Colossians1
1Phaau-lô, sưưq-đô ưng Jê-su Chuôq Paq Manưih ting karnóq kiêng Yaang Pleng, lơq Ti-mô-thê, manưih adhi anó ưng nôôq he,2pagơơi đóng nôôq manưih đu huuiq lơq adhi anó kah tadhơ lóóm kalóóng Chuôq Paq Manưih dhiq Kô-lô-se. Nhan ơơn phươk liêm lơq yươq rauha tââq Yaang Pleng, nek Ama lơq Chuôq nôôq he, nek Jê-su Chuôq Paq Manưih, tơk dhiq adhi anó.3Nôôq yi ma-ơơn Yaang Pleng, Ama ưng Chuôq nôôq he, nek Jê-su Chuôq Paq Manưih, kalóóng dyóp bhêêl gavơh nhan đóng adhi anó,4taai ơi xâng tơk lóóm huuiq ưng adhi anó kalóóng Jê-su Chuôq Paq Manưih lơq leq lóóm tanhơr đu adhi anó ve palơq tabhơt nôôq manưih đu huuiq.5Ơi tââq lóóm rââm bâân koom lơơi đóng adhi anó dhiq nôôq klaang Pleng, nek rau đu adhi anó ơi xâng bhêêl n'loom kalóóng paraaq taruuih ưng paraaq dhalam, nek Taruuih Liêm,6nek rau xók ve mat dhiq m'pơng adhi anó, hơq taruuih liêm achêk dyơq machak maraang lơq bâân xơơk vaaih dhiq tabhơt hóng katiêk ng'kơi, nek kung kơi achêk tơơt kalóóng adhi anó, xêi tââq tangêi adhi anó ơi xâng lơq hok n'nal ơơn phươk liêm ưng Yaang Pleng kalóóng paraaq dhalam,7dhalam kơi adhi anó ơi hok n'nal tââq Ê-phaap-ra, manưih marau tarnêêng nh'nhơr kiiq liêm ưng nôôq yi, ađó nek mưi dhơn ratơơq bhơt lóóm ưng Chuôq Paq Manưih klóóih mat nôôq yi,8lơq nek manưih ơi pakah đóng nôôq yi n'nal lóóm tanhơr ưng adhi anó kalóóng Yaang Liêm.9Taai ađek, tââq tangêi nôôq yi xâng kơi chêk, nek nôôq yi kah dhêi gavơh nhan đóng adhi anó lơq nhan panhel, buôn đóng adhi anó bâân bing bhlaai rau tabech n'nal karnóq kiêng Chuôq dhiq dyóp rau tabech galang lơq dyóp n'nal lóóm huuiq,10đóng jađaang vôôiq kơi targlap palơq Chuôq kalóóng dyóp rau liêm kanóq Chuôq, machak maraang kalóóng ting tarnêêng kre liêm, bâân taha gamak kalóóng rau đơơp n'nal Yaang Pleng,11bâân karơ gamak palơq bing bhlaai praan karơ mak mơ mataai raman cha-iil tabah ưng Ađó, đóng plêh tơk dyóp rau đơơp jruôn lơq đuôh đương lơq lóóm bhuui marhaal,12tapôông paraaq ma-ơơn Ama, Yaang ơi têêng adhi anó dyóp rau kơi tơơt kalóóng rau ting đơơp drươp karvaan palơq nôôq manưih huuiq Liêm kalóóng rau brương.13Chênh Yaang achêk ơi paq jóói nôôq he tââq mataai karơ ưng rau kanam kanheet, lơq đââng nôôq he tơk katiêk karuung ưng Akóón bơk nh'nhơr ưng Ađó,14kalóóng Akóón achêk, nôôq he ve bâân paq klóóih, hơq nek rau lơơi matu lơt.15Akóón achêk nek a-ô ưng Yaang Pleng kah chóóm lêi, nek Yaang yuur n'niên laloom tââm kalóóng dyóp rau n'dreh m'ma.16Taai kalóóng Akóón, dyóp n'dreh m'ma m'piing pleng palơq n'raal katiêk, ve a-ô palơq kah ve a-ô, maar ơi bâân tavaaih. Dhơ ve nek bhua kala, hamôôiq têêng kala, hamôôiq karơ kataai, hamôôiq kala xêi, nek tabhơt maar bâân tavaaih tââq Akóón lơq taai Akóón.17Akóón achêk ve laloom dyóp n'dreh m'ma, lơq dyóp n'dreh m'ma tambhô palơq xóng piđó kalóóng Akóón.18Akóón achêk kung nek akoq ưng achak araang, nek Akóón Dhơn Chuôq. Chênh Akóón achêk nek tââq tarnââp, nek Yaang yuur n'niên laloom tââm tââq pa-ô m'pơng manưih chêt, buôn đóng Akóón achêk têêng Yaang têêng akoq m'piing dyóp n'dreh m'ma.19Taai Yaang Pleng ơi iêm lóóm lơơi đóng dyóp rau dyóp liêm tơơt kalóóng Akóón,20lơq patóóng leq Akóón đóng paliêm dyóp n'dreh m'ma palơq chênh Ađó. Dhơ nek nôôq n'dreh m'ma n'raal katiêk môôiq dyóp n'dreh m'ma m'piing pleng, taai ơi đââng tơk rau paliêm tââq Akóón achêk ve ahaam dhiq dyung chatông ưng Akóón.21Bhêêl n'loom, Xók adhi anó bâân lêi nek manưih changaai chrih lơq nek manưih brau tarjơl kalóóng karnóq, kalóóng nôôq tarnêêng têêng aak.22Hơq xók ađôk, adhi anó ơi bâân paliêm ve akan chêt kalóóng achak araang ưng Akóón. Đóng pakah mat adhi anó toom mat Ađó, nek nôôq manưih liêm sek, kah madham madhôôn, lơq kah dhiq chóóm trêh,23Bhơt m'bưưiq nek la adhi anó bhiêk tơơt kalóóng lóóm huuiq, đơơp chalót riêh, liêm mưng, lơq yươq bâân patââi tââq lóóm rââm ưng Taruuih Liêm đu adhi anó ơi xâng nek Taruuih Liêm ơi bâân truuih praaq đóng dyóp n'dreh m'ma n'raal pleng, hơq tââq ađek, aku, Phaau-lô, ơi xar kơi mưi dhơn ratơơq.24Xók ađôk aku bhuui marhaal kalóóng nôôq jarnah xaryô ưng ađêi taai adhi anó, lơq palơq achak araang ađêi, aku ơi buur bing nôôq phơn dyơq thiêuq kalóóng nôôq ka-ai karuôq ưng Chuôq Paq Manưih, ơi taai achak araang Ađó, hơq nek Akóón Dhơn Chuôq,25hơq tââq ađek, aku ơi xar kơi mưi dhơn ratơơq, ting rau jư lêi ưng Yaang Pleng, hơq tarnêêng achêk ơi bâân pajaau đóng aku taai adhi anó, đóng têêng paxong paraaq ưng Yaang Pleng,26rau lalââp hanua ơi bâân kadrêi lââp bhluuch nôôq klaang đơơi lơq bhluuch bơk klaang manưih. Hơq xók ađôk, lalââp hanua achêk ơi bâân pakah đóng nôôq manưih huuiq liêm ưng Ađó,27nek nôôq manưih đu Yaang Pleng kiêng pakah ng'kơi nek rau karvaan kabhôôq cha-iil tabah ưng rau lalââp hanua ađôk pa-ô m'pơng nôôq dhanuôr katiêk lââng, achêk nek Chuôq Paq Manưih kalóóng adhi anó, hơq nek lóóm parââm cha-iil tabah.28Achêk nek Yaang đu nôôq yi truuih praaq, xók patrêh dyóp ngaai, lơq pachóóm dyóp ngaai palơq tabhơt rau tarbech galang, đóng nôôq yi ve chóóm pakah mat dyóp ngaai nek dyóp liêm kalóóng Chuôq Paq Manưih.29Kung taai rau ađek hơq aku nhưh nhok, tarjơl ting kơi trââi tarnêêng ưng Ađó dyơq matêêng palơq mataai raman kalóóng aku.
FAR EAST BROADCASTING COMPANY