2 BaThesalonika2
1Nekwehha kwaHe wedu Yesu Khirisitu kose nekubunganyiwa kwedu kuti tihangane naye, tomukumbila makamu,2kuti musitjimbidze madzinganyidzika mikumbulo, mahangana miholo, kene malobgwa nehana ngentha yedama, kene meya kene lukwalo; kunoti hhuba laHe lakatjiswika, kunoyi kwakabva kutili.3Musibvumile kuti kene yani amutjebele kene nayipi zila. Ngobe hhuba ilelo alitowhoswika, kuhhe kwekuti kwatanga pandukilana, iwhoya nhu usingatobele nlayo atanga azumbunugwa, iye unowhopaladziwa.4Unowholeyana nako kose kunoyi ndzimu kene zwinhu zwinonamatiwa kakale akazwimilidza akaba pehhugwi kwako kose, kuyetila kuti iye anogala muthempeli leNdzimu ezwiti ndiye Ndzimu.5Amutjakumbula kuti titji toseni ndakamubudza zwinhu izwezwi?6Kakale moziba kuti ini tjinowundziba ngwenuwali, kuyetila kuti akozumbunugwa mulubaka gugwe.7Ngobe masimba esatobela nlayo akasumbikika eehinga ngwenuwali, koga iwhoya unowadziba ngwenuwali unowhoyendilambeli eyeta sayikoku kudzina adusiwa muzila.8Usingatobele nlayo unokotjizumbunugwa, koga He Yesu unowhowumbulaya nefema kwenlomo uwe kakale akawumpaladza ngepenya kwehha kukwe.9Hha kukwe usingatobele nlayo kuyendidzana nemihingo yaSatane kowhoba kunamasimba ose kakale kuna zwilakidzilo zwemanyepwa nematjenamiso emanyepwa,10kakale kunatjebela kose kwakayipa kuna ibabo banowhopalala. Banowhopalala ngobe bakalamba da lebeswa kuyetila kuti batjidziwe.11Ngentha yayikoku Ndzimu unobatumila dzibayila kwakasima kudze bagalemoyo manyepwa,12kuyetila kuti bose ibabo basakagalamoyo kulebeswa koga bakaba nekuhanha mukusalulama bawanikwe nlandu.13Koga takafanila boka Ndzimu nekwenyu lubaka gose, hama dzinodiwa naHe, Ndzimu wakamuhala kubva kumabambo kuti mutjidziwe ngeyengemadziwa neMeya nange galamoyo mulebeswa.14Wakamudanila kuna ikoku ngendebo mbuya yatakasumikila, kuyetila kuti muwane gudzo laHe wedu Yesu Khirisitu.15Ndizoke hama dzangu, mani makasima kakale mubhatilile pamilenje yatakamudiya, kungaba ngenlomo kene ngewhalo.16He wedu Yesu Khirisitu tjekukwe, neNdzimu ibo tate bedu, ibo bakatida bakatipa nyaladziwa kusingapele nekugalabgwe kubuya kunobva mungoni,17bakulumbidze mimoyo yenyu neyisimisa mukuyeta kose kwakanaka nemuleba kose kubuya.
The Word for the World International