یعقوب2
1میانیٚو ایماندار سٲتھیٚو، کینٛژن لوٗکن مہٕ کٔرِو باقیو نِشہٕ زیادٕ عزت تہٕ أتھؠ دوران کٔرِو سٲنِس عظیم خداوند یسوعؔ مسیحسؔ پیٚٹھ تہِ بھروسہٕ ۔2مثلاً، فرض کٔرِو زِ اکھ شخص یُس سۅنہٕ سٟتؠ سجٲوِتھ تہٕ خوبصورت پلو لٲگِتھ چُھ، گژھِ توٚہہِ سٟتؠ عبادتس منٛز شٲمِل۔ تہٕ فرض کٔرِو اکھ غریب شخص تہِ چھُ توٚہہِ سٟتؠ شٲمِل گژھان یمِس ژھٮیٚنمٕتؠ پلو لٲگِتھ چھِ۔3تہٕ فرض کٔرِو زِ توٚہؠ دِیو اصل پلو لٲگِتھ شخصس کُن خاص توجہ۔ توٚہؠ ؤنِو تمِس، "مہربٲنی کٔرِتھ بیٚہِو یتھ اصل بیٚہن جایہِ پیٚٹھ!' مگر اکِس غریبس چھو توٚہؠ اکِس کم عزت واجنہِ جایہِ کُن گژھنہٕ باپتھ ونان یہِ دٔپِتھ، "نیر ژٕ روز ہوٚتٮ۪تھ کھڑا، یا بیٚہہ پتھرِس پیٚٹھ!"4امہِ سٟتؠ چھُ امہِ کتھِ ہُنٛد اِشارٕ لگان زِ تُہنٛد مانُن چھُ زِ امیر لوٗکھ چھِ غریب لوٗکو کھۅتہٕ بہتر۔ امہ سٟتؠ چھُ باسان زِ توٚہؠ چھُو پنٕنؠ فٲصلہٕ کران زِ لوٗکن سٟتؠ کیُتھ سلوک پزِ کرُن یُس بُرٕ سونچنس پیٚٹھ مبنی آسان چھُ۔5میانیٚو سٲتھی ایماندارو، یِمن بہٕ لول چھُس بران، بوزِو میون، خداین چھِ کایناتہٕ منٛزٕ غریب لوٗکھ ژٲرؠ متؠ تمِس پیٚٹھ سٮ۪ٹھا زیادٕ بھروسہٕ کرنہٕ خاطرٕ یِم نہٕ کُنہِ مۅللہِ چیزٕکؠ مٲلک بسان چھِ۔ سُہ دِیہِ تِمن عظیم چیز ییٚلہِ سُہ پرٛتھ جایہِ حکومت کرِ۔ یہِ چُھ تی یہِ تمؠ کرنُک وعدٕ چھُ کوٚرمُت زِ سُہ کرِ پرٛتھ اکِس خٲطرٕ یُس تس لول برِ۔6مگر توٚہہِ کوٚرُو غریبن سٟتؠ بے عزتی ہُنٛد سلوک! اتھ متعلق سونٛچِو! یِم چھِ امیر لوٗکھ نہ زِ غریب، یم تُہنٛدٮ۪ن مصیبتن ہُنٛد وجہ چھِ۔ یِم چھِ امیر لوٗکھ یِم توٚہہِ زبردستی سان منصفن برونٛہہ کنہِ الزام لگاونہٕ خٲطرٕ عدالت وانن چھِ لاگان!7تہٕ تِم چھِ تِم یِم توٚہہِ بے عزتی چھِ کران تکیازِ توٚہؠ چھُو مسیحیؔ!8لہٰذا پزیٚو نہٕ توٚہہِ امیر لوٗکن سٟتؠ غریب لوٗکو کھۅتہٕ بہتر سلوک کرُن۔ بلکہِ پزِ توٚہہِ تتھ حکمس پیٚٹھ عمل کرٕنؠ یہِ یسوعن ووٚن زِ سُہ چھُ سٮ۪ٹھا اہم۔ یہِ چُھ موسیٰ سنٛدِس شریعتس منٛز: "پننِس ہمسایس بٔرِو لول تِتھے پٲٹھؠ یِتھٕ پٲٹھؠ توٚہؠ پانس چھُو بران" یودوے توٚہؠ پرٛتھ کٲنٛسہِ ہیووےٕ لول بٔرِو، توٚہؠ کٔرِو تہِ یہِ صحیح چھُ ۔9ووٚنؠ گو، اگر توٚہؠ کینژن نفرن باقیٚو کھۅتہٕ زیادٕ احترام کرِو، تیٚلہِ چھو توٚہؠ غلط کران۔ تکیازِ توٚہؠ چھو نہٕ خدایہِ سنٛدِس حُکمس پیٚٹھ عمل کران، خدا کرِ اعلان زِ توٚہہِ چھو امسنٛدِ قانونٕچ خلاف ورزی کٔرمٕژ ۔10خدا ونہِ یہِ تکیازِ اگر توٚہؠ غدایہِ سُنٛد کانہٛہ اکھ قانون پھُٹرٲیو، حتاکہِ باقین سارنےٕ پیٚٹھ عمل کٔرِتھ تہِ، یہِ گو زنتہٕ توٚہہِ چھُو پرٛتھ کانہٛہ خدایہِ سُنٛد قانون پھُٹرومُت۔11مثلاً، خداین ووٚن، "زِنا مہٕ کرِو، "مگر تٔمؠ ووٚن یِتہِ، "کانہٛہ مہٕ کٔرؠ وون قتل" اوٕ کِنؠ اگر توٚہؠ زِنا کرنہٕ نِشہٕ پرہیز کٔرِو، مگر توٚہؠ کٔرؠ وون کانہٛہ قتل، تیٚلہِ بنیٚو توٚہؠ سُہ شخص یُس خدایہِ سنٛدین قانونن ہنٛز نافرمٲنی چھُ کران ۔12ہمیشہٕ کٔرِو باقین سٟتؠ امہِ طریقہٕ کتھ یُتھ تِم سمجھن زِ خدا کرِ توٚہہِ تمہِ حکمہٕ مطٲبق فٲصلہٕ یُس تٔمؠ اسہِ لوٗکن سٟتؠ لول برنہٕ باپتھ دیُت۔ ییٚلہِ اسؠ اتھ حکمس پیٚٹھ عمل کان چھِ، اسؠ چھِ پننہِ مرضی سان خدایہِ سنٛز اطاعت کران۔13توٚہہِ پزیٚو یہِ ونُن تہٕ کرُن تکیازِ ییٚلہِ خدا فٲصلہٕ کرِ، سُہ چھُ تہنٛدِ خٲطرٕ بےٚ رحم یِمو نہٕ باقین پیٚٹھ رحم کوٚرمُت آسہِ۔ مگر یودوے اسؠ باقین پیٚٹھ مہربان آسو، تیٚلہِ ہیٚکو اسؠ خدایہِ سنٛدِ اسہِ پیٚٹھ مہربان آسنٕچ امید کٔرِتھ ییٚلہِ سُہ فٲصلہٕ کرِ۔14میانیٚو ایماندار سٲتھیٚو، کینٛہہ لوٗکھ چھِ ونان، "بہٕ چھُس خداوند یسوع مسیحسؔ پیٚٹھ پژھ تھٲوِتھ" مگر توتہِ چھےٚ یہنٛدٮ۪ن اعمالن منٛز لولٕچ کمی آسان۔ یہِ تِم ونان چھِ تمہِ سٟتؠ سپدِ نہٕ تِمن کانہٛہ رٕژر۔ اگر تمن ہنٛد عقیدٕ صرف زبٲنی چُھ، خدا بچاوِ نہٕ تِمن ہرگِز۔15فرض کرو زِ اکھ ایماندار سٲتھی بوے یا بیٚنہِ، چھِ پرٛتھ دوٚہہ لگاتار پلو تہٕ کھیٚنہٕ ورٲے آسان۔16تہٕ فرض کرِو زِ توٚہہِ منٛزٕ چھُ اکھ تِمن ونان، "فِکِر مہٕ کرِو، کرِو وُشنیر، تہٕ کھیٚیِو سُہ کھیٚن یُس توٚہہِ خۅش گژھِ۔ مگر فرض کرِو زِ پتہٕ کرِو نہٕ توٚہؠ تِمن کانٛہہ پلو یا کھٮ۪ن فراہم۔ تتھ صوٗرتس منٛز آسہِ نہٕ یہِ تہنٛدِ باپتھ کانہٛہ تہِ مدد!17یِتھے پٲٹھؠ، اگر توٚہؠ صرف ونان چھُو زِ توٚہؠ چھُو یسوعسؔ پیٚٹھ یقین کران مگر توٚہؠ چھُو نہٕ تیُتھ کینٛہہ کران یمہِ سٟتؠ زن تہِ عملی طورباسہِ، تیٚلہِ چھُو نہٕ توٚہہِ یسوعسؔ پیٚٹھ ایمان۔18مگر کانٛہہ ہیٚکہِ توٚہہِ ؤنِتھ زِ توٚہہِ چھُو ایمان، ییٚلہِ زن مےٚ عمل چھےٚ۔ سُہ ہیٚکہِ یہِ دعویٰ کرِتھ زِ اکھ شخص ہیٚکہٕ پننہِ مذہبُک اظہار ایمان یا کامہِ سٟتؠ کرِتھ تہٕ یہِ زِ تمِس چھنہٕ دۅشوٕنی ہنٛز ضرورت۔ مگر بہٕ ونہٕ امکِس جوابس منٛز زِ توٚہؠ ہیٚکِو نہٕ مےٚ کامہِ ورٲے پنُن ایمان ہٲوتھ۔ بہٕ، ہیٚکہٕ بیٚیہِ طرفہٕ پننہِ کامہِ سٟتؠ توٚہہِ پنُن ایمان ہٲوتھ۔19بہٕ ہاوٕ توٚہہ زِ خدایس پیٚٹھ تمسنٛدیٚن حکمن پیٚٹھ عمل کرنہٕ بغٲر ہیٚکہِ نہٕ خدایس پیٚٹھ یقین تھاوُن نجاتُک بٲعث بٔنِتھ۔ توٚہہ چھُو یقین زِ صرف چھُ اکھ حقیقی خدا۔ مگر شیطان تہِ چھِ اتھ پیٚٹھ یقین کران، تہٕ تم چِھ خوفس منٛز لرزان تکیازِ تم چھِ زانان زِ اکھ حقیقی خدا دِیہِ تمن سزا ۔20امہ علاوٕ، دِمے بہٕ ژےٚ بیوقوف نفرس امہِ کتھہِ ہنٛد ثبوت زِ اگر کانٛہہ یسوعسؔ پیٚٹھ یقین کرنُک دعویٰ چُھ کران مگر سُہ چھُنہٕ کانٛہہ تِژھِ عمل کران، تیلہِ چھےٚ تمسنٛز کتھٕ فضول۔21یہ چُھ ثبوت۔ ابرہامنؔ، یمہِ سنٛدؠ أسؠ زُرؠ چھِ، دیُت ہٲوتھ زِ سُہ اوس پنُن نیٚچو اضحاقؔ اکہِ قربانی رنگؠ خدایس پیش کرنہٕ خٲطرٕ رضامند، ہرگا خدا یژھِ ہے تمسُنٛد تہِ کرُن۔ خداین کوٚر ابرہامؔ اکھ راستباز شخص تسلیم تکیازِ تٔمؠ ہوو زِ سُہ کرِ تمسنٛز فرمانبردٲری تہٕ امہِ سٟتؠ گو ثٲبت زِ تٔمؠ کوٚر واضیح پٲٹھؠ خدایس پیٚٹھ بھروسہٕ ۔22یتھِ پٲٹھؠ کٔر ابرہامنؔ خداے سنٛدین حکمن پیٚٹھ عمل تکیازِ تمِس اوس خدایس پیٚٹھ بھروسہٕ۔ ییٚلہِ تٔمؠ خدایہِ سنٛز فرمانبردٲری کٔر، تمؠ دیُت امِس مدد خدایس پیٚٹھ پوٗرٕ بھروسہٕ کرنُک۔23سُہ گو زِ کِتھٕ پٲٹھؠ سپدؠ صحیفہٕ پوٚز ثٲبت یمن منٛز وننہٕ چُھ یوان، "تکیازِ ابرہام ؔ اوس پٔزؠ پأٹھؠ خدایس پیٚٹھ بھروسہٕ کران، خداین وُچھ سُہ زنتہٕ کانٛہہ یمؠ تہِ کوٚر یہِ صحیح اوس" باقی صحیفن منٛز چھُ یہِ وننہٕ یوان زِ ابرہامؔ اوس خدایہِ سُنٛد دوست ۔24ابرہامؔ سنٛزِ مثالہِ سٟتؠ چُھ یہِ واضیح سپدان زِ خدا چُھ لوٗکن راستباز سمجھان تکیازِ تہنٛدِ کرنہٕ سببہٕ نہ زِ محض تس پیٚٹھ یقین اننہٕ کِنؠ۔25یتھِ کِنؠ تمؠ ابرہامنہِؔ خٲطرٕ کوٚر، خدا اوس راحبس تہٕ تمہِ سببہٕ راستباز تصوُر کران یہِ تمؠ کوٚر۔ سۅ چھےٚ طوائف ٲسمٕژ، پوٚز تمؠ تھوو تِمن شیٚچھِ والیٚن ہُنٛد خیال یِم یشوعن تتھ علاقس جاسوٗسی کرنہٕ خٲطرٕ سوزؠ۔ امہِ پتہٕ کوٚر تٔمؠ تمن محفوظ وتہِ کُن ہدایت کرِتھ ژلنس منٛز مدد۔ 26یہٕ سورےٕ چُھ اکھ اہم حقیقت واضیح کران۔ یتھٕ کِنؠ زن کانٛسہِ شخصہٕ سُنٛد جسم چُھنہٕ زندٕ آسان اگر نہٕ سُہ ووٚنؠ شاہ آسہ کھالان، تِتھے پٲٹھؠ چھُنہٕ اکھ شخص پزؠ پٲٹھؠ خدایس پیٚٹھ بھروسہٕ کران، اگر نہٕ سُہ پننہِ کرنہٕ امہِ بھروسُک اظہار چھُ کران۔
Bridge Connectivity Solutions Pvt. Ltd.