Romans5
1Kơi chêk nek, taai ơi bâân đóók bhơt liêm tââq lóóm huuiq, nôôq he ve chóóm pakala rau têêng paliêm palơq Yaang Pleng đươi Chuôq nôôq he, nek Jê-su Chuôq Paq Manưih,2hơq dhiq Yaang achêk, nôôq he tââq lóóm huuiq kung ơi ve kalơng mót kalóóng ơơn phươk liêm ađô, nek dhiq hơq nôôq he dyương mưng dhiq piing, lơq nôôq he tarhơơnh liêm ganơơm dhiq rau lóóm rââm leq cha-iil tabah ưng Yaang Pleng.3Bơơi eh mơ kơi achêk, hơq nôôq he dyơq tarhơơnh liêm kalóóng bơk bhrê hư, ơi n'nal kơi bhrê hư đââng tơk ve đuôh đơơp jruôn;4hayơq đuôh đơơp jruôn ađô nek đââng tơk lóóm karnóq bâân klôôq paliêm, hayơq lóóm karnóq bâân klôôq paliêm ađô nek đââng tơk rau rââm ganơơm.5Dyơq rau rââm ganơơm achêk yươq têêng tabil rââm, ơi taai lóóm nh'nhơr ưng Yaang Pleng ơi bâân hóói n'toh kalóóng lóóm nôôq he đươi Chuôq Yaang Liêm, Yaang ơi bâân đóng leq nôôq he.6Kung kah bhơt, xók nôôq he dyơq nek nôôq manưih kah praan kataai, nek tơk dhalam ganah, Chuôq Kriit ơi chêt klóóih đóng nôôq manưih kah huuiq.7Alua kadhaap ve ngaai e đơơp chêt klóóih đóng manưih bhơt liêm. Dhơ ve chóóm ve manưih kung khin chêt klóóih đóng manưih liêm kre.8Bơơi Yaang Pleng pakah đóng lóóm nh'nhơr ưng chênh Ađó ting kơi palơq nôôq he, ađek nek xók nôôq he dyơq nek manưih matu lơt, nek Chuôq Kriit ơi chêt klóóih đóng nôôq he.9Kơi achêk, xók ađôk, xók ơi bâân đóók bhơt liêm tââq ahaam Ađó, nek nôôq he e dyơq bâân paq lơh tââq pagrâ janah bơk lơh dyơq đươi Ađó.10Ơi la nôôq he, dhơ nek môôp lơt, ơi bâân paliêm palơq Yaang Pleng đươi rau chêt ưng Akóón Ađó, nek xók ve ơi bâân paliêm aq, nôôq he e dhaang bâân paq tââq parmông ưng Ađó bơk lơh dyơq.11Bơơi kah mơ ađek, hơq nôôq he dyơq pajơơr ađêi kalóóng Yaang Pleng tapâng dhiq Chuôq nôôq he nek Jê-su Chuôq Paq Manưih, hơq đươi Ađó, xók ađôk nôôq he ơi bâân đơơp rau paliêm lóóiq.12Ơi taai kơi ađek, kơi chapiên dhiq mưi chanak hơq matu lơt ơi mót kalóóng talaang katiêk, lơq dhiq matu lơt nek akan chêt, kơi chêk hayơq akan chêt kung trââi tơơr tơk tabhơt akóón manưih, ơi taai rau ađek hơq dyóp ngaai ơi têêng lơt.13Ơi đóng tơk klaang ưng gani, nek matu lơt biêh ve tabhral kalóóng talaang katiêk ơi, bơơi matu kah bâân xêi tơk xók kah ve gani.14Dhơ kơi ađek, akan chêt ơi jaq tơơt tââq klaang A-đaam đóng patơk klaang Môôi-se, patơk mơ dhiq nôôq manưih yươq têêng matu lơt, dhiq kiêng thê markơi palơq rau têêng lơt ưng A-đaam, hơq ađó nek dyaang a-ô ưng Yaang phaai bhral.15Dhơ kơi ađek, rau têêng lơt kah thê ơơn liêm ting đuui kơi achêk. Ơi la tââq rau têêng lơt ưng mưi chanak hơq bơk manưih ơi chêt, nek ơơn phươk liêm ưng Yaang Pleng, lơq kaliim kliim tââq ơơn phươk liêm ưng mưi chanak, hơq nek Jê-su Chuôq Paq Manưih, pakoom đóng bơk ngaai nek xưa raai dhaang bơk lơh dyơq!16Kaliim kliim achêk eh rau thê kơi tapâng dhiq mưi chanak têêng matu. Ơi dhơ rau xêi xanêi tââq mưi chanak hơq gluh, đââng tơk rau têêng janah, bơơi yuur vaaih tââq bơk rau têêng lơt, ơơn liêm malóóm tơk rau bhơt liêm.17Ơi la tââq rau têêng lơt ưng mưi chanak, hơq akan chêt ơi kadhâng akoq tapâng dhiq mưi chanak ađek, nek nôôq manưih bâân đơơp rau xưa raai ưng ơơn phươk liêm lơq ưng kaliim kliim leq rau bhơt liêm e dhaang kadhâng akoq bơk lơh dyơq kalóóng parmông đươi mưi chanak, hơq nek Jê-su Chuôq Paq Manưih.18Kơi achêk hayơq, n'đó kơi tââq mưi rau tarnêêng lơt kađââng dyóp ngaai mót rau tarnêêng janah, nek tââq mưi tarnêêng têêng bhơt liêm kung kađââng dyóp ngaai tơk rau đóók bhơt liêm ưng parmông kơi achêk.19Ơi patơk mơ n'đó kơi tââq rau kah đơơp xâng ưng mưi chanak, hơq bơk ngaai bâân xar matu lơt, nek kung tââq rau xâng bóóp ưng mưi chanak hơq bơk ngaai e bâân vaaih bhơt liêm kơi achêk.20Kơi lââng, gani ơi mót kachóóq buôn rau têêng lơt ve chóóm vaaih bơk. Bơơi n'đó dhiq matu lơt vaaih bơk, nek ơơn phươk liêm dhaang xưa raai lơh,21hơq đóng matu lơt kadhâng akoq kalóóng akan chêt n'đó kơi, nek ơơn phươk liêm kung ve chóóm kadhâng akoq tââq rau bhơt liêm nek kơi chêk buôn kađââng tơk parmông nh'chró, đươi Chuôq Paq Manưih Jê-su, Chuôq nôôq he.
FAR EAST BROADCASTING COMPANY