2 Corinthians6
1परमेश्वर के जौरे सेवा करे वाला के रूप में, हम तोरा निवेदन करऽ ही कि जे कुछ परमेश्वर अनुग्रहकारी होके तोहनी लागी करलन हे, ओकरा पूरा रीति से ग्रहण करऽ, ताकि जे रीति से तूँ जिनगी बितावऽ हऽ ओकरा बेकार नऽ होवे दऽ।2तोरा अईसन येहिगुने करे के चाही काहेकि पवित्रशास्त्र में परमेश्वर कहऽ हथन:“जब हम एकरा सही समय मानली, तऽ हम तोर सुन के काम करली।सच में, जब हम लोगवन के उद्धार कर रहली हल, तब हमहीं तोर मदत करली हल!”अखनी ऊ समय हे, जेकरा परमेश्वर सभे से अच्छा समय मानऽ हथन! सच में, अखनी ऊ समय हे जेकरा में परमेश्वर लोगवन के बचा रहलन हे! 3हम अईसन कुछ भी करे से बचऽ ही जेकरा से दोसरा कोई के ठेस नऽ पहुँचे। ओही रीति से, कोई भी ई बात के शिकायत नऽ कर सकल हे, कि हम परमेश्वर के सेवा कईसे कर रहली हे।4जबकि परमेश्वर के सेवक के समान हम ई बात के साबित करऽ ही कि हम हर तरह से भरोसेमंद ही। जखनी लोग हमरा चोट पहुँचावऽ हथन आउर सतावऽ हथन, तऽ हम हमेशा मजबूत बनल रहऽ ही।5जखनी लोगवन हमरा पर हमला करऽ हथन आउर हमरा जेल में डाल दे हथन, आउर भीड़ के हमर खिलाफ भड़कावऽ हथन, तऽ हम मजबूत बनल रहऽ ही। जब हम कड़ा मेहनत कर के सूत नऽ पावऽ ही, आउर उपवास रहऽ ही, तबहियो हम मजबूत बनल रहऽ ही।6शुद्धता में, ज्ञान में, धैर्य में, दयालुता में, पवित्र आत्मा में, निष्कपट प्रेम में,7जे बात सच हे हम ओकरे प्रचार करऽ ही, आउर परमेश्वर हमनी के सामर्थी होके काम करे के लायक बनावऽ हथन। हम अईसन धर्मी ही, जे एक हाथ में तलवार आउर दोसरा हाथ में ढाल आउर हथियार के जईसन ही।8कुछ लोग हमर इज्जत करऽ हथन, आउर दोसरा लोग हमरा लज्जित करऽ हे। कुछ लोग हमरा बारे में गलत बात बोलऽ हे, आउर दोसर लोग हमर बारे में बढ़ियाँ बात बोल रहली हे। कुछ लोग सोचऽ हथन कि हम झूठ बोलऽ ही, बाकि सच में जे सच हे हम ओही बोलऽ ही।9कुछ लोग सोचऽ हथन कि हमरा कोई नऽ पछानऽ हथन, बाकि सचमुच में, परमेश्वर तऽ हमरा पछानऽ हथन। कुछ लोग सोचऽ हथन कि हम मर गेली हे बाकि सचमुच में, हम जिन्दा ही! कुछ लोग सोचऽ हथन कि परमेश्वर हमरा सजा दे रहलन हे, बाकि सच में, ऊ ई फईसला नऽ लेलन हे कि हम मर जायेम। 10कुछ लोग सोचऽ हथन कि हम दुःखी रहऽ ही, बाकि सचमुच में, हम हमेशा खुश रहऽ ही। कुछ लोग सोच हथन कि हम जरुरत से घेरायेल ही, बाकि सचमुच में, हम बड़ी मनी लोग के ऊ पावे में सहायता करऽ ही जे सच में बेसकीमती हे। कुछ लोगवन सोच हथन कि हमरा भीर कुछ नऽ हे, बाकि सचमुच में, हमरा भीर सबकुछ हे।11हे कुरिन्थुस नगर में रहे वालन प्रिय विश्वासी भईवन, जे बात सच हे ऊ हम तोहनी के बता देली हे, आउर हमर मन में तोरा लागी बड़ी चिंता रहऽ हे।12तोरा पर हमरा दने से रोक नऽ हे, बाकि तोर प्रेम के चलते तोरा पर रोक हे;13अखनी हम तोरा से अईसे बात करम कि मानऽ तूँ बच्चवन के जईसन आसान तरीका से विचार करऽ हऽ काहेकि हम तोहनी के फिकिर करऽ ही, येहिगुने ई खाली तब सही होत जब बदला में तोहूँ हमरा ला फिकिर करवऽ।14अविश्वासियन लोगवन में आसमान रूप से शामिल नऽ होईहऽ जे मसीह पर विश्वास नऽ करऽ हे। हम अईसन येहिगुने कहऽ ही काहेकि जे बात सही हे आउर जे बात गलत हे, ओकरा हे ओकरा में कुछ भी एक जईसन नऽ होवऽ हे। एकर अलावे, जे धार्मिक बात हे ओकर अधर्म के साथे कुछ साझा नऽ होत हे।15मसीह कोई बात के बारे में दुष्ट बलियाल से राजी नऽ होत। एकर अलावे, जे लोग मसीह पर विश्वास करऽ हथन, ऊ मसीह पर अविश्वाश करे वाला लोगवन में शामिल नऽ होवऽ होतन। 16परमेश्वर के मन्दिर मूर्ति के जौरे मेल नऽ खा हे। सच में, ई अईसन हे कि मानऽ हमनी विश्वास करे वाला लोग ही एगो जिन्दा परमेश्वर के मन्दिर ही। हम परमेश्वर के भवन ही अईसन तूँ येहिसे कह सकलऽ हे काहेकि परमेश्वर पवित्रशास्त्र में ई वचन कहलन हे:“हम अपन लोगवन के साथे रहम।सच में, हम ओखनी के नऽ छोड़म।ओखनी हमरा अपन परमेश्वर मानतनआउर हम ओखनी के अपन लोग मानम।” 17
येहिगुने फिन हमनी के भी ओही करे के चाही जे प्रभु परमेश्वर पवित्रशास्त्र में कहऽ हथन “जे हमर सेवा नऽ करऽ हे ऊ लोगवन से दूर हो जा।ई बात के तय करऽ कि तूँ ओखनी के तुलना में अलग हऽ।सभे ऊ चीज से दूर रहऽ जे तोहनी के अशुद्ध करऽ हे।”ऊ कहऽ हथन “तऽ, हम खुश होके के तोहनी अपन ले।” 18एकरा से आगे, सभे बात पर राज करे वाला पिता परमेश्वर कहऽ हथन,“हम तोहनी के पिता ठहरम तोहनीतोहनी हमर बेटवन आउर बेटियन ठहरवऽ; ई सर्वशक्तिमान प्रभु परमेश्वर के वचन हे।”
येहिगुने फिन हमनी के भी ओही करे के चाही जे प्रभु परमेश्वर पवित्रशास्त्र में कहऽ हथन “जे हमर सेवा नऽ करऽ हे ऊ लोगवन से दूर हो जा।ई बात के तय करऽ कि तूँ ओखनी के तुलना में अलग हऽ।सभे ऊ चीज से दूर रहऽ जे तोहनी के अशुद्ध करऽ हे।”ऊ कहऽ हथन “तऽ, हम खुश होके के तोहनी अपन ले।” 18एकरा से आगे, सभे बात पर राज करे वाला पिता परमेश्वर कहऽ हथन,“हम तोहनी के पिता ठहरम तोहनीतोहनी हमर बेटवन आउर बेटियन ठहरवऽ; ई सर्वशक्तिमान प्रभु परमेश्वर के वचन हे।”
Bridge Connectivity Solutions Pvt. Ltd.