Zumbunulo1
1Zumbunulo yaYesu Khirisitu, yaakapiwa neNdzimu, kuti alakidze balanda babe zwinhu zwinowhohha nekutjimbidza; wakatuma ntumwa uwe kuti azwizibise nlanda uwe Johane.2Iye Johane wakapa busupi ngekwedama leNdzimu nangebusupi ngekwaYesu Khirisitu nekumwe kose kwaakabona.3Wakakombolegwa iwhoyo unobalila pehhugwi matama ebulebesambeli igogu, kakale bakakombolegwa nayibabo banowha kakale betjengeta ikoko kwakakwagwa mukati, ngobe lubaka gwatjibapedlo.4Kubva kuna Johane ekwalila makubungano ebagalimoyo ali kutondeka amuhango yeAsiya.
Ngoni nekunyalala kunobva kuna iye uyapo, waka elipo, iye unohha, nekunobva bo nekumeya dzili kutondeka dzimbeli kwetjigalo tjitje tjebumambo; ngakube kumuli,5nekunobva kuna Yesu Khirisitu, nsupi unogalikabgwe, iye mbano yebafi, ntongi wabomambo behango.
Kuna iye unotida wakatisunungula mumatjinyo edu nemalopa awe6akatithama kuti tibe bumambo nekuti tibe baphirisiti beNdzimu banoba Tate babe, ngaakudziwe kakale abenemasimba nekusingapele. Akujalo.7Lingani, unohha ali mumakole, hhiho limwe nelimwe lowhumbona nayibabo bakawumbhaya, njudzi dzose dzehango dzowhokuwa nentha iye. Lebeswa. Akujalo.8“Ndimi Alifa naOmega,” kujalo He Ndzimu, iye uyapo, waka elipo, iye unowhohha, iye Masimba ose.9Imi Johane hama yenyu, ndihanganyila namwi muna Yesu mukudziyidziwa, nemubumambo, nemoyonlefu mukusimidzila, ndakabe ndili tjimugwizi tjinoyi Phathimosi nentha yedama leNdzimu kakale nentha yebusupi gwaYesu.10Imi ndakabe ndili muMeya muhhuba laHe, ndikawha hule kwangu whi gulugulu linga lelunyanga gunolidziwa,11liti, “Kwala tjawunobona mulukwalo, ukutumile kumakubungano ebagalimoyo alikutondeka, kuEfesu, nekuSimayina, nekuPegamamu nekuThiyathira nekuSadisi nekuFiladefiya nekuLayodisiya.”12Ndakatjebuka kuti ndibone whi laka lilebeleka nemi, ndikati ndatjebuka ndikabona zwigadziko zwezwivoneko zwezeezi zwilikutondeka.13Pakati kwezwigadziko izwezwi kwakabe kuna unonga nkololo wenhu, waka akambala jila lefulefu, akapombela pafuba tjitje mwandabula wezeezi;14n'holo uwe nemavudzi awe kwaka kuli kutjenatjena sebukuse gutjena, kuli kutjenatjena semakahaa, meho awe aka enga bibi lemoto.15Makumbo awe aka enga tshipi yaka bulungiwa nembehho kunga kunoyi yakapisiwa muvutho, whi lile liwhakala sevula njinji inowona iwunga ijitila pahongwe.16Muluboko gugwe gweludli waka akabhata nyenyedzi dzilikutondeka, munlomo uwe kwakabhuda bhangatjeke linopiza ntha dzose, buso gugwe gupenya sehhuba linopenya nemasimba alo ose.17Ndakati ndiwumbona awila pasi kwemakumbo awe sekunoyi ndafa. Koga wakabiga luboko gugwe goludli pehhugwi kwangu ekalebeleka nami eti, “Usihle, ndimi wekutanga newebupelo,18ndimi unotjila; ndakafa, koga ndeetjila nekusingapele, ndina makhiyi elufu neHhedesi.19Ngwenu kwala zwinhu zwawunobona, nezwinhu zwiyapo, nezwinhu zwinowhohha hule kwayizwezwi.20Tjakasumbikika tjenyenyedzi dzili kutondeka dzawakabona muluboko gwangu gweludli nezwigadziko zwezwivoneko zwezeezi ndiwhoku; nyenyedzi dzilikutondeka batumwa bemakubungano ebagalimoyo alikutondeka, zwigadziko zwezwivoneko zwilikutondeka makubungano ebagalimoyo alikutondeka.
Ngoni nekunyalala kunobva kuna iye uyapo, waka elipo, iye unohha, nekunobva bo nekumeya dzili kutondeka dzimbeli kwetjigalo tjitje tjebumambo; ngakube kumuli,5nekunobva kuna Yesu Khirisitu, nsupi unogalikabgwe, iye mbano yebafi, ntongi wabomambo behango.
Kuna iye unotida wakatisunungula mumatjinyo edu nemalopa awe6akatithama kuti tibe bumambo nekuti tibe baphirisiti beNdzimu banoba Tate babe, ngaakudziwe kakale abenemasimba nekusingapele. Akujalo.7Lingani, unohha ali mumakole, hhiho limwe nelimwe lowhumbona nayibabo bakawumbhaya, njudzi dzose dzehango dzowhokuwa nentha iye. Lebeswa. Akujalo.8“Ndimi Alifa naOmega,” kujalo He Ndzimu, iye uyapo, waka elipo, iye unowhohha, iye Masimba ose.9Imi Johane hama yenyu, ndihanganyila namwi muna Yesu mukudziyidziwa, nemubumambo, nemoyonlefu mukusimidzila, ndakabe ndili tjimugwizi tjinoyi Phathimosi nentha yedama leNdzimu kakale nentha yebusupi gwaYesu.10Imi ndakabe ndili muMeya muhhuba laHe, ndikawha hule kwangu whi gulugulu linga lelunyanga gunolidziwa,11liti, “Kwala tjawunobona mulukwalo, ukutumile kumakubungano ebagalimoyo alikutondeka, kuEfesu, nekuSimayina, nekuPegamamu nekuThiyathira nekuSadisi nekuFiladefiya nekuLayodisiya.”12Ndakatjebuka kuti ndibone whi laka lilebeleka nemi, ndikati ndatjebuka ndikabona zwigadziko zwezwivoneko zwezeezi zwilikutondeka.13Pakati kwezwigadziko izwezwi kwakabe kuna unonga nkololo wenhu, waka akambala jila lefulefu, akapombela pafuba tjitje mwandabula wezeezi;14n'holo uwe nemavudzi awe kwaka kuli kutjenatjena sebukuse gutjena, kuli kutjenatjena semakahaa, meho awe aka enga bibi lemoto.15Makumbo awe aka enga tshipi yaka bulungiwa nembehho kunga kunoyi yakapisiwa muvutho, whi lile liwhakala sevula njinji inowona iwunga ijitila pahongwe.16Muluboko gugwe gweludli waka akabhata nyenyedzi dzilikutondeka, munlomo uwe kwakabhuda bhangatjeke linopiza ntha dzose, buso gugwe gupenya sehhuba linopenya nemasimba alo ose.17Ndakati ndiwumbona awila pasi kwemakumbo awe sekunoyi ndafa. Koga wakabiga luboko gugwe goludli pehhugwi kwangu ekalebeleka nami eti, “Usihle, ndimi wekutanga newebupelo,18ndimi unotjila; ndakafa, koga ndeetjila nekusingapele, ndina makhiyi elufu neHhedesi.19Ngwenu kwala zwinhu zwawunobona, nezwinhu zwiyapo, nezwinhu zwinowhohha hule kwayizwezwi.20Tjakasumbikika tjenyenyedzi dzili kutondeka dzawakabona muluboko gwangu gweludli nezwigadziko zwezwivoneko zwezeezi ndiwhoku; nyenyedzi dzilikutondeka batumwa bemakubungano ebagalimoyo alikutondeka, zwigadziko zwezwivoneko zwilikutondeka makubungano ebagalimoyo alikutondeka.
The Word for the World International