احبار6
1یہُوواہنؔ ووٚن موسیٰؔ ہس بیٚیہِ،2"ہرگاہ کانٛہہ اکھ کٲنسہِ دوٗکھٕ دِیت مےٚ خلاف گناہ کرِ۔ ہرگاہ کانٛہہ کٲنسہِ ہنٛد امانت واپس کرنس منٛز انکار کرِ، یا کٲنسہِ ہنٛد چیز ژوٗرِ نیہ،3یا کانٛہہ چیز لُبنُ پتہٕ کھییٚہِ قسم زِ مےٚ چھِنہٕ خبر، سُہ چُھ قصور وار۔4تمس چُھ سُہ چیز تمہِ کِس مٲلکس واپس کرُن یوس تمؠ ژوٗرِ چُھ نِمُت یا کٲنسہِ اوسس امانت تھومُت پتہٕ کرُن نہٕ واپس یا لُبنُ پتہٕ کرُن نہٕ واپس یوس کٲنسہِ رووٕمُت اوس یا یتھ متلق اپوٚز ووٚنُن۔5تمس چُھنہٕ صرف سُہ چیزے یوٚت تمیکِس مٲلکس واپس کرُن بلکہ تمہِ چیزکہ قٟمتُک پٲنژِم حصہٕ علاوٕ ہٮ۪تھ واپس کرُن۔6تمس چُھ بیٚیہِ کاہنس نِشہ اکھ کٹھ میانہٕ خٲطرٕ نذرانہٕ أننُ یُتھ سُہ قصوٗرٕ نِشہ بٔری سپدکھ۔ سُہ کٹھ گژھِ نۅقصہٕ ورٲے آسُن بیٚیہِ گژھِ تمؠ سُنٛد قٟمت سرکٲری پیمانہٕ لٲگتھ کرنہٕ آمُت آسُن۔7پتہٕ کرِ کاہن تمس کٹھٕ سنٛز اکھ قۅربٲنی پیش یمہِ سٟتؠ سُہ قصوٗرٕ نِشہ بٔری سپدِ پتہٕ بخشش بہٕ تتھ خراب کامہِ یوس تمؠ کٔر مٕژ ٲس۔"8بیٚیہِ ووٚن یہُوواہنؔ موسیٰؔ ہس،9ہارونسؔ تہٕ تمؠ سنٛدین نیٚچوٮ۪ن ون یہِ: یِم حکم چھِ تِمن نذرانن متلق یِم قربان گاہس پؠٹھ پوٚرٕ پٲٹھؠ زالنہٕ آسن یوان: نذرانہٕ گژھِ سٲرسےٕ راتس قربان گاہس پؠٹھ روٗزن، تہٕ نار گژھِ تتھ ہمیشہِ دٔزون روٗزن۔10صبحس گژھِ کاہن پانس انٛدرؠ تہٕ نیٚبرؠ زٲویل جامہٕ لاگنُ۔ پتہٕ چُھ تمس تمہِ نذرانُک سوٗر نارٕ منٛز نیٚبر کٔڈن تہٕ سُہ تراون قربان گاہس اکہِ انٛدٕ۔11پتہٕ کٔڈِ سُہ تِم جامہٕ نیٚبر تہٕ لاگہِ بٔدل جامہٕ تہٕ نیہ سُہ سوٗر ڈیرٕ نیٚبر تتھ پاک جایہِ یۅسہ میانہِ خٲطرٕ بناونہٕ آمٕژ چھِ۔12قربان گاہس گژھِ نار ہمیشہ دٔزون روٗزن۔ کاہن گژھِ تتھ ژھتہٕ گژھنہٕ نِشہ بٔچاون۔ کاہن گژھِ نارس پؠٹھ پریتھ دوٚہہ صبحس بیٚیہِ زِیُن تراونُ۔ پتہٕ لاگہِ سُہ نارس پؠٹھ بیٚیہِ نذرانہٕ، تہٕ قربان گاہس پؠٹھ زالہِ یہُوواہؔ سنٛز سلامتی ہنٛدین نذرانن ہُنٛد چرب۔13نار گژھِ قربان گاہس پؠٹھ ہمیشہِ دٔزون روٗزن۔ کاہن گژھِ نہٕ تتھ زانٛہہ ژھؠونہٕ دِیُن۔14ٲٹس بناونہٕ آمتیٚن نذرانن متلق چُھ یہِ شرع۔ ہارونؔ سُنٛد نیٚچو گژھِ تِم یہُوواہسؔ نِشہ قربان گاہس برونٛہہ کُن أننُ۔15کاہنس چُھ زٲولہِ ٲٹہِ منٛز اکھ مُٹھ تُلنؠ یتھ سٟتؠ زیتون تیٖل تہٕ مُشِک رلٲویتھ آسہ پتہٕ زالہِ سُہ تتھ قربان گاہس پؠٹھ۔ سُہ مُٹھ ہاوِ زِ سورےٕ نذرانہٕ چُھ پٔزؠ پٲٹھؠ میانہٕ باپتھ۔ ییٚلہِ سُہ نذرانہٕ دٔزان آسہ تہٕ تمچؠ خوشبو ییہِ مےٚ پسند۔16تِمن دانن ہُنٛدِ نذرانہٕ منٛز یہِ باقی روزِ سُہ کھؠن ہارونؔ تہٕ تسنٛدؠ نیٚچوؠ۔ تِمن چُھ سُہ تتھ جایہِ کھیوٗن یۅسہ مقدس خٟمہ کس آنٛگنس منٛز خدایس نِشہ الگ کٔریتھ چھِ۔17اتھ گژھِ نہٕ خمیٖر رلٲویتھ آسن تِمن گناہن ہنٛدین نذرانن ہنٛدؠ پٲٹھؠ یِم گناہو ہنٛدِ قصورٕ نِشہ بٔری سپدنہٕ خٲطرٕ پیش چھِ یوان کرنہٕ، سُہ نذرانہٕ چُھ سؠٹھاہ خاص یوس میانہٕ باپتھ مخصوص چُھ۔18ہارونؔہِ خاندانکِس کٲنسہِ تہٕ مرَدس چُھ یہِ کھؠنُک اجازت، تکیازِ یہِ چُھ مےٚ کُن دِنہٕ والین نذرانن منٛزٕ سُہ حصہ یوس ہمیشہِ تِہنٛد چُھ تہٕ بیاکھ حصہٕ قربان گاہس پؠٹھ زالنہٕ یوان چُھ۔ یُس تہِ کانٛہہ تِمن اتھٕ لاگہِ سُہ ییہِ یہُوواہسؔ سٕنٛدِ تعظیمہٕ خٲطرٕ الگ ماننہٕ۔"19یہُوواہنؔ ووٚن موسیٰؔ ہس بیٚیہِ،20"ہارونسؔ تہٕ تمؠ سنٛدین نیٚچوٮ۪ن ون زِ تِم أنن مےٚ نِشہ یہِ نذرانہٕ تمہِ دوٚہہ ییٚلہِ تِمو منٛز کانٛہہ آسہٕ کاہن مقرر سپدن: سُہ نفر أنہِ زٕ کلو زٲویل اوٚٹ نذرانہٕ کِس صورتس منٛز اوٚڑ صبحس اوٚڑ شامس۔21سُہ چُھ تتھ زیتون تیٖل رلاوُن تہٕ تاوِ پؠٹھ تیار کرُن۔ پتہٕ کرکھ قربان گاہس پؠٹھ زالنہٕ خٲطرٕ نِکؠ نِکؠ ٹُکرٕ۔ تہٕ زالنس دوران یوس رُت مُشِک تِمن نیرِ سۅ ییہِ مےٚ پسند۔22مےٚ چُھ حکم دِیتُمُت زِ ہارونؔہِ مرَنہٕ پتہٕ یُس تمؠ سٕنٛدیو نیٚچیو منٛزٕ بوٚڈ کاہن مقرر سٕپدِ سُہ گژھِ یِم چیز تیار کرُن۔ تمس چھِ میانہٕ خٲطرٕ قربانیہِ قربان گاہس پؠٹھ پوٚرِ پٲٹھؠ زالنہِ۔23اکھ کاہن یُس تہٕ نذرانہٕ پیش کرِ سُہ گژھِ ٲٹہِ سٟتؠ بناونہٕ آمُت بیٚیہِ چُھ سُہ پوٚرِ پٲٹھؠ زالُن۔ امہِ منٛز کھیٚہ نہٕ کانٛہہ۔"24یہُوواہنؔ ووٚن بیٚیہِ موسیٰؔ ہس25ہارونس تہٕ تمؠ سنٛدین نیٚچوٮ۪ن حکم دِنہٕ باپتھ، "لوٗکن ہنٛدین گناہن ہنٛدِ باپتھ نذرانن ہُنٛد شرع چھِ یِم۔ کاہن کرِ قربانن تتھ جایہِ ذبح یتٮ۪ن نذرانہٕ زالنہٕ چھِ یوان؛ یہِ چُھ یہُوواہسؔ برونٛہہ کنہِ ذبح کرنہٕ یوان تہٕ نذرانہٕ چُھ یہُوواہسؔ وقف کرنہٕ۔26کاہن یوس نذرانہٕ گناہ خٲطرٕ یہُوواہسؔ پیش کرِ سُہ ہیٚکہ تتھ نزرانس کھیٚتھ۔ کاہن ہیٚکہ سُہ صرف آنٛگنس منٛز خٟمچہِ جایہِ کھیٚتھ یۅسہ نذرانہٕ کھینہٕ خٲطرٕ الگ کرنہٕ آمٕژ چھِ۔27یُس تہِ کانٛہہ تمیکِس مازس اتھٕ لاگہِ سُہ سپدِ پاک۔ ہرگاہ تمیٛک خوٗن تُہنٛدین پلون متھنہٕ آو سُہ گژھِ اکِس پاک جایہِ پؠٹھ چھلنہٕ یُن۔28ہرگاہ ماز ییہِ کتروِس بانس منٛز رننہٕ سُہ بانہٕ چُھ تمہِ پتہٕ پھڑراوُن۔ ہرگاہ سُہ ییہِ سرتلہِ ہنٛدِس بانس منٛز رننہٕ سُہ بانہٕ چُھ پتہٕ آبہٕ سٟتؠ مٲنجُن تہٕ چھلُن۔29کاہن سٕنٛدِ گرٕ منٛز ہیٚکہ کانٛہہ تہِ مرد تمہِ مازٕ منٛز کھیٚتھ۔ سُہ ماز چُھ سؠٹھاہ خاص۔30ہرگاہ تِمن گناہن ہنٛدین نذرانن ہُنٛد خوٗن مقدس خٟمس منٛز أننہٕ آو، تِمن جانورن ہُنٛد ماز گژھِ نہٕ کھیٚنہٕ یُن۔ کاہنس چُھ سُہ ماز پوٚرٕ پٲٹھؠ زالُن۔
Bridge Connectivity Solutions Pvt. Ltd.