مکاشفہ22
1پتہٕ ہوو مےٚ فرشتن سُہ دریاو یُس تِمن لوٗکن پوشوٕنہِ زندگی گُزارنُک بٲعث بنان چھُ یِم امِچ تریش چیٚن۔ امیُک آب اوس صاف شیشہٕ ہیٚوٗ۔ امہِ دریاوُک آب اوس تِمو تختو نِشہٕ نیران یتِتھ خدا تہٕ برہؔ بہِتھ ٲسؠ۔2سُہ اوس شہرٕکہِ کھلہٕ مٲدانہٕ منٛزؠ وسان۔ دریاوٕ کٮ۪ن دونونی بٹھٮ۪ن ٲسؠ میٚوہ کُلؠ یُس یمہٕ کھییہِ ہے سُہ اوس ابدی حیٲتی پراوان۔ یمہ کُلؠ چھِ ورؠ یس منٛز بہہِ لٹہِ پھسٕل دِوان۔ یمہٕ چھِ پرٛتھ ریتہٕ اکھ پھسٕل دِوان۔ لوٗکھ چھِ یِمن کُلٮ۪ن ہُنٛد پن دوا رنٛگؠ استعمال کران۔ 3تتہِ اوس نہٕ زانٛہہ تہِ کانٛہہ فرد یا چیز یمِس پیٚٹھ خدا لعنت کرِہے۔ خدا تہٕ برہؔ سُنٛد تخت آسہِ شہرس منٛز۔ خدا سنٛدؠ بندٕ کرن تتہِ تمسنٛز عبادت۔ 4تمسنٛدؠ نوکر وُچھن تس برُونٛہہ کنہِ دیدمان تہٕ تمسُنٛد ناو سپدِ تہنٛدٮ۪ن ڈٮ۪کن پیٚٹھ ظٲہِر۔5پتہٕ ییہِ نہٕ تتہِ زانٛہہ تہٕ دُبارٕ روتل۔ خدایہ سنٛدین بندن پییہِ نہٕ ژانٛگیٚن یا آفتابکہِ گاشُک ضرورت تکیازِ خداوند خدا کرِ تِمن پیٚٹھ پننہِ گاشُک ظہور۔ تِم کرن ہمیشہٕ حکومت۔ 6فرشتن ووٚن مےٚ تمہِ پتہٕ، "یِم چیز یِم ژےٚ خداین ہٲونے چھِ پٔزؠ تہٕ سُہ دِیہِ یِمن پٔزؠ پٲٹھؠ واقع سپدنہٕ۔ خداوند خدا ین یُس نبین تحریک دِوان چُھ سوز پنُن فرشتہٕ زِ سُہ ہاوِ تِمن لوٗکن یِم تمسنٛز خدمت کران چھِ تِم واقعات یِم جلدےٕ سپدن وٲلؠ چھِ۔7یسوعؔ چھُ پننیٚں سارنےٕ لوٗکن ونان، "یہ بوزیٚو! بہٕ چُھس جلدےٕ ینہٕ وول، خدا دییہِ پرٛتھ تس شخصس فراوٲنی سان برکت یُس یمہِ کتابہِ ہنٛدِ نبوتکہِ پٲغامچ پٲروی کرِ"8بہٕ چُھس سُے یوحناؔ یمؠ رویا ہس منٛز یمہٕ کتھٕ بوزٕ تہٕ وُچھٕ یِم مےٚ لیکھِتھ تھاوِ۔ ییٚلہِ مےٚ یِم کتھٕ بوزٕ تہٕ وُچھٕ تہٕ بہٕ جُکیوس یکدم امِس فرشتس برُونٛہہ کنہِ یمؠ مےٚ یِم چیز ہٲوؠ یُتھ بہٕ امسنٛز عبادت کرٕہا۔9مگر تٔمؠ ووٚن مےٚ، "میانؠ عبادت مہٕ کٔریٚو، بتہِ چُھس تُہنٛدی پٲٹھؠ خدایہ سُنٛد بندٕ، بتہِ چُھس تُہنٛدین سٲتھی ایماندارن ہنٛدؠ پٲٹھؠ یِم نبی چھِ تہٕ تِمن لوٗکن ہنٛدؠ پٲٹھؠ یمہٕ یمہِ کتابہِ ہُنٛد پٲغام مانان چھِ، امہِ بجایہ کٔریٚو خدایہ سنٛز عبادت"10تٔمؠ ووٚن مےٚ یتہِ، "یہ کینٛژھا تہِ خداین یتھ کتابہِ منٛز پیشن گوئی کٔر سۅ مہٕ تھاو پوشیدٕ، تکیازِ یہ پٲغام پورٕ کرنُک وقت آو نزدیک۔11چونکہ سُہ وقت چُھ نکھٕ امہِ کِنؠ اگر تِم لوٗکھ یِمہ غلط کامہِ چھِ کران یژھن تٔتھؠ سٟتؠ روزُن، تِم روزِن تہِ کران۔ یِم لوٗکھ ناپاک چھِ اگر تِم ناپاکےٕ روزُن یژھان چھِ تہٕ تِم روزِنؠ تٔتھؠ سٟتؠ۔ خدا دییہِ جلدےٕ تِمن پاک نہ روزنُک سزا۔ مگر یِم لوٗکھ راستبٲزی سان کٲم کران چھِ، تِمن پزِ رستبٲزی سان کام جٲری تھاوٕنؠ۔12یسوعؔ چھُ سارنےٕ لوٗکن ونان: بوزیٚو! بہٕ چُھسو جلد ینہٕ وول! تہٕ بہٕ دمہٕ پرٛتھ کانٛسہِ پننہِ کرِمتہِ حسابہٕ سزا یا جزا۔ 13بہٕ چُھس سُہ یمؠ پرٛتھ کُنہِ چیزٕچ شروعات کٔر تہٕ بےٕ چُھس سُہ یُس پرٛتھ کانٛہہ چیز ختم کرن وول چُھ۔ بہٕ چُھس پرٛتھ چیزُک اپتدا تہٕ بےٕ چُھس پرٛتھ چیزُک انتہا۔ 14خدا چُھ تِمن لوٗکن سیٚٹھاہ خۅش یم غلط طریقٕچ زندگی ترٲوِتھ صحیی طریقہٕ زندگی گُزارنہِ لٔگمٕتؠ چھِ۔ تکیازِ تِم چھِ یہ کران، تِم لوٗکھ ہیٚکن تمہِ کُلیُک پھل کھیٚتھ یُس لوٗکن ہمیشہٕ زنٛدٕ روزنس قٲبِل بناوان چُھ۔ تِم ہیٚکن دروازو منٛزؠ أژتھ مقدس شہرس کُن گٔژِھتھ۔15مگر باقی ہیٚکن نہٕ اتھ شہرس منٛز دٲخل سپدِتھ۔ اتھ منٛز چھِ تِم لوٗکھ شٲمِل یِم بُرٕ کامہِ کران چھِ، جادوگری تہٕ جنسی گناہ کران چھِ، دویمیٚن ہُنٛد قتٕل تہٕ بُتن ہنٛز پوٗزا کران چھِ، یا ہیٚتھےٕ اپُز ونان چھِ۔ 16مےٚ، یسوعنؔ سوز پنُن فرشتہٕ یِمن چیزن ہُنٛد اعلان کرنہٕ باپتھ یُس توٚہہ ایمان واجنیٚن جمٲژن متٲثر کرِ۔ سرٕپٲٹھؠ چُھس بہٕ دونونی بادشاہ داوودؔ سنٛدیو جدٕاجدادو تہٕ تمسنٛدیو زُریٚو منٛزٕ یمسنٛدِ یِنُک وعدٕ نبیو کوٚر۔ بہٕ چُھس سُہ یُس صبحکہِ گاشہٕ تارکٕکؠ پٲٹھؠ چُھ" 17پاک روح تہٕ تِم لوٗکھ یِم خدایہ سنٛدؠ چھِ فرماوان، "ولیٚو!" یِم یہ بوزان چھِ تِم تہِ ونن، "ولیٚو!" پرٛتھ کانٛہہ سُہ شخص یُس پوشوٕنؠ زندگی یژھان چُھ، تمِس پزِ سۅ پراوٕنؠ۔ خدا بخشہِ اکہِ مفت ڈالہِ رنٛگؠ پوشوٕنؠ زندگی تمِس پرٛتھ کٲنٛسہِ شخصس یُس امِچ خٲہِش کرِ۔18بہٕ، یوحناؔ چُھسن پرٛتھ کانٛہہ خبردار کران یُس یہ پٲغام بوزان چُھ یمِس متعلق یتھ کتابہِ منٛز مےٚ پیشن گوئی کٔر: اگر کانٛہہ اتھ پٲغامس منٛز اضافہٕ کرِ، تہٕ خدا دییہِ تس یِمو طریقو سزا یمن متعلق یہ کتاب ونان چھےٚ۔ 19تہٕ اگر کانٛہہ تِمن کتھن متعلق یِمن ہنٛز مےٚ پیشن گوئی کٔر کانٛہہ کتھ چُھپایہ، تہٕ خدا کرِ تس شخصس تمہِ کُلیُک پھل کھیٚنہٕ کہ حقہٕ نِشہٕ محروم یُس لوٗکن ہمیشہٕ زندٕ روزنس قٲبِل بناوان چُھ۔ خدا کرِ تس شخصس نٔوِس یروشلمس منٛز اژنٕکہِ حقہٕ نِشہٕ تہِ محروم۔ بہٕ چُھس یمہٕ دوٚنوے چیز یتھ کتابہِ منٛز بیان کران۔ 20یسوعؔ، یُس یہ ونان چُھ زِ یمہٕ سارے کتھٕ چھےٚ پزٕ، ونان چُھ، "سیٚکہٕ پٲٹھؠ چھُس بہٕ جلدے یِنہٕ وول" بہٕ، یوحناؔ چُھس ونان، "یی سپدِن! خداوند یسوع، ولیٚو!" 21بہٕ چُھس دُعا کران زِ سون خداوند یسوع روزِنؠ توٚہہ سارنی سٟتؠ یم خدایہ سنٛدؠ لوٗکھ چھِ مہربٲنی کران۔ یی سپدِن!
Bridge Connectivity Solutions Pvt. Ltd.