Jakobe2
1Makamu angu, sebagalimoyo baHe wedu Yesu Khirisitu, He wegudzo, musibe neluhalawulo.2Ngobe hapa kungangina nlume wakambala zwiyambalo zwentengo upehhugwi nerin'i yezeezi, mun'umba yenamata Ndzimu, kubva kungina umwe nlume wakapalukigwa,3muba muwamutjila zwakanaka iwhoyo wakambala zwiyambalo zwentengo upehhugwi, “Yetji tjigalo, tomukumbila mugale pano,” kun'hayi muti, “Ima hapaya,” kene muti, “Iti para pasi pamakumbo edu,”4amuzoba neluhalawulo, mukaba batongi banamikumbulo mibi?5Whililani makamu angu anodikala. Ndzimu haazohala bahayi muno muhango kuti babe bafumi mukugalamoyo kakale babe nghalinhaka dzebumambo gwaakagadzabgwe ibabo banowundha?6Koga imwi malengudza n'hayi. Banomutshambidzila akuta bafumi, akuta ibo banomukakatila kumbahhe dzetonga milandu?7Kakale akuta ibo banotuka zina linolemekedzewa lamunodan'wa nalo?8Hapa mulondolodza nlayo webumambo, sekwakunolebgwa nelukwalo, “Nowhoda mbakidzani uwo sekwawunozwida iwe tjekuko,” moyeta zwakanaka.9Koga hapa muna luhalawulo, moyeta jinyo, kakale nlayo unomuwana nlandu sebatjinyi.10Ngobe kene yani unolondolodza milayo yose koga akatjuluka un'ompela watjiba nejinyo letjuluka milayo yose.11Ngobe iwhoyo wakati, “Usiyete bupombgwe,” kakale wakati, “Usibulaye.” Hapa usingayete bupombgwe koga ukobulaya, watjivuna nlayo.12Ndizo ke mulebeleke kakale muyete sebanhu banowhotongewa ngenlayo unopa lusununguko.13Ngobe tonga akutowhoba nemawhilangoni kuna usakalayidza mawhilangoni; koga ke mawhilangoni anokunda tonga.14Kobhatshani ke, makamu angu, hapa nhu eti una bugalimoyo koga asina mihingo? Galamoyo kukwe kungawuntjidza?15Hapa limwe gamu lakapalukigwa kakale lisina zodliwa hhuba nehhuba,16umwe pakati kwenyu ekoti kulili, “Uyende zwakanaka, umbale udziyigwe kakale udle ugute,” asawumpa zwinohakiwa nembili, kobhatshani?17Ndizo galamoyo tjekwako, hapa kusina mihingo, kwakafa.18Koga umwe unowhoti, “Iwe unakugalamoyo imi ndina mihingo.” Undilakidze galamoyo kuko kuhhe kwemihingo, imi ngemihingo yangu ndowhokulakidza galamoyo kwangu.19Nogalamoyo kuti Ndzimu un'ompela? Kwakanaka! Meyambi bo dzogalamoyo kujalo, kakale dzotetema ngentha yehla.20Iwe tjilengwe, nohaka lakidziwa kuti galamoyo kusina mihingo akuta tjimwe?21Batategulu bedu Abhurahhamu abazolulamisiwa ngentha yemihingo, pabakatola nkololo wabo Isaka bakawunsa patjibeso kudze bawumpile?22Nobona ke kuti galamoyo kwaka kwakahangana nemihingo, kakale galamoyo kwakapeleledzewa ngemihingo,23nelukwalo gwakahhadzisika, gunoti, “Abhurahhamu wakagalamoyo kuNdzimu, kakale galamoyo kukwe kukabagwa selulama,” akadan'wa eyi nkwinya weNdzimu.24Mobona ke kuti nhu unolulamisiwa ngemihingo kusi ngegalamoyo koga.25Nayiyeyo zila zwayo Rahabhu, fukula, haazolulamisiwa ngemihingo paakawamutjila batumwa akabayendisa neyimwe zila?26Sembili wakafa hapa kusina meya, galamoyo bo hapa kusina mihingo kwakafa.
The Word for the World International