گریند9
1اسرائیلی مِصرٕ منٛزٕ نیرنہٕ پتہٕ اکہِ ؤہرؠ، دوٚیمہِ وریہ کِس گۅڈنِکِس ریٚتس منٛز، ییٚلہ اسرائیلی سیناؔ کِس صحراوس منٛز ٲسؠ، ووٚن یہُوواہنؔ موسیٰؔ ہس،2" اسرائیلی لوٗکن ون زِ تِم مناون فسح عید دُبارٕ مقرر کرنہٕ آمتِس وقتس پٮ۪ٹھ 3تِم مناون یہِ یمہِ ریتہٕ کہ ژۅدٲہمہِ تٲریخہ شامہٕ برُونٛہہ برُونٛہہ تہٕ اتھ متعلق ورتاون تِم سٲری ہِدایت یمہٕ مےٚ توٚہہ برُونٛھےٕ ؤنمٕتؠ چھِ۔4یتھٕ کنؠ ووٚن موسیٰؔ ہن لوٗکن زِ فسح مناونس متعلق کیاہ ووٚن یہُوواہنؔ۔5لوٗکو منوو تتہِ سینا کیٚن بیابانن منٛز ریتہٕ کہِ ژۅدٲہمہِ تٲریخہ شامس یہ جشِن، یتھ پٲٹھؠ زن یہُوواہنؔ موسیٰؔ ہس حکم کۅرمُت اوس۔6مگر خٟمس منٛز اسرائیل کیٚو کینٛژو لوٗکو اوس کتھ تام لاشہِ اتھٕ لوگمُت یمہِ کِنؠ تِمہ فسح مناونس لایق رودؠ نہٕ۔ حالانکہ تِمو پرُوژھ ہارونس تہٕ موسیٰؔ ہس،7"یہ چُھ پوٚز زِ اسہِ لوگ لاشہِ اتھٕ، مگر امہِ سٟتؠ کِتھٕ کِنؠ گژھو أسؠ فسح مناونہٕ تہٕ باقین ہنٛدؠ پٲٹھؠ یہُوواہسؔ قربٲنی پیش کرنہٕ نشہٕ محروم؟"8موسیٰؔ ہن دِتُکھ جواب، "یتی روزیٚو یۅتام بہٕ مقدس خٟمس منٛز اژٕ تہٕ معلوم کرٕ زِ یہُوواہؔ کیاہ چھِ اتھ متعلق فرماوان۔"9پتہٕ ژاو موسیٰؔ خٟمس منٛز تہٕ پرِژُھن یہُوواہسؔ زِ سُہ کیاہ ونہِ لوٗکن تہٕ یہُوواہنؔ ونُس یتھٕ کنؠ،10"یہ کتھ وَن اسرائیلی لوٗکن: اگر توٚہؠ یا تُہنٛدیو اولادو منٛزٕ کانٛہہ کُنہِ لاشہِ اتھٕ لاگہِ نتیجہٕ نیرِ یہ زِ سُہ آسہ نہٕ مےٚ قٲبلِ قبول، یا اگر توٚہؠ تمہِ وزِ گرٕ نشہٕ دوٗر کُنہِ زیٹِھس سفرس پٮ۪ٹھ ٲسیٚو تیٚلہ تہ آسہ توٚہہِ فسح مناونُک اجازت۔11مگر تِمن چُھ یہ اکہِ ریٚتؠ یعنی دوٚیمہِ ریتہٕ کہ ژۅداہمہِ تٲریخہ شامس بٲگؠ مناوُن۔ فسح کہِ بڈِ دوٚہہ گژھِ کٹہٕ ماز خمبیرِ بغٲر کرِمژن ژۅچن سٟتی کھیٚون تہٕ بیٚیہِ کِھیو ٹیٚچھِ جڈی بوٹی۔12امہِ منٛزٕ گژھِ نہٕ پگاہ کیٚوت کِہین تھاوُن تہٕ بیٚیہِ گژھِ نہٕ کٹہٕ سنٛز کانٛہہ أڈِج پُھٹراونہٕ یِنؠ۔ فسح مناونہٕ کِس سلسِلس منٛز گژھِ تمام ظٲبطن تحت روزُن۔ 13اگر توٚہہِ منٛزٕ کانٛسہِ کانٛہہ تِژھ کٲم کٔر نہٕ یمہِ کِنؠ نہٕ سُہ فسح عید مناونس لایکھ رود، تہٕ توٚہؠ ٲسیٚو نہٕ کُنہِ زیٹِھس سفرس پٮ۪ٹھ گرِ نیٚبر تہِ، تہٕ منٲسب وقتس پٮ۪ٹھ کٔرو نہٕ میانہِ خٲطرٕ قربٲنی تہِ۔ تیٚلہِ چُھو نہٕ توٚہؠ میانیٚو لوٗکو منٛزٕ۔ توٚہہِ پیٚیو سزا تلُن۔14توٚہہِ منٛز موجود غٲر ملکی ین تہِ پزِ فسح جِشنس منٛز شٲمل سپدُن تہٕ تتھ مطلق پزیٚکھ میانیٚن تمام احکامن ہنٛز پٲروی کرٕنؠ۔15یمہِ دوٚہہ مقدس خٟمہ لاگنہٕ آو تتھ پٮ۪ٹھ رود ابُر چھٲوِتھ۔ مگر امہِ دوٚہہ آفتاب لوسنہٕ پٮ۪ٹھٕ دوٚیمہِ دوٚہہ آفتاب کھسنَس تام رود یہ ابُر اکہِ بڈِ نارٕکؠ پٲٹھؠ۔ یہ اوس پرٛتھ دوٚہہ سپدان تکیازِ اسرائیلی ٲسؠ بیانانس منٛز۔17ییٚلہ یہ ابُر وُتھ تہٕ نوِ جایہ کُن گژھنہِ لوٚگ، اسرائیل یو لوگ اتھ پتہٕ پتہٕ پکُن۔ ییٚلہ ابُر رُکیو تہٕ اسرائیلی تہِ ٹھہریاے تٔتی تہٕ لاگِکھ پنٕنؠ خٟمہ۔18ییٚلہ یہُوواہنؔ ابُر پکنٲوِتھ تہٕ ٹھہرٲوِتھ تِمن نیرنُک اشارٕ کۅر تہٕ تِم دراے تہٕ ییٚلہ یہُوواہنؔ تِمن ٹھہرُن ووٚن تہٕ تِم ٹھہریاے۔ ییٚلہ ابُر مقدس خٟمس پٮ۪ٹھ رُکیو، تہٕ اسرائیل یو کۅر تٔتھؠ جایہ قرار۔19کُنہ کُنہ وزِ اوس ابُر مقدس خٟمس پٮ۪ٹھ واریہن دوٚہُن ٹھہران، ییٚلہ یہ سپدان اوس تہٕ اسرائیلی ٲسؠ نہٕ اورٕ یور ڈلان۔20کُنہ کُنہ ساعتہٕ اوس ابُر مقدس خٟمس پٮ۪ٹھ کینٛژن دوٚہنےٕ روزان۔ لوٗکھ ٲسؠ خٟمہ دِوان یتھٕ پٲٹھؠ زن یہُوواہنؔ تِمن ونمُت اوس تہٕ پتہٕ ٲسؠ تِم کُنہ نوِ جایہ کُن نیران ییٚلہ یہُوواہؔ تِمن تہِ کرنُک حکم دِوان اوس۔21باضے اوس ابُر صرف اکِس دوٚہس کُنہ جایہ ٹھہران۔ ییٚلہ یہ سپُد، دویمہِ دوٚہہ صبحٲے اوس ابُر آسمانہٕ پٮ۪ٹھٕ ۅتھان تہٕ لوٗکھ تہِ ٲسؠ نیران۔ ییٚلہ تہ ابُر حرکت کران اوس دوٚہلہِ یا روتلہِ، لوٗکھ تہِ ٲسؠ نیرُن ہیٚوان۔22اگرزنہٕ ابُر مقدس خٟمس پٮ۪ٹھ دوٚن دوٚہُن یا اکِس ریٚتس یا اکِس ورؠ یس تہِ ٹھہرِ ہے تہٕ تمہِ وزِ ٲسؠ لوٗکھ تٔتی روزان یتِتھ آسہٕ ہن۔ مگر ییٚلہ ابُر آسمانس کھسان اوس تِمہ تہٕ ٲسؠ نیرُن لاگان۔23ییٚلہ یہُوواہنؔ تِمن رُکنُک یا خٟمہ لاگنُک حکم دیُت تہٕ تِمو کۅر تی۔ ییٚلہ تٔمؠ تِمن نیرنہٕ باپتھ ووٚن تہٕ تِم دراے۔ تِمو کۅر تی یہ تِمن یہُوواہنؔ موسیٰؔ سنٛدِ ذریعہ ووٚنمُت اوس کرنہٕ باپتھ۔
Bridge Connectivity Solutions Pvt. Ltd.