قٲضؠ18
1امہِ وقتہٕ اوسنہٕ اسرائیل ین کانٛہہ تہِ بادشاہ۔
دان قبیلہٕ اوس أتھؠ دوران پننہِ بود باشہ باپتھ کُنہِ رٕژِ جایہِ ہنٛزِ ژھٲرِ منٛز۔ باقےٕ اسرائیلی قبیلہٕ ٲسؠ سۅ زمین پراونس منٛز کامیاب سپٕدؠ مٕتؠ یۅسہ تِمن دِنہٕ آیہِ۔ مگر دان قبیلہٕ اوس وُنہِ امہِ نِشہ مُچھے۔2اوے ژٲرؠ تِمو پننہِ خاندان منٛزٕ پانٛژھ سِپاہ یِم صُرعہؔ تہٕ اِستال شہرن منٛز روزان ٲسؠ زمین ژھارنہِ تہٕ أمِچ سام ہٮ۪نہٕ باپتھ تاکہِ تِم لبن لسنس بسنس لایق زمین۔
تِم وٲتؠ بٲلؠ علاقس منٛز میکاہؔ سُنٛد گرٕ یتہِ افرائیمؔ قبیلٕکؠ لوٗکھ لسان بسان ٲسؠ تہٕ تِم رودؠ تتھ رٲژ تٔتؠ۔3میکاہؔ سٕنٛدِس گرس منٛز روزنس دوران، ییٚلہِ تِمو بوز جوان سنٛز کتھ یُس میکاہؔ سُنٛد کاہن بنیٚومُت اوس، تِمو پرٮ۪زنوو سُہ پننہِ لحجہِ کِنؠ۔ اوے آے یِم أمِس، س نِش تہٕ پرُژھہس، "ژٕ کٔمؠ اوٚنُکھ یور؟ ژٕ کران کیا ییٚتہِ؟ ژٕ آکھ کیازِ یوٚت؟"4تٔمؠ ووٚن تِمن سورےٕ یہِ میکاہنؔ تسٕنٛدِ باپتھ کوٚرمُت اوس۔ تٔمؠ ووٚن تِمن، "میکاہنؔ روٚٹُس بہٕ مُزورِ پٮ۪ٹھ تہٕ بہٕ بنیوس امسُنٛد کاہن۔"5اوے ووٚن تِمو أمِس، "براہِ مہربٲنی پرژھتہٕ خدایس أسؠ گژھوا پننہِ ژھٲر منٛز کامیاب یمہِ باپتھ اسہِ یہِ سفر کوٚڈ۔"6جوان نفرن ونُکھ، "نیرِو یہ آگٲہی ہٮ۪تھ زِ یہُوواہؔ چُھ یتھ تہنٛدِس سفرس منٛز توٚہہِ سٟتؠ۔7اوٕ پتہٕ دراے یِم پانٛژھ زٔنؠ۔ ییٚلہِ تِم لیَسؔ شہر وٲتؠ، تِمو وُچھ اتہِ لوٗکھ بڈٕ امنہٕ سان۔ یتھٕ پٲٹھؠ سدومؔ شہرٕکؠ لوٗکھ ٲسؠ۔ اتکٮ۪ن لوٗکن اوس باسان زِ تِم چھِ محفوظ تکیازِ تِمن أنٛدؠ پٔکؠ اوسنہٕ کانٛہہ یُس فتنہٕ تُلہِ ہے۔ تِم ٲسؠ صیدانؠ نِشہ واریاہ دوٗر تہٕ تِمن اوس مُشکلنےٕ کانٛہہ ہیوٚن دیوٚن نٮ۪برِمٮ۪ن سٟتؠ۔8ییٚلہِ یِم پانٛژھ زٔنؠ صُرعہؔ تہٕ اِستال واپس وٲتؠ، تِمن پرُژھ پننیٚو ٲشناوو، "توٚہہِ کیا لوٚبُو؟"9تِمو ونُکھ، "اسہِ لٔب کینٛہہ زمین، تہٕ سۅ چھےٚ واریاہ رٕژ۔ اسہِ پزِ نیرُن تہٕ تتہِ روزن والٮ۪ن پٮ۪ٹھ حملہٕ کرُن۔ توٚہؠ کیازِ ییٚتہِ بٔلؠ بہتھ تہٕ کران کراوان نہٕ کینٛہہ؟ زیادٕ کالس مہٕ پرٲرِو! اسہِ پزِ ؤلؠ ؤلؠ نیرُن تہٕ تتھ زمینس پٮ۪ٹھ قبضہٕ کرُن۔10ییٚلہِ توٚہؠ تور گٔژھِو، توٚہہِ تگہِ پانے زانُن زِ اتہِ چھےٚ واریاہ زمین تہٕ اتھ منٛز چُھ تہِ سورےٕ یہ اسہ ضرورت چُھ۔ اتکٮ۪ن لوٗکن چھنہٕ امِچ کانٛہہ شینکھے زِ کانٛہہ کیا کرِ تِمن حملہٕ۔ خدا چُھ یقیناً سۅ زمین اسہِ دِنہٕ وول۔11اوے دراے صُرعہؔ تہٕ اِستال پٮ۪ٹھٕ دان قبیلہٕ منٛزٕ پنٕنؠ ہتھیار ہٮ۪تھ شےٚ ہتھ نفر۔12وتہِ منٛز دِتؠ یِمن خٟمہٕ قریتؔ یعریمؔ جایہِ ییٚتہِ یہُوداؔ قبیلہٕ روزان اوس۔ اوے ٲسؠ قریتؔ یریم کِس مغربس منٛز اتھ جایہِ ونان محنے دانؔ یا دان لوٗکن ہُنٛد خٟمہٕ گاہ تہٕ از تہِ چُھ اتھ یوٚہے ناو۔13اتہِ نیرتھ گۓ تِم بٲلؠ علاقس کُن ییٚتہِ افرائیمؔ قبیلہٕ روزان اوس۔ تہٕ وٲتؠ میکاہ سُنٛد گرٕ۔14یِمو پانٛژو نفرو لیَسؔ شہرس نکھہٕ زمینس سام ہٮیٚژمٕژ ٲس، تِمو ووٚن اسرائیلی سٟتؠ والٮ۪ن۔ "توٚہہ چھا خبر زِ یِمو منٛزٕ أکِس مکانس منٛز چُھ اکھ مقدس افُود، واریاہ گرٕ پۅتل، اکھ نقشہٕ دار صورت تہٕ قٲلبہٕ سٟتؠ بناونہٕ آمُت اکھ بُت؟ میون خیال چُھ زِ توٚہؠ زٲنِو کرُن کیا چُھ۔15اوے گۓ تَم تتھ گرس منٛز ییٚتہِ لاوے قبیلُک نفر روزان اوس۔ سُہ گرٕ ییٚتہِ میکاہؔ بسان اوس تہٕ تِمو کٔر لاوی قبیلہٕ کِس جوانس سلام۔ یُس میکاہ سُنٛد کاہن اوس۔16دان قبیلٕکؠ شٮےٚ ہتھ نفر رودؠ گرٕ کِس دروازس نٮ۪برٕ کنہِ کھڑا پنٕنؠ ہتھیار ہٮ۪تھ۔17یِمو پانٛژو اتھ زمینس سان ہیٚژمٕژ ٲس تِم ژاے میکاہؔ سُنٛد گرٕ تہٕ تُجکھ کند کرمژٕ مورتی، مقدس سینہٕ بندم گرکُلی پۅتٕلؠ تہٕ قٲلبہٕ درامُت پۅتُل۔ ییٚلہِ زن یِم یہِ کران ٲسؠ۔ شےٚ ہتھ نفر رودؠ دروزاس نٮ۪برٕ کنہِ وۅدنؠ کاہنس سٟتؠ کتھ کران۔18ییٚلہِ کاہنن یِم کند کرمژٕ مورتی، مقدس سینہٕ بند، گرٕ کُلے پۅتٕلؠ تہٕ قٲلبہٕ درامُت پۅتُل ہٮ۪تھ نیران وُچھ، تٔمؠ ووٚن تِمن، "توٚہؠ کران کیا یہ؟19تِمو ووٚنُس، "روز ژھوپہٕ کٔرِتھ۔ یِنہٕ چی تہِ کرکھ۔ ژٕ یِکھ اسہِ سٟتؠ تہٕ روز مٲلؠ سنٛدؠ پٲٹھؠ تہٕ سون کاہن بٔنِتھ اسہِ سٟتؠ۔ یہِ چھا جان زِ ژٕ روزکھ یتہِ أکِس نفرٕ سٕنٛدِ گرِ لوٗکن کاہن بٔنِتھ، کِنہٕ ژٕ بنکھ اکہِ پوٗرٕ خاندانُک کاہن تہٕ سارے اسرائیل قبیلُک کاہن۔20کاہنس گوو تُہنٛد مشورٕ خوش۔ اوے تُلِن گرٕ پۅتٕلؠ، سینہٕ بند، نقشہٕ دار مورتی تہٕ ہیٚوتُن یِمن لوٗکن سٟتؠ نیرُن۔21ساروے نفرو لٲگؠ پنٕنؠ شُرؠ بٲژ، گُپن تہٕ باقےٕ یِتہِ تِمن اوس پانس برونٛہہ برونٛہہ پکناوٕنؠ۔ 22ییٚلہِ تِم میکاہؔ سٕنٛدِ گرٕ رژھا دوٗرییہِ میکاہنؔ ژیون زِ سپُد کیا۔ تٔمؠ کوٚر پانس نکھہٕ روزن والٮ۪ن لوٗکن آلو تہٕ دورییہِ دان قبیلہٕ کٮ۪ن لوٗکن پتے تہٕ رٔٹِکھ۔23تِمو دِژٕ تِمن چیکہٕ۔ دان قبیلٕکؠ پھیرؠ پوٚت تہٕ ونُکھ میکاہس، "ژےٚ دلیل کیا چھے؟ ژےٚ کیازِ أنؠ تھکھ یِم لوٗکھ سمبرٲوِتھ اسہِ پتہٕ لارنہِ۔"24میکاہنؔ دِژٕکھ یورٕ کریکھ، "توٚہہِ نِیو رۅپہٕ سٕنٛدؠ بُت یِم میانہِ باپتھ ٲسؠ۔ توٚہہِ نیٚون میون کاہن تہِ۔ مےٚ رود نہٕ پتھ کُن کہین۔ توٚہؠ کیازِ مےٚ پرٕژھان دلیل کیا؟"25دان قبیلہٕ کیٚو نفرو ووٚنُس اور، "بہتر روزی اتھ بارس منٛز کانٛہہ کتھ نہ کرٕنؠ۔ سانٮ۪ن کینژن نفرن ما کھٔسی ژکھ تہٕ کرنے حملہٕ تہٕ مارنے ژےٚ تہٕ چٲنِس ٹبرس۔26امہِ پتہٕ رودؠ دان قبیلٕکؠ لوٗکھ پانس پکان۔ میکاہسؔ توٚگ زانُن زِ یِم چھِ سٮ۪ٹھا لوٗکھ اوے روزِ نہٕ یہِ جان یِمن سٟتؠ ۂر تُلٕنؠ۔ اوے پھیور سُہ واپس تہٕ ژاو گرٕ۔27دان قبیلٕکؠ نفر ٲسؠ تِم چیز ہٮ۪تھ یِم ژکہِ میکاہؔ سٕنٛدِ باپتھ ٲسؠ۔ بیٚیہِ نیٚو تِمو تسُنٛد کاہن تہٕ رودؠ لیَسؔ شہرس کُن پکان۔ تِمو کوٚر تِمن لوٗکن پٮ۪ٹھ حملہٕ یِم تتہِ امنہٕ سان روزان ٲسؠ تہٕ کٔرِکھ پننیٚو تلوارو سٟتؠ ہلاک۔ پتہٕ ژھُن تِمو شہرُک پرٮ۪تھ کانٛہہ چیز زٲلِتھ۔28لیَسؔ کٮ۪ن لوٗکن بچاونہٕ باپتھ ٲسنہٕ اتہِ کانٛہہ تہِ لُکہٕ جماتھ۔ لیَسؔ اوس صیدون پٮ۪ٹھٕ دوٗر، لہٰذا ہیوٚک نہٕ اتہِ کیٚو لوٗکو لیَسؔ کیٚن لوٗکن مدد کٔرِتھ۔ تہٕ لیَسؔ کیٚن لوٗکن ٲسؠ نہٕ باقےٕ مدد گار تہِ۔ لیَسؔ اوس بیت رحوبؔ قصبس نکھہٕ أکِس وادی منٛز۔
دان قبیلہٕ کیٚو کوٚر یہِ شہر نوِ تعمیر تہٕ لوگُکھ اتہِ روزُن۔29تِمو دیُت شہرس اکھ نوو ناو۔ تِمو ووٚن اتھ دان، پننِس جد سٕنٛدِس تعظیمس منٛز یمسُنٛد ناو دان اوس۔ سُہ اوس اسرائیل سنٛدیو نیٚچیو منٛز اکھ۔ قصبہٕ رود لیَسؔ ناوے باقے۔30دان قبیلہٕ کیٚو لوٗکو کٔر شہرس منٛز اکھ نقشہٕ دار مورتی نصب یۅسہ میکاہؔ سنٛز ٲس۔ جیرسومؔ سُنٛد نیٚچو یہُونتنؔ تہٕ موسیٰؔ سُنٛد زُر آو تُہنٛد کاہن مقرر کرنہٕ۔ تسٕنٛدؠ زُرؠ رودؠ کاہن برابر یوٚتام اسرائیلی بٲنٛدؠ آے بناونہٕ تہٕ سٟتؠ نِنہٕ۔ 31ییٚلہِ دان قبیلہٕ کیٚو نقشہٕ دار مورتی نصب کٔر، یۅسہ میکاہؔ سٕنٛدِ باپتھ ٲس، یہِ روز اتہِ یوٚتام خدایہِ سُنٛد گرٕ سیلا شہرس منٛز رود۔
دان قبیلہٕ اوس أتھؠ دوران پننہِ بود باشہ باپتھ کُنہِ رٕژِ جایہِ ہنٛزِ ژھٲرِ منٛز۔ باقےٕ اسرائیلی قبیلہٕ ٲسؠ سۅ زمین پراونس منٛز کامیاب سپٕدؠ مٕتؠ یۅسہ تِمن دِنہٕ آیہِ۔ مگر دان قبیلہٕ اوس وُنہِ امہِ نِشہ مُچھے۔2اوے ژٲرؠ تِمو پننہِ خاندان منٛزٕ پانٛژھ سِپاہ یِم صُرعہؔ تہٕ اِستال شہرن منٛز روزان ٲسؠ زمین ژھارنہِ تہٕ أمِچ سام ہٮ۪نہٕ باپتھ تاکہِ تِم لبن لسنس بسنس لایق زمین۔
تِم وٲتؠ بٲلؠ علاقس منٛز میکاہؔ سُنٛد گرٕ یتہِ افرائیمؔ قبیلٕکؠ لوٗکھ لسان بسان ٲسؠ تہٕ تِم رودؠ تتھ رٲژ تٔتؠ۔3میکاہؔ سٕنٛدِس گرس منٛز روزنس دوران، ییٚلہِ تِمو بوز جوان سنٛز کتھ یُس میکاہؔ سُنٛد کاہن بنیٚومُت اوس، تِمو پرٮ۪زنوو سُہ پننہِ لحجہِ کِنؠ۔ اوے آے یِم أمِس، س نِش تہٕ پرُژھہس، "ژٕ کٔمؠ اوٚنُکھ یور؟ ژٕ کران کیا ییٚتہِ؟ ژٕ آکھ کیازِ یوٚت؟"4تٔمؠ ووٚن تِمن سورےٕ یہِ میکاہنؔ تسٕنٛدِ باپتھ کوٚرمُت اوس۔ تٔمؠ ووٚن تِمن، "میکاہنؔ روٚٹُس بہٕ مُزورِ پٮ۪ٹھ تہٕ بہٕ بنیوس امسُنٛد کاہن۔"5اوے ووٚن تِمو أمِس، "براہِ مہربٲنی پرژھتہٕ خدایس أسؠ گژھوا پننہِ ژھٲر منٛز کامیاب یمہِ باپتھ اسہِ یہِ سفر کوٚڈ۔"6جوان نفرن ونُکھ، "نیرِو یہ آگٲہی ہٮ۪تھ زِ یہُوواہؔ چُھ یتھ تہنٛدِس سفرس منٛز توٚہہِ سٟتؠ۔7اوٕ پتہٕ دراے یِم پانٛژھ زٔنؠ۔ ییٚلہِ تِم لیَسؔ شہر وٲتؠ، تِمو وُچھ اتہِ لوٗکھ بڈٕ امنہٕ سان۔ یتھٕ پٲٹھؠ سدومؔ شہرٕکؠ لوٗکھ ٲسؠ۔ اتکٮ۪ن لوٗکن اوس باسان زِ تِم چھِ محفوظ تکیازِ تِمن أنٛدؠ پٔکؠ اوسنہٕ کانٛہہ یُس فتنہٕ تُلہِ ہے۔ تِم ٲسؠ صیدانؠ نِشہ واریاہ دوٗر تہٕ تِمن اوس مُشکلنےٕ کانٛہہ ہیوٚن دیوٚن نٮ۪برِمٮ۪ن سٟتؠ۔8ییٚلہِ یِم پانٛژھ زٔنؠ صُرعہؔ تہٕ اِستال واپس وٲتؠ، تِمن پرُژھ پننیٚو ٲشناوو، "توٚہہِ کیا لوٚبُو؟"9تِمو ونُکھ، "اسہِ لٔب کینٛہہ زمین، تہٕ سۅ چھےٚ واریاہ رٕژ۔ اسہِ پزِ نیرُن تہٕ تتہِ روزن والٮ۪ن پٮ۪ٹھ حملہٕ کرُن۔ توٚہؠ کیازِ ییٚتہِ بٔلؠ بہتھ تہٕ کران کراوان نہٕ کینٛہہ؟ زیادٕ کالس مہٕ پرٲرِو! اسہِ پزِ ؤلؠ ؤلؠ نیرُن تہٕ تتھ زمینس پٮ۪ٹھ قبضہٕ کرُن۔10ییٚلہِ توٚہؠ تور گٔژھِو، توٚہہِ تگہِ پانے زانُن زِ اتہِ چھےٚ واریاہ زمین تہٕ اتھ منٛز چُھ تہِ سورےٕ یہ اسہ ضرورت چُھ۔ اتکٮ۪ن لوٗکن چھنہٕ امِچ کانٛہہ شینکھے زِ کانٛہہ کیا کرِ تِمن حملہٕ۔ خدا چُھ یقیناً سۅ زمین اسہِ دِنہٕ وول۔11اوے دراے صُرعہؔ تہٕ اِستال پٮ۪ٹھٕ دان قبیلہٕ منٛزٕ پنٕنؠ ہتھیار ہٮ۪تھ شےٚ ہتھ نفر۔12وتہِ منٛز دِتؠ یِمن خٟمہٕ قریتؔ یعریمؔ جایہِ ییٚتہِ یہُوداؔ قبیلہٕ روزان اوس۔ اوے ٲسؠ قریتؔ یریم کِس مغربس منٛز اتھ جایہِ ونان محنے دانؔ یا دان لوٗکن ہُنٛد خٟمہٕ گاہ تہٕ از تہِ چُھ اتھ یوٚہے ناو۔13اتہِ نیرتھ گۓ تِم بٲلؠ علاقس کُن ییٚتہِ افرائیمؔ قبیلہٕ روزان اوس۔ تہٕ وٲتؠ میکاہ سُنٛد گرٕ۔14یِمو پانٛژو نفرو لیَسؔ شہرس نکھہٕ زمینس سام ہٮیٚژمٕژ ٲس، تِمو ووٚن اسرائیلی سٟتؠ والٮ۪ن۔ "توٚہہ چھا خبر زِ یِمو منٛزٕ أکِس مکانس منٛز چُھ اکھ مقدس افُود، واریاہ گرٕ پۅتل، اکھ نقشہٕ دار صورت تہٕ قٲلبہٕ سٟتؠ بناونہٕ آمُت اکھ بُت؟ میون خیال چُھ زِ توٚہؠ زٲنِو کرُن کیا چُھ۔15اوے گۓ تَم تتھ گرس منٛز ییٚتہِ لاوے قبیلُک نفر روزان اوس۔ سُہ گرٕ ییٚتہِ میکاہؔ بسان اوس تہٕ تِمو کٔر لاوی قبیلہٕ کِس جوانس سلام۔ یُس میکاہ سُنٛد کاہن اوس۔16دان قبیلٕکؠ شٮےٚ ہتھ نفر رودؠ گرٕ کِس دروازس نٮ۪برٕ کنہِ کھڑا پنٕنؠ ہتھیار ہٮ۪تھ۔17یِمو پانٛژو اتھ زمینس سان ہیٚژمٕژ ٲس تِم ژاے میکاہؔ سُنٛد گرٕ تہٕ تُجکھ کند کرمژٕ مورتی، مقدس سینہٕ بندم گرکُلی پۅتٕلؠ تہٕ قٲلبہٕ درامُت پۅتُل۔ ییٚلہِ زن یِم یہِ کران ٲسؠ۔ شےٚ ہتھ نفر رودؠ دروزاس نٮ۪برٕ کنہِ وۅدنؠ کاہنس سٟتؠ کتھ کران۔18ییٚلہِ کاہنن یِم کند کرمژٕ مورتی، مقدس سینہٕ بند، گرٕ کُلے پۅتٕلؠ تہٕ قٲلبہٕ درامُت پۅتُل ہٮ۪تھ نیران وُچھ، تٔمؠ ووٚن تِمن، "توٚہؠ کران کیا یہ؟19تِمو ووٚنُس، "روز ژھوپہٕ کٔرِتھ۔ یِنہٕ چی تہِ کرکھ۔ ژٕ یِکھ اسہِ سٟتؠ تہٕ روز مٲلؠ سنٛدؠ پٲٹھؠ تہٕ سون کاہن بٔنِتھ اسہِ سٟتؠ۔ یہِ چھا جان زِ ژٕ روزکھ یتہِ أکِس نفرٕ سٕنٛدِ گرِ لوٗکن کاہن بٔنِتھ، کِنہٕ ژٕ بنکھ اکہِ پوٗرٕ خاندانُک کاہن تہٕ سارے اسرائیل قبیلُک کاہن۔20کاہنس گوو تُہنٛد مشورٕ خوش۔ اوے تُلِن گرٕ پۅتٕلؠ، سینہٕ بند، نقشہٕ دار مورتی تہٕ ہیٚوتُن یِمن لوٗکن سٟتؠ نیرُن۔21ساروے نفرو لٲگؠ پنٕنؠ شُرؠ بٲژ، گُپن تہٕ باقےٕ یِتہِ تِمن اوس پانس برونٛہہ برونٛہہ پکناوٕنؠ۔ 22ییٚلہِ تِم میکاہؔ سٕنٛدِ گرٕ رژھا دوٗرییہِ میکاہنؔ ژیون زِ سپُد کیا۔ تٔمؠ کوٚر پانس نکھہٕ روزن والٮ۪ن لوٗکن آلو تہٕ دورییہِ دان قبیلہٕ کٮ۪ن لوٗکن پتے تہٕ رٔٹِکھ۔23تِمو دِژٕ تِمن چیکہٕ۔ دان قبیلٕکؠ پھیرؠ پوٚت تہٕ ونُکھ میکاہس، "ژےٚ دلیل کیا چھے؟ ژےٚ کیازِ أنؠ تھکھ یِم لوٗکھ سمبرٲوِتھ اسہِ پتہٕ لارنہِ۔"24میکاہنؔ دِژٕکھ یورٕ کریکھ، "توٚہہِ نِیو رۅپہٕ سٕنٛدؠ بُت یِم میانہِ باپتھ ٲسؠ۔ توٚہہِ نیٚون میون کاہن تہِ۔ مےٚ رود نہٕ پتھ کُن کہین۔ توٚہؠ کیازِ مےٚ پرٕژھان دلیل کیا؟"25دان قبیلہٕ کیٚو نفرو ووٚنُس اور، "بہتر روزی اتھ بارس منٛز کانٛہہ کتھ نہ کرٕنؠ۔ سانٮ۪ن کینژن نفرن ما کھٔسی ژکھ تہٕ کرنے حملہٕ تہٕ مارنے ژےٚ تہٕ چٲنِس ٹبرس۔26امہِ پتہٕ رودؠ دان قبیلٕکؠ لوٗکھ پانس پکان۔ میکاہسؔ توٚگ زانُن زِ یِم چھِ سٮ۪ٹھا لوٗکھ اوے روزِ نہٕ یہِ جان یِمن سٟتؠ ۂر تُلٕنؠ۔ اوے پھیور سُہ واپس تہٕ ژاو گرٕ۔27دان قبیلٕکؠ نفر ٲسؠ تِم چیز ہٮ۪تھ یِم ژکہِ میکاہؔ سٕنٛدِ باپتھ ٲسؠ۔ بیٚیہِ نیٚو تِمو تسُنٛد کاہن تہٕ رودؠ لیَسؔ شہرس کُن پکان۔ تِمو کوٚر تِمن لوٗکن پٮ۪ٹھ حملہٕ یِم تتہِ امنہٕ سان روزان ٲسؠ تہٕ کٔرِکھ پننیٚو تلوارو سٟتؠ ہلاک۔ پتہٕ ژھُن تِمو شہرُک پرٮ۪تھ کانٛہہ چیز زٲلِتھ۔28لیَسؔ کٮ۪ن لوٗکن بچاونہٕ باپتھ ٲسنہٕ اتہِ کانٛہہ تہِ لُکہٕ جماتھ۔ لیَسؔ اوس صیدون پٮ۪ٹھٕ دوٗر، لہٰذا ہیوٚک نہٕ اتہِ کیٚو لوٗکو لیَسؔ کیٚن لوٗکن مدد کٔرِتھ۔ تہٕ لیَسؔ کیٚن لوٗکن ٲسؠ نہٕ باقےٕ مدد گار تہِ۔ لیَسؔ اوس بیت رحوبؔ قصبس نکھہٕ أکِس وادی منٛز۔
دان قبیلہٕ کیٚو کوٚر یہِ شہر نوِ تعمیر تہٕ لوگُکھ اتہِ روزُن۔29تِمو دیُت شہرس اکھ نوو ناو۔ تِمو ووٚن اتھ دان، پننِس جد سٕنٛدِس تعظیمس منٛز یمسُنٛد ناو دان اوس۔ سُہ اوس اسرائیل سنٛدیو نیٚچیو منٛز اکھ۔ قصبہٕ رود لیَسؔ ناوے باقے۔30دان قبیلہٕ کیٚو لوٗکو کٔر شہرس منٛز اکھ نقشہٕ دار مورتی نصب یۅسہ میکاہؔ سنٛز ٲس۔ جیرسومؔ سُنٛد نیٚچو یہُونتنؔ تہٕ موسیٰؔ سُنٛد زُر آو تُہنٛد کاہن مقرر کرنہٕ۔ تسٕنٛدؠ زُرؠ رودؠ کاہن برابر یوٚتام اسرائیلی بٲنٛدؠ آے بناونہٕ تہٕ سٟتؠ نِنہٕ۔ 31ییٚلہِ دان قبیلہٕ کیٚو نقشہٕ دار مورتی نصب کٔر، یۅسہ میکاہؔ سٕنٛدِ باپتھ ٲس، یہِ روز اتہِ یوٚتام خدایہِ سُنٛد گرٕ سیلا شہرس منٛز رود۔
Bridge Connectivity Solutions Pvt. Ltd.