BaHhebheru7
1Melikhizedeki iwhoyu waka eli mambo wekuSalemu, kakale eli Mphirisiti upehhugwi weNdzimu Upehhugwi pehhugwi. Abhurahhamu wakati ebva kungwa kwaaka abulaya bomambo, Melikhizedeki wakawun'hanganidza akawunkombolela;2Abhurahhamu wakawumpa tjegumi tjakose kwaaka atola kungwa. Tjekutanga zina linoti Melikhizedeki lobva kuti “mambo wendulamo,” kakale kuti mambo wekuSalemu kobva kuti, “mambo wekunyalala.”3Haana tatayi kene mayi, kene ludzi, haana panotangila mahhuba otjila kukwe kene bupelo gwebupenyu, unonga seNkololo weNdzimu, unogala elimphirisiti upehhugwi nekusingapele.4Tjikumbulani ke kuti waka eli nhu nkulu kungapani! Batategulu bedu Abhurahhamu bakawumpa tjegumi tjayiko kose kwabaka bawana kungwa.5Ibabo beludzi gwaLevi banoba baphirisiti, nlayo unoti bakafanila tola tjegumi kubva kubanhu, kumakamu abo, nenguba ibo bo bali beludzi gwaAbhurahhamu.6Koga iwhoyu nlume waka esiweludzi gwabo wakawamutjila tjegumi kubva kuna Abhurahhamu akawukombolela iwhoya waka enazwigadzabgwe.7Akuna angalamba kuti upasi unokombolegwa nenhu upehhugwi pawunli.8Ngekwapano tjegumi tjowamutjigwa nebanhu banofa, koga ngekwayeno tjowamutjigwa naye iwhoya kwakapiwa busupi nekukwe kuti unotjila.9Umwe angati Levi tjekukwe unowamutjila tjegumi, wakadusa tjegumi mukudusa kwaAbhurahhamu.10Ngobe Melikhizedeki paakahangana na Abhurahhamu iye waka esanhu azwagwa, waka etjimumbili wabatategulu babe.11Hapa kuli kuti lulama kwakakuhha ngebuphirisiti gwebaLevi (ngobe pasi pago banhu bakawamutjila nlayo) ngono kungentha yeni kwakahakika kuti kube newumwe mphirisiti unowhohha weludzi gwaMelikhizedeki, usi weludzi gwaAroni?12Ngobe hapa buphirisiti guhandugwa, nlayo wakafanila handugwa bo.13Iye unolebegwa zwinhu izwezwi ndewegumwe ludzi, akuna weludzi gugwe wakatongohinga patjibeso tjepisila zwibhayilo.14Ngobe kunabusupi kuti He wedu wakazwagwa muludzi gwaJuda, Mozisi haana tjaakaleba nekweludzi igogu paaka eleba nekwebaphirisiti.15Ikoku kobapatjena hapa kwatjimuka umwe mphirisiti, unonga Melikhizedeki,16wakagadziwa kuti abe mphirisiti kusingatobegwe milayo yezwagwa kwenhu, koga kuhingisiwa masimba ebupenyu gusingapele.17Ngobe busupi nekukwe goti, “Nowhoba mphirisiti nekusingapele, nekweludzi gwebuphirisiti gwaMelikhizedeki.”18Nlayo nkulukugwi unosendekewa ntome, ngobe waka usina masimba, kakale usina bhatsho19ngobe nlayo awuna tjawakalulamisa, ngono ngwenu kugalabgwe kuhine kwatjihhisiwa, nayiko tosedzela pedlo neNdzimu.20Kugalabgwe kuhine akuzohhisiwa koga kusina tuna, koga bamwe baphirisiti bakabegadziwa kusina tuna.21Koga iye wakaba mphirisiti ngetuna, Ndzimu paakati kuwunli,“He watunahaangahandule nkumbulo uwe,‘Iwe nowhoba mphirisiti nekusingapele.’ ”22Ikoku ke koyeta Yesu akaba tjinosimisa tjibvumilano tjihine.23Baphirisiti bantolo baka bali banjinji, ngobe lufu gwakagubakonesa yendilambeli bali mun'hingo wabo.24Koga iye unotjila tjoselele, ndizo ke n'hingo uwe webuphirisiti akuna ungawuntola.25Ndizo ke unotubula lubaka gose tjidza, kwazo kwazo ibabo banosedzela pedlo neNdzimu, bali muwunli, ngobe unotjila tjoselele kuti agale ebakumbilila.26Ngobe kwakakwakafanila kuti tibe neMphirisiti Upehhugwi wakajali, wakayengemala, usina nlandu, mbuyanana, wakathubukanyiwa nebatjinyi, wakamilidzigwa pehhugwi kwekudzimu.27Iye akutohakika kuti apile zwibhayilo mahhuba ose, eyetila matjinyo awe kutanga, ekotjiyetila matjinyo ebanhu, sebamwe baphirisiti bapehhugwi. Wakazwipila kan'ompela akaba tjibhayilo tjatjose.28Lebeswa, nlayo waka ugadza banhu kuti babe baphirisiti bapehhugwi mubukuwa gwabo, koga dama letuna lakahha hule kwenlayo, logadza Nkololo wakalulamisiwa kuti abe mphirisiti nekusingapele.
The Word for the World International