گریند8
1یہُوواہنؔ ووٚن موسیٰؔ ہس،2ہارونسؔ وَن زِ سُہ تھاوِ ستتھ ژٲنگؠ ستن ژٲنگؠ تارن پٮ۪ٹھ تہٕ تِمن تھاوِ تتھٕ پٲٹھؠ یُتھ تِم تارن برُونٛہہ کِنؠ پرٮ۪زلن۔3تہٕ موسیٰؔ ہن ووٚن تمِس، یہ یہُوواہنؔ وۅنُس تہٕ تٔمؠ کۅر تی۔4یہِ ژٲنگؠ تار آو سۅنہٕ سُنٛد بناونہٕ یُس کِس بجہِ سۅنہٕ چاٹہِ گرنہٕ آو، یہ بنیاو ژکہِ پٮ۪ٹھٕ تہرِس تام پوش ہیٚو۔ ژٲنگؠ تار آو بلکُل تِتھُے بناونہٕ یتھٕ پٲٹھؠ زن یہُوواہنؔ موسیٰؔ ہس بناناوُن ونمُت اوس۔5یہُوواہنؔ ووٚن موسیٰؔ ہس یتہِ،6"ژٕ کرُکھ لاوی قبیلٕکؠ بٲقے اسرائیلی لوکو نشہٕ میانہٕ قبولیتہٕ خٲطرٕ الگ۔7توٚہؠ کٔریٚو یتھٕ پٲٹھؠ زِ تِمن لٲوین کٔریٚو آبہٕ چھرکاو یہ آسہ تِہنٛدؠ گناہ چھلنہٕ ینٕچ علامت۔ پتہٕ کاسن تِمہ پننِس جسمَس بلیڈٕ سٟتؠ سورےٕ مَس تہٕ بیٚیہِ چھلن پنٕنؠ پلو۔8پتہٕ انن تِم اکھ دانٛد تہٕ زیتون تیٖل رلٲوِتھ کینٛہہ اوٹ۔ تِم چیز ین قربٲنی ہنٛدِ باپتھ بُزنہٕ۔ تِمن پییہِ بیاکھ دانٛد تہِ انُن یُس تِہنٛدؠ گناہ چھلنہٕ باپتھ قربان ییہِ کرنہٕ۔9پتہٕ پزن توٚہہ تمام اسرائیلی لوٗکھ مقدس خٟمس برُونٛہہ کنہِ جمع سپدنہٕ باپتھ بُلاونؠ تاکہِ تِم گژھن لاوین ہنٛدین اولادن برونٛہہ کنہِ جمع۔10پتہٕ تھاون اسرائیل لٕکؠ لوٗکھ لاوین ہنٛدین اولادن پٮ۪ٹھ پنٕنؠ اتھٕ۔ 11امہِ پتہٕ کرِ ہارونؔ اسرائیلی لوٗکن تحفہٕ رنٛگؠ مےٚ برُونٛہہ کُن پیش، گویا تٔمؠ کٔرؠ تِم مےٚ سٟتؠ کھڑا، یُتھ تِم مقدس خٟمس منٛز میانہِ باپتھ کٲم کرن۔12امہِ پتہٕ پزِ لاوینؔ ہنٛدین اولادن دوٚنونی داندن ہنٛدین کلَن پٮ۪ٹھ اتھٕ تھاوٕنؠ۔ پتہٕ ین دانٛد ذبح کٔرِتھ قربان گاہَس پٮ۪ٹھ بُزنہٕ۔ اکھ داند ییہِ سرِزد گٔمٕتؠ گناہ معاف کرنہٕ باپتھ قربان کرنہٕ، تہٕ بیاکھ ییہِ مکمل پٲٹھؠ بہٕ خوش کرنہٕ خٲطرٕ بُزنہٕ۔13لاوین ہنٛدؠ اولاد گژھن ہارونؔ تہٕ تمسنٛدؠ نیٚچوؠ برُونٛہہ کنہِ قربان گاہس نِش کھڑا ینؠ کرنہٕ تہٕ پتہٕ کرہکھ ژٕ تِم میانہِ خٲطرٕ وقف۔ گویا تِم تھٲوتھکھ ژےٚ میانہِ باپتھ ۅدٕنؠ۔14یہ رسٕم انجام دنہٕ سٟتؠ ترِ فکرِ زِ لاوین ہنٛدؠ اولاد چھِ اسرائیل یو نشہٕ الگ تہٕ تِم چھِ میانؠ۔15ییٚلہ لاوین ہنٛدؠ اولاد میانہِ خٲطرٕ قٲبلِ قبول بنن تہٕ مےٚ سپدن اکہِ خاص طریقہ نذر زنتہٕ تِم میانے باپتھ تُلنہٕ آے، تِم ہیٚکن مقدس خٟمس منٛز کٲم شروع کٔرِتھ۔16تِم آسن میانؠ۔ تِم کرن میانہِ باپتھ تمام اسرائیلی لوٗکن ہنٛدین گۅڈٕ زامتیٚن گۅبرن ہنٛدِ بدلہٕ کٲم، یِم مےٚ سٟتؠ تعلق آسن تھاوان۔17اسرائیلس منٛز گۅڈٕ زامٕتؠ تمام مرٕد تہٕ نَر جانور چھِ میانؠ، ییٚلہ مےٚ مِصرٕ کیٚن لوٗکن ہنٛدؠ زِٹھؠ لٔڑکہٕ مٲرؠ تہٕ مےٚ تھٲوؠ تِم پننہِ باپتھ الگ۔ مگر مےٚ بچٲوؠ اسرائیل لٕکؠ سٲری نَر، اِنسانن تہٕ جانورن ہنٛدؠ زِٹھؠ اولاد، تکیازِ تِم چھِ میانؠ۔18مگر وۅنؠ ژٲرؠ مےٚ لاوی زٲژ ہنٛدؠ تاکہِ تِم رٹن باقی اسرائیلی گۅڈٕ زامتیٚن گۅبرن ہنٛز جاے۔19مےٚ کٔرؠ لاوین ہنٛدؠ اولاد مقدس خٟمس منٛز ہارون تہٕ تمسنٛدین گۅبرن مدد کرنہٕ خٲطرٕ مقرر، تکیازِ ہارون تہٕ تمسنٛدؠ نیٚچوؠ چھِ اسرائیلی لوٗکن ہنٛدین گُنہن ہُنٛدؠ قصور دور کرنہٕ موٚکھٕ قربٲنیہِ پیش کران، تہٕ اسرائیلی لوٗکن خٟمس نزدیک ینہٕ نشہٕ پتھ رٹان یمہ کِس نتیجس منٛز تِمو منٛز واریہن اکھ مینٛدؠ بیمار لاران تہٕ بیٚیہِ مران چھِ۔20ہاروننؔ، موسیٰؔ ہن تہٕ بیٚیہِ باقی اسرائیل یو کۅر لاوینؔ ہنٛدین اولادن پرٛتھ تتھ کامہِ منٛز مدد یمیُک یہُوواہنؔ حکم دیُتمُت اوس۔21لاویوؔ ہنٛدیٚو اولادو کۅر پانس یہ ظٲہر کرنہٕ مۅکھٕ آبہٕ چھرکاو زِ تِمن آے پنٕنؠ کٔرمٕتؠ گناہ چھلنہٕ تہٕ پنٕنؠ پلو تہِ چھلِکھ۔ پتہٕ أنؠ ہاروننؔ تِم قربان گاہَس نِش یُتھ سُہ تِمن یہُوواہسؔ برُونٛہہ کُن پیش کرِہے، یعنی کہ تٔمؠ کٔرؠ تِم تٔمس برُونٛہہ کنہِ کھڑا، تہٕ تٔمؠ کرِ تِہنٛدؠ کٔرمٕتؠ گناہ دور کرنہٕ خٲطرٕ تہٕ تِم یہُوواہسؔ برُونٛہہ کُن أنِتھ مقبول بناونہٕ باپتھ قربٲنیہِ پیش۔22امہِ پتہٕ کٔر لاوی سنٛدیو اولادو ہارونؔ تہٕ تمسنٛدین نیٚچوٮ۪ن مدد کرنہٕ باپتھ مقدس خٟمس منٛز کٲم کرِنؠ شروع۔ تِمو کۅر تِتھے پٲٹھؠ یتھٕ پٲٹھؠ زن یہُوواہنؔ موسیٰؔ ہس حکم کۅرمُت اوس۔23یہُوواہنؔ ووٚن موسیٰؔ ہس یتہِ،24"لاوینؔ ہنٛدؠ اولاد یہنٛز وانٛس پنٛژہو ورؠ یو پٮ۪ٹھٕ پنژاہن ورؠ ین تام چھےٚ کرن مقدس خٟمس منٛز کٲم۔25مگر ییٚلہ تِم پنٛژاہ ؤہرؠ واتن تِمن پزِ سبگدوش سپدُن۔26تِم ہیٚکن پننٮ۪ن سٲتھی لاوی ہنٛدین اولادن مقدس خٟمس اندر کامہِ منٛز مدد کٔرِتھ۔ مگر پانہٕ کرن نہٕ یہ کٲم۔ یہ چُھ تہِ یہ توٚہہِ تِمن اتھ کامہِ متعلق ونُن چُھ یہ تِم کرن۔
Bridge Connectivity Solutions Pvt. Ltd.