Efazə3
1Əmə, Palɔ, mə sə tə əyïkânga nə̂ Jezu Kristə mbrə e də̂ azü ə̂në e sə sə tə Ajuwufu ne kɔ.2E djî ndə əpʉ kosəra ə̂në Ndjapä nə zâ kə əmə, lə ə̂rɔ̂tə̂ ye, mbrə e kɔ ngâ gâ ye.3Ndjapä nə vrû ala əmə gâ ye ndə kə pa mə wusə̂ ərə ə̂në tshə gâmba gâ ye lə kəwû nə ndə kə mbrə nə kɔ, mata ə̂në mə tâ əpʉ nə teashe gâ lə fraka səye gâ ye kɔ.4Kədə e sə kə dɨ əpʉ nə lə fraka nə, e sə kə wusə̂ äwä ə̂në mə wusə̂ əpʉ gâ pâ əpʉ nə̂ Kristə nə nɔ̂ ə̂në ə sə pə lə kəwû nə kɔ.5Əpʉ səkɔ ə̂në ə sə pə lə kəwû nə kɔ, ətshinə, Ndjapä tê tê pa ə yisə̂ nə kə azü mata ə̂në, kpəsəye, tshə yîsə̂ nə gashu kə azü-awla nə̂ ye də aawopandəma ye ə̂në əndje sə kpî kɔ, tə̂ äwä Âgbɔ̂ Yîrə̂ kɔ ne.6Əpʉ səkɔ kə də̂: azü ə̂në əndje sə sə tə Ajuwufu ne kɔ, əndje də Ajuwufu nə sɔtə̂ aərə lə kəna Ndjapä äwä bale, əndje də Ajuwufu nə sə tə tshekotə̂ kʉ bale â aərə ə̂në Ndjapä nə zâ ama də əpʉ nə gâ ye kɔ sə ndje mbrə əndje, lə Jezu Kristə nə tə̂ äwä Ə̂rɔ̂ Əpʉ.7Mə dô tə̂ əmə tə əyïkosəra mbrə Ə̂rɔ̂ Əpʉ nə, Lïndə̂ âkrâ nə̂ Ndjapä nə ə̂në tshə mbrə̂ kə əmə, lə ə̂rɔ̂tə̂ ye, tə̂ äwä awlra nə̂ ye kɔ.8Əmə, ə̂në mə sə tə əngʉ əzü lə takpa tə̂ azü nə̂ Kristə nɔ̂ kɔ , Ndjapä nə mbrə̂ ə̂rɔ̂nə kə əmə ndə kə pa mə mʉ əpʉ aə̂rɔ̂ aərə nə̂ Kristə nə ə̂në əzü lï lï ndə kə pa tshə wusə̂ âdâ nə ne kɔ kə azü ə̂në əndje sə sə tə Ajuwufu ne kɔ.9Tshə mbrə̂ ə̂rɔ̂nə kə əmə ndje ndə kə pa mə yisə̂ nə orâ gashu, kə azü nɔ̂, äwä ə̂në Ndjapä sə kə mbrə ndəma ərə səkɔ ə̂në ə sə pə lə kəwû nə kɔ. Ətshə ə̂në tshə sə tə awombrə tsheshu kɔ, tshə zâ əpʉ ərə səkɔ wû gâ ye kerə lə ye ,10ndə kə pa, kpəsəye, mbrə Laglizə, əndje ə̂në əndje sə də awlra də əndje ə̂në əndje sə kə za ama mâ lafɔ kɔ, əndje wusə̂ äwä kə wusə̂ âdâ aərə nə̂ Ndjapä nə lə âkâ aäwä nɔ̂,11ə lï də ərə ə̂në tshə gâmba kerə gâ ye ndə kə mbrə nə kɔ. Ərə sə̂ ə̂në tshə gâmba gâ ye kɔ, tshə mbrə̂ ndəma nə lə Âgbɔ̂ Əyïngerə nə̂ əzə̂ də Jezu Kristə nə gâ ye.12Ə̂në əzə̂ sə lə Kristə nə ə zâ lɔsu əzə̂ kə ətshə gâ ye kɔ, a sə kə na ndə tshelə əzə̂ ə ka gâ ətshi Ndjapä nə də lɔsu bale.13Rəkɔ, mə pa kə e ə pa, e mɔ̈ mɔ̈ tə̂ lɔsu e lə kumu əyo ə̂në mə sə kə wu mbrə e kɔ ne; ə sə tə ərə kə da əkro e tə̂ nə.14Âdârə ə̂në mə gbəte gâ ətshi Abä də Ndjapä,15ə̂në tshə mbrə̂ â bəngʉ nɔ̂ mâ lafɔ ndje pâ ashɔ wû tsheshu kɔ,16ndə kə pa tshə gbɔgbɔ e djoko lə e tə̂ äwä awlra nə̂ Âgbɔ̂ Yîrə̂ nə̂ ye, Lïndə̂ ə̂yî ye ə̂në ə rô pâ nə gâ ye kɔ,17ndje ndə kə pa Kristə nə sə tə̂ lɔsu e tə̂ äwä ə̂në e zâ lɔsu e kə ətshə gâ ye kɔ. Mə yu ətshə ndə kə pa əshe e li ashɔ lə kə yi tə̂ e ka e ka gâ pâ nə kpirə̂,18ndə kə pa, e-e də ə̂dû azü nə̂ Ndjapä nə nɔ̂, e lï ndə kə wusə̂ äwä kə yi tə̂ nə̂ Kristə nə ə̂në ə sə kpaa, ə gû, ə gû gâ lafɔ â ə li ə li kɔ.19E sə kə wusə̂ kə yi tə̂ nə̂ ye nə ə̂në ə rô ərə nɔ̂ ə̂në azü wusə̂ nə kɔ kanika ə̂rɔ̂ ərə nə̂ Ndjapä nɔ̂ su e ə su trɔ̂.20Ndjapä nə ə̂në tshə sə də awlra ndə kə pa tshə mbrə ərə ə ro ənə̂ sə̂ nɔ̂ ə̂në a yu tshuku nə wala a sə kə li tshelə əzə̂ ndje gâ pâ nə kɔ, tə̂ äwä awlra ə̂në ə sə kə mbrə kosəra lə əzə̂ kɔ,21a mbë ətshə lə Laglizə, ndje tə̂ äwä Jezu Kristə, də ə̂ngû də ə̂ngû piii! Asərəmə.
The Seed Company