یشوع18
1اسرائیل ین ہنٛز سٲری جماتھ گییہِ سَیلاؔ ہس منٛز جمع۔ تتہِ لوگ تِمو خٟمہٕ یتہِ تِم خداوند سنٛز عبادت ٲسؠ کران۔ ملکس منٛز اوسنہٕ مزید جنگ۔ 2تاہم ٲس نہٕ وُنہِ اسرائیل ین ہنٛدٮ۪ن ستن خاندانن زمیٖن دِنہٕ آمٕژ۔3یسوعنؔ ووٚن اسرائیل ین، "توٚہؠ کیازِ چُھو واریہس وقتس پراران؟ توٚہؠ کوتاہ ژیر کٔریٚو تتھ ملکس گژھنہٕ خٲطرٕ یمچ تُہنٛدؠ جد عبادت ٲسؠ کران، یُمیٚک وعدہ خداوندن توٚہہِ دٕنُک چُھ کوٚرمُت؟4پننٮ۪و سَتو خاندانَو منٛزٕ ژٲرِوُکھ ترےٚ نفر۔ بہٕ سوزُکھ تِمہٕ سۅ زمیٖن ژھارنہِ یتھ پٮ۪ٹھ نہٕ توٚہہِ وُنہٕ قبضہٕ چُھو کوٚرمُت۔ ییٚلہِ تِم ختم کرن، تِمہٕ لٮ۪کھن اکھ رِپورٹ زِ زمیٖن کِژھ چھےٚ۔ تِم بناون اکھ نقشہٕ تہِ یہِ ہاونہٕ خٲطرٕ زِ شہر تہٕ اہم مقامات کتہِ چھِ تہٕ کُس خاندان کتھ شہرس منٛز روزِ5تِم کرن باقی زمیٖن ستن حِصن منٛز تقسیم۔ یہُوداؔ سُنٛد خاندان تھاوِ پنٕنؠ زمیٖن برقرار، تہٕ افرائیمؔ تہٕ منسیؔ خاندان تھاون شمالس منٛز پنٕنؠ زمیٖن برقرار۔6مگر ستن خاندانن ہنٛدٮ۪ن نفرن پزِ پننِس رپورٹس منٛز زمینٕکؠ باقی ستتھ حصہٕ یِم تِم حٲصِل کرٕنؠ چھِ یژھان بیان کرٕنؠ تہٕ مےٚ نِش رِپورٹ انُن۔ یوٚتام خداوند وُچھان چُھ، بہٕ تراوٕ چیٖرِ زِ پرٮ۪تھ خاندانس کۅسہٕ زمین ییہِ دِنہٕ۔7مگر لاوی خانٛدانس ییہِ نہٕ کانٛہہ زمیٖن دِنہٕ، تکیازِ تُہنٛد اجر چُھ تیٚہُنٛد یہُوواہؔ سٕنٛدؠ کاہن آسُن۔ جد، روبن تہٕ منسیؔ ہنٛدٮ۪ن اڈٮ۪ن خاندانن چھےٚ گۅڈَے دریاے یردن کہِ مشرقہٕ پاسہٕ زمیٖن دِنہٕ آمٕژ، یتھٕ پٲٹھؠ موسیٰؔ ہن فٲصلہٕ اوس کوٚرمُت، یمؠ خداوند سنٛز خدمت اصل پٲٹھؠ چھےٚ کٔرمٕژ۔ یتھٕ پٲٹھؠ میلہِ نہٕ ؤنؠ تِمن مزید زمین۔"8ییٚلہِ تِم مرد یِم ژارنہ ٲسؠ آمٕتؠ نیرنہٕ خٲطرٕ تیار گے، یسوعنؔ ووٚ تِمن، "گٔژِھو ژٲنٛڈیِو زمیٖن۔ پتہٕ بنٲؠ زیٚو تٔمیُک رپورٹ یہِ کینٛژھا تہِ وُچھِو، تہٕ أنؠ زیٚو مےٚ نِش واپس۔ پتہٕ ییٚلہِ خداوند وُچھان آسہ، بہٕ تراوٕ ییٚتہِ سَیلاہسؔ منٛز چیٖرِ تاکہِ یہِ کرو طے زِ کس قبیلس کُس علاقہٕ میلہِ۔"9چنانچہ تِم مرد دراے تتہِ تہٕ پٔکؠ علاقس کُن۔ پتہٕ کوٚر تِمو یمو ستو حِصو منٛزٕ پرٮ۪تھ کانٛہہ حصہٕ بیان یَتھ منٛز تِمو پنٕنؠ شہر ہٮ۪تھ تقسیم ٲسؠ کٔرؠ مٕتؠ۔ پتہٕ آے تِم واپس یسوعسؔ نِش یُس ونیُک تام سَیلاہس منٛز اوس۔10یسوعؔ سُنٛد سَیلاہسؔ منٛز تُہنٛد رپورٹ پرنہٕ پتہٕ ییٚلہِ خداوند وُچھان اوس، تٔمؠ تراوِ چیٖرِ تاکہِ یہِ ژٲر ییہِ کرنہٕ زِ اسرائیل ین ہنٛدٮ۪ن ستن خاندانو منٛز پرٮ۪تھ أکِس کۅسہٕ زمین ییہِ دِنہٕ۔11گۅڈنیُک خاندان یمن زمیٖن ٲس دِنہٕ ٲمٕژ سُہ اوس بنیمِینؔ خاندان۔ امہِ قبیلہٕ کٮ۪ن سارنےٕ خاندانن ٲس زمیٖن دِنہٕ آمٕژ یۅسہ اتھ علاقس منٛز ٲس یۅسہ یہُوداؔ سنٛدِس خاندانس دِنہ آسہٕ آمژٕ تہٕ امہِ علاقہٕ کٮ۪ن افرائیمؔ تہٕ منسیؔ کٮ۪ن خاندانن دِنہٕ ٲس آمٕژ۔12شمٲلی سرحد پھہلٲاو دریاوٕ یردن پٮ۪ٹھٕ یرِیحُو کِس شمالس سٟتؠ مغرب طرفہٕ کوٚہستٲنؠ ملکس تام۔ تتہِ پٮ۪ٹھٕ اوس سرحد مغرب طرفہٕ بیت آونؔ نزدیک بیابانسؔ تام پھہلِتھ۔13تتہِ پٮ۪ٹھٕ اوس یہِ جنوبس منٛز لُوزؔ تام پھٔہلِتھ یتھ ؤنؠ بیت ایلؔ ونان چھِ۔ تتہِ پٮ۪ٹھٕ چُھ یہِ عطارات ادارؔ تام گژھان یُس لوزؔ بیت حورُونؔ کِس جنوبس منٛز کوٚہس پٮ۪ٹھ چُھ۔14بیت حورُونؔ کِس جنوبس منٛز کوٚہس پٮ۪ٹھ، سرحد پھہلیاو جنوبس کُن پھیرِتھ قریتؔ بعلؔ تام۔ یتھ قریتؔ یعریمؔ تہِ ونان چھِ۔ یہِ چُھ سُہ شہر یٮیٚتہِ یہُوداؔ خاندانٕکؠ لوٗکھ چھِ روزان۔ سُہ اوس مغربی سرحد۔15تہُنٛزِ زمیٖنہِ ہُنٛد جنوبی سرحد اوس قریتؔ یعریمسؔ نزدیک شروع گومُت تہٕ مغربس منٛز نفتوحؔ کٮ۪ن ناگن تام اوس پھٔہلیامُت16تتہِ پٮ۪ٹھٕ اوس سُہ کوہ دامنن تام پھہلیامُت یُس وادی ہِنومسؔ نزدیک رفایم وادی ہنٛدِس شمالس منٛز چُھ۔ سرحد اوس وادی ہنومسؔ سٲتؠ سٲتؠ، شہرکِس جنوبس منٛز ییٚتہِ یبوسی ٲسؠ روزان، عین روجل تام پھہلیامُت۔17تتہِ پٮ۪ٹھٕ اوس سرحد مغربس کُن عین شمس تام پھہلِتھ۔ تہٕ اوس عدومیم کوٚہن نزدیک جِلیلوت تام گژھان۔ پتہٕ پھہلیاو یہِ رُوبِنؔ سنٛدِس نیٚچو بوہانؔ سنٛزِ عظیم کنہِ تام۔18تتہِ پٮ۪ٹھٕ اوس سرحد بیت عربہ کِس شمال انٛدٕ بٔٹھِس تام تہٕ یردن کِس بوٚنمس مٲدانس تام پھہلِتھ۔ 19تتہِ پٮ۪ٹھٕ پھٔہلیاو یہِ مشرق کرفس کُن بیت حجلہ کِس شمٲلی بٔٹھِس تام تہٕ بحیرہ مردار کِس شمٲلی سرس پٮ۪ٹھ گو ختم ییٚتہِ دریائے یردن بحیرہ مردارس منٛز پکان چُھ۔ یہِ اوس جنوبُک انٛد۔ 20دریائے یردن اوس بنیمِینؔ کِس خاندانس دِنہٕ آمژِ زمینہِ ہُنٛد مشرقی انٛد۔ تِمہٕ ٲسؠ زمیٖنہِ ہنٛدؠ سرحد یۅسہ تِمن دِنہٕ ٲس آمٕژ۔ پرٮ۪تھ کانٛہہ سرحد اوس بارِ بارِ اصٕلؠ پٲٹھؠ بیان آمُت کرنہٕ۔21بنیمِینؔ کٮ۪ن خاندانن دِنہٕ آمٕتؠ علاقٕکؠ شہر ٲسؠ یرِیحُوؔ، بیت حجلہ، عیمق قصیصؔ22بیت العربہ، صمریمؔ بیت ایلؔ23عوّیمؔ، پارہؔ، عفرہؔ24کفَر العمُّوؔنی عُفنیؔ تہٕ جِبعؔ۔ اتہِ ٲسؠ یِکہٕ وٹہٕ ژۅداہ شہر تہنٛدیٚو گامو بغٲر۔25بنیمِینؔ کِس خاندانس ٲسؠ جِبعونؔ، رامہؔ، بیروتؔ شہر تہِ۔26مِصفاہؔ، کفرہؔ، موضہؔ،27رقمؔ، ارفیلؔ، تراؔلہ،28ضِلعؔ، الفؔ، یبوسؔ سُہ شہر ییٚتہِ یبوسی روزان ٲسؠ، یتھ ؤنؠ یروشلمؔ ونان چھِ، جِبعتؔ، تہٕ قریتؔ۔ اتہِ ٲسؠ یِکہٕ وٹہٕ ژۅداہ شہر تہنٛدیٚو گامو بغٲر۔ سُہ سورےٕ علاقہٕ اوس آمُت بنیمِینؔ خاندانن دِنہٕ۔
Bridge Connectivity Solutions Pvt. Ltd.