1 Thimothi3
1Ndebo iyeyi inogalikabgwe. hapa kuna nhu unoyemula ba netjigalo tjentungamili wegubungano, unoyemula n'hingo wakanaka.2Ndizo ntungamili wegubungano unofanila ba nhu usingasoleke, nlume unamfumakadzi un'ompela, unozwibhata, unanjele, unolemekedzeka, unotubula wamutjila banhu, unotubula diya.3Usingalaladze, usina buhongola koga unamoyo wakatebama, usingade kakabadzana nebamwe, kakale nhu usingade mari.4Wakafanila tubula tungamila nzi uwe zwibuyanana, unotjengeta bana babe bezwitebamisa kakale benamazwibhato nezila dzose.5Ngobe hapa nhu esingatubule tungamila nzi uwe engatubula tjengeta tjini gubungano leNdzimu?6Azofanila kuti abenhu ntjetjana pabugalimoyo, ngobe hapa kwakajalo angazwikudza ekowanikwa nlandu sekwakayetika kuna Satane.7Wakafanila ba nhu unolebgwa zwakanaka nekukwe nebanhu bakuhhe kwegubungano kuyetila kuti asiwile mutjiliko tjelingigwa pasi nebhakhwa nedati laSatane.8Batjengeti bo bakafanila ba banhu banamazwibhato, banhu banalebeswa muleba kwabo, basingan'we wayini njisasa kene banoda mari kwazo.9Bakafanila bhatilila mumalebeswa akazumbunugwa nekwegalamoyo kwemakhirisitu benahana mbuyanana.10Ngabatange baholesesewa, hapa kuli kuti abatowanikwa nlandu ngabahinge sebatjengeti.11Sayikoko bo betjikadzi ngababe banhu banolemekedzeka, basina bun'wa, bakadzikama, banogalikabgwe muzwinhu zose.12Batjengeti ngababe nlume unamfumakadzi un'ompela, ngababe banhu banotungamila bana babo netungamila mizi yabo zwibuyanana.13Ngobe banohinga zwibuyanana sebatjengeti bemugubungano banozwiwanila lemekedzewa kakale banowhoba banhu basingahle nekwebugalimoyo gwabo muna Khirisitu Yesu.14Ndogalabgwe kuti ndowhohha kukuli nekutjimbidza, koga ndokukwalila milayo iyeyi kuyetila kuti,15hapa ndinganonoka iwe uzibe kuti banhu bakafanila zwibhata tjini mun'umba yeNdzimu inoba ili ilo gubungano leNdzimu unotjila, mhanda nepakasendama malebeswa.16Topa busupi kuti tjikulu kwazo itjetjo tjakasumbikika tjelunamato gwedu,Wakaboneka ali nhu wenyama,wakalayidziwa eli wakalulama ngeMeya,wakabon'wa nebatumwa beNdzimu.Wakasumikigwa munjudzi,banhu behango bekagalamoyo muwunli,akayendisiwa pehhugwi mugudzo.
The Word for the World International