گریند25
1ییٚلہ اسرائیل لٕکؠ کینٛہ مرٕد اکاکِیا گروو ناوچہِ جایہ ڈیرٕ دِتھ ٲسؠ، کینٛہہ نفر گے تہٕ خدایی احکامن ہنٛز بے وفٲیی کٔرٕتھ شونٛگؠ موآبؔ قبیلچن زنیٚن نِش یمہٕ اتھ علاقس منٛز روزان آسہٕ۔ 2پتہٕ دِژ یِمو موٲبؠ زنیٚو تِمن تمہِ وقتہٕ ینٕچ دعوت ییٚلہ تمہٕ پننؠن دیوتاہن قربٲنیہ پیش کران آسہٕ۔ اسرائیل کیٚو مردو مون یہ۔ اسرائیلی گے یمن زنیٚن سٟتؠ اتھ تقریبہِ منٛز تہٕ کٔرکھ موآبؔ کیٚن لوٗکن سٟتؠ دیوتاہن ہنٛز پوٗزا۔ 3یہ کرنہٕ سٟتؠ لگؠ اسرائیلی نفر زنیٚن سٟتؠ شٲمل گژھِتھ بعلؔ دیوتا سنٛز پوٗزا کرنہِ، یتھ متعلق موٲبؠ لوٗکن ہُنٛد ونُن چُھ زِ سُہ چُھ کوہہِ فغورس پٮ۪ٹھ۔ امہ کِنؠ سپُد یہُوواہؔ پننٮ۪ن لوٗکن پٮ۪ٹھ سیٹھاہ ناراض، تہٕ تٔمؠ کۅر واریہن اسرائیلی ین پٮ۪ٹھ وباہ نٲزِل۔4یہُوواہنؔ ووٚن موسیٰؔ ہس یہ، "یم سٲری اسرائیلی زِٹھؠ رٹُکھ یم یہ کران چھِ تہٕ یم سٲری کرُکھ قتل یۅتام بہٕ وچھان روزٕ۔ یہ کر ژٕ دوٚہلہِ۔ چون یہ کرنہٕ پتہٕ روزنہٕ بہٕ اسرائیلی لوٗکن پٮ۪ٹھ بیٚیہِ ناراض۔"5امہِ کِنؠ ووٚن موسیٰؔ ہن اسرائیل کیٚن باقی زِٹھین، "توٚہہ منٛزٕ پزن پرٛتھ کانٛسہِ پنٕنؠ تِم نفر قتل کرٕنؠ یمہ بعلؔ سنٛدِس عبادتس منٛز باقیَن سٟتؠ شٲمل گے۔"6مگر پتہٕ ییٚلہِ واریہو لوٗکو مقدس خٟمہٕ کِس دروازس پٮ۪ٹھ ودُن لوگ تہٕ اسرائیلی نفرو منٛزٕ أنؠ أکؠ مِدیٲنؠ جمٲژ ہنٛز اکھ زٔنؠ پننِس خٟمس منٛز تہٕ ہیٚوتُن تس نِش شونٛگُن۔ موسیٰؔ ہن تہٕ باقی لوٗکو بوز یہ خبر۔7ییٚلہ ہارونؔ سنٛدؠ زُرؠ فینحاسنؔ یہ بوز سُہ وُتھ جمٲژ منٛزٕ تھوٚد تہٕ تجِن برچھی اتھس منٛز۔8تہٕ گو کُنی دوِ أمِس نفرٕ سنٛدِس خٟمس منٛز۔ تٔمؠ بُڑو سیٚودے نیزٕ مردٕ سنٛدِ جسمہٕ منٛزؠ زنہٕ ہنٛزِ یٔڈ تہٕ ژھنٕنؠ دۅشوے مٲرِتھ۔ ییٚلہِ تٔمؠ یہ کۅر تہٕ یُس وبا بنی اسرائیل ین پٮ۪ٹھ وتھمُت اوس سُہ رُکیٚو۔9مگر امہِ وباہ سٟتؠ ٲسؠ ژُووہہ ساس نفر مُمٕتؠ۔ 10پتہٕ ووٚن یہُوواہنؔ موسیٰؔ ہس،11الِیعزرؔ سُنٛد نیٚچو "فینحاسؔ بنیاو بٲعث میٚون سُہ رٔویہ اسرائیلی لوٗکن پٮ۪ٹھ بےٚ تٲبی سان بنٛد کرنُک یُس بہٕ تِمن پٮ۪ٹھ کران اوسُس۔ بہٕ اوسُس تمام اسرائیل یو نشہٕ نجاتھ یژھان تکیازِ مےٚ اوس شرارتھ۔ مگر فینحاسنؔ رُکووُس بہٕ تہِ کرنہٕ نشہٕ۔12مگر وۅنؠ ؤنیٚو تس زِ بہٕ چُھس تس سٟتؠ اکھ خصوصی امن مہادٕ کران۔13اتھ مہادس منٛز چُھس بہٕ تمِس تہٕ تمسنٛدیٚن اولادن کاہن بننُک حق دِنُک وعدہ کران۔ بہٕ چُھس یہ اوٕ مۅکھٕ کران تکیازِ تٔمؠ کۅر یمیُک اظہار زِ سُہ چُھ مےٚ یعنی پننِس خدایس گناہ گٲری ہُنٛد رویہ رُکاوِتھ، عزت دِنس منٛز سیٹھاہ بے تاب، تٔمؠ کٔر اسرائیل کیٚن گُنہن خلاف میانؠ مقدس راستبٲزی تہٕ تہنٛدؠ گناہ معاف کرنہٕ باپتھ میون دِل آمادٕ۔14اسرائیل لُک سُہ فرد یُس موآبؔ قبیلچہِ زنہِ سٟتؠ مارنہٕ آو اوس سالؔو سُنٛد نیٚچو زُمریؔ یُس شمعون قبیلکہِ اکہ خاندانُک سردار اوس۔15تمِس زنہِ ہُنٛد ناو اوس کزبیؔ۔ سۅ ٲس صُورؔ سنٛز کور یُس مِدیان قبیلکہِ اکہِ ونڈُک سردار اوس۔16یہُوواہنؔ ووٚن موسیٰؔ ہس مذید،17"پنٕنؠ نفر ہیٚتھ نیر تہٕ مِدیان کیٚن لوٗکن پٮ۪ٹھ حملہٕ کرِتھ مارُکھ تِمہ۔18مدیٲنؠ بنیاے چٲنؠ دشمن تکیازِ تِمو کۅر بنی اسرائیل کیٚن لوٗکن ژھل تہٕ تِمو منٛزٕ کٔرِکھ واریاہ بعلؔ سنٛز پوٗزاکرنس پٮ۪ٹھ آمادٕ، اوے کِنؠ شونٛگ چون اکھ نفر کزبیؔ نِش یۅسہ مدیان قبیلہٕ کِس اکِس سردار سنٛز کور ٲس۔ سۅ آیہ تمہِ وزِ مارنہٕ ییٚلہ وباہ شروع گو تِمن لوٗکن ہنٛدیٚو گُنہو سببہٕ یمو پیٚورؔ کوہَس پٮ۪ٹھ گناہ کٔرؠ۔"
Bridge Connectivity Solutions Pvt. Ltd.