Mark1
1นี่คือจุดเริ่มต้นของข่าวดีเกี่ยวกับพะเยซูจ้าวแป่นดินซูงซู๊ด ผู้เป๋นลูกของพะจ้าว2เรื่องนี้ เป๋นไป๋ตามตี้อิสยาห์ผู้อู้แตนพะเจ๊าได้เขียนฮื็อว่า“พ้อสิ เฮาจะส่งผู้ส่งข่าวของเฮานำหน้าตั้นไป๋ก่อนเปิ้นจะไป๋เตี๋ยมหนตางฮื๊อกับตั้น”3“มีเสียงฮ๊องเฮ็กซะของคนนึ่งในตี้กั๋นด๋านว่าฮื๊อเตี๋ยมตางสำลับองค์เจ้าจีวิดและเยี๊ยะตางเตียวอั่นฮื๊อต๋งสำลับพะอ๋ง”4แล้วยอห์นคนเยี๊ยะพิธีจุ่มน้ำ มาปาก๋ดตั๋วในตี้กั๋นด๋านและตั๋นว่า “ฮื๊อกับตั๋วกับใจ๋๋เสียใหม่และฮับพิธีจุ่มน้ำ แล้วพะเจ๊าจะยกโต้ดความปิ๊ดเยี๊ยะบ่ดีของหมู่สู”5คนทั่วแคว้นยูเดียและคนจากเมิงเยรูซาเล็มได้มาหายอห์นและสารภาพความเยี๊ยะบ่ดีทั้งหลายของหมู่เปิ้น ยอห์นจึงเยี๊ยะพิธีจุ่มน้ำฮื๊อกับหมู่เปิ้นในแม่น้ำจอร์แดน6ยอห์นใส่เสื้อเตี่ยวตี้เยี๊ยะจากขนอูฐ ใจ๋หนังซัดคาดเอว กิ๋นตั๊กแตนและน้ำผึ้งป่าเป๋นเข้า7ยอห์นอู้ว่า “จะมีคนนึ่งมาทีหลังผม เปิ้นจะยิ่งใหญ่กว่าผมจะนัก แม้แต่เชือกเกือกของเปิ้น ผมยังบะมีก้าพอตี้จะก้มลงไป๋สู้ฮื๊อ8ผมเยี๊ยะพิธีจุ่มฮื๊อโบ๋สูตวยน้ำ แต่เปิ้นคนอั่นจะจุ่มโบ๋สูตวยพะวิญญาณบริสุทธิ์”9ในกั๋นอั่น พะเยซูเตียวจากเมิงนาซาเร็ธในแคว้นกาลิลีไป๋ฮื๊อยอห์นเยี๊ยะพิธีจุ่มน้ำฮื๊อในแม่น้ำจอร์แดน10ท้นเต้าตี้พะอ๋งโผล่พ้นน้ำขึ้นมา ก็หันท้องฝ้าเยี๊ยกออก และหันพะวิญญาณตี้อย่างเดียวนกพิราบลงมาสถิตอยู่กับพะอ๋ง11มีเสียงจากสวรรค์ว่า “ลูกเป๋นลูกตี้ฮักของป้อ ป้อภูมิใจ๋ในตั๋วลูกจะนัก”12ตอนเสียงอั่นดั๊กลง พะวิญญาณส่งพะเยซูเข้าไป๋อยู่ในตี้กั๋นด๋าน13ตึ๋งสี่ซิบวัน พะอ๋งอยู่ตี้ฮั่นกับซัดป่า ซาตานมาลองใจ๋พะอ๋ง หลังจากอั่นหมู่เตวดาได้มาพ้อแลพะอ๋ง14หลังจากตี้ยอห์นถูกยั๊บขังคุก พะเยซูไป๋ตี้แคว้นกาลิลีและเริ่มอู้ข่าวดีของพะจ้าว15พะอ๋งอู้ว่า “ตึ๋งกั๋นแล้ว เมิงของพะเจ๊าไก้เข้ามาแล้ว กับตั๋วกับใจ๋๋เสียใหม่และเจื้อในข่าวดีนี้สิ”16ขณะตี้พะเยซูเตียวอยู่ฮิมเพิ่งตะเลสาบกาลิลี พะอ๋งหันเปโตร กับอันดรูว์น้องป้อจายของเปิ้นกำลังเหวี่ยงแหยั๊บป๋ากั๋นอยู่ เพาะว่าหมู่เปิ้นเป๋นจาวปะมง17พะอ๋งอู้กับหมู่เปิ้นว่า “ตามเฮามาเถอะ แล้วเฮาจะสอนฮื๊อยั๊บคนแตนยั๊บป๋า”18หมู่เปิ้นจึงขว้างแหและตามพะเยซูไป๋ท้นเต้า19พะอ๋งเตียวต่อไป๋แฮ๋มน๊อย ก็หันยากอบลูกบ่าวของเศเบดีกับยอห์นน้องป้อจายของเปิ้นกำลังซ่อมแซมแหอยู่20ทันใดอั่นพะอ๋งฮ้องหมู่เปิ้น ทั้งสองได้ปล่อยฮื๊อป้อของเปิ้นอยู่ในเฮอกับหมู่ลูกจ้าง แล้วตามพะอ๋งไป๋21พะเยซูกับหมู่ลูกซิดเข้าไป๋ในเมิงคาเปอรนาอุม ตอนตึ๋งวันยู๋ดตางศาสนา พะเยซูเข้าไป๋ในตี้ปะชุมจาวยิว และเริ่มตั๋น22ผู้คนทึ่งในคำสอนของพะอ๋งจะนัก เพาะว่าพะอ๋งสอนอย่างคนตี้มีสิทธิอำนาจ ซึ่งบะอย่างเดียวกับหมู่คูสอนกฎปฏิบัติคนอื่นๆ23แล้วจู่ๆก็มีป้อจายคนนึ่งในตี้ปะชุมตี้มีผีจั๋วสิงอยู่ฮ๊องเฮ็กซะขึ้นมาว่า24“เยซูจาวนาซาเร็ธ มายุ่งกับหมู่เฮาจะได๋ จะมาทำลายหมู่เฮาจะได๋ เฮาฮู๊นะว่าตั้นเป๋นไผ ตั้นเป๋นองค์พะผู้ศักดิ์สิทธิ์ของพะจ้าว”25พะเยซูด่ามันว่า “หุบปาก แล้วออกมาซะ”26เจ้าผีจั๋วจึงเยี๊ยะฮื๊อป้อจายตี้มันสิงอยู่ ชักดิ้นชักงอและกรีดฮ๊องเสียงดัง แล้วก็ออกจากห้างเปิ้นไป๋27ตุ๊กคนปะหลาดใจ๋จะนักซอยกั๋นอื้ออึงไป๋เมิ๊อดว่า “เกิดไอหยังขึ้น นี่ต้องเป๋นคำสอนใหม่ตี้เต็มไป๋ตวยฤทธิ์เดชแต๊ๆ ขนาดหมู่ผีจั๋วยังเจื้อฟังเปิ้นเนาะ”28แล้วจื้อเสียงของพะอ๋งก็ดังกระฉ่อนไป๋ทั่วแคว้นกาลิลี29ท้นเต้าตี้พะเยซูและหมู่ลูกซิดออกจากตี้ปะชุมมาแล้ว หมู่เปิ้นก็ต๋งดิ่งไป๋ตี้เฮือนของเปโตรกับอันดรูว์ ยากอบกับยอห์นก็ไป๋ตวย30แม่เมียของเปโตรนอนเป๋นไข้อยู่ หมู่เปิ้นรีบเล่าอาการของเปิ้นฮื๊อพะอ๋งฟัง31พะอ๋งเตียวไป๋ยั๊บมือเปิ้นพยุงขึ้นมา เปิ้นหายไข้ท้นเต้า แล้วก็มาฮับใจ๊พะเยซูกับหมู่ลูกซิด32ตอนแฮงตอนตะวันต๋กดิน ผู้คนต่างพาคนเป๋นไข้ และคนตี้ถูกผีสิงมาหาพะอ๋ง33คนทั้งเมิงได้มาออกั๋นอยู่ตี้หน้าปะตู๋34พะอ๋งได้ฮักษาโรคต่างๆฮื๊อกับคนจะนัก และขับไล่หมู่ผีจั๋วออกไป๋หลายตนตวย แต่พะอ๋งบะยอมฮื๊อหมู่ผีจั๋วจะหนี้อู้ เพาะว่าหมู่มันฮู๊ว่าพะอ๋งเป๋นไผ35วันฮุ้งขึ้น พะเยซูตื่นออกจากเฮือนไป๋แต่เช้ามืด ฮื๊อไป๋อธิษฐานในตี้ดั๊กสงบ36พอสายหน่อย เปโตรและหมู่เปิ้นก็ออกตามหาพะอ๋งกั๋น37ตอนเจอแล้วหมู่เปิ้นก็อู้ว่า “ตุ๊กคนกำลังตามหาอาจ๋านกั๋นอยู่”38แต่พะอ๋งปิ๊กอู้ว่า “ฮื๊อหมู่เฮาไป๋เมิงอื่นแถวๆนี้กั๋นเถอะ เฮาจะได้ตั๋นตี้ฮั่นตวย ตี้เฮามาก็ฮื๊อตั๋นนี่แหละ”39พะอ๋งเตียวไป๋ทั่วแคว้นกาลิลี อู้ตั๋นตามตี้ปะชุมจาวยิว และขับผีจั๋วหลายตนออกไป๋40มีป้อจายคนนึ่งเจ๋บไข้ผิวหนังน่ากั๋ว เปิ้นมาคุกเข่าอ้อนวอนต่อพะเยซูว่า “นายตั้นถ้าตั้นใค้จ้วย ตั้นก็เยี๊ยะฮื๊อผมหายได้”41พะอ๋งฮู๊สึกเอ็นดู พะอ๋งจึงยื่นมือออกไป๋แตะตั๋วเปิ้นแล้วอู้ว่า “เฮาใค้จ้วย หายจากโรคเต๊อะ”42เปิ้นก็หาย ห้างกายสะอาดเกลี้ยงเกลาท้นเต้า43ก่อนตี้พะเยซูจะฮื๊อเปิ้นไป๋ พะอ๋งสั่งกำชับว่า44“อย่าไป๋เล่าเรื่องนี้ฮื๊อไผฟัง แต่ไป๋ฮื๊อนักบวชตรวจพ้อ และฮื๊อถวายเครื่องบูชาตามตี้โมเสส สั่งตวย ฮื๊อคนอื่นจะได้ฮู๊ว่าสูหายแล้ว”45แต่ตอนป้อจายคนนี้ออกไป๋ เปิ้นก็ไป๋เล่าฮื๊อไผต่อไผฟังจนฮู๊กั๋นไป๋ทั่ว เยี๊ยะฮื๊อพะเยซูเข้าไป๋ในเมิงอย่างเปิดเผยบะได้แฮ๋มต่อไป๋ พะอ๋งจึงต้องอยู่นอกเมิง แต่ก็ยังมีคนจะนักจากตุ๊กหนตุ๊กแห่งหลั่งไหลมาหาพะอ๋ง
Empower Asia Bible Translation Movement