2 BaThesalonika3
1Tjebupelo, hama dzangu, mutitembezelele, kuyetila kuti dama laHe li andame nekulibilidza kakale likudziwe, sekwalakayetiwa pakati kwenyu,2nekuti tiwangugwe kubva kubanhu bakayipa kakale bali babi, ngobe akuta kuli kuti bose bana bugalimoyo.3Koga iye He unogalikabgwe, unowhomusimisa, kamutjengeta mumbi.4Tina kugalabgwe munaHe nekwenyu, kuti mothama kakale mowhoyendila mbeli muthama zwinhu zose zwatinomulaya.5Kadzene He angatungamidza mimoyo yenyu kuludo gweNdzimu nedzikitidza kwaKhirisitu.6Makamu edu, ngwenuwali teemulaya, muzina laHe wedu Yesu Khirisitu, kuti muzwipalalanye nemakamu ana busimbe asingatjile ngetobela nlenje wamakawamutjila kubva kutili.7Ngobe imwi tjekwenyu moziba kuti makafanila titodza tjini, ngobe atizotongoba simbe pataka tinamwi,8atizotongodla zodliwa zwenhu tisazwilipila, koga takatihinga titukutila siku nesikati tiyetila kuti tisibe ntolo kene kuna yani zwe pakati kwenyu.9Takakuthama ikoku kusi ngentha yekuti atina fanilo yepiwa bhatsho, koga takabe tizwithama tjilakidzilo kumuli, tjamungatobela.10Ngobe titjinamwi takamupa nlayo iwhoyu, “Hapa nhu esingahake hinga asitongodla.”11Ngobe towha kuyi pakati kwenyu bayapo banotjila mubusimbe, banoda zwisa muzwinhu zwebanhu besingahake hinga.12Ibabo bakajalo tobatetedza kakale tibakulumbidza munaHe Yesu Khirisitu kuti bahinge bakanyalala, bawane zwingababhatsha mubutjilo gwabo.13Koga imwi makamu edu musinyadziwe nethama tjibuya.14Hapa kuna nhu usingawhilile tjatinoleba mulukwalo igogu, muwunlonge meho, musidlidzane naye kuyetila kuti abhakhwe nehoni.15Koga musiwuntole setjita tjenyu, muwuntjemele sehama yenyu.16Kadzene He wekunyalala tjekukwe angamupa kunyalala nezila dzose gose lubaka. He abe namwi mose.17Imi Phawuli ndazwikwalila ngeluboko gwangu buyisa ikoku, nditjo tjilakidzilo mugumwe negumwe lukwalo gwangu, ndiyo zila yandinokwala nayo.18Ngoni dzaHe wedu Yesu Khirisitu ngadzibe nemwi mose.
The Word for the World International