Deuteronomy20
1इस्राएली मूसा से कहलन, जब तूँ अपन दुश्मन से लड़ाई करे ला निकलिहऽ, आउर घोड़ा, रथ, आउर अपना से जादे गिनती वाला सेना देखिहऽ, तब ओखनी से नऽ डरिहऽ; काहेकि तोर परमेश्वर यहोवा, जे तोरा मिस्र देश से निकास लईलन हे, तोरा साथे हथिन।2जब तूँ लड़ाई में जाइ वाला रहवऽ, तब याजक सेना भीर आके लोगवन से बात करतन। 3उनका ओखनी से कहे के चाही, हे इस्राएल, सुनऽ, तूँ अपन दुश्मन से लड़ाय करे जा रहलऽ हे। अपन दिल के कमजोर मत होवे दिहऽ। डरऽ चाहे थरथरा मत।4काहेकि तोर परमेश्वर यहोवा तोर दुश्मन से लड़े आउर तोरा छुड़ावे ला तोर साथे चले वाला हथिन।5सरदार लोग से बात कर के कहलन, कि कौन आदमी हे जौन नया घर बनईलन हे आउर ओकर समर्पण नऽ कईलन हे? ऊ जा के अपन घर लौट जा, कहीं अईसन नऽ होवे कि ऊ लड़ाई में मर जाइ आउर कोई दूसरा आदमी ओकर समर्पण कर देवे।6का कोई अईसन आदमी हे जे दाख के बारी लगईलन हे आउर ओकर फल नऽ खईलन हे? ओकरा घरे जाय दऽ, जेकरा से ऊ लड़ाय में नऽ मरे आउर ओकर फल दूसरा कोई नऽ खाय। 7अईसन कौन आदमी हे, जे कोई औरत से बियाह करे में लगल हे, बाकि अभी तक ऊ बियाह नऽ कईलन हे? ओकरा घरे जाय दिहऽ, अईसन नऽ होवे कि ऊ लड़ाय में मर जाय आउर कोई दोसरा आदमी ओकरा से बियाह कर लेवे। 8आउर सरदार लोग से आगे बढ़तन, आउर कहतन, कौन आदमी हे जौन डरपोक चाहे कमजोर दिल के हे? ऊ अपन घरे लौट जाय, अईसन नऽ होवे कि ओकर संगी सैनिक के दिल ओकर दिल के जईसन पसीझ जाय।9जब सरदार लोग से बात कर चुकतन, तब उनका अपना पर सेनापति नियुक्त करे के चाही।10जब तूँ कोई नगर पर चढ़ाई करे ला चढ़िहऽ, तऽ ओखनी के मेल-मिलाप करे के समाचार दिहऽ।11जदि ऊ शहर के लोग तोर बात शांति से मानतन, आउर अपन फाटक तोरा ला खोल देतन, तऽ जेतना लोग ओकरा में हे ऊ सभे तोरा ला दास होके तोर सेवा करे वाला ठहरतन।12बाकि जदि ऊ तोरा से मेल-मिलाप नऽ करतन, बाकि तोरा से लड़ाई करतन, तऽ ओकरा घेर लिहऽ;13आउर जब तोर परमेश्वर यहोवा तोरा जीत देतन, आउर ओकरा तोर वश में कर देतन, तब तूँ ऊ नगर के सभे आदमियन के मार दिहऽ।14बाकि औरतियन, आउर लईकमन, आउर गाय-बैल, आउर जे कुछ नगर में हे, आउर ओकर समूचे लूट के तूँ अपना ला रख लऽ। तूँ अपन दुश्मन के लूट के खा जईहऽ, जेकरा तोर परमेश्वर यहोवा तोरा देलन हे।15तोरा ऊ सभे नगर के परति अईसन वर्ताव करे के चाही जौन तोरा से बड़ी दूर हे, मतलब कि अईसन नगर जे ई सभे जतियन के नगर नऽ हे।16ऊ सभे जाति के नगर में जेकरा तोर परमेश्वर यहोवा तोरा निज हिस्सा कर के देलन हे, ओकरा में से कोई प्राणी के जिन्दा नऽ छोड़िहऽ।17बाकि तोरा हित्ती, एमोरी, कनानी, परिज्जी, हिब्बी, आउर यबूसी एखनी के नाश कर दिहऽ, जईसे तोर परमेश्वर यहोवा तोरा आज्ञा देलन हे।18अईसन करिहऽ कि ओखनी तोहनी के अपन देउतवन के जईसन घिनामन काम करे ला नऽ सिखइतन। जदि तूँ अईसन करवऽ, तऽ तूँ अपन परमेश्वर यहोवा के खिलाफ पाप करवऽ।19जब तूँ कोई नगर के बड़ी दिन तक घेराबंदी करले रहवऽ, आउर ओकरा पर अधिकार करे लागी ओकरा से लड़ाई करवऽ, तऽ ओखनी के पेड़वन पर कुल्हाड़ी चला के ओकरा नाश नऽ करिहऽ। काहेकि तूँ ओकरा में से खा सकलऽ हे, येहिसे तोरा ओकरा काटे के नऽ चाही। का मैदान के पेड़ में से कोई आदमी हे, जेकरा तूँ घेर लेवऽ?20बाकि जौन पेड़ तूँ जानऽ हऽ, कि ऊ फलदार के पेड़ नऽ हे, ओकरा तूँ काट दिहऽ; जौन नगर तोरा से लड़ाई करऽ हे, ओकरा तहिया तक घेरा डालले रहिहऽ, जहिया तक ऊ नाश नऽ हो जाइ।
Bridge Connectivity Solutions Pvt. Ltd.