Hebrews10

1Taai gani — xók chapiên bâân ve m'beq a-ô ưng nôôq rau liêm kre đan tơk, eh rau dyaang achak a-ô ưng nôôq rau achêk — kah mơ ve chóóm têêng dyóp liêm ngaai nôôq tơk đan Yaang Pleng kung palơq nôôq bhanuôih adhah hơq piđó bhiêk taluôn đââng tapôông dyóp kamó.2Tââq la ve chóóm, nek eh rau nôôq bhanuôih adhah nek alua ơi kajơq bâân yuur tapôông, taai nôôq manưih bhuôih haanh kah dyơq đââng ranguôq kachiit matu lơt dyơq, xók ơi bâân kajut pasek mưi chu dyóp bhơt alua kah?3Palâh lóóiq, palơq nôôq bhanuôih achêk, ve mưi rau pahei tơk matu lơt dyóp kamó.4Taai ahaam ưng karók konh lơq beeq konh kah chóóm pei lơơi matu chóóm bil.5Taai ađek, xók dhaluônh dhiq hóng katiêk, Ađó praaq: “Chuôq kah kiêngadhah lơq bhanuôih,bơơi Ađó ơi ravang lơơi mưi achak araang đóng Akóón;6Ađó kung kah bhuui kiêngnôôq bhanuôih boh tabhơt lơq pók matu.7Xong ađek, aku nhan móón: ‘Nhan haliq lêi, Akóón bhral,ting kơi paraaq kalóóng phơn panuôl bha-aar ơi xaraq leq akóón,đóng têêng karnóq kiêng ưng Amei, kakoh Yaang Pleng.’”
8Xók Ađó praaq kơi dhiq têêh kơi ađô: “Chuôq kah kiêng bhanuôih adhah lơq bhanuôih, palơq nôôq bhuôih boh tabhơt lơq pók matu. Ađó kung kah kiêng nôôq rau achêk” (hơq piđó bâân yuur tapôông ting kơi gani),9xong ađek, Ađó praaq: “Nhan haliq lêi, Akóón bhral đóng têêng karnóq kiêng ưng Amei.” Amei tabil bhơt rau laloom tââm đóng tavaaih rau đu bơơr.10Tââq karnóq kiêng achêk, nôôq he ađô ơi bâân avaaih liêm đươi rau tapôông achak araang ưng Jê-su Chuôq Paq Manưih têêng adhah bhanuôih mưi chu dyóp aq.11Alua, ting chanak takóh kadhâng bhanuôih dyóp tangêi dyương matêêng nôôq tarnêêng gale n'tót lơq taluôn tapôông palơq nôôq adhah bhanuôih, hơq bhanuôih ađek kah mơ ve chóóm pei lơơi matu lơt ađek chóóm.12Bơơi Ađó, lơh xók ơi taai matu lơt tapôông adhah bhanuôih mưi giêl đóng tơk taluôn luôn, nek ơi tơơt dhiq hót atươm Yaang Pleng,13đương rââm tââq ganah ađek đóng tơk xók nôôq manưih brau Ađó bâân patơơt chok leq têêng parđâq đóng dyung Ađó.14Taai đươi chapiên mưi adhah bhanuôih, Ađó ơi têêng đóng nôôq manưih bâân paxar liêm hayơq val vaaih dyóp liêm đóng patơk taluôn luôn.15Dyơq Chuôq Yaang Liêm kung truuih đuui leq nôôq he, taai xong ađek ơi praaq:16“Ađô nek paraaq raket hơq Aku e tavaaih palơq piđólơh nôôq tangêi ađek, Chuôq praaq,xók patơơt gani Aku dhiq kalóóng lóóm piđó,Aku kung e xaraq nôôq achêk dhiq kalóng karnóq piđó.”17Lơq: “Aku dhakơi e kah dyơqhei tơk matu lơt piđólơq nôôq tarnêêng kah ve gani ưng piđó dyơq.”
18Bơơi n'đó dhiq ve rau lơơi matu lơt nôôq tarnêêng têêng lơt ađek, dhiq achêk yươq dyơq adhah bhanuôih pók matu lơt.
19Kơi ađek hayơq, nhan móón adhi anó, taai ve bâân lóóm nhóól đóng tarnêêng jađaang mót dhiq nôôq tambhah liêm đươi ahaam ưng Chuôq Jê-su,20nek Yaang ơi yuur tavaaih đóng nôôq he mưi beq kalơng tame lơq mamông taluôh lơh paryoong bhaai, hơq nek dyaang achak Ađó,21lơq mưi takóh kadhâng bhanuôih gamak kadhâng akoq dhiq đong ưng Yaang Pleng,22hayơq nôôq he phaai tơk đan Yaang Pleng palơq kalóóng lóóm dhalam lalua kalóóng rau đóng n'nal ưng lóóm huuiq, lóóm bâân havươch ahaam kajut sek lơh tââq lóóm karnóq môôp aak lơq achak araang bâân raau palơq đơơk sek tabah.23Nôôq he phaai jư tamưng paraaq praaq pakah leq rau lóóm rââm ưng ađêi óóq tadhơ, taai Yaang ơi hươq nek kah tadhơ.24Lơq nôôq he kiêng phaai chamet lêi xóng ađêi đóng malóóm tơk tarnêêng tapachóóm lóóm tanhơr lơq nôôq tarnêêng kre liêm,25xók yươq m'peq lơơi rau nhoom karong palơq xóng ađêi ưng chênh nôôq he kơi keen têêng ting kơi palơq mưi maphơn manưih, palâh lóóiq nek tabhơơl xóng ađêi, lơq la adhi anó lêi tangêi achêk tơk đan ađó mơ nek dyơq têêng kơi ađek bơk lơh nek mơ.
26Ơi la nôôq he bhiêk toon kiêng têêng lơt lơh xók ơi pei đơơp rau tabech n'nal dyóp tơk paraaq dhalam, nek yươq dyơq adhah bhanuôih pók matu lơt dyơq,27bơơi nek rau rââm đương kakhin kapơn dhakơi tơk rau praaq xêi lơq tơk óih rahôôq đương ravang róh jaluq nôôq manưih jaklâk jơl.28Dhơ mak ngaai, la ơi m'peq lơơi gani Môôi-se ting kơi dhiq bơơr môôiq pe chanak manưih truuih pakah, nek chêt bil kah ayô ka-er.29Adhi anó kanóq lêi manưih đâq kadhaat Akóón Yaang Pleng, lơq lêi ahaam paraaq raket nek kơi kaxu anhuq, hơq tââq ahaam ađek ađêi bâân liêm tabah — lơq praaq tamôôp Yaang Liêm ưng ơơn phươk liêm, ađó e ađaang bâân bharang janah haleng lơh bơk n'nal mơ?30Taai nôôq he n'nal Yaang ơi praaq: “Rau charóót bharang nek ưng Aku; Aku e phaai chróót.” Lơq lóóiq kơi ađô: “Chuôq e xêi xanêi dhanuôr Ađó.”31Tajaluq leq têi Yaang Pleng taluôn mamông nek mưi rau kakhin kapơn!
32Bơơi phaai hei lóóiq nôôq tangêi laloom hei, hơq ơi bâân tabrương kalóóng nôôq tangêi ađek, kơi adhi anó ơi jruôn mưi ganơt tarjơl tarleng gamak bhlơng ưng bơk rau janah nhok,33bhêêl ađôk nek đơơp miq xâng rau paraaq ajóóch palơq chanaaq janah toom mat bơk ngaai, dyơq bhêêl bhalek nek bâân val kơi manưih tapoor palơq nôôq ngaai bâân xaryô xangaat ting kơi ađek.34Tââq adhi anó kung ơi lóóm kayô nôôq manưih tơơt đong kanam, lơq ơi pơh đơơp tarlum kaxiêt karvaan kabhôôq ađêi palơq rau bhuui marhaal, taai n'nal chênh ađêi ve karvaan kabhôôq liêm kre lơh lơq dyơq taluôn.35Taai ađek, adhi anó óóq chóóm m'peq lơơi lóóm huuiq dhalam ưng ađêi, nek rau bâân kadhâng mưi phơn chaner gamak bhlơng.36Ơi adhi anó ve rau kiêng tơk lóóm đơơp jruôn, parngau đóng lơh xók yuur têêng karnóq kiêng ưng Yaang Pleng, adhi anó ve chóóm bâân đơơp paraaq hươq.37“Taai kalóóng lóng m'bưưiq đươnh dyơq, Yaang kanóq bhral e bhral, lơq e kah pajih pađươnh.38Bơơi manưih bhơt liêm ưng Aku e mamông tââq lóóm huuiq; dyơq la ađó róch dhun, nek ravaai Aku kah iêm lóóm tơk ađó.”
39Bơơi achak araang nôôq he kah tơơt kalóóng rau róch dhun tơk dhiq leng kaxiêt, palâh lóóiq nek kalóóng lóóm huuiq malóóm tơk dhiq jư paliêm ưng ravaai.

FAR EAST BROADCASTING COMPANY

https://app.library.bible/content/15a813fef7fefb05