قٲضؠ19
1تٔمہٕ وقتہٕ اوسنہٕ اسرائیلی لوٗکن کانٛہہ بادشاہ۔
اتہِ اوس لاوی قبیلُک اکھ شخص یُس بٲلؠ علاقس منٛز أکِس دوٗر دراز جایہِ روزان اوس یتہِ افرائیمؔ قبیلہٕ روزان چُھ۔ تٔمؠ ٲس امہِ برونٛہہ پانس سٟتؠ اکھ زنانہٕ روزنہٕ باپتھ نِمٕژ یۅسہ اکھ غلام ٲس۔ سۅ ٲس بیت لحمٕچ، تتھ علاقس منٛز ییٚتہِ یہُوداؔ قبیلہٕ روزان چُھ۔2مگر تٔمؠ ہیوٚت باقےٕ مردن سٟتؠ تہِ شۅنٛگُن۔ پتہٕ تروو سُہ تٔمہِ تہٕ آیہِ یہُوداؔ کہِ بیت لحمَس منٛز پننِس مٲلؠ سٕنٛدِس گرس منٛز واپس۔ سۅ روز تتہِ ژورن رٮ۪تن تام۔ 3پتہٕ روٚٹ امسنٛدؠ خانٛدارن پنُن نوکر تہٕ زٕ خر تہٕ گوٚو بیت لحم۔ سُہ گوٚو یہِ وننہِ زِ سۅ ییہِ واپس تہٕ روزِ بیٚیہِ أمِس سٟتؠ۔ ییٚلہِ سُہ تسنٛدِس مٲلؠ سٕنٛدِس گرس منٛز ووت، تٔمہِ دِژ أمِس انٛدر اژنٕچ دعوت۔ امسُنٛد مول اوس سُہ وُچِھتھ خوش۔4زنانہِ ہنٛدؠ مٲلؠ ووٚن تمِس روزنہٕ باپتھ۔ سُہ رود تریٚن دوٚہُن أتی۔ روزنس دوران کھیٚو چیٚو تہٕ شونٛگ سُہ أتی۔5ژورمہِ دوٚہہ ؤتھؠ تِم سٲری سُلے لاوے قبیلٕکؠ نفر اوس نیرنس سکھران۔ مگر زنانہِ ہُنٛد مول وتھُس، "نیرنہٕ برونٛہہ کھیٚہ کینھژھا۔"6اوے بیٹھؠ یِم دوٚنوے زٔنؠ یِکوٹہٕ کھیٚنہِ تہٕ چیٚنہِ پتہٕ ووٚنُس زنانہِ ہنٛدؠ مٲلؠ، "روزکھ نا بیٚیہِ أکِس رٲژ، کر آراماہ تہٕ تُل مزٕ یمہِ گرِ ہُنٛد۔7لاوے قبیلُک نفر اوس نیرُن یژھان۔ مگر زنانہِ ہنٛدؠ مٲلؠ کوٚرُس زارٕ پارٕ بیٚیِس رٲژ تہِ روزنہٕ باپتھ۔ اوے تہِ رود سُہ اتھ رٲژ تہِ أتی۔8پٲنٛژمہِ دوٚہہ ووٚتھ یہِ نفر سُلے تہٕ ہیٚوتُن سکھرُن۔ مگر زنانہِ ہنٛدؠ مٲلؠ ونُس بیٚیہِ، "کھیٚیہ کینٛژھا۔ پرار دُپہر یا کوج ڈلنس تہٕ ادٕ نیر تہٕ" اوے بیٹھؠ دۅشوے یِکوٹہٕ کھیٚنہِ۔9کاجہِ پتہٕ ییٚلہِ یہِ لاوے قبیلُک نفر، تس سنٛز نوکرٲنؠ زنان تہٕ نوکر نیرنٕچ سکھٕر کرنہِ لٔگؠ، زنانہِ ہنٛدؠ مٲلؠ ونُکھ، "وۅنؠ گژھِ ؤلؠ ؤلؠ انہِ گٹہٕ۔ دوٚہہ چُھ الہٕ پلہٕ انٛدیومُت۔ از راتس روزیٚو تہٕ تُلِو مزٕ یمہِ گرِ ہُنٛد۔ پگاہ صُبحس ؤتھؠ تو سُلے تہٕ نیرؠ تو پنُن گرٕ کُن۔10وۅنؠ گوو لاوے قبیلُک نفر اوس نہٕ یژھان وۅنؠ امہِ رٲژ تہِ أتؠ روزُن۔ تٔمؠ شیٚہُر پننٮ۪ن دوٚن خرن زیٖن تہٕ ہیٚوتُن پننہِ نوکرانہِ زنانہِ تہٕ نوکرس سٟتؠ نیرُن یبوسؔ شہرس کُن یتھ وۅنؠ یروشلم ونان چھِ۔ 11ییٚلہِ دوٚہہ درس لگنس تیار اوس تِم وٲتؠ یبوس شہرس نکھہٕ۔ نوکرن ووٚن پننِس مٲلکس، "اسہِ پزِ یتی روزُن یتھ شہرس منٛز یتہِ یبوسی لوٗکھ لسان بسان چھِ۔ تہٕ راتھ یتی کڈٕنؠ۔12مگر مٲلکن ووٚنُس اورٕ، "نَہ، یہِ روزِ نہٕ جان یتہِ وۅپر لوٗکن سٟتؠ روزُن۔ یتہِ چُھنہٕ کہیینؠ اسرائیلی۔ أسؠ گژھو جِبعہؔ شہرس کُن"13سُہ ووٚتھ پننِس نوکرس، "نیر پکھ۔ جِبعہؔ چُھنہٕ زیادٕ دوٗر۔ أسؠ ہیٚکو تور گٔژھِتھ امہِ اپور رامہ تام تہِ۔ أسؠ ہیٚکو یِمن دوٚن شہرن منٛز کُنہِ أکِس منٛز تہِ راتھ گُزٲرِتھ۔14اوے رودؠ یِم پکان۔ ییٚلہِ تِم جِبعہؔ وٲتؠ یتہِ بنیمِینؔ قبیلٕکؠ لوٗکھ روزان چھِ۔ آفتاب اوس لوسنہِ لوگمُت۔15تِم رُکییہ اتھ رٲژ اتہِ روزنہٕ باپتھ۔ تِم گۓ شہرکِس ژُو ؤتِس کُن تہٕ بیٹھؠ أتی۔ مگر کٲنٛسہِ أکؠ تہِ یِم اپٲرؠ دراے پرُژھنہٕ یِمن راتس روزنہٕ باپتھ۔16پتہٕ آو اورٕ اکھ بڈٕ نفرا۔ سُہ اوس کھاہ پٮ۪ٹھٕ کٲم کٔرِتھ آمُت۔ سُہ اوس افرائیمؔ قبیلہٕ کہِ بٲلؠ علاقُک۔ وۅنؠ گوو امہِ وقتہٕ اوس سُہ جِبعہؔ شہرے روزان۔17تٔمؠ ژٮ۪تروو زِ یہِ نفر چُھ لاوے قبیلُک تہٕ سفرس منٛز۔ تہٕ یتہِ چُھس نہٕ کانٛہہ راتھ کڈنہٕ باپتھ جاے میجؠ مٕژ۔ اوے ووٚنُن أمِس نفرس، "توٚہؠ کتہِ پٮ۪ٹھٕ؟" تہٕ کوٚت چُھو گژھُن؟18تٔمؠ ووٚنُس اورٕ، "أسؠ چھِ بیت لحمؔ پٮ۪ٹھٕ پکان پنُن گرٕ بٲلؠ علاقس کُن یتہِ افرائیمؔ قبیلٕکؠ لوٗکھ روزان چھِ۔ بہٕ اوسُس تتہِ پٮ۪ٹھٕ بیت لحم گوٚمُت۔ مگر وۅنؠ چُھ گژھان سیلا یتہِ یہُوواہؔ سُنٛد گرٕ چُھ۔ یتہِ پرُژھنہٕ اسہِ کٲنٛسہِ تہِ راتس روزنہٕ باپتھ۔ 19اسہِ چُھ خرو باپتھ کھیٚن تہِ سٟتؠ تہٕ پننہِ، پننہِ جوان زنانہِ تہٕ نوکرٕ سنٛدِ باپتھ ژوٚٹ تہٕ شراب تہِ سٟتؠ۔ اسہِ چُھنہٕ بیٚیہِ کینٛہہ حاجت۔20أمؠ بُڈن ووٚنُس اورٕ، "انہِ باپتھ روزِن سورےٕ رُت۔ بہٕ ہیٚکہٕ توٚہہِ پرٮ۪تھ کینٛہہ چیز دِتھ۔ یتھ ژُؤتِس پٮ۪ٹھ مہٕ گُذٲرِو راتھ۔21پتہٕ تُلؠ یِم سٲری بُڈن پانس سٟتؠ پنُن گرٕ۔ تٔمؠ تروو خرن کھیٚن تہٕ دِتُن أمِس نفرس، امسنٛزِ زنانہِ تہٕ نوکرس کھۅر وۅر چھلنہٕ باپتھ آب۔ بیٚیہِ دیُت أمؠ بُڈن یِمن کھیٚن چیٚن تہِ۔22ییٚلہِ یِم پننہِ وقتُک مزٕ ٲسؠ یِکوٹہٕ تُلان، شہرکیٚو کینٛژو وُتہٕ پھنگیٚو تروو اتھ مکانس گیرٕ تہٕ لوگُکھ بر وایُن۔ تِمو لایہِ بُڈس کریکہٕ، "پنُن گرٕ آمُت نفر انُن اسہِ نِش۔ أسؠ چھِ یژھان تس سٟتؠ بد کار کرُن۔"23بُڈٕ دراو نٮ۪بر تہٕ ووٚننکھ، "میانیٚو بایو، بہٕ کرٕ نہٕ تہِ۔ یہِ آسہ بڈٕ ویکھت۔ یہِ نفر چُھ میانہِ گرُک پوٚژھ۔ توٚہہِ پزِ نہٕ یُتھ کۅ کار کرُن۔"24وُچھِو میانہِ انہرشہِ کورِ چھےٚ یتہِ تہٕ امسنٛز نوکر زنان تہِ۔ بہٕ انکھ یِم وۅنؠ توٚہہِ نِش۔ توٚہؠ ہیٚکو تِمن سٟتؠ تہِ کٔرِتھ یہِ خوش گژھیٚو، مگر کانٛہہ کۅ کار مہٕ کٔرِو یمِس نفرس سٟتؠ۔25مگر یِمو نفرو دیُت نہٕ تسنٛدِس وننس کانٛہہ توجہ۔ اوے تہِ سوزؠ أمؠ نفرن پنٕنؠ نوکر زنان یِمن نِش گرٕ نٮ۪بر۔ تِمو کوٚر تس بدکٲری باپتھ جبر تہٕ رٲتؠ راتس رودؠ تس سٟتؠ بد کار کران۔ صبح پھۅلوُن ترٲوٕکھ یلہٕ۔26سۅ آیہِ بُڈٕ سُنٛد گرٕ تہٕ پیٚیہِ ؤٹِس منٛزے وُکرِتھ۔ تہٕ گاش یِنس تام روز أتی۔27دوٚیمہِ دوٚہہ صُبحس ووٚتھ امسُنٛد مٲلک تہٕ دراو نٮ۪بر سفرس سکھرنہِ۔ تٔمؠ وُچھ پنٕنؠ نوکر زنان أتی گرٕ کِس ؤٹِس منٛز پیٚمٕژ امسنٛدِس اتھ برداسس پٮ۪ٹھ۔ تسٕنٛدؠ اتھہٕ ٲسؠ وُنہِ تہِ دروازٕ تھپس سٟتؠ لٔگِتھ۔28تٔمؠ ووٚن أمِس، "وۅتھ تھوٚد! أسؠ نیرو وۅنؠ!" مگر تٔمؠ دیُتُس نہٕ اورٕ کانٛہہ جواب۔ تٔمؠ لٔز سۅ خرس تہٕ سُہ تہٕ تمسُنٛد نوکر دراے گرٕ کُن۔29ییٚلہِ سُہ گرٕ ووت، تٔمؠ کرترٲو نوکر زنان بہن باگن منٛز۔ پتہٕ سوزُن اکھ باگ پرٮ۪تھ اسرائیلی علاقس امہِ واقہچ پوٗرٕ شیٚچھ ہٮ۪تھ۔30یمؠ تہِ یہِ جسمُک باگ وُچھ تہٕ شیٚچھ پٔر، تٔمؠ ووٚن، "از برونٛہہ سپُد نہٕ یُتھ کانٛہہ واقہٕ۔ ینہٕ سٲنؠ جد اجداد مِصر ترٲوِتھ آے چھنہٕ اسہِ یُتھ ہیٚو سپدُت زانہٛہ تہِ بوزمُت۔ اسہِ پزِ اتھ متعلق دِل دِتھ سونٛچُن۔ کٲنٛسہِ پزِ فٲصلہٕ کرُن زِ اسہِ کیا چُھ کرُن ٲخرس۔"
اتہِ اوس لاوی قبیلُک اکھ شخص یُس بٲلؠ علاقس منٛز أکِس دوٗر دراز جایہِ روزان اوس یتہِ افرائیمؔ قبیلہٕ روزان چُھ۔ تٔمؠ ٲس امہِ برونٛہہ پانس سٟتؠ اکھ زنانہٕ روزنہٕ باپتھ نِمٕژ یۅسہ اکھ غلام ٲس۔ سۅ ٲس بیت لحمٕچ، تتھ علاقس منٛز ییٚتہِ یہُوداؔ قبیلہٕ روزان چُھ۔2مگر تٔمؠ ہیوٚت باقےٕ مردن سٟتؠ تہِ شۅنٛگُن۔ پتہٕ تروو سُہ تٔمہِ تہٕ آیہِ یہُوداؔ کہِ بیت لحمَس منٛز پننِس مٲلؠ سٕنٛدِس گرس منٛز واپس۔ سۅ روز تتہِ ژورن رٮ۪تن تام۔ 3پتہٕ روٚٹ امسنٛدؠ خانٛدارن پنُن نوکر تہٕ زٕ خر تہٕ گوٚو بیت لحم۔ سُہ گوٚو یہِ وننہِ زِ سۅ ییہِ واپس تہٕ روزِ بیٚیہِ أمِس سٟتؠ۔ ییٚلہِ سُہ تسنٛدِس مٲلؠ سٕنٛدِس گرس منٛز ووت، تٔمہِ دِژ أمِس انٛدر اژنٕچ دعوت۔ امسُنٛد مول اوس سُہ وُچِھتھ خوش۔4زنانہِ ہنٛدؠ مٲلؠ ووٚن تمِس روزنہٕ باپتھ۔ سُہ رود تریٚن دوٚہُن أتی۔ روزنس دوران کھیٚو چیٚو تہٕ شونٛگ سُہ أتی۔5ژورمہِ دوٚہہ ؤتھؠ تِم سٲری سُلے لاوے قبیلٕکؠ نفر اوس نیرنس سکھران۔ مگر زنانہِ ہُنٛد مول وتھُس، "نیرنہٕ برونٛہہ کھیٚہ کینھژھا۔"6اوے بیٹھؠ یِم دوٚنوے زٔنؠ یِکوٹہٕ کھیٚنہِ تہٕ چیٚنہِ پتہٕ ووٚنُس زنانہِ ہنٛدؠ مٲلؠ، "روزکھ نا بیٚیہِ أکِس رٲژ، کر آراماہ تہٕ تُل مزٕ یمہِ گرِ ہُنٛد۔7لاوے قبیلُک نفر اوس نیرُن یژھان۔ مگر زنانہِ ہنٛدؠ مٲلؠ کوٚرُس زارٕ پارٕ بیٚیِس رٲژ تہِ روزنہٕ باپتھ۔ اوے تہِ رود سُہ اتھ رٲژ تہِ أتی۔8پٲنٛژمہِ دوٚہہ ووٚتھ یہِ نفر سُلے تہٕ ہیٚوتُن سکھرُن۔ مگر زنانہِ ہنٛدؠ مٲلؠ ونُس بیٚیہِ، "کھیٚیہ کینٛژھا۔ پرار دُپہر یا کوج ڈلنس تہٕ ادٕ نیر تہٕ" اوے بیٹھؠ دۅشوے یِکوٹہٕ کھیٚنہِ۔9کاجہِ پتہٕ ییٚلہِ یہِ لاوے قبیلُک نفر، تس سنٛز نوکرٲنؠ زنان تہٕ نوکر نیرنٕچ سکھٕر کرنہِ لٔگؠ، زنانہِ ہنٛدؠ مٲلؠ ونُکھ، "وۅنؠ گژھِ ؤلؠ ؤلؠ انہِ گٹہٕ۔ دوٚہہ چُھ الہٕ پلہٕ انٛدیومُت۔ از راتس روزیٚو تہٕ تُلِو مزٕ یمہِ گرِ ہُنٛد۔ پگاہ صُبحس ؤتھؠ تو سُلے تہٕ نیرؠ تو پنُن گرٕ کُن۔10وۅنؠ گوو لاوے قبیلُک نفر اوس نہٕ یژھان وۅنؠ امہِ رٲژ تہِ أتؠ روزُن۔ تٔمؠ شیٚہُر پننٮ۪ن دوٚن خرن زیٖن تہٕ ہیٚوتُن پننہِ نوکرانہِ زنانہِ تہٕ نوکرس سٟتؠ نیرُن یبوسؔ شہرس کُن یتھ وۅنؠ یروشلم ونان چھِ۔ 11ییٚلہِ دوٚہہ درس لگنس تیار اوس تِم وٲتؠ یبوس شہرس نکھہٕ۔ نوکرن ووٚن پننِس مٲلکس، "اسہِ پزِ یتی روزُن یتھ شہرس منٛز یتہِ یبوسی لوٗکھ لسان بسان چھِ۔ تہٕ راتھ یتی کڈٕنؠ۔12مگر مٲلکن ووٚنُس اورٕ، "نَہ، یہِ روزِ نہٕ جان یتہِ وۅپر لوٗکن سٟتؠ روزُن۔ یتہِ چُھنہٕ کہیینؠ اسرائیلی۔ أسؠ گژھو جِبعہؔ شہرس کُن"13سُہ ووٚتھ پننِس نوکرس، "نیر پکھ۔ جِبعہؔ چُھنہٕ زیادٕ دوٗر۔ أسؠ ہیٚکو تور گٔژھِتھ امہِ اپور رامہ تام تہِ۔ أسؠ ہیٚکو یِمن دوٚن شہرن منٛز کُنہِ أکِس منٛز تہِ راتھ گُزٲرِتھ۔14اوے رودؠ یِم پکان۔ ییٚلہِ تِم جِبعہؔ وٲتؠ یتہِ بنیمِینؔ قبیلٕکؠ لوٗکھ روزان چھِ۔ آفتاب اوس لوسنہِ لوگمُت۔15تِم رُکییہ اتھ رٲژ اتہِ روزنہٕ باپتھ۔ تِم گۓ شہرکِس ژُو ؤتِس کُن تہٕ بیٹھؠ أتی۔ مگر کٲنٛسہِ أکؠ تہِ یِم اپٲرؠ دراے پرُژھنہٕ یِمن راتس روزنہٕ باپتھ۔16پتہٕ آو اورٕ اکھ بڈٕ نفرا۔ سُہ اوس کھاہ پٮ۪ٹھٕ کٲم کٔرِتھ آمُت۔ سُہ اوس افرائیمؔ قبیلہٕ کہِ بٲلؠ علاقُک۔ وۅنؠ گوو امہِ وقتہٕ اوس سُہ جِبعہؔ شہرے روزان۔17تٔمؠ ژٮ۪تروو زِ یہِ نفر چُھ لاوے قبیلُک تہٕ سفرس منٛز۔ تہٕ یتہِ چُھس نہٕ کانٛہہ راتھ کڈنہٕ باپتھ جاے میجؠ مٕژ۔ اوے ووٚنُن أمِس نفرس، "توٚہؠ کتہِ پٮ۪ٹھٕ؟" تہٕ کوٚت چُھو گژھُن؟18تٔمؠ ووٚنُس اورٕ، "أسؠ چھِ بیت لحمؔ پٮ۪ٹھٕ پکان پنُن گرٕ بٲلؠ علاقس کُن یتہِ افرائیمؔ قبیلٕکؠ لوٗکھ روزان چھِ۔ بہٕ اوسُس تتہِ پٮ۪ٹھٕ بیت لحم گوٚمُت۔ مگر وۅنؠ چُھ گژھان سیلا یتہِ یہُوواہؔ سُنٛد گرٕ چُھ۔ یتہِ پرُژھنہٕ اسہِ کٲنٛسہِ تہِ راتس روزنہٕ باپتھ۔ 19اسہِ چُھ خرو باپتھ کھیٚن تہِ سٟتؠ تہٕ پننہِ، پننہِ جوان زنانہِ تہٕ نوکرٕ سنٛدِ باپتھ ژوٚٹ تہٕ شراب تہِ سٟتؠ۔ اسہِ چُھنہٕ بیٚیہِ کینٛہہ حاجت۔20أمؠ بُڈن ووٚنُس اورٕ، "انہِ باپتھ روزِن سورےٕ رُت۔ بہٕ ہیٚکہٕ توٚہہِ پرٮ۪تھ کینٛہہ چیز دِتھ۔ یتھ ژُؤتِس پٮ۪ٹھ مہٕ گُذٲرِو راتھ۔21پتہٕ تُلؠ یِم سٲری بُڈن پانس سٟتؠ پنُن گرٕ۔ تٔمؠ تروو خرن کھیٚن تہٕ دِتُن أمِس نفرس، امسنٛزِ زنانہِ تہٕ نوکرس کھۅر وۅر چھلنہٕ باپتھ آب۔ بیٚیہِ دیُت أمؠ بُڈن یِمن کھیٚن چیٚن تہِ۔22ییٚلہِ یِم پننہِ وقتُک مزٕ ٲسؠ یِکوٹہٕ تُلان، شہرکیٚو کینٛژو وُتہٕ پھنگیٚو تروو اتھ مکانس گیرٕ تہٕ لوگُکھ بر وایُن۔ تِمو لایہِ بُڈس کریکہٕ، "پنُن گرٕ آمُت نفر انُن اسہِ نِش۔ أسؠ چھِ یژھان تس سٟتؠ بد کار کرُن۔"23بُڈٕ دراو نٮ۪بر تہٕ ووٚننکھ، "میانیٚو بایو، بہٕ کرٕ نہٕ تہِ۔ یہِ آسہ بڈٕ ویکھت۔ یہِ نفر چُھ میانہِ گرُک پوٚژھ۔ توٚہہِ پزِ نہٕ یُتھ کۅ کار کرُن۔"24وُچھِو میانہِ انہرشہِ کورِ چھےٚ یتہِ تہٕ امسنٛز نوکر زنان تہِ۔ بہٕ انکھ یِم وۅنؠ توٚہہِ نِش۔ توٚہؠ ہیٚکو تِمن سٟتؠ تہِ کٔرِتھ یہِ خوش گژھیٚو، مگر کانٛہہ کۅ کار مہٕ کٔرِو یمِس نفرس سٟتؠ۔25مگر یِمو نفرو دیُت نہٕ تسنٛدِس وننس کانٛہہ توجہ۔ اوے تہِ سوزؠ أمؠ نفرن پنٕنؠ نوکر زنان یِمن نِش گرٕ نٮ۪بر۔ تِمو کوٚر تس بدکٲری باپتھ جبر تہٕ رٲتؠ راتس رودؠ تس سٟتؠ بد کار کران۔ صبح پھۅلوُن ترٲوٕکھ یلہٕ۔26سۅ آیہِ بُڈٕ سُنٛد گرٕ تہٕ پیٚیہِ ؤٹِس منٛزے وُکرِتھ۔ تہٕ گاش یِنس تام روز أتی۔27دوٚیمہِ دوٚہہ صُبحس ووٚتھ امسُنٛد مٲلک تہٕ دراو نٮ۪بر سفرس سکھرنہِ۔ تٔمؠ وُچھ پنٕنؠ نوکر زنان أتی گرٕ کِس ؤٹِس منٛز پیٚمٕژ امسنٛدِس اتھ برداسس پٮ۪ٹھ۔ تسٕنٛدؠ اتھہٕ ٲسؠ وُنہِ تہِ دروازٕ تھپس سٟتؠ لٔگِتھ۔28تٔمؠ ووٚن أمِس، "وۅتھ تھوٚد! أسؠ نیرو وۅنؠ!" مگر تٔمؠ دیُتُس نہٕ اورٕ کانٛہہ جواب۔ تٔمؠ لٔز سۅ خرس تہٕ سُہ تہٕ تمسُنٛد نوکر دراے گرٕ کُن۔29ییٚلہِ سُہ گرٕ ووت، تٔمؠ کرترٲو نوکر زنان بہن باگن منٛز۔ پتہٕ سوزُن اکھ باگ پرٮ۪تھ اسرائیلی علاقس امہِ واقہچ پوٗرٕ شیٚچھ ہٮ۪تھ۔30یمؠ تہِ یہِ جسمُک باگ وُچھ تہٕ شیٚچھ پٔر، تٔمؠ ووٚن، "از برونٛہہ سپُد نہٕ یُتھ کانٛہہ واقہٕ۔ ینہٕ سٲنؠ جد اجداد مِصر ترٲوِتھ آے چھنہٕ اسہِ یُتھ ہیٚو سپدُت زانہٛہ تہِ بوزمُت۔ اسہِ پزِ اتھ متعلق دِل دِتھ سونٛچُن۔ کٲنٛسہِ پزِ فٲصلہٕ کرُن زِ اسہِ کیا چُھ کرُن ٲخرس۔"
Bridge Connectivity Solutions Pvt. Ltd.