نحمیاؔہ8
1سٔتمہِ رٮ۪تکہِ گۅڈنکہِ دوٚہہ آو لُکہٕ ارساتھا ژٔسِتھ آبہٕ پھاٹکس نِشہ شہرٕ کِس کُھلہٕ ژُؤتِس پٮ۪ٹھ۔ تِمو ووٚن کٲتِب عزراؔ ہس موسیٰؔ سُنٛد لیٚوکھمُت شرِیعت ناوُک دستاویز تورات یُس زن پانہٕ یہُوواہؔ ہن اسرائیلی لوٗکن عنایت کوٚرمُت اوس۔ تاکہِ تم کرن امہ کیٚن قانونن پٮ۪ٹھ عمل۔ 2عزراؔ یُس خدا سٕنٛدِس گرس منٛز قۅربٲنی کرنٕچ خدمت انجام دِوان اوس أنؠ تورات تہٕ تھٲون لوٗکن برونٛہہ کنہِ، مردن مستوراتن تہٕ باقین یمہٕ اتھ پرنس تہٕ سمجھنس لایکھ ٲسؠ۔ یہِ اوس امہِ ؤریکہِ سٔتمہِ ریٚتُک گۅڈنیُک دوٚہہ۔ 3تہٕ تٔمؠ پٔر أتھؠ پھاٹکس نکھٕ شہرٕ کِس ژُؤتِس پٮ۪ٹھ تھدِ ہٹہِ صبحس ژیر تام یہِ کتاب۔ تٔمؠ پٔر یہِ سارنی لوٗکن، مستوراتن، مردن تہٕ باقی تمن لوٗکن بروںنٛہہ کنہِ یم یہِ سمجھنس لایق ٲسؠ۔ سٲری رودؠ کن دٲرِتھ اتھ شریعتس بوزنہِ یۅسہ اتھ موسیٰؔ سٕنٛدِس اتھ شریعتکِس دستاویزس پٮ۪ٹھ ٲس۔4کٲتِب عزراؔ رود تتھ تھزِ چوکہِ پٮ۪ٹھ ۅدٕنؠ یوسہٕ لوٗکو امہِ باپتھ بنٲومٕژ ٲس۔ أمِس دٔچھنہِ پاسہٕ ٲسؠ متّتیاہؔ، سمعؔ، عنایاہؔ، اُوریاہؔ، خِلقیاہ تہٕ معسیاہؔ تہٕ کھووٕرِ طرفہٕ ٲسِس فِدایاہؔ، مِسائیلؔ، ملکِیاہؔ حاشُومؔ، حسبدانہؔ، ذکریاہؔ تہٕ مسلامؔ5عزراؔ کھوٚت چوکہِ پٮ۪ٹھ تاکہِ سٲری لوٗکھ ہیٚکن أمِس وُچِھتھ۔ تٔمؠ کھول یہِ دستاویز، یُتھے تٔمؠ یہِ کھولُن ہیٚوت سٲری لوٗکھ سپدؠ اِستادٕ6عزراؔ ہن کٔرؠ گۅڈٕ خدایہ سنٛدؠ تعریف بیان۔ ساروٕے لوکو تُلؠ اتھہٕ تھوٚد یہِ ہاونہٕ خٲطرٕ زِ تم تہِ چھِ اتھ عبادٔژ منٛز شٲمل۔ ذکرِ ہنٛدس ٲخرس پٮ۪ٹھ ووٚن تِمو اکؠ سےٕ آوازِ منٛز "اسہِ چُھ منظور۔ أتھؠ سٟتؠ ؤتھؠ تہٕ نمییہِ بوٚن یُتھ زِ تہنٛدؠ بُتھؠ لٔگؠ زمینس سٟتؠ۔ تہٕ کٔرکھ خداوند سنٛز عبادت۔ 7امہِ پتہٕ ؤتھؠ یسوعؔ، بانیؔ، سرِبیاہؔ، یامن، عقُوبؔ، سبتیؔ، ہودیاہؔ، معسیاہؔ، قلیتاؔہ، عزریاہؔ، یُوزابادؔ، حنان، فِلایاہ یم سٲری لاوی ٲسؠ، تہٕ اتہِ موجود لوٗکن برونٛہہ کنہِ کٔرکھ یمن قانونن تہٕ حکمن ہنٛز وضاحت تہٕ تشریح۔8تِمو پٔرؠ پوٗرٕ دھیانہٕ سان خدایہِ سنٛدؠ یم دستاویز تہٕ تورُکھ لوٗکن یہُنٛد معنہِ تہٕ مفہوم فکِر تاکہِ لوٗکھ زانن زِ عذراؔ تہٕ باقیو کیاہ پوٚر۔9ییٚلہِ لوٗکو زون زِ پرنہٕ کیاہ آو تِمو لوگ غمگین سپدِتھ بڈِ ہٹہِ ودُن۔ لہٰذا ووٚن علاقٕکؠ حٲکم نحیمیاہؔ ہن مذہبی کاہن عزراہنؔ تہٕ فقِیہہن تہٕ تِمو لاویو یمن لوٗکن یمن یم معنہِ مفہوم فِکرِ تاران ٲسؠ، "از چُھ سانہِ باپتھ وۅرسُک دوٚہہ ییٚلہِ زن اسہِ پننِس خدا سنٛز عبادت کرٕنؠ پزِ۔ مہ کٔریوٚ ماتم مہ ژٔھٹیٚو باکہٕ۔10امہِ پتہٕ ونُکھ نحمیاؔہ ہن نیریو وُنؠ پنُن پنُن گرٕ، رُت کھیٚن چیٚنہٕ کٔریو، میٹھ پہن شربتھاہ چیو تہٕ دِیو تمن تہِ یمن نہٕ یہِ لٔزیز کھیٚن چیٚنہٕ دستیاب چُھ۔ تکیازِ از چُھ مقدس دوٚہہ پننِس خدایہ سنٛز عبادت کرنُک دوٚہہ۔ مہ روزیو بیزار تکیازِ خداوند سنٛز دنہٕ ینہٕ واجِنؠ فرحت دِیو توٚہہ ہمت۔11تہٕ لاوی تہِ روٗدؠ لوٗکن یی ونان یمہٕ وُنہ تہِ ودن باکہٕ دِوان ٲسؠ۔ "ہے از چُھ مقدس دوٚہہ ژھۅپہٕ کٔریو مہ روزیوٚ بیزار۔12لہٰذا دراے سٲری لوٗکھ گرٕکُن، باقین سٟتؠ بٲگرتھ کینٛہہ کھیٚنہِ چیٚنہِ۔ تم ٲسؠ واریاہ خوش زِ تمن توٚر فکرِ یہِ کینٛژھا عذراؔ ہن پوٚر تہٕ وضاحت کٔر۔13امے سٔتمہِ رٮ۪تکہِ دویمہِ دوٚہہ سمٕکھؠ سٲری ونٛڈٕ زِٹھؠ کاہن، لاوی، کٲتِب عزراؔہس۔ تم ٲسؠ یژھان تورات مذید دھیانہٕ سان پرٕنؠ یۅسہ زن یہُوواہؔ ہن موسیٰؔ ہس عنایت کٔر۔ تم ٲسؠ اتھ پورٕ زانُن یژھان۔14تِمو زون تورات چھےٚ ونان زِ یہُوواہؔ ہن ووٚن موسیٰؔ ہس سٔتمہِ ریٚتہٕ کِس وۅرسس پٮ۪ٹھ، لوٗکن حکم دیُن زِ تم روزن پاریٚن منٛز۔ تاکہِ تم پاون یاد زِ تہنٛدؠ جَد و اجداد ٲسؠ مِصرٕ منٛزٕ نیرنہٕ پتہٕ وٲرانن منٛز پکان روزنہٕ وزِ پاریٚن منٛز رودؠ مٕتؠ۔ 15تِمو ہیٚوچھ یتہِ زِ تمن پزِ پارے دِنؠ سارنےٕ شہرن، قصبن تہٕ یروشلمسؔ منٛز زِ لوٗکن پزِ پہاڑن کُن کھسُن تہٕ لنٛگ لنجہِ والنہِ۔ یم گژھن زیتون، کٔھزر تہٕ سایہِ دار کُلین ہنٛزٕ لنجہِ آسنہِ۔ تمن پزن یموےٕ سٟتؠ پننہِ پارِ کھڑا کرنہِ تہٕ وۅرسہٕ کیٚن دوٚہُن یمنےٕ منٛز روزُن یم دستاویز ٲسؠ یی لوٗکن ہیٚچھٕ ناوان۔ یہِ شریعتس منٛز لیکھِتھ اوس۔16اوے تہٕ دراے لوٗکھ پننیٚو بٔستِیو منٛزٕ نیٚبر تہٕ أنِکھ لنجہٕ تہٕ لنٛگؠ ژھٲرؠ ژھٲرؠ پننہِ پارِ بناونہٕ خٲطرٕ۔ تِمو بناوِ پارِ پننٮ۪ن گرٕ کیٚن پشَن پٮ۪ٹھ تہٕ مندرن ہنٛدین آنٛگنن منٛز، آبہٕ پھاٹہٕ کن نکھٕ ژُوتین پٮ۪ٹھ۔ تہٕ افرائیمی پھاٹکس نکھٕ ژُو ؤتھِس پٮ۪ٹھ۔17بابلؔ پٮ۪ٹھٕ پھیرِتھ ینہٕ والیٚوساروےٕ اسرائیل یو بناوِ پارِ تہٕ لٔگؠ بسنہِ۔ اکہ ہفتہٕ باپتھ اسرائیلی لوکو اوسنہٕ اۅتام زنٛہے امہِ آیہ پنُن بوٚڈ دوٚہہ منوومُت، نونؔ سٕنٛدِس نیٚچوِس یسوعؔ سٕنٛدِ پٮ۪ٹھٕ۔ یمؠ اسرائیلی اتھ علاقس منٛز واتنٲومٕتؠ ٲسؠ۔ تم ٲسؠ گۅڈنِکہِ پھرِ یہِ دوٚہہ مناوان۔ تہٕ لوٗکھ ٲسؠ بڈٕ خوش۔18ہفتہٕ کیٚن سارنی دوٚہُن رود عزراؔ خدا سںنٛدؠ قانون لوٗکن برونٛہہ کنہِ بڈِ بڈِ پران۔ ستن دوٚہُن منوو تِمو یہِ بوٚڈ دوٚہہ۔ ٲٹھمہِ دوٚہہ دیُت تِمو سارنی لوٗکن اکسےٕ جایہ سمکھنُک ناد، تاکہِ تم پولُسنؔ یہِ بوٚڈ دوٚہہ انٛد واتناونُک رسٕم۔ یی اوس دستاویزُک تہِ حکم۔
Bridge Connectivity Solutions Pvt. Ltd.