Deuteronomy21
1मूसा इस्राएली से कहलन, जदि ऊ देश में जे तोर परमेश्वर यहोवा तोरा अधिकार में देलन हे कोई मरल लाश खेत में पड़ल मिले, आउर पता न चले कि एकरा पर कौन हमला कईलक हे;2तब तोर पुरनिया आउर न्यायी निकस जइतन, आउर मारल गेल लाश हे ओकर चारो दने के नगर के नापतन।3तब ऊ लाश के नगीच नगर के पुरनिया झुण्ड में से एगो अईसन बछिया ले लेतन, जेकरा से कहियो काम नऽ करावल गेल हे, आउर जेकरा पर जूआ नऽ रखल गेल हे।4तब ऊ नगर के पुरनिया ऊ बछिया के बहते जल के अईसन तराई में ले जईहऽ, जे नऽ तऽ जोतल गेल हे आउर नऽ रोपल गेल हे, आउर ओही तराई में ऊ बछिया के गरदन तोड़ दिहऽ।5लेवी के वंसज याजक के आगे आवे के चाही, काहेकि तोर परमेश्वर यहोवा उनका अपन सेवा करतन आउर यहोवा के नाम पर आशीर्वाद देतन आउर विवाद आउर हमला के हरेक मामला के फैसला उनकरे बात से करे लागी चुनलन हे।6आउर ऊ नगर के सभे पुरनिया, जौन मारल गेल आदमी से भीर में होवे, ऊ बछिया के उपरे अपन-अपन हाथ धोतन, जेकर गरदन घाटी में तोड़ल गेल हे;7आउर ऊ मुकदमा के जबाब दे के कहतन, 'ई खून हमर हाथ नऽ कईलक, आउर नऽ हमर आँख एकरा देखलक हे।8हे यहोवा, अपन छुड़ावल प्रजा इस्राएल के, जेकरा तूँ छुड़ा लेलऽ हे, माफ कर दिहऽ, आउर अपन प्रजा इस्राएल के बेकसूर के खून के दोष नऽ देतन। तब ओकर खून माफ कईल जाइ।9ई रीति से तूँ जौन काम यहोवा के नजर में ठीक हे ऊ कर के बेकसूर के खून के अपन बीच में से दूर करिहऽ।10मूसा इस्राएली से कहलन, जब तूँ अपन दुश्मन से लड़े ला निकसिहऽ, आउर तोर परमेश्वर यहोवा तोरा विजय देतन, आउर तूँ ओखनी के बन्दी बना के ले जईहऽ,11आउर जदि तूँ बन्दियन के बीच में से कोई सुन्दर औरत देखिहऽ, आउर ओकरा पर मोह जईहऽ, आउर ओकरा से बियाह करे ला चाहिहऽ,12तब तूँ ओकरा अपन घर में ले अईहऽ; ऊ अपन माथा मुड़वा लेत आउर अपन नोंह कटा लेत।13तब ऊ कपड़ा के उतार देत जे ऊ गुलामी घड़ी पहेनले हल, आउर तोर घर में रह के पूरा एक महीना तक अपन माय आउर बाप लागी विलाप करते रहत। एकर बाद तूँ ओकरा साथे सूत सकलऽ हे आउर ओकर मरदाना बन सकलऽ हे आउर ऊ तोर मेहरारू होत।14बाकि जदि तूँ ओकरा से खुश नऽ हऽ, तऽ जहाँ ऊ चाहऽ हे ओकरा जाय दिहऽ। बाकि तूँ ओकरा धन लागी एकदम नऽ बेचिहऽ, आउर नऽ ओकरा साथे दासी के जईसन वर्ताव करिहऽ, काहेकि तूँ ओकर इज्जत लेलऽ हे।15मूसा इस्राएली से कहलन, जदि कोई आदमी के दुगो मेहरारू हे, आउर एगो से प्रेम आउर दूसरकी से दुश्मनी रखऽ हे, आउर ऊ दुन्नो से बाल-बच्चा होवऽ हे, मतलब कि प्यारी मेहरारू से भी, आउर बे-प्यारी मेहरारू से भी, जदि पहिलौठा बेटा ओकरा से हे जेकरा से ऊ दुश्मनी करऽ हे,16तऽ जौन दिन ऊ आदमी अपन दौलत के अधिकारी अपन बेटा के बनईतन, ऊ दिन ऊ अप्रिय मेहरारू के बेटा के, प्रिय मेहरारू के बेटा से पहिले पहिलौठा नऽ बनईतन, मतलब कि ऊ बेटा जौन सच में पहिलौठा हे।17बाकि ऊ अपन पहिलौठा, मतलब कि बे-प्यारी मेहरारू के बेटा के, अपन समुचे सम्पति में से दुगना भाग दे के ओकर सम्मान करतन; काहेकि ऊ बेटा ओकर ताकत के शुरुआत हे; पहिलौठा के अधिकार ओकरे हे।18जदि कोई के बेटा हठीला आउर बगावती हे, जौन अपन बाप चाहे अपन माय के बात नऽ मान हे, आउर उनका समझावे पर भी उनकर नऽ मान हे;19तऽ ओकर माय-बाप ओकरा पकड़ के अपन नगर के पुरनिया भीर आउर नगर के फाटक भीर ले जइतन। 20आउर ऊ अपन नगर के पुरनियन से कहतन, कि हमर ई बेटा हठीला हे आउर बगावती हे; ऊ हमर बात नऽ मान हे; ऊ पेटू आउर पियक्कड़ हे।21तब ओकरा नगर के सभे आदमी ओकरा पत्थरवाह कर के मार देतन; आउर तूँ अपन बीच में से बुराई के दूर करवऽ। समुचे इस्राएल ई सुनतन आउर डरतन।22मूसा इस्राएली से कहलन, जदि कोई आदमी प्राणदंड के लायक पाप कईलक हे, तऽ ओकरा मार देवल जाय, आउर तूँ ओकरा काठ पर लटका दिहऽ,23तब ओकर लोथ रात भर पेड़ पर लटकल नऽ रहे। एकर बदले, तोरा ओकरा ओही दिन दफना देवे के चाही; काहेकि जे कोई के फांसी पर चढ़ावल जा हे, ऊ परमेश्वर दने से शापित होवऽ हे। ई आज्ञा के पालन करऽ, अईसन नऽ होवे कि जौन देश तोर परमेश्वर यहोवा तोरा निज भाग कर के दे रहलन हे, ओकरा तूँ अशुद्ध नऽ करिहऽ।
Bridge Connectivity Solutions Pvt. Ltd.