Yohana14

1Yesu aleavawelaa, “Mokhatungumale mo meoyo jenyu, ila mogombagi Matuunda, no khongomba onene.2Khokhaye khwa Daada yaane khole ne wikhalo minki. Mbe anga nkha gechoo, anga khotopo mbawele, kete mpetile khovanogelelya wikhalo.3Ne panaa ndamalya khovaandalela wikhalo, ndavatuvela khovasola ili panaa mpwale onene, nanyu mowee epoo.4Onywenywe moemanyile njela ya khopikha khonaa onene mpetile.”
5Tomasi aleamowolya, “Mwene, khokhamanya khonaa opetile, gechoo akhomanya mbi njela?”
6Yesu amowelaa, “Onene amwenee njela, khapanga no opanga. Muntu khotopo apikhe khwa Daada mbe akhalongolwa nane.7Mbe angamomanye onene, molamomanya no Daada yaane khanke. Khopuma seji momomanyile Daada yaane, ne mwamowonaga.”
8Filipo amowelaa, “Mwene, kholagelee Daada, eloo topo lakhwelaga.”
9Yesu amowelaa, “Nikhalaga palomwi nanyu khwi ituungo itale, Mbi okhale okhammanya? Muntu yeyensi yunaa ambonagaa onenee, amowonaga Daada. Gechoo kho kee mokhombweela, ‘Mbalagele Daada’?10Mbi, okhakhogoomba kete onene nde mokhate mwa Daada, no Daada alemokhate yaane? Okhombe wonaa nkhopaala nkha waane, ila Daada yunaa khwikhala mokhate yaane amwenee yunaa khonojaa molemo gwaane.11Mongombage panaa nkhovaweela nde mokhate mwa Daada no Daada apwale mokhate yaane. Mbe mokhamokhogoomba, ila gombagi khwa lomekho jenaa alemwajewonaga.12Khwa khapanga, evoo vanaa vakhongombaa valanojaa melemo jenaa nkhonoja, ne khwa khapanga valanoja melemo mekolo khokela eje kho nguno onene mpetile khwa Daada.13Ndavanogelya chechensi kenaa molalomba khwa matogwi gaane nane ndavapela, ili Daada akholiwe khokelela Mwana.14Mbe molandomba chechensi kenaa kepwale mowitogwi waane ndanoja.
15“Mbe montogwilwe molajelonda njaanga jaane.16Nane ndamolomba Daada nanoyo alavapela Mwalya yoonge, yunaa alaawa nanyu nsiko jensi.17Oyoo amwene Moye Matuunda yunaa alavalagela okhapanga. Vantu va paliwelelo khotopo vamopokelee kho nguno vakhavakhomowona no khomomanya. Ila onywenywe momomanyile kho nguno khwikhala palomwi nanyu, nanoyo alaawa mokhate yenyu.”
18Khotopo mbaleke kete vana vapeena, ila ndavatuvela.19Lasigaga ituungo ikupe vantu va paliwelelo khotopo vambone. Ila onywenywe molambona, kho nguno ntite opanga, nanyu molaawa no opanga.20Nsiko eyoo molamanya kete onene mpwale mokhate ya Daada yaane, nanyu mopwale mokhate yaane, nane nde mokhate yenyu.
21“Muntu yeyensi yunaa khojigombaa njaanga jaane no khojeloonda, oyoo amwenee antogwile. Daada yaane khomotogwa muntu yeyensi yunaa khontogwa onene, nane avivyoo ndamotogwa no khwilagela khwakwe.”
22Apenee Yuda, yunaa akha Isikaliote, awolyaa, “Mwene, kho kee khopooga wilagele khwisu, ila nkha kho vantu va paliwelelo?”
23Yesu amowelaa, avawelaa, “Vantu vanaa vantogwile valagalondaa malaangi gaane no Daada yaane alavatogwa. Apenee onene no Daada yaane kholaija khwawo no khosamela khwenyu.24Ila yeyensi yunaa akhantogwa akhakholondaa malaangi gaane. Malaangi ganaa mwagategelaga nkha gaane, ila a ga Daada yunaa aleantomaa.
25“Navawelaga mpola eje panaa angile mpwale palomwi nanyu.26Ila oyoo Mwalya, yunaa a Moye wa Matuunda, yunaa Daada alamotoma khwenyu, khonojaa kho nguno yaane, alavaliga mpola jensi no khovakhombolya gensi ganaa alenavaweela.
27“Nkhovalekela wikhalo mosoga, osoga owo wonaa nkhovapeela, nkha kete yenaa mokhopelwa ne vantu va paliwelelo, mokhasayage momeoyo jenyu, ninga khontungumala.28Alemwantegeela panaa alenavaweela, ‘Nkhowookha, ila ndavatuvela.’ Mbe montogwile anga amosekha kete mpetile khwa Daada, kho nguno Daada a molaala khokela onene.29Navawelaga ega panaa gakhale khopumeela, ili panaa galapumela mokhowole khogoomba.30Khotopo mpale nanyu khwi ituungo itale, kho nguno Khatawe, molaala wa liwelelo ele ijilee, ila atokhola olaala khwaane.31Ila vantu va paliwelelo vakhopogiwa vamanye kete mbotogwile Daada, kete venaa Daada yaane aleandiga avyenee venaa nkhonojaa.”
“Imelelagi khowooke epa.

The Word for the World International

https://app.library.bible/content/cdf3d9b91be5502e