BaKolose4
1Bobatezi bhatani balanda benyu nezila yakalulama kakale yakalizanila, mugale muziba bo kuti imwi muna Batezi benyu kudzimu.2Muzwipile mukutembezela, mube makalinda mutembezela, muboka Ndzimu,3kakale mutitembezelele bo kuti Ndzimu atihhulile nkoba wesumikila dama, kuti tisumikile sumbikala kwaKhirisitu, ngobe ndiko kwakathama kuti ndibensungwa sangwenu,4kuti nditubule kusa patjena, sekwandakafanila.5Mutjenjele mukutjila kwenyu mbeli kwebakuhhe, muhingisa lubaka gwamunowana nezila yakatambunuka.6Matama amunoleba ngaahhale ngoni, azipe, kudze muzibe kuti mungahandula tjini nhu wose.7Thikhikhasi unowhomubudza nekwangu, igamu linodikala kakale un'hingi unogalikabgwe nenlanda watinohinga tose tihingila He.8Ndizo wali ndawuntuma kumuli, kudze muzibe kuti titjini nekuti akuludzile mimoyo yenyu,9unohha na Onesimasi, gamu linodikala kakale linogalikabgwe, unoba ali umwe wenyu. Banowhomubudza kose kunoyetikala ngeno.10Arisitakhasi, nsungwa kan'ompela nami, unomubuyisa, naMako gamu laBhanabhasi (iye wamakalayiwa nekukwe; hapa angaswika kumuli, muwuwamutjile),11naYesu, unoyi Jasitasi. Ibaba ndibo boga balume beludzi gunothumbigwa pakati kwebanohinga nami mubumambo gweNdzimu, banondikulumbidza kakale babhatsho gulu kundili.12Iphafurasi, unoba ali umwe wenyu, nlanda waKhirisitu Yesu, unomubuyisa, unogala emukumbula mumitembezelo iye, emutembezelela nemoyo uwe wose, kuti musime mube neluzibo guhhele mukuda kweNdzimu kose.13Ndopa busupi kuti unohinga zwakalema, ehingila imwi nayibabo bakuLayodisiya nebakuHhiyerapolisi.14Luka, nlapi unodikala, naDemasi banomubuyisa.15Mundibuyisile makamu akuLayodisiya, naNimfa negubungano lebagalimoyo linonginila mun'umba iye.16Hapa lukwalo igogu matjigubaligwa, mube nelebeswa kuti gobagwa bo kugubungano lebagalimoyo lekuLayodisiya, imwi mutole gwandakakwalila bekuLayodisiya mugubale bo.17Mubudze Akhiphasi muti, “Bona kuti nofidza n'hingo waakawamutjila kubva kuna He.”18Imi Phawuli, ndokwala buyisa ikoku neluboko gwangu. Musikangan'we kuti ndinsungwa.
Ngoni ngadzibe namwi.
Ngoni ngadzibe namwi.
The Word for the World International