमरा साथे चलऽ। ई लोग बड़ी जिद्दी हथन, बाकि हमर सभे पापवन के मांफ कर दऽ आउर हमरा हमेशा लागी अपन लोगवन के जईसन अपना लऽ।”10यहोवा जबाब देलन, “ध्यान दऽ! हम वाचा बाँध रहली हे कि हम इस्राएलियन से का सहमत हली। जहाँ तक हमर बात हे, हम एगो महान चमत्कार करम। अईसन चमत्कार होत जे धरती पर कोई जन झुण्ड में कोई नऽ कईलक होत ओकर अगल बगल सभे देश ऊ महान काम के देखतन, जेकरा हम, यहोवा करम। हम तोरा लागी सभे कुछ करम जेकरा से हर कोई हमरा से डरतन।”11जे आज्ञा हम आज तोरा दे ही ओकरा पालन करिहऽ। हम जरुर एमोरी, कनान, हित्त, परिज्ज, हिव्व आउर यबूस लोगवन के समूह के तोरा ला देश छोड़े लागी मजबूर करम।12येहिगुने सावधान रहिहऽ, कि जे देश में तूँ जा रहल हे ओकरा में रहे वाला में से केकरो से मेल मिलाप नऽ करिहऽ। जदि तूँ अईसन करऽ हऽ। तऽ तूँ ओही बुरा काम करे लगवऽ जे ऊ करऽ हे। ई जाल में फंसे के बराबर होत।13बलुक तूँ उनकर वेदियन के ढा दिहऽ, आउर मूर्तियन के ढा दिहऽ, आउर उनकर लठियन के काट दिहऽ जेकरा से ऊ अशेरा नामक मूर्तियन के आराधना करऽ हथन।14अईसने करिहऽ काहेकि तोरा कोई दोसरा देउता के आराधना नऽ करे ला हे, काहेकि हम, यहोवा, लोगवन के पछाने लागी उत्सुक ही कि हम ही एगो मात्र जलन रखे वाला सच्चा ईश्वर ही, जईसे एगो मरद के ई इच्छा रह हे कि ओकर मेहरारू खाली ओकरे से प्रेम रखतन।15फिन तूँ ऊ रहेवालन में से साथे मेल मिलाप नऽ करिहऽ; काहेकि जखनी ऊ अपन देऊतवन के आराधना करतन, आउर उनका लागी बलि चढ़ईतन, तऽ तोरा अपन साथे बुलईतन। तऽ तूँ हमरा प्रति विश्वासघात करवऽ आउर ऊ खाना के खा के पाप करव जे ऊ अपन देऊतवन लागी बलि करऽ हथन।16तऽ तूँ उनकर औरतियन में से कुछ के अपन बेटवन के मेहरारू बना के पाप करवऽ। ई औरतियन अपन अपन देऊतवन के आराधना करतन। ऊ, दुसर देऊतवन के आराधना कर के तोर बेटवन के भी हमरा प्रति विश्वासघाती बना देतन।17मूर्तियन के सांचा में पिघलल धातु डाल के अपना लागी देउता नऽ बना लिहऽ।18अखमीरी रोटी के परव मनईहऽ। हमर आज्ञा के अनुसार, आबीब महीना में सात दिन तक अखमीरी रोटी खायल करिहऽ। हम ई समय येहिगुने तय कईली हे काहेकि आबीब ऊ महीना हे जब तोहनी मिस्र छोड़ल हल। 19तोर सभे पहिलौठा बेटा हमर हे। तोर पालतू जानवरवन, गईयन, भेड़वन आउर बकरियन के सभे पहलौठा नर हमर हे।20आउर पहिलौठा गदहा के बदला में मेम्ना मार ओकरा छोड़इहऽ। जदि तूँ एकरा वापस नऽ खरीदऽ हऽ, तऽ तोरा अपन गधा के गर्दन तोड़ के ओकरा मार डाले के होत। तूँ अपन सभे पहिलौठवन बेटा के वापस खरीदे के होत। बिना भेंट लईले हमर आराधना करे मत अईहऽ।21हर सप्ताह के छउ दिन काम करिहऽ, बाकि सतमा दिन तोरा विश्राम करे के चाही। ईहाँ तक कि ऊ घड़ी भी जखनी तूँ खेत के जोताय कर रहल हे चाहे अपन फसल काट रहल हे, तोरा सतमा दिन आराम करे के चाही।22वसंत ऋतु में, जखनी तूँ गेहूँ के पहिला फसल काटेला शुरू करऽ हऽ, तऽ सप्ताह के परव मनावऽ, आउर साल के अन्त में तैयार फसल के परव मनावऽ।23हर साल तीन बार सभे लोग हमरा प्रभु यहोवा, इस्राएल के परमेश्वर, के दण्डवत करे लागी इकट्ठा होवऽ।24जरुर हम लोगवन के समूहवन के ऊ देश के छोड़े ला मजबूर करम जेकरा में तूँ जा रहल हे, आउर हम तोर जगह के बड़ा कर देम। कोई भी तोर देश के जीते के कोशिश नऽ करे ला चाहत, जबकि लोग हर साल इन तीन परववन लागी अपन परमेश्वर यहोवा के आराधना करे आवऽ हथन।25जे रोटी तूँ खमीर से बनईल हे, ओकरा पशुबलि के लहू के साथे बलि नऽ करिहऽ। फसह के परव में जे जानवरवन के बलि तूँ देल हे, ओकर कोई भी भाग अगला सुबह तक अपन भीर मत रखिहऽ।26हर साल जखनी तूँ अपन फसल काटऽ हऽ, तऽ जे कुछ तूँ काटऽ हऽ, ओकरा में से सभे से पहिला फसल जे कुछ तूँ काट हऽ, ओकरा ले ऊ जगह पर जा जहाँ तूँ हमर आराधना करऽ हऽ, आउर ओकरा हमरा, अपन परमेश्वर यहोवा के दे दऽ। जखनी तूँ कोई बच्चा के मारिहऽ, तऽ ओकरा ओकर माय के दूध में उबालके नऽ पकईहऽ।27यहोवा मूसा से कहलन, “जे वचन हम तोरा कहली हे ओकरा लिख लऽ। तोरा ई आज्ञा दे के हम तोर आउर इस्राएलियन के बीच वाचा बाँधली हे।”28मूसा उहाँ यहोवा के साथे 40 दिन आउर रात तक पर्वत के चोटी पर रहलन। ऊ दौरान ओखनी कुच्छो नऽ खईलन-पीयलन। ऊ पत्थर के पट्टियन पर दस आज्ञा के बतियन के लिखलन जे यहोवा के गंभीर वाचा के हिस्सा हल29जखनी मूसा सीनै पर्वत से वापस अईलन, तऽ ऊ पत्थर के दूगो पटियावन लेले हलन, जेकरा पर ऊ दस आज्ञावन लिखलन हल। यहोवा से बात कर के उनकर मुँह बड़ी चमक उठल, बाकि ओकरा एकर ज्ञान नऽ होल।30जखनी हारून आउर इस्राएलियन मूसा के देखलन, तऽ ओकर मुँह के तेज देखके अचरज होलन, आउर उनका भीर आवे से डेरईलन।31बाकि मूसा उनका बोलईलन, आउर हारून आउर दोसर इस्राएलियन के अगुवा उनकर भीर लौट अईलन, आउर ऊ उनका से बातचीत कईलन।32एकर बाद सभे इस्राएलियन भीर अईलन, आउर जे कुछ यहोवा ऊ सीनै पर्वत पर आज्ञा देलन हल, ऊ सभे मूसा ओखनी के बता देलन।33जखनी मूसा लोगवन से बात कर चुकलन, तऽ ऊ अपन मुँह पतला कपड़ा से झाँक लेलन।34जब कभी भी मूसा यहोवा से बात करे ला मिलाप वाला तम्बू में जा हलन, तब ऊ कपड़ा हटा देलन। जखनी ऊ बाहर आवऽ हलन, तऽ ऊ हमेशा इस्राएली लोगवन के ऊ सभे बतावऽ हलन जे यहोवा उनका बतावे के आज्ञा देलन हल।35इस्राएलियन देखलन कि मूसा के मुँह अखनी भी चमक रहल हल। फिन अगला बार जखनी ऊ यहोवा से बात करे लागी नऽ जा हलन, तब तक ऊ फिरू से अपन चेहरा पर कपड़ा बाँधले हलन।
Bridge Connectivity Solutions Pvt. Ltd.