John13
1Jơ gư̆n, lai Nge Bơjư̆m-Sa Swà-Găn, Yang Jesu gư̆t lah tô̆ jơ Kơnràñ trôh sŏng, lơi ma Kơnràñ swà bơh dunya dô trê ma Bàp. Tơm tô̆ sŏng kơloh lơ̆gay cro gôtrê ma mơ̆n nơ̆m dunya, gừn Kơnràñ kơloh ƀòn gô trôh dî lŭi-dơ̆t.2Nơ̆m jơ sa jơno nơ̆m tơmăng, ma-ngkơi jơ càrak sŏng sêh ngglăm nùs Juđa Iskariôt, kon klo Simôn, lơi gô tơmdră Kơnràñ,3bơh gư̆t lah Bàp sŏng jao nơ̆m tê Kơnràñ lơ̆gay jơno, î gư̆t lah Kơnràñ trôh bơh Yang Tơm Trồ gư̆m mơñ trê wăl î Yang Tơm Trồ,4gư̆n-jîng Kơnràñ ñă atẵy bơh anẵu sa, gừn hồ ao makin. Gừn ma-ngkơi jơ dưñ thơk, Kơnràñ pùc tĕdơ să mơ̆n.5Tơmjăt bơh gư̆n, Kơnràñ tôh dà nơ̆m kacao gừn sơntơm rao jư̆ng ma lơ̆gay cro bơtê î jut tơsoh bơh î thơk mà gô sŏng dî pùc tĕdơ să mơ̆n.6Bơh gư̆n, Kơnràñ trôh anẵu Simôn Pier. Ông tơs î Kơnràñ lah: “Ơ Yang, Kơnràñ rao jư̆ng ăñ ya?”7Yang Jesu kla dẵư gư̆m tơs î ƀòn gô lah: “Bră ăñ ndăng lơh, jai dô mê hôm dahrăư wơng, mơya ma-ngkơi bơh lơ̆gay bră dô, mê rơp wơng.”8Pier tơs î Kơnràñ lah: “Nên-nôn ngăn ơ̆ dơ̆ găy cro bơtău rao jư̆ng ăñ dê.” Yang Jesu kla dẵư ông lah: “Dilah ăñ ơ̆ rao jư̆ng ma amî, gừn amî ơ̆ dî pơnah găy î ăñ.”9Simôn Pier tơs î Kơnràñ lah: “Ơ Yang, ơ̆ nư̆ng sî jư̆ng ăñ ya, mà hôm băl tê î găl ăñ te.”10Yang Jesu tơs î ông lah: “Cro găy dî ơ̆m dà lờt gừn ơ̆ tom kă tîgư̆n, sî nư̆ng rao jư̆ng, hôm cro gư̆n dî lơhiê lơ̆ lờt, î oh mi gừn dî lơhiê mơya ơ̆-iyŏ lơ̆gay oh mi.”11(Bơh Kơnràñ gư̆t cro găy tơmdră Kơnràñ, gư̆n-jîng Kơnràñ tơs lah: “Ơ̆-iyŏ lơ̆gay kŭng dî lơhiê.”)12Tîgư̆n, tơm tô̆ Kơnràñ sŏng rao jư̆ng ƀòn gô lờt î cù ao makin mơ̆n dê, gừn Kơnràñ nggui wăl nteàh, tơs î ƀòn gô lah: “Oh mi tom wơng jơno ăñ mhăy lơh ma oh mi ya?13Oh mi sơnăn ăñ la ‘Cro Bơtău’, la ‘Yang’; oh mi tơs iyŏ ngăn bơh ăñ ngăn la tîgư̆n.14Gư̆n-jîng, dilah ăñ, la Yang, la Cro Bơtău, sŏng rao jư̆ng oh mi dê, gừn oh mi kŭng păl rao jư̆ng ma găp.15Bơh ăñ sŏng lơh krơh ma oh mi lơi oh mi kŭng lơh gư̆ptî ăñ sŏng lơh ma oh mi.16Iyŏ ngăn, iyŏ ngăn, ăñ tơs î oh mi, cro dŏng bră gừn ơ̆ dơng rlo cro pơnhơm mơ̆n; cro dî pơđơ swà kŭng ơ̆ dơng rlo cro pơđơ mơ̆n.17Dilah oh mi gư̆t sŏng lơ̆gay bră dô, gừn oh mi dî lơnge dilah oh mi lơh lơ̆gay jơno gư̆n.18Ăñ ơ̆ ndăng tơs bơh lơ̆gay oh mi; ăñ gư̆t cro mà ăñ sŏng săc-rwơh — mơya lơi jơno Sră-Goh dî sơlôh jîng ngăn: ‘Cro sa ƀăñ băl î ăñ yô̆k kơnơl jư̆ng gô tơmdră wăl ăñ.’19Bơh jơ dô, ăñ tơs ma oh mi lai tơm tô̆ bră tom tơlôh, tơm tô̆ lơi gô tom tơlôh, oh mi digơlăn don lah ăñ Jîng Miek Miek.20Iyŏ ngăn, iyŏ ngăn, ăñ tơs î oh mi, cro găy wă-rẵu cro mà ăñ pơđơ la wă-rẵu ăñ, gừn cro găy wă-rẵu ăñ la wă-rẵu Bơtao pơđơ ăñ.”21Ma-ngkơi jơ tơs sŏng lơ̆gay jơno gư̆n, Yang Jesu moat-jrum ngglăm nùs, sŏng gư̆n Kơnràñ lăng swì gừn tơs lah: “Iyŏ ngăn, iyŏ ngăn, ăñ tơs î oh mi, du hôi cro nhòng tơmpôl oh mi rơp tơmdră ăñ.”22Lơ̆gay cro bơtê tơmlăng găp, ơ̆ gư̆t Kơnràñ ndăng tơs bơh cro găy.23Jơ gư̆n, du hôi cro nơ̆m lơ̆gay cro bơtê Kơnràñ, cro mà Yang Jesu kơloh, ndăng nggui băl sî kaƀang sa, sơ̆mƀîng sî să Yang Jesu dê.24Bơh gư̆n, Simôn Pier lơh têl ma cro dô lùp lăng, “Cro mà Kơnràñ ndăng tơs trôh la mơ̆t cro?”25Bơh rơ̆ gư̆n jîng, ma-ngkơi jơ sơ̆mƀîng sî să Yang Jesu, cro gư̆n tơs î Kơnràñ lah: “Ơ Yang, gư̆n la mơ̆t cro?”26Yang Jesu kla dẵư: “Gư̆n la cro mà ma-ngkơi jơ iyrù bieng ƀăñ dô, ăñ rơp lơi gô gừn dờp ma cro gư̆n.” Tîrơ̆ gừn, iyrù bieng ƀăñ rơ̆ sŏng, Kơnràñ dờp ma Juđa, kon Simôn Iskariôt dê.27Ma-ngkơi bieng ƀăñ gư̆n, gừn dơ̆ gư̆n cà satan ñăp nơ̆m să gô. Gư̆n-jîng, Yang Jesu tơs î gô: “Jơno mê ndăng lơh, lơh khơñ cĕ jờh.”28(Jơ gư̆n, ơ̆ cro găy ndăng nggui sî kaƀang gư̆t dî ngglơh Kơnràñ tơs î gô tîgư̆n.29Tài bơh nhẵư hê cro kư̆ tôn-lah, bơh Juđa prăp jư kơdôk priè, gư̆n-jîng Yang Jesu tơs î gô: “Tăc cĕ lơ̆gay jơno găy kơñ tăc ma nge bơjư̆m-sa,” hala lơi tơmpà dư̆ng-iè jơno găy gư̆n ma cro kơsòt.)30Tîrơ̆ la, tơm tô̆ sŏng dưñ blieng ƀăñ, gô khơñ ngăn swà tơlôh makin. Jơ gư̆n, brê tơmăng sŏng.31Gừn, tơm tô̆ gô sŏng swà tơlôh makin, Yang Jesu tơs lah: “Jai dô, Kon-Mơnùs sŏng dî jong-rơ, î Yang Tơm Trồ sŏng dî jong-rơ bơh anẵu Kơnràñ.32Sŏng gư̆n Yang Tơm Trồ rơp jong-rơ Kon-Mơnùs nơ̆m sơnăn Kơnràñ, gừn Kơnràñ rơp jong-rơ Kon-Mơnùs ƀăt jơ gư̆n.33Ơ lơ̆gay kơmom ahên, ăñ ăm băl î oh mi dư̆ng-iè tô̆ tơnge te. Oh mi rơp jôi ăñ, gừn gư̆ptî ăñ sŏng tơs î tơmpôl cro Juđa lah, ‘Anẵu ăñ swà, ƀòn ông ơ̆ tom trôh dî ơ̆h,’ Jơ dô, ăñ kŭng tơs gư̆p tîgư̆n î oh mi.34Ăñ dờp ma oh mi du-lăm jơno-bơlăm mhăy, lơi ma oh mi digơlăn kơñ-kơloh găp; gư̆ptî ăñ kơñ-kơloh oh mi, lơi oh mi kŭng digơlăn kơñ-kơloh găp.35Dilah oh mi dî jơno kơñ-kơloh ăn băl ma găp, gừn tài bơh jơno gư̆n, lơ̆gay cro rơp gư̆t lah oh mi la cro bơtê ăñ jê.”36Simôn Pier tơs î Kơnràñ lah: “Ơ Yang, Kơnràñ swà sơgăy?” Yang Jesu kla dẵư ông lah: “Anẵu ăñ swà, jơ dô oh mi hôm dahrăư swà jăt ăñ dî, mơya ma-ngkơi dô, oh mi rơp swà jăt.”37Pier tơs î Kơnràñ lah: “Ơ Yang, ngglơh ăñ ơ̆ swà jăt Kơnràñ ƀăt jơ dô dî? Ăñ rơp phi rai-jîng ăñ bơh Kơnràñ.”38Yang Jesu kla dẵư lah: “Amî rơp phi rai-jîng amî bơh ăñ ya? Iyŏ ngăn, iyŏ ngăn, ăñ tơs î amî, nên-nôn ngăn ia kwăng ơ̆ ndro trôh dî tơm jơ amî khăñ lơi ăñ păy dơ̆.”
FAR EAST BROADCASTING COMPANY