BaFiliphi1
1Kubva kuna Phawuli naThimothi, balanda baKhirisitu Yesu,
Kubayengemali bose bamuna Khirisitu Yesu bakuFiliphi, nebalisi bemakubungano, nebatjengeti.2Ngoni nekunyalala kunobva kuNdzimu Tate bedu naHe Yesu Khirisitu ngakube kumuli.3Hapa ndimukumbula ndoboka Ndzimu wangu lubaka gose,4mumitembezelo yangu yose ndomutembezelela mose ndilihhele kuhanha,5ndiboka hingidzana kwenyu nami mun'hingo wendebo mbuya kubvila hhuba lekutanga kudza kuba ngwenuwali.6Ndina kugalabgwe kuti iwhoyo wakatanga bamba n'hingo wakanaka mumuli unowuhinga akawupedza kudza kunoti muhhuba laKhirisitu Yesu.7Kwakandilulamila kuti ndimukumbule sayikoku mose, ngobe mogala muli mumoyo wangu, mokobelana nemi mungoni dzandinadzo pakudzibilila nesungigwa ndebo mbuya kose nemukuyisimisa.8Ndzimu ndiye nsupi wangu, kuti ndomuhuba kungapani mose neludo gwaKhirisitu Yesu.9Untembezelo wangu kuti ludo gwenyu guwande tjoselele gulihhele luzibo nenjele,10kuyetila kuti muhale tjakalulama, kakale mube babuya musibe nenlandu kuyetila hhuba laKhirisitu,11mulihhele mitjelo yekululama inohha naYesu Khirisitu kuti Ndzimu akudziwe kakale alumbidziwe.12Hama dzangu ndohaka kuti muzibe kuti kwakayetikala kundili kwakabhatsha kwazo mukuyendilambeli kwendebo mbuya,13kwakayetikala kuyetila kuti banolinda n'umba yembhati wentunhu nebamwe bose bazibe kuti ndakasungigwa Khirisitu.14Sungwa kwangu kwakayeta hama njinji dzikaba nekugalabgwe kwakasima muna He, ngwenu besumikila dama leNdzimu besingahle.15Ilebeswa bamwe banosumikila Khirisitu nentha yendandala kose nekakabadzana, koga bamwe banokuthama bena yemula kwakanaka.16Bakajalo banokuthama kubva muludo, beziba kuti ndakapiwa n'hingo wedzibilila ndebo mbuya,17bamwe banosumikila nekwa Khirisitu bezwikudza, besina malebeswa, bekumbula kuti bangapamhidzila dziyila kwangu ndili mubusungwa.18Ngono ini ikoku? Kuti kene ngezila yemalebeswa kene yemanyepwa, andineni nako, Khirisitu unosumikigwa ngezila dzose, imi ikoku kondihanhisa.19Ee, ndohanha, ngobe ndoziba kuti nemitembezelo yenyu nebhatsho leMeya yaYesu Khirisitu ikoku kowhondiswikisa mukusunungugwa kwangu.20Sekwandinoyemula kakale ndigalabgwe kuti anditowhobhakhwa nehoni, koga ngebanetjilopa ngwenuwali semahhuba ose Khirisitu unowhokudziwa mumbili wangu, ngebutjilo kene ngelufu gwangu.21Ngobe kundili tjila ndiKhirisitu, fa kuhine.22Hapa kuli butjilo munyama koleba kundili kuti ndowhohinga azwala mitjelo, koga kuti ndihale kupi anditoziba.23Ndokwebegwa yeno nayeno. Imi ndohaka yenda ndinogala naKhirisitu, kundili ikoku kuhine kwazo.24Kuti ndisiyende ndigale mumbili kungabhatsha imwi bukulu.25Nentha yekuti ndinalebeswa nekwako, ndoziba kuti ndowhogala ndikayendilambeli namwi mose, kuyetila kula nehanha kwenyu mubugalimoyo,26kuyetila kuti ndihanhila kwenyu kube kunjinji muna Khirisitu Yesu, pandinowhohha kakale kumuli.27Koga tjila kwenyu ngakube kunoyendidzana nendebo mbuya yaKhirisitu, kuyetila kuti kene ndahha ndiwhomubona kene anditapo, ndiwhe kuti mumile makasima muli mumeya in'ompela, nenkumbulo un'ompela mugwisa muli panhu pan'ompela kuyetila bugalimoyo gwendebo mbuya,28musingahlisidzigwe nezwita zwenyu kene nayipi zila, kubali guli busupi gopaladziwa, koga kumuli kuli tjidziwa kunobva kuNdzimu.29Ngobe itjinhu tjamakapiwa kuti mube banogalamoyo munaKhirisitu, kakale kuti mudziyile mudziyilila iye,30muli mungwa iyo zwayo iyeyo yamakabona, kwangwenu yamunowha kuti nditjili muyili.
Kubayengemali bose bamuna Khirisitu Yesu bakuFiliphi, nebalisi bemakubungano, nebatjengeti.2Ngoni nekunyalala kunobva kuNdzimu Tate bedu naHe Yesu Khirisitu ngakube kumuli.3Hapa ndimukumbula ndoboka Ndzimu wangu lubaka gose,4mumitembezelo yangu yose ndomutembezelela mose ndilihhele kuhanha,5ndiboka hingidzana kwenyu nami mun'hingo wendebo mbuya kubvila hhuba lekutanga kudza kuba ngwenuwali.6Ndina kugalabgwe kuti iwhoyo wakatanga bamba n'hingo wakanaka mumuli unowuhinga akawupedza kudza kunoti muhhuba laKhirisitu Yesu.7Kwakandilulamila kuti ndimukumbule sayikoku mose, ngobe mogala muli mumoyo wangu, mokobelana nemi mungoni dzandinadzo pakudzibilila nesungigwa ndebo mbuya kose nemukuyisimisa.8Ndzimu ndiye nsupi wangu, kuti ndomuhuba kungapani mose neludo gwaKhirisitu Yesu.9Untembezelo wangu kuti ludo gwenyu guwande tjoselele gulihhele luzibo nenjele,10kuyetila kuti muhale tjakalulama, kakale mube babuya musibe nenlandu kuyetila hhuba laKhirisitu,11mulihhele mitjelo yekululama inohha naYesu Khirisitu kuti Ndzimu akudziwe kakale alumbidziwe.12Hama dzangu ndohaka kuti muzibe kuti kwakayetikala kundili kwakabhatsha kwazo mukuyendilambeli kwendebo mbuya,13kwakayetikala kuyetila kuti banolinda n'umba yembhati wentunhu nebamwe bose bazibe kuti ndakasungigwa Khirisitu.14Sungwa kwangu kwakayeta hama njinji dzikaba nekugalabgwe kwakasima muna He, ngwenu besumikila dama leNdzimu besingahle.15Ilebeswa bamwe banosumikila Khirisitu nentha yendandala kose nekakabadzana, koga bamwe banokuthama bena yemula kwakanaka.16Bakajalo banokuthama kubva muludo, beziba kuti ndakapiwa n'hingo wedzibilila ndebo mbuya,17bamwe banosumikila nekwa Khirisitu bezwikudza, besina malebeswa, bekumbula kuti bangapamhidzila dziyila kwangu ndili mubusungwa.18Ngono ini ikoku? Kuti kene ngezila yemalebeswa kene yemanyepwa, andineni nako, Khirisitu unosumikigwa ngezila dzose, imi ikoku kondihanhisa.19Ee, ndohanha, ngobe ndoziba kuti nemitembezelo yenyu nebhatsho leMeya yaYesu Khirisitu ikoku kowhondiswikisa mukusunungugwa kwangu.20Sekwandinoyemula kakale ndigalabgwe kuti anditowhobhakhwa nehoni, koga ngebanetjilopa ngwenuwali semahhuba ose Khirisitu unowhokudziwa mumbili wangu, ngebutjilo kene ngelufu gwangu.21Ngobe kundili tjila ndiKhirisitu, fa kuhine.22Hapa kuli butjilo munyama koleba kundili kuti ndowhohinga azwala mitjelo, koga kuti ndihale kupi anditoziba.23Ndokwebegwa yeno nayeno. Imi ndohaka yenda ndinogala naKhirisitu, kundili ikoku kuhine kwazo.24Kuti ndisiyende ndigale mumbili kungabhatsha imwi bukulu.25Nentha yekuti ndinalebeswa nekwako, ndoziba kuti ndowhogala ndikayendilambeli namwi mose, kuyetila kula nehanha kwenyu mubugalimoyo,26kuyetila kuti ndihanhila kwenyu kube kunjinji muna Khirisitu Yesu, pandinowhohha kakale kumuli.27Koga tjila kwenyu ngakube kunoyendidzana nendebo mbuya yaKhirisitu, kuyetila kuti kene ndahha ndiwhomubona kene anditapo, ndiwhe kuti mumile makasima muli mumeya in'ompela, nenkumbulo un'ompela mugwisa muli panhu pan'ompela kuyetila bugalimoyo gwendebo mbuya,28musingahlisidzigwe nezwita zwenyu kene nayipi zila, kubali guli busupi gopaladziwa, koga kumuli kuli tjidziwa kunobva kuNdzimu.29Ngobe itjinhu tjamakapiwa kuti mube banogalamoyo munaKhirisitu, kakale kuti mudziyile mudziyilila iye,30muli mungwa iyo zwayo iyeyo yamakabona, kwangwenu yamunowha kuti nditjili muyili.
The Word for the World International