IBYAHISHUUWE13
Ibinyamaaswa Bibiri
1Nuuko mbona ikinyamaaswa kizaamuuka mu nyanja. Caari gifite amahembe cumi n'imitwe irindwi. Buri hembe ryaco ryari rifite igitaako, kandi buri mutwe waaco wariho izina rituka Imaana.2Ico kinyamaaswa naboonye caari gisa n'ingwe, amajanja yaaco asa n'ay'idubu, naho urwasaya rwaco ari nk'urw'intare. Nuuko ca kiyoka giha ico kinyamaaswa ububaasha bwaco, intebe yaaco y'ubwami n'ubutegetsi bukomeye.3Umwe muri ya mitwe yaaco wareebekaga nk'uwakomeretse caane, ariko ico gisebe caari caarakize. Nuuko ab'isi boose baratangaara maze bayoboka ca kinyamaaswa.4Boose baramya ico kiyoka, kuko caahaaye ico kinyamaaswa ububaasha, nuuko baramya n'ico kinyamaaswa bavuga bati, “Ntaamuntu ufite imbaraga nk'iz'iki kinyamaaswa. Ntaan'uwakirwanya ngo agishobore.”5Nuuko ico kinyamaaswa ceemererwa kwiraata no kuvuga amagambo yo gutuka Imaana, kandi gihaabwa ubwo bubaasha kumara ameezi mirongo ine n'abiri.6Gitangira gutuka Imaana, gituka izina ryayo n'aho ituuye, n'abo boose batuuye mu ijuru.7Ceemerewe kurwanya abantu b'Imaana no kubatsinda, gihaabwa n'ububaasha ku mooko yoose n'abantu boose n'indimi zoose n'amahanga yoose.8Abari mu isi boose bazaakiramya, keretse abo amazina yaabo yanditswe mu gitabo c'ubugingo isi itaraaremwa, anari co gitabo c'Umwana w'Intaama wiishwe.9“Nimwumve reero, niiba mufite amatwi!10Niiba Imaana yarageneye umuntu kujanwa mu bunyage, azaajanwa mu bunyage. Kandi uwagenewe kwiciishwa inkoota aziiciishwa inkoota. Abantu b'Imaana reero, barasabwa kwihangaana no kwizeera.”Ikinyamaaswa ca Kabiri
11Nuuko mbona ikindi kinyamaaswa gituruka mu butaka. Caari gifite amahembe abiri ameze nk'ay'umwana w'intaama kandi kikavuga nk'ikiyoka.12Gikoreesha ububaasha bwose bw'ikinyamaaswa ca mbere na co kibireeba, maze gihata abantu bo mu isi boose kuramya ca kinyamaaswa ca mbere, caari caarakize igisebe.13Ikinyamaaswa ca kabiri gikora ibitangaaza, kugeza n'aho kimanura umuriro kuva mu ijuru ukagwa ku isi, abantu boose babireeba.14Bityo reero kiyobya abantu batuuye ku isi ku bwo kwemererwa gukora ibitangaaza ikinyamaaswa ca mbere kibireeba. Nuuko kibabwira gukora igishushaanyo c'ikinyamaaswa caari caarakomerekejwe n'inkoota, kikarenga kikabaho.15Nuuko ikinyamaaswa ca kabiri ceemererwa guhuumeekera muri ico gishushaanyo c'ikinyamaaswa, kugira ngo gishobore kuvuga kandi ciice abadashobora kukiramya.16Ico kinyamaaswa gihata abantu boose, abooroheje n'abakomeye, abakire n'abakene, abiigenga n'imbaata, gushirwaho ikimenyeetso ku kiganza c'iburyo cangwa ku ruhanga,17kugira ngo hatagira uweemererwa kugura cangwa kuguriisha adafite ico kimenyeetso, ari co zina ry'ico kinyamaaswa cangwa umubare uhagarariye iryo zina.18Aha hiifuuzwa ubwenge bwinshi. Umunyabwenge reero n'abare umubare w'ico kinyamaaswa kuko ari umubare uhagarariye izina ry'umuntu. Umubare waaco ni magana atandatu mirongo itandatu n'itandatu.Bible Society of Uganda