1 Corinthians5
1हमरा पता चलल हे कि तूँ सच में अपन झुण्ड के लोगवन के व्यभिचार सम्बन्ध बनावे के अनुमति दे रहलऽ हे। ईहाँ तक कि जे लोग परमेश्वर के आराधना नऽ करऽ हथन, अन्यजाति भी ऊ कुछ बात के अनुमति नऽ देतन जेकरा तोहनी अनुमति देलऽ हऽ। सभे बुरा बात जे हमरा पता चलल ऊ ई हे कि जे सच्चा परमेश्वर के आराधना नऽ कर हथन आउर तोहनी के झुण्ड के एगो आदमी अपन सौतेली माय के जौरे सम्बन्ध बना रहल हे। 2एकर बावजूद ऊ पाप पर पछताय करे के बजाय तूँ अखनियो अपन बारे में बड़का-बड़का बात बोलऽ हऽ। ई यौनाचार के पाप के करे वाला आदमी के निकास देवे के लक्ष्य के तय कर के तोरा विलाप करे चाहऽ हल।3ईहाँ तक कि हम भी, जे देह में अनुपस्थित होके, बाकि आत्मा में मौजूद होके, अईसन काम करे वाला पर, मानऽ मौजूद होके, न्याय कर देली हे।4जखनी तोहनी जमा होवऽ हऽ, आउर हम तोहनी के बारे में विचार करऽ ही, तऽ हम अपन प्रभु यीशु मसीह के प्रतिनिधित्व करऽ ही। जखनी तूँ आउर हमर आत्मा ई रीति से जमा होवऽ हऽ, तऽ तोहनी के ई आदमी के सजा देवे के चाही जईसन करे ला हमनी के प्रभु यीशु मसीह के नाम तोहनी के शक्ति देलन हे।5तोहनी के ऊ आदमी के देह के निकास देवे के चाही ताकि शैतान ओकरा पर शासन करे। ऊ ओकर पापी अंग के खतम कर देत, आउर आत्मा के जखनी प्रभु लौटतन तऽ परमेश्वर ओकरा बचईतन।6अपन बारे में बड़का-बड़का बात कहना सही काम नऽ हे। सचमुच में तूँ जानऽ हऽ कि बुरा काम करे वाला एगो आदमी खमीरी आटा के जईसन होवऽ हे। तनिसा खमीरी आटा सभे सानल आटा के खमीर कर दे हे, आउर एगो अादमी बुरा काम करे से सभे कलीसिया के दोषी बना दे हे।7जईसे यहूदी फसह के परव के दौरान अपन घरवन से खमीर निकास दे हथन, ओही तरह से जे कोई बुरा काम करऽ हे, ओकरा अपन झुण्ड से निकास देवे के चाही। तऽ, तोहनी पाप से अईसन आजाद हो जईवऽ, जईसे ताजा, अखमीरी आटा खमीर से आजाद हे। सचमुच में, तोहनी अईसन समय में रह रहलऽ हे जे फसह परव के जईसन हे। अईसन येहिगुने हे काहेकि मसीह तोहनी लागी ठीक ओईसहीं मर गेलन, जईसे ऊ मेम्ना जेकरा यहूदी लोग फसह के परव के दौरान बलिदान चढ़ावऽ हथन, ई देखावऽ हे कि परमेश्वर ओखनी के कईसे बचईलन।8काहेकि मसीह हमनी लागी मरलन येहिगुने, आवऽ हम अईसन व्यवहार करम कि मानऽ हम फसह के परव में भाग ले रहली हे आउर पुरनका खमीर हटा दऽ। हमनी के ऊ खमीर से छुटकारा पावे ला हे, जेकर मतलब हे बुराई आउर गलत काम करे ला। बजाय एकर, हमनी के बिना खमीरी रोटी खाय के हे, जेकर मतलब हे सच्चाई आउर विश्वासयोग्य काम करे ला।9पिछला चिट्ठी में जे हम तोहनी के एकरा से पहिले भेजली हल हम तोरा से कहली हल कि अईसन आदमी के जौरे संगति नऽ करिहऽ जे यौनाचार में गलत तरीका से व्यवहार करऽ हथन।10हमर कहे के मतलब ई नऽ हे कि पूरा तौर से अईसन अविश्वासी लोगवन के जौरे संगति करे लागी छोड़ देवे के चाही जे जरुरत से जादे के चाहऽ करऽ हथन चाहे जे दोसरा के धोखा दे हथन, चाहे अईसन लोगवन के जौरे जे झूठा देऊतवन के उपासना करऽ हथन। अईसन लोगवन से बचे लागी तऽ तोरा पूरा संसार से दूर जाय पड़त ई ऊ बात नऽ हे जे हम तोरा करे के आज्ञा देली हे।11अखनी ई चिट्ठी में, हम तोरा बता रहली हे कि कोई भी अईसन आदमी के जौरे संगति नऽ रखिहऽ जेकरा तोहनी एगो साथी विश्वासी कहऽ हऽ आउर जे पापी व्यवहार कर रहलन हे। एकरा में गलत यौन सम्बन्ध बनावे ला, एगो से जादे जरुरत के इच्छा करे ला, दोसरा देऊतवन के उपासना करे ला, दोसरा के बात में गाली देवे ला, नशा में रहे ला आउर दोसरा के धोखा देवे ला शामिल हे। अईसन आदमी के जौरे तऽ खाना भी नऽ खईहऽ जे ई कामवन में से कुछो करऽ हे।12हम चाहऽ ही कि तूँ खाली साथी विश्वासियन के जौरे ई तरीका से व्यवहार करऽ काहेकि तोरा आउर हमरा ई न्याय करे के जरुरत नऽ हे कि कोई अादमी जे हमनी के झुण्ड के भाग नऽ हे, ऊ कसूरवार रहे चाहे बेकसूर। येहिगुने, तोरा ई तय करे पर धियान देवे के जरुरत हे कि जे तोर झुण्ड के भाग हथन ऊ कसूरवार हथन कि चाहे फिनो बेकसूर।13ऊ आदमियन के बारे में फिकिर नऽ करिहऽ जे तोर झुण्ड के भाग नऽ हथन काहेकि ऊ परमेश्वर ही हथन जे न्याय करऽ हथन कि ऊ कसूरवार हथन कि बेकसूर हथन। तोरा ऊ आदमियन पर धियान देवे के हे जे तोर झुण्ड के भाग हथन काहेकि पवित्रशास्त्र कहऽ हे “तोरा अईसन कोई बुरा अादमी से छुटकारा पावे ला हे जे तोहनी के झुण्ड के भाग हथन!”
Bridge Connectivity Solutions Pvt. Ltd.