Wakolinto11
1Nigeni niye kama vija nie vinimwiga Kilisito.2Baho, noweng'hani nhogolwa kwa vija mazua gose mong'humbuka na kugagoga mahala ganimfundani.3Mbali ivija nolonda mvimanye kua ditwi da mulume yoyose yomtogola Kilisito ni Kilisito, na Mulume iyo ditwi da mwehe wake, na Mulungu iyo ditwi da Kilisito.4Baho, chila mulume yofugama hebu yoligula usenga wa Mulungu kuno kagubika ditwi jake, iyo komgela chinyala Kilisito.5Muke mtogola Kilisito yoyose yofugama hebu yoligula usenga wa Mulungu bila kugubika ditwi jake iyo komgela chinyala mulume wake, yotenda ivo iyo koilinga na ija mwanachike yabeile mvili zake mditwi.6Kama muke hagubike ditwi jake, iyo kolondeka yabee mvili zake. Mbali kama ni chinyala kwa mwanachike kukanhigwa hebu kubeigwa, baho yofaya yagubike ditwi jake.7Hailondeka kwa mulume yagubike ditwi jake, kwa vija iyo kailinga na Mulungu na kaidi kolagusa ukulu wa Mulungu. Mbali muke kana ukulu wa mulume,8kwavija Mulungu hamulumbile mulume kulawa kwa muke, mbali kamulumba muke kulawa kwa mulume.9Kaidi Mulungu hamlumbile mulume kwambuli ya kumtaza muke, ila kamulumba muke kwambuli ya mulume.10Kwaivo kwambuli iyo, kaidi kwambuli ya watumigwa wa kwa Mulungu, muke kolondeka yagubike ditwi kulagusa udaho wake.11Kwambuli ya Mndewa, muke kotumanila mulume, nayo mulume kutumanila muke.12Kama vija mwanachike viyalawile kwa mulume, ivija mulume koleligwa na mwanachike, baho chila chinhu cholawa kwa Mulungu.13Baho, lamuleni wenyego, ivo yofaya kwa mwanachike kumfugamila Mulungu bila kuigubika mditwi jake?14Hata ng'huli zenyego yolagusa kua mulume kua na mvili nhali ni chinyala kumwake,15mbali kwa mwanachike yeli na mvili nhali ni nhogolwa, kwavija keng'higwa mvili nhali kua kama valo da kugubika ditwi.16Mbali kama hana munhu yonda kubela, cheye chabule mazoela kama gago hata mgamabumbila ga wamtogole Kilisito, ivo ivo vichisang'hana kwa kumfugamila Mulungu.17Sambi kwa mbuli ya gago ganilonda kuwalagiza, simtogolani, kwavija haja muhaiting'hanila kumfugamila Mulungu, mosang'hana gaja gowalumizeni ng'hani kubita gaja gowatazeni.18Nihulika kua haja muhaiting'hanila moihasanya na kuigola. Mgagoga ganihulike gamwenga gakweli.19Kweli notogola, kutokuitogolela mmwenu kolondeka kulawile, ili waja wamtogola Kilisito waukweli wamanyike.20Ivo haja mhaiting'hanila, hamja ndia ya Mndewa kama viilondeka,21Kwavija mwahaja chila munhu koja na kung'wa ndia yake bila kuwabeta wamwenga, ijo dotenda wamwenga waone nzala na wamwenga wakoligwe.22Ivo, hamdaha kuja na kung'wa hakae yenu! Hebu ivo, moizeleu ng'anda ya Mulungu na kuwagela chinyala waja walibule chinhu? Kwa mbuli ino niye nilonge choni kumwenu? Ivo, niweng'he nhogolwa? Hambee! Kwa mbuli ino siweng'ha nhogolwa!23Kwa vija niye nibokela gaja malagizo ganiwalekele kulawa kwa Mndewa, kua chilo chija Mndewa viyahindukigwe, kausola mgate,24kamwing'ha hewela Mulungu, kaubena kalonga,“Uno uwo lukuli lwangu kwa mbuli yenu, tendeni ivo chila mhaja kwa kung'humbuka niye.”25Ivija, viyamalile kuja, kachisola chikombe cha divai kalonga, “Chino ni chikombe cha lagano da sambi dolagusa kwa damu yangu mbuli iyo ni kweli. Tendeni ivo chila vumng'wa kwa kung'humbuka niye.”26Chila vumja mgate na kuching'wila chikombe chino moilongelela mbaka vonda yeze kua Kilisito kadanganika kwambuli yetu.27Kwaivo, chila youja mgate uwo hebu kung'wila chikombe cha Mndewa vija hailondeka, kokua kasang'hana malozo kwavija kazeleu lukuli na damu ya Mndewa.28Baho, chila munhu tanhu yailose mmoyo wake mwenyego, amala yauje mgate uwo na kung'wila chikombe icho.29Mbali kama munhu kong'wa na kuja bila kuvimanya maana ya kuilumba nayo na lukuli lwa Mndewa iyo koja na kung'wa kwa kuilamula mwenyego.30Iyo mana wengi mmwenu wazidilwa na watamu, kaidi wamwenga wadanganika.31Mbali tanhu chihailolese goya mmioyo yetu ching'hali hachinakuja, Mulungu yahalekile kuchilamula.32Mbali vichilamuligwa na Mndewa, chofundigwa chitende ganogile, ili seke chilamuligwe hamwe na wanhu wamwenga.33Kwaivo mbwiga zangu, muhaiting'hanila kuja ndia ya Mndewa, muibete.34Kama hana munhu yoyose yeli na nzala, na yaje ukae yake, ili kuiting'hana kwenu sekekugale kulamuligwa. Mbali kwa mbuli zija zimwenga nokwiza kumweng'heni malagizo vonda nize.
The Word for the World International