1 Thimothi2
1Tjekutanga ndizo ndokuludzila kuti, kumbila, mitembezelo, netembezelela, neboka kuyetigwe banhu bose,2kuyetigwe bomambo nayibo bose bamubugalo gwebutungamili, kuyetila kuti titjile butjilo gwakatebama guhhele kunyalala, gunokudza Ndzimu, gunolemekedzeka munakose.3Ikoku kubuya, kakale kowamutjilika mbeli kweNdzimu Ntjidzi wedu,4iye unoyemula kuti banhu bose batjidziwe kakale bahhe muluzibo gwelebeswa.5Ngobe kuna Ndzimu un'ompela, nenyayi un'ompela pakati kweNdzimu nebanhu, iye nhu Khirisitu Yesu,6iye wakazwipila setjibhayilo tjebanhu bose, busupi gwayikoku gwakabhuda patjena mulubaka gwakafanila.7Nentha yayikoku ndakahagwa kuti ndibensumikili nekuba mpositoli kakale ndili ndhiyi webugalimoyo nelebeswa kubataya, ndolebesa anditoleba manyepwa.8Ndizo ndoyemula kuti mubugalo gose balume batembezele, bakamilidza maboko akayengemala basina buhongola kene kakabadzana.9Kakale banhu betjikadzi bazwimbadze zwiyambalo zwibuyanana, zwakatebama kakale zwinalukudzo, basiluke mavudzi abo kunotjenamisa, besimbale man'ina ezeezi kene nendalama nezwiyambalo kunotengwa nemari njinji,10koga babe nezwiyeto zwakanaka, zwakafanila betjikadzi banozwiti banohla Ndzimu.11Banhu betjikadzi ngabadiyike bakanyalala benakuzwitebamisa kwakapelela.12Anditobvumila kuti nhu wetjikadzi adiye kene kuti abe nemasimba pehhugwi kwenhu wetjilume, ngaanyalale.13Ngobe ndiAdamu wakatanga bumbiwa kukotobela Eva.14Kakale Adamu aazotjebegwa, koga nkadzi iwhoyu ndiye wakatjebegwa akabva abantjinyi.15Koga nekene kwakajalo unowhotjidziwa ngetshibama mwana, hapa kuli kuti unoyendilambeli mubugalimoyo nemuludo, nangekuyengemala kuna kudzikama.
The Word for the World International