نحمیاؔہ1
1بہٕ چُھس حکلیاہؔ سُنٛد نیٚچو نحیمیاہؔ۔ یم واقات چُھس بےٕ لیٚکھان۔
میانؠ کتھ چھےٚ شروع گژھان کسلیوؔ کِس ریٚتس منٛز یُس فارسس پٮ۪ٹھ ارتخشتاؔ سٕنٛدِ حکومتک وُہم ؤری چُھ! بہٕ اوسس سوسن رازدانہ منٛز۔ 2میون اکھ بوے حنانیؔ آو مےٚ سمکھنہِ۔ تس سٟتؠ ٲسؠ یہودؔہ علاقکؠ بیٚیہِ تہِ کینٛہہ شخص۔ مےٚ پرُوژھ تمن یہُودینؔ متعلق یم ژٔلِتھ ٲسؠ آمٕتؠ۔ یہُوداؔ پٮ۪ٹھٕ ییٚلہ تِم سپہو دٔسؠ مجبورن بابلؔ سوزنہ آمٕتؠ ٲسؠ۔ مےٚ پرُوژھ تمن مزید یروشلم شہرُک حال تہِ۔3تِمو ووٚن تم یہُودؠ یم جلایہ وطنی پٮ۪ٹھ واپس ژٔلتھ آمٕتؠ ٲسؠ تہٕ یہُوداؔ علاقس منٛز روزان ٲسؠ چھِ سیٹھہےٕ بد حالس منٛز۔ بابلہٕ کیٚو سپہو وٲج یروشلم شہرٕچ کلاے، تاکہِ شہرس منٛز اژنٕچ وتھ گژھِ یلہِ، تہٕ تِمو وٲج زٲلِتھ امِچ برن تہِ۔ اتہِ بسن وٲلؠ چھِ وُنؠ غٲر محفوظ۔4ییٚلہ مےٚ یم حالات بوزؠ بہٕ بیوٹھس ودان ودان پتھر۔ واریہن دوٚہُن رودُس بہٕ اتھؠ غمس منٛز۔ مےٚ آو نَہ کِہیٖن کھینہٕ۔ مےٚ موٚنگ آسمانس پٮ۪ٹھ موجود خدایس دُعا۔5مےٚ ووٚن ہے یہُوواہؔ، ژٕ چُھکھ آسمانس پٮ۪ٹھ سون خدا۔ ژٕ چُھکھ عظمتہٕ وول تہٕ جلالہٕ وول خدا۔ ژٕ چُھکھ ہمیشہٕ پنٕنؠ وادٕ پورٕ کران۔ ژٕ چُھکھ تمن سٟتؠ یمہٕ ژےٚ لول چھی بران تہٕ چٲنؠ حکم مانان چھِ۔6وۅنؠ کٔرؠ تو مہربٲنی، پورٕ توجہ دِتھ بوزؠ تو میون دُعا۔ بہٕ چُھسے صرف ژیی منٛگان۔ یتھ پٲٹھؠ بہٕ ہمیشہ بنی اسرائیل ین مطلق منٛگان اوسس۔ یم چٲنی ژٲرمٕتؠ لوٗکھ چھِ۔ مےٚ پزَن تمہٕ سہوٕ خطا قبول کرٕنؠ یم اسہِ اسرائیلی لوٗکن سرِزد گے توٚہہِ خلاف۔ مےٚ تہٕ میانیو گرِکیو تہِ کٔرؠ گناہ۔7اسہِ تُلؠ ژےٚ خلاف سیٹھہےٕ بُرٕ قدم۔ واریاہ کال برونٛہہ دِژتھ ژےٚ اسہِ پنٕنؠ شریعت پننِس بنٛدٕ موسیٰؔ سنٛدؠ دٔسؠ مگر اسہِ کٔر نہٕ یمن حکمن پٮ۪ٹھ عمل۔8مہربٲنی کٔرتھ پٲوؠ تو پنُن سُہ وادٕ یاد یُس توٚہہِ پننِس بنٛدس موسیٰؔ ہس سٟتؠ کُرو۔ توٚہہ وُنوٕ أمِس، "یوٚدوے توٚہؠ اسرائیلی میانین حکمن پٮ۪ٹھ عمل کٔریو نہٕ بہٕ نمہٕ توٚہہِ یہِ سٲری زمین مُہِتھ تہٕ چھکراوو باقی قومن منٛز۔9توٚہؠ یوٚدوے بیٚیہِ میانؠ وفادار بنیو تہٕ میانؠ احکام ماننہِ لگیٚو تیٚلہِ انو بہٕ واپس پنُن وطن یہُوداہسؔ منٛز۔ یہےَ چھےٚ سۅ جاے یۅسہ مےٚ ژٲرمٕژ چھےٚ سٲرسےٕ دنیاہس منٛز پنُن پان مقبول بناونہٕ خٲطرہ۔ یہِ کرٕ بہٕ پرٛتھ حالہٕ چاہے توٚہؠ کٲتیا تہِ دوٗرٲسیو کڈنہٕ آمٕتؠ۔10أسؠ چھِ چٲنؠ ژٲرمٕتؠ لوٗکھ یمہٕ ژےٚ مِصرچہِ غلامی نِشہ بچٲوِتھ أنؠ تھکھ۔ ژٕ چُھکھ سیٹھاہ طاقتہٕ وول۔11ہے میانہِ خداوند، میانِس تہٕ میانین اسرائیلی رفیٖقن ہنٛدس دُعاہس کُن دی تو پوٗرٕ توجہ۔ أسؠ چھِ بےٚ صبٕر چون تقدُس رچھنہٕ باپتھ۔ مہربٲنی کٔرتھ پھرؠ تو بادشاہ سُنٛد دِل۔ تاکہِ سُہ بوزِ میون التجا۔ یُس بہٕ تس جلدی کرن وول چُھس۔ "تمہِ وزِ اوسس بہٕ بادشاہس شراب چاون وول اکھ اہم منصب دار۔
میانؠ کتھ چھےٚ شروع گژھان کسلیوؔ کِس ریٚتس منٛز یُس فارسس پٮ۪ٹھ ارتخشتاؔ سٕنٛدِ حکومتک وُہم ؤری چُھ! بہٕ اوسس سوسن رازدانہ منٛز۔ 2میون اکھ بوے حنانیؔ آو مےٚ سمکھنہِ۔ تس سٟتؠ ٲسؠ یہودؔہ علاقکؠ بیٚیہِ تہِ کینٛہہ شخص۔ مےٚ پرُوژھ تمن یہُودینؔ متعلق یم ژٔلِتھ ٲسؠ آمٕتؠ۔ یہُوداؔ پٮ۪ٹھٕ ییٚلہ تِم سپہو دٔسؠ مجبورن بابلؔ سوزنہ آمٕتؠ ٲسؠ۔ مےٚ پرُوژھ تمن مزید یروشلم شہرُک حال تہِ۔3تِمو ووٚن تم یہُودؠ یم جلایہ وطنی پٮ۪ٹھ واپس ژٔلتھ آمٕتؠ ٲسؠ تہٕ یہُوداؔ علاقس منٛز روزان ٲسؠ چھِ سیٹھہےٕ بد حالس منٛز۔ بابلہٕ کیٚو سپہو وٲج یروشلم شہرٕچ کلاے، تاکہِ شہرس منٛز اژنٕچ وتھ گژھِ یلہِ، تہٕ تِمو وٲج زٲلِتھ امِچ برن تہِ۔ اتہِ بسن وٲلؠ چھِ وُنؠ غٲر محفوظ۔4ییٚلہ مےٚ یم حالات بوزؠ بہٕ بیوٹھس ودان ودان پتھر۔ واریہن دوٚہُن رودُس بہٕ اتھؠ غمس منٛز۔ مےٚ آو نَہ کِہیٖن کھینہٕ۔ مےٚ موٚنگ آسمانس پٮ۪ٹھ موجود خدایس دُعا۔5مےٚ ووٚن ہے یہُوواہؔ، ژٕ چُھکھ آسمانس پٮ۪ٹھ سون خدا۔ ژٕ چُھکھ عظمتہٕ وول تہٕ جلالہٕ وول خدا۔ ژٕ چُھکھ ہمیشہٕ پنٕنؠ وادٕ پورٕ کران۔ ژٕ چُھکھ تمن سٟتؠ یمہٕ ژےٚ لول چھی بران تہٕ چٲنؠ حکم مانان چھِ۔6وۅنؠ کٔرؠ تو مہربٲنی، پورٕ توجہ دِتھ بوزؠ تو میون دُعا۔ بہٕ چُھسے صرف ژیی منٛگان۔ یتھ پٲٹھؠ بہٕ ہمیشہ بنی اسرائیل ین مطلق منٛگان اوسس۔ یم چٲنی ژٲرمٕتؠ لوٗکھ چھِ۔ مےٚ پزَن تمہٕ سہوٕ خطا قبول کرٕنؠ یم اسہِ اسرائیلی لوٗکن سرِزد گے توٚہہِ خلاف۔ مےٚ تہٕ میانیو گرِکیو تہِ کٔرؠ گناہ۔7اسہِ تُلؠ ژےٚ خلاف سیٹھہےٕ بُرٕ قدم۔ واریاہ کال برونٛہہ دِژتھ ژےٚ اسہِ پنٕنؠ شریعت پننِس بنٛدٕ موسیٰؔ سنٛدؠ دٔسؠ مگر اسہِ کٔر نہٕ یمن حکمن پٮ۪ٹھ عمل۔8مہربٲنی کٔرتھ پٲوؠ تو پنُن سُہ وادٕ یاد یُس توٚہہِ پننِس بنٛدس موسیٰؔ ہس سٟتؠ کُرو۔ توٚہہ وُنوٕ أمِس، "یوٚدوے توٚہؠ اسرائیلی میانین حکمن پٮ۪ٹھ عمل کٔریو نہٕ بہٕ نمہٕ توٚہہِ یہِ سٲری زمین مُہِتھ تہٕ چھکراوو باقی قومن منٛز۔9توٚہؠ یوٚدوے بیٚیہِ میانؠ وفادار بنیو تہٕ میانؠ احکام ماننہِ لگیٚو تیٚلہِ انو بہٕ واپس پنُن وطن یہُوداہسؔ منٛز۔ یہےَ چھےٚ سۅ جاے یۅسہ مےٚ ژٲرمٕژ چھےٚ سٲرسےٕ دنیاہس منٛز پنُن پان مقبول بناونہٕ خٲطرہ۔ یہِ کرٕ بہٕ پرٛتھ حالہٕ چاہے توٚہؠ کٲتیا تہِ دوٗرٲسیو کڈنہٕ آمٕتؠ۔10أسؠ چھِ چٲنؠ ژٲرمٕتؠ لوٗکھ یمہٕ ژےٚ مِصرچہِ غلامی نِشہ بچٲوِتھ أنؠ تھکھ۔ ژٕ چُھکھ سیٹھاہ طاقتہٕ وول۔11ہے میانہِ خداوند، میانِس تہٕ میانین اسرائیلی رفیٖقن ہنٛدس دُعاہس کُن دی تو پوٗرٕ توجہ۔ أسؠ چھِ بےٚ صبٕر چون تقدُس رچھنہٕ باپتھ۔ مہربٲنی کٔرتھ پھرؠ تو بادشاہ سُنٛد دِل۔ تاکہِ سُہ بوزِ میون التجا۔ یُس بہٕ تس جلدی کرن وول چُھس۔ "تمہِ وزِ اوسس بہٕ بادشاہس شراب چاون وول اکھ اہم منصب دار۔
Bridge Connectivity Solutions Pvt. Ltd.