احبار17
1یہُوواہنؔ ووٚن بیٚیہِ موسیٰؔ ہس،2ہارونسؔ تہٕ تمؠ سنٛدین نیٚچوٮ۪ن بیٚیہِ باقی اسرائیل کٮ۪ن سارنےٕ لوٗکن کر خطاب۔ تِمن وُن زِ بہٕ چُھس دِوان تِمن یِمہٕ حکم:3ہرگاہ توٚہؠ اکھ دانٛد، اکھ برٕ کٹھ یا اکھ ژھاوج قربان کریو، توٚہؠ گژھیو سُہ کاہنس نِشہ مقدس خٟمکس جگہس منٛز دروازس پؠٹھ أننٕؠ، یُتھ زن سُہ تتہِ ہیٚکہ مےٚ پیش کرِتھ۔4ہرگاہ توٚہؠ تمس بدل کُنہِ جایہِ چاہےٕ ڈیرس اندر یا تمہِ نیٚبر اکہِ قربان رنگؠ خش کریو، یہِ آسہ تمؠ سُنٛد أکس ناپاک جایہِ منٛز تُہنٛد خوٗن کرنُک جرم۔ ہرگاہ توٚہہِ تہِ کریو، توٚہہِ ییہِ نہٕ تمہِ پتہٕ یہُوواہؔ سنٛدین لوٗکن سٟتؠ روزنہٕ دِنہٕ۔5یہُوواہؔ چُھ توٚہہِ یہِ کرُن ونان یُتھ زن نہٕ توٚہؠ برونٛہہ کُن کھلہٕ مٲدانن منٛز قۅربٲنی پیش کریو؛ تمہِ بجایہ گژھیو توٚہؠ تمہٕ تمس خاص طریقہٕ پیش کرنؠ: تِم گژھن کاہنس نِشہ مقدس خٟمکس دروازکس جگہس پؠٹھ سلامتی ہُنٛد نیاز باپتھ أننٕؠ۔6کاہن گژھِ جانورس خش کرنہٕ پتہٕ تمؠ سُنٛد خوٗن مقدس خٟمکس دروازس پؠٹھ قربان گاہس کُن چھکُن بیٚیہِ گژھِ تمؠ سُنٛد چرب خوشبو خٲطرٕ زالُن یوسہٕ یہُوواہسؔ خوش یوان چھِ۔7توٚہؠ لوٗکھ گژھیو نہٕ ژھاؤلین ہیوین شکلن از پتھ کُن قۅربٲنی دیُن۔ توٚہؠ لوٗکھ چھِ یتھ حکمس ہمیشہ خٲطرٕ تٲبیدٲری کرنؠ۔"8یہُوواہنؔ ووٚن موسیٰؔ ہس بیٚیہِ یتہِ:" ہارونسؔ بیٚیہِ تمؠ سنٛدین نیٚچوٮ۪ن وُن زِ تِم ونن لوٗکن زِ ہرگاہ کانٛہہ اسرائیل لُک نفر یا تِمن سٟتؠ روزن وول کانٛہہ نیٚبرِم نفر اکھ نیاز کاہنس نِشہ أنہِ یُس قربان گاہس پؠٹھ سورےٕ زالنہٕ ییہِ، یا ہرگاہ سُہ بدل کانٛہہ قۅربٲنی أنہِ،9مگر ہرگاہ تمؠ سُہ مےٚ قربان کرنہٕ خٲطرٕ مقدس خٟمکس دروازٕ کس جگہس منٛز ان نہٕ، تمس نفرس ییہِ نہٕ تمہِ پتہٕ میانؠن لوٗکن سٟتؠ روزنُک اجازت دِنہٕ۔10یُس اسرائیل لُک نفر یا تِمن سٟتؠ روزن وول کانٛہہ نیٚبرِم نفر تمس جانور سٕنٛدِ خوٗنہٕ منٛز کینٛہہ کھییٚہِ، تہٕ تس ییہِ نہٕ تمہِ پتہٕ میانؠن لوٗکن سٟتؠ شٲمل گژھنُک اجازت دِنہٕ۔11تکیازِ پریتھ أکس جانور سنٛز زندگی چھِ تمؠ سُنٛد خوٗن۔ مےٚ چُھ اعلان کوٚرمُت زِ خوٗن گژھِ قربان گاہ پؠٹھ کھلہٕ یُن، یتھ زن بہٕ لوٗکن ہنٛدؠ گناہ معاف کرٕ۔12توے چُھس بہٕ ونن زِ نہٕ توٚہؠ اسرائیلٕکؠ لوٗکھ نہٕ توٚہؠ سٟتؠ روزن وول کانٛہہ نیٚبرِم ہیٚکہ نہٕ خوٗن کھیٚتھ۔13ہرگاہ توٚہؠ اسرائیلٕکؠ لوٗکھ یا توٚہؠ سٟتؠ روزن وول کانٛہہ نیٚبرِم شکار کرِ تہٕ أکس جانورس یا جاناوارس مارِ یُس مےٚ توٚہہِ کھینُک اجازت دِیتُ، توٚہؠ گژھِیو تمؠ سُنٛد خوٗن زمیٖنس پؠٹھ نیٚبر کڈُین تہٕ تتھ پؠٹھٕ میژ تراونؠ۔14تکیازِ پریتھ أکس ذوزٲژ ہنٛز زندگی چھِ تمؠ سُنٛد خوٗن۔ توے چُھ مےٚ توٚہہِ اسرائیل کٮ۪ن لوٗکن ووٚنمُت زِ یُس خوٗن کھییٚہِ تمس گژھِنہٕ میانؠن لوٗکن منٛز شٲمل گژھنُک پتہٕ اجازت دِنہٕ یُن۔15ہرگاہ توٚہہِ اسرائیل کیٚو لوٗکو منٛزٕ کٲنسہِ یا توٚہؠ سٟتؠ روزن وول کٲنسہِ نیٚبرِم نفرن وحشی جانور سٕنٛدِ دسؠ مارنہٕ آمتِس جانور سُنٛد ماز کھییٚہِ، سُہ گژھِ پننٕؠ پلو چھلُن بیٚیہِ سران کرُن۔ پتہٕ گژھِ نہٕ سُہ شام تام کٲنٛسہِ اتھٕ لاگُن۔16ہرگاہ توٚہؠ یتھ اصولس پؠٹھ عمل کریو نہٕ، بہٕ دِمہٕ توٚہہِ یقیٖنن سزا۔"
Bridge Connectivity Solutions Pvt. Ltd.