Wagalatia5
1Kilisito kachitenda chikale bila utumwa na kalonda chikale ivo. Baho mgangamale na wala seke mtogole kubwela kaidi kukala kama watumwa wa ndagizi.2Tegelezeni! Niye iyo Paulo nolonga na mweye! Kama mwahatogola kwingila kumbi kwambuli ya kutegeleza ndagizi za Musa, baho Kilisito honda yawatende chochose.3Nolonga hazelu kaidi. Chila yotogola kwingila kumbi kolondeka yaitegeleze ndagizi yose.4Kama mololela kua wana watogoligwa na Mulungu kweli kwa nzila ya kutegeleza ndagizi, baho muinega kutali na Kilisito, na mwa kutali na unovu wa Mulungu.5Kwa ubanzi wetu, cheye chobeta kwa tamanilo kwa udaho wa Muhe wa Mulungu ili chitendigwe kua watogoligwa kwa nzila ya kumtogola Kilisito.6Baho, chihawa chiilumba na Kilisito Yesu, kwingila kumbi hebu kuleka kwingila kumbi si chinhu, chinogile ni kusang'hana kwa wende uko kolagusa kumtogola Kilisito.7Mkala mogenda goya, yalihi yawagomile kugendelela goya?8Yasang'hane ivo sio ija Mulungu yawakemile.9Ufundaji uno wa uvvwizi ni kama hamila chidodo tu yosasula bulunge jose da usage.10Kwa mbuli ya kuilumba kwetu na Mndewa, nina tumanilo kulu kua mweye hamleka kuilinga na nie vija vinili. Kaidi yoyose ija yowatenda mgombe yawe ino hebu ija kokwinukiligwa na Mulungu.11Mbwiga zangu ning'hali noligula kua yolondeka wanhu kwingila kumbi, habali baho wang'hali wogendelela kunidununza? Maza yahawile ivo, kuligula kwangu kwambuli ya ifa ya Yesu mumsalaba uhalekile kuwagevuza Wayahudi.12Vinilondile niye vino, wao wowatenda mweye mgombe kwambuli ya kwingila kumbi, maza wahaikomile ulume wenyego!13Mweye mbwiga, mkemigwa ili mkale bila utumwa. Mbali utumwa uwo seke uwe chanduso cha kumema maya za muiisi, ila molondeka muisang'hanile kwa wende.14Ndagizi za Musa zose zenela kwa kuigoga ndagizi ino imwe. “Mwing'he wende miago kama vuuing'ha wende mwenyego.”15Mwahagomba na kuipalula na kuiluma kama wanyama, itiganyeni seke muikome wenyego kwa wenyego.16Baho nolonga vino, mgende kwa kulongozigwa na Muhe wa Mulungu, na mweye hamuwinza kaidi maya za lukuli.17Maya za lukuli haziitogolela na vuulonda Muhe wa Mulungu, na vuulonda Muhe wa Mulungu haziilumba na maya za lukuli. Mbuli izo mbili haziitogolela, na kwa mbuli iyo mweye hamdaha kusang'hana gaja mgalonda mweye wenyego.18Ihawa molongozigwa na Muhe wa Mulungu habule kaidi kulongozigwa na ndagizi.19Baho sang'hano za lukuli zomanyika vino. Ugoni na uluhadu na kuhondomola,20kufugamila milungu ya nyang'iti na uhawi na uhasanyi na kuitoa na maya na ludoko na ugila na kuibishila na kuihasanya,21migongo na kukoligwa na umelo na mbuli zimwenga zilinga izo. Nomzumani kaidi kama vinimalile kulonga, wanhu wotenda mbuli zilinga izo honda wengile muufaume wa Mulungu ng'o.22Mbali manhunda ga kulongozigwa na Muhe wa Mulungu ni wende na deng'o na utindiwala na kufunya moyo na unovu wa Mulungu na nying'ha na utogoligwa,23uhole na kuikimila mwenyego. Baho habule ndagizi yonda kuzilema mbuli izo.24Waja weli na Kilisito waziwamba muumsalaba mbuli zao wenyego za muiisi hamwe na kutonga kwao kwihile na maya zake.25Chahakala kwa kutazigwa na Muhe wa Mulungu ivo chimleke yachilongoze viyolonda.26Baho, sekechiikunge na sekechiwe na ndwagi hebu kuionela migongo.
The Word for the World International