Zumbunulo8
1Mwizana yakakati yahhula tjizwino tjebutondeki, kwakaba nekunyalala kudzimu kwelubaka gungaba pakati napakati kwe awa.2Ndakakobona batumwa bekudzimu balikutondeka banoma mbeli kweNdzimu, bakapiwa nyanga dzinolidziwa dzilikutondeka.3Umwe ntumwa wekudzimu wakahha akama mbeli kwetjibeso enatjiyenga tjezeezi, wakapiwa mhoza njinji kuti ahanganyise nemitembezelo yebakayengemala kuti zwipigwe pehhugwi kwetjibeso tjezeezi tjimbeli kwetjigalo tjobumambo.4Busi gwemhoza gwakapfungayila kan'ompela nemitembezelo yebakayengemala kubva muluboko gwentumwa wekudzimu, mbeli kweNdzimu.5Ipapo ntumwa wekudzimu wakatola tjiyenga akatjihhadza nemoto waakatola patjibeso akakuposela muhango, kwakaba netitima, nebomba, nepenya kwenthari netengenyeka kwehango.6Batumwa bekudzimu balikutondeka baka bana nyanga dzilikutondeka bakazwibaakanya kuti batjilidza nyanga dzabo.7Ntumwa wekudzimu wekutanga wakalidza lunyanga gugwe, kukahha tjivulamabgwe nemoto wakahangana nemalopa, kwakaposegwa pehhugwi muhango lubabi gwembabi nhatu dzehango dzikatshwa, lubabi gwembabi nhatu dzemiti gukatshwa, buhwa gose gutema gukatshwa.8Ntumwa wekudzimu webubili wakalidza lunyanga gugwe, kumwe kunhu kunonga dombo gulugulu, lakalipfuta, nemoto kwakaposegwa mugungwa. Lubabi gwembabi nhatu dzegungwa kukahanduka kukaba malopa,9lubabi gwembabi nhatu gwezwipuka dzezwinotjila zwinogala mugungwa zwikafa, nelubabi gwembabi nhatu gwezwikepe kukapaladziwa.10Ntumwa wekudzimu webutatu wakalidza lunyanga gugwe, nyenyedzi whuluwhulu inopfuta setjivoneko yakawa ibva kuhhuhhugwi, yakawila palubabi gwembabi nhatu dzenjizi nemisenya yevula.11Zina lenyenyedzi laka liyi, “Unobaba.” Lubabi gwembabi nhatu dzevula yakahanduka ikababa, banhu banjinji bakafa nentha yevula iyeyo ngobe yaka ibaba.12Ntumwa wekudzimu webuna wakalidza lunyanga gugwe, lubabi gwembabi nhatu dzehhuba gukabola, nelubabi gwembabi nhatu dzemwedzi, nelubabi gwembabi nhatu gwenyenyedzi, kuyetila kuti lubabi gwembabi nhatu gwezwinhu izwezwi zwakabahhalima, lubabi gwembabi dzilinhatu gwemasikati gwakagusina tjedza, kukajalobo nekulubabi gwembabi nhatu gwebusiku.13Ndakalinga ndikawha lumhangu gulila newhi gulugulu, pagwaka gupupuruka muhhuhhugwi guti, “Kwakababangalila! Kwakababangalila! Kwakababangalila ibabo banogala muhango, nentha yelidziwa kwenyanga kutjowhoyetiwa nebamwe batumwa bekudzimu batatu!”
The Word for the World International