Wagalatia6
1Mweye mbwiga zangu, kama mwahamuona munhu imwenga katenda gehile, baho mweye mlongozigwa na Muhe wa Mulungu mzumeni munhu iyo ili yawe munhu goya, mbali tendeni ivo kwa uhole kuno mkale kwa kuitiganya wenyego ili na mweye sekemgezigwe.2Itazeni kuisolela mbuli zenu wenyego kwa wenyego, kwabuli iyo mokua moisang'hanila goya ndagizi ya Kilisito.3Munhu yahaiona kua chinhu na kumbe si chinhu, iyo koivwizila mwenyego.4Chila munhu na yailolese mwenyego viyotenda. Yahawa katenda goya, baho kodaha kuiona katenda goya kwa chija chiyatendile bila kuilinga na munhu imwenga.5Baho chila munhu kolamuligwa kwa chija chiyasang'hane.6Ija yafundigwe usenga wa Mulungu na yamlongele mbuli zinogile iyo mfundaji wake mbuli zinogile ziyeli nazo.7Sekemuivwizile, Mulungu hazehigwa. Chiyahandile munhu icho chiyagobola.8Iyo yohanda muimaya ya isi, nayo kogobola umo ubananzi, mbali yohanda muu Muhe wa Mulungu, kogobola ugima ulibule uhelelo kulawa kwa Muhe wa Mulungu.9Baho sekechilegele kusang'hana ganogile, kwavija kama hachilegela chokwiza kugobola muisimo wake.10Kwaivo, chihawa ching'hali na chipindi, baho chiwasang'hanile ganogile wanhu wose, chinogile ng'hani kwa mbwiga wamtogole Kilisito wayetu.11Loleni vija viniwandikile kwa helufi ng'hulu ng'hulu kwa mkono wangu mwenyego.12Waja wolonda kuoneka wanoga kwambuli za lukuli, iyo wolonda kuwashwangiza mweye mwingile kumbi. Wosang'hana ivo tu kwavija wolonda seke wadununzigwe kwa mbuli ya msalaba wa Kilisito.13Kwavija wao wenyego wengila kumbi mbali hawazigoga ndagizi, mbali wowalondeni mweye mwingile kumbi ili wao waigodele kwa mbuli ija iwawatendele mzing'huli zenu.14Mbali niye siigodela chochose ila tu ifa ya Yesu mumsalaba, kulawa muiifa yake mbuli zose za muiisi ino hazifaya chinhu kumwangu. Ugima wangu wa mwaka uwambigwa hamwe nayo mumsalaba.15Kwingila kumbi hebu kuleka kwingila kumbi si chinhu, chinogile ni kua chilumbe cha sambi.16Wanhu woiwinza nzila iyo, wakale na utindiwala na bazi, utindiwala na bazi ijo kwa Izilaeli, wanhu wa Mulungu.17Sambi, munhu yoyose sekeyanigaze kaidi, kwavija ng'ovu zinili nazo ni kwambuli ya kumsang'hanila Mndewa Yesu.18Mbwiga zangu, unovu wa Mndewa wetu Yesu Kilisito ukale na mweye. Pepa.
The Word for the World International