Exodus29
1हारून आउर उनकर बेटवन के पवित्र करे ला जे काम तोरा करे ला हे कि ऊ हमरा ला याजक के काम करतन, ऊ ई हे, एगो निर्दोष बछड़ा आउर दूगो मेढ़वन लेतन,2आउर अखमीरी रोटी, आउर तेल से सानल मैदा के अखमीरी फुलका, आउर तेल से चुपड़ल अखमीरी पपड़ियन भी लेतन। ई सभे गेहूँ के मैदा के बनावे ला हे।3एकरा एगो टोकरी में रख के ऊ टोकरी के ऊ बछड़ा आउर ऊ दूनो मेढ़वन के साथे नजदीक लावे ला हे।4फिरू हारून आउर उनकर बेटवन के मिलापवाला तम्बू के दुआर के नजदीक ले आके जल से नहावऽ।5तब ऊ कपड़वन के लेके हारून के अंगोछा आउर एपोद के बागा पहनावऽ आउर एपोद आउर सीनाबंद बाँधिहऽ आउर एपोद के काढ़ल पटुका भी बाँधिहऽ।6आउर ओकर माथा पर पगड़ी रखिहऽ, आउर पगड़ी पर पवित्र मुकुट के रखिहऽ।7तब अभिषेक के तेल लेके उनकर माथा पर डाल के उनकर अभिषेक करिहऽ। 8फिरू उनकर बेटवन के नजदीक ले आके ओकरा अंगोछा पहनईहऽ।9आउर ओकर मतलब कि हारून आउर उनकर बेटवन के कमर बाँधिहऽ आउर उनकर ओकर माथा पर टोपी रखिहऽ। जेकरा से पुरोहित के पद पर हमेशा ओकर हक रहत। ई तरह हारून आउर ओकर बेटवन के संस्कार करिहऽ। 10तब बछड़ा के मिलापवाला तम्बू के सामने नजदीक ले आवऽ। आउर हारून आउर ओकर बेटवन बछड़ा के माथा पर अपन अपन हाथ रखतन।11पवित्र तम्बू के हेले वाला दुआरी के बाहरे यहोवा के सामने ऊ बछड़ा के गला काट के बलिदान करऽ, आउर लहू के कटोरवा में भर लिहऽ।12आउर बछड़ा के लहू में से कुछ ले अपन अँगुली से वेदी के सिंगवन पर लगईहऽ आउर बाकि बचल लहू के वेदी के भीर डाल दिहऽ,13आउर जौन चर्बी से अँतड़ियन झंपल रहऽ हे आउर जे झिल्ली कलेजा के उपरे होवऽ हे, ओकरा आउर दूनो गुर्दावन के ओकर ऊपर के चर्बी साथे ले सभे वेदी पर जला दऽ।14बाकि बछड़ा के माँस, आउर खाल, आउर गोबर, छावनी से बाहरे आग में जला दिहऽ काहेकि ई पापबलि होत।15फिरू एगो मेढ़ा लिहऽ, आउर हारून आउर ओकर बेटा ओकर माथा पर अपन-अपन हाथ रखतन,16तब ऊ मेढ़ा के बलि करऽ, आउर ओकर खून ले वेदी पर चारो तरप छिड़कावऽ।17आउर ऊ मेढ़ा के टुकड़ा-टुकड़ा काट के आउर ओकर अँतड़ियन आउर गोड़वन के धोके ओकर टुकड़वन आउर माथा के उपरे रखिहऽ।18वेदी पर फिन मेढ़ा के पूरा तरह से जला दिहऽ। हे यहोवा, ऊ हमनी लागी होमबलि ठहरत, आउर आग के सुगन्ध हमरा खुश करत।19फिरू दूसरका मेढ़वा के ले; जखनी हारून आउर बेटवन ओकर माथा पर अपन-अपन हाथ रखतन।20तब ऊ मेढ़वन के बलि करिहऽ; आउर ओकर खून में से थोड़ा लेके हारून आउर ओकर बेटवन के दाहिना कान के उपरे आउर ओकर दाहिना हाथ आउर दाहिना गोड़ के अंगूठवन पर लगईहऽ, आउर खून के वेदी पर चारो तरप छिड़क देवे ला हे।21फिरू वेदी पर के खून, आउर अभिषेक के तेल, ई दूनो में से थोड़ा-थोड़ा ले हारून आउर ओकर कपड़ा पर भी छीटे ला हे; तब ऊ अपन कपड़वन के साथे आउर ओकर बेटवन भी अपन-अपन कपड़ा साथे पवित्र हो जायेत।22तब मेढ़ा के संस्कार वाला जान के ओकरा में से चर्बी आउर मेढ़ा के पूँछ के, आउर जौन चर्बी के अँतड़ियन से झाँकल रहऽ हे ओकरा, आउर कलेजवन पर के झिल्ली के, आउर चर्बी साथे दूनो गुर्दावन के, आउर दाहिना पुठ्ठवन के लावे के हे।23आउर अखमीरी रोटी के टोकरी जे यहोवा के आगे धरल रहत ओकरा में से भी एगो रोटी, आउर तेल से सानल मैदा के एगो फुलका, आउर एगो पपड़ी लेके,24ऊ ई सभे के हारून आउर ओकर बेटवन हाथवन में रख के हिलावल जायला के भेंट ठहरा के यहोवा के आगे हिलावल जायेत।25तब ऊ चीजवन के ओकर हाथ से ले होमबलि के वेदी पर जला देवे ला हे, जेकरा से ऊ यहोवा के नजदीक सुखदायक सुगन्ध ठहरत; ऊ तऽ यहोवा ला हवन होत26फिरू हारून के संस्कार के जे मेढ़ा होत ओकर छाती के ले हिलावे के भेंट ला यहोवा के आगे ही लावल जायत; आउर ऊ तोर अंश ठहरत।27आउर हारून आउर ओकर बेटवन के संस्कार के जे मेढ़ा होत, ओकरा में से हीलावे जाय वाला भेंट छाती के जौन हिलावल जायेत, आउर उठावल जायेवाला भेंट वाला पुठ्ठा जे उठावल जायेत, ई दूनो के पवित्र ठहरावल जायेत।28ई विधि हारून आउर उनकर बेटवन के हमेसा लागी हिस्सा ठहरत। ई इस्राएलीयन के तरफ से यहोवा के उनकर मेलबलि में से भेंट होत।29हारून के मौत के बाद, जौन पवित्र कपड़ा होत ऊ ओकर बाद ओकर बेटवन-पोतवन आउर के मिलते रहत, जेकरा से ओखनियो के पहने ला ओकरा अभिषेक संस्कार करल जायेत।30ओकर बेटवन के जे आकार जगह पर पुरोहित होत, ऊ जखनी पवित्र जगह में सेवा टहल करे ला मिलापवाला तम्बू में पहिलही अईतन, तब ऊ कपड़ा के सातो दिनों तक पहिनले रहत।31फिरू पुरोहित के संस्कार के जे मेढ़ा होत ओकरा ले ओकर माँस कोई पवित्र जगह में पकावऽ;32तब हारून अपन बेटवन साथे ऊ मेढ़ा के माँस आउर टोकरी के रोटी, दूनो के मिलापवाला तम्बू के दुआरी पर खायेत33जे चीजवन से ओकर संस्कार आउर ओकरा पवित्र करे ला पछतावा करल जायेत ओकरा तऽ ऊ खायेत, पर बाहरी वंश-कुल के कोई होत तऽ ओकर ऊ नऽ खायेत, काहेकि ऊ पवित्र होवऽ हे।34जदि संस्कार वालन माँस चाहे रोटी में से कुछ-कुछ होत तऽ भोर तक बचल रहत, तऽ ऊ बचलका के आग में जला देवे के हे, ऊ खायल नऽ जायेत; काहेकि ऊ पवित्र होवऽ हे।35हम तोरा जौन-जौन आज्ञा देली हे, ऊ सभे के जईसन तूँ हारून आउर ओकर बेटवन के करे ला हे, आउर सातो दिनों तक ओकरा संस्कार करते रहे ला हे,36माने कि पापबलि के एगो बछड़ा पछतावा ला रोजदिन चढ़ावे ला हे। आउर वेदी के भी पछतावा करे के समय शुद्ध करे ला हे, आउर ओकरा पवित्र करे ला ओकरा अभिषेक करे ला हे।37सातो दिनों तक वेदी ला पछतावा करे ला ओकरा पवित्र करे ला हे, आउर वेदी परमपवित्र ठहरत; आउर जे कुछ ओकरा से छुआ जायेत ऊ भी पवित्र हो जायेत38जे तोरा वेदी पर रोज चढ़ावे ला होत ऊ ई हे, माने कि रोजदिन एगो-एगो साल के दूगो भेड़ी के बच्चा।39एगो भेड़ के बच्चा के भोर के समय, आउर दूसरका भेड़ के बच्चा के साँझ के समय चढ़ावे ला हे।40आउर एगो भेड़ के बच्चा के साथे एक लीटर जैतून के तेल से सानल दू लीटर बारीक पिसल गेहूँ के आटा, आउर पीये वाला भेंट के रूप में एक लीटर दाखमधु चढ़ईहऽ। 41दूसरका भेंड़वा के बच्चा के साँझ के समय चढ़ावे ला होत, आउर ओकरा साथे भोर के रिवाज के अनुसार अन्नबलि आउर अर्घ दूनो देवे ला हे, जेकरा से ऊ सुखदायक सुगन्ध आउर यहोवा ला हवन होत।42तूँ आउर तोर पीढ़ी दर पीढ़ी में यहोवा के आगे मिलापवाला तम्बू के दुआर पर रोजदिन अईसहीं होमबलि करल जायेत; ई ऊ जगह हे जेकरा हम तोहनी से येहिगुने मिलल करम कि तोहनी से बात करम।43हम इस्राएलियन से अईसहीं मिलल करम, आउर ऊ तम्बू हमर ज्योति से पवित्र करल जायेत।44हम मिलापवाला तम्बू आउर वेदी के पवित्र करम, आउर हारून आउर ओकर बेटवन के भी पवित्र करम कि ऊ हमरा ला याजक के काम करतन।45आउर हम इस्राएलियन के बीच रहम, आउर ओकर परमेश्वर आयेम।46तब ऊ जानऽ लेतन कि हम यहोवा परमेश्वर उनकर ही, जे ओकरा मिस्र देशवा से येहिगुने निकाल के लईली हे, कि ओकरा साथे निवास करम, हमहीं उनकर परमेश्वर यहोवा ही।
Bridge Connectivity Solutions Pvt. Ltd.