پیدٲیش47
1یوسفنؔ تُلؠ بادشاہس سٟتؠ کتھ کرنہٕ باپتھ پانس سٟتؠ پنٕنؠ پانٛژھ بٲے۔ تٔمؠ دیُت گۅڈٕ بادشاہس تِہُنٛد تعارف، پتہٕ وُن تٔمؠ، "میٚون مول تہٕ میانؠ بٲے چھِ کنعان ملکہٕ پٮ۪ٹھٕ آمٕتؠ۔ تِمو چھِ پنٕنؠ سٲری تیٖر، ژھاوٕلؠ، چاروٲے تہٕ پرٛتھ کانٛہہ سُہ چیز اوٚنمُت یُس تِمن نِش اوس، تہٕ وۅنؠ چھِ تِم جشنؔ علاقس منٛز روزِتھ۔3بادشاہن پرُژھ یمن باین، "توٚہؠ کیاہ کٲم چُھو کران؟" تِمو دتُس جواب، "أسؠ تہِ چھِ چاروٲیی رچھان، یتھ کٔنؠ سٲنؠ جدٕ اجداد رچھان ٲسؠ۔"4تِمو ووٚن تس یتہِ، زِ أسؠ آے یتھ ملکس منٛز کینٛژٕ کالہٕ باپتھ روزنہِ، تکیازِ کنعانس منٛز چُھ سخت قحط چلان تہٕ سانیٚن چارواین چُھنہٕ تتہِ رچھنہٕ باپتھ کِہین۔ لہٰذا دی تو اسہِ جشنؔ علاقس منٛز روزنہٕ۔5بادشاہ وُتھ یوسفسؔ کُن، "گو چون مول تہٕ چٲنؠ بٲے چھِ ژیٚنِش آمٕتؠ۔6تِم ہیٚکن مِصرس منٛز کُنتہِ جایہ روزِتھ یتِتھ تِم یژھن۔ پننٮ۪ن مٲلِس تہٕ باین دِ اصل پہَن زمینہٕ ٹُکرٕ۔ تِم ہیٚکن جشنؔس منٛز روزِتھ۔ تہٕ اگر ژےٚ یمن منٛز باسان چُھے زِ تمِس چھےٚ چاروٲے رچھنٕچ خاص مہارت تہٕ سُہ ہیٚکہ ہَن ژٕ میانیٚن چارواین ہُنٛد رٲچھ در بنٲوِتھ۔7پتہٕ اوٚن یوسفنؔ پنُن مول محل خانس منٛز تہٕ کرنووُن بادشاہس سٟتؠ ملاقات۔ یعقوبنؔ منٛج خدایس بادشاہ سنٛدِ باپتھ برکتھ۔8پتہٕ پرُوژھ بادشاہن یعقوبسؔ، "تُہنٛز وانٛس کٲژاہ آسہ؟"9یعقوبنؔ ونُس، بہٕ چُھس اکِس ہتَس ترٕہَن کُن پکان۔ بہٕ رودُس نہٕ پننِس مٲلِس تہٕ بٔڈِبب سنٛدؠ پٲٹھؠ زندٕ، میانؠ زندگی ٲس پریشانیٚو سٟتؠ ؤلِتھ۔"10پتہٕ کۅر بیٚیہِ یعقوبن خدایس کُن رجوع تہٕ منٛجِن بادشاہس باپتھ برکتھ تہٕ امہِ پتہٕ دراو۔11یتھ پٲٹھؠ تھٲوؠ یوسفؔن پنٕنؠ بٲے تہٕ پنُن مول مِصرس منٛز ٹھہرٲوِتھ۔ یمیُک زن بادشاہن حکم دِیتمُت اوس، تٔمؠ دیُت تِمن ملکہٕ کِس بہترین حصس خوشن علاقس منٛز جاداد، یتھ وۅنؠ رعمسیسؔ ونان چھِ۔12یوسفنؔ کرنو پننِس مٲلؠ سنٛدِس سٲرسےٕ خاندانس باپتھ کھیٚن تہِ فراہم۔ تٔمؠ یُس رقم تِمن دیُت سُہ اوس بٲژو حسابہ کَس کٲتیاہ شُرؠ ٲسؠ۔13سٲرسےٕ ملکَس منٛز اوس نہٕ کُنہ قسمُک خۅراک ۅپدان تکیازِ قحط اوس صحی چلان۔ مِصرٕکؠ تہٕ کنعانٕکؠ لوٗکھ ٲسؠ سیٹھاہ کمزور سپدمٕتؠ تکیازِ تِمن اوس نہٕ منٲسب کھیٚن میلان۔14یوسفنؔ رٔٹؠ تِم سٲری دیار یم مِصرٕ کیٚو تہٕ کنعان کیٚو لوٗکو تس تتھ غلاتس بدلہٕ دتؠ یُس تٔمؠ تِمن کُنمُت اوس تہٕ سُہ آو تِم دیار بادشاہ سنٛدِس محلس منٛز ہیٚتھ۔15ییٚلہ مِصر تہٕ کنعان کیٚو لوٗکو پنٕنؠ سٲری دیار اناجس پٮ۪ٹھ خرٕچ کٔرؠ تہٕ تِم ٲسؠ ۅ یوسفسؔ نِش یوان تہٕ ونان ٲسِس، "مہربٲنی کٔرتھ دتہٕ اسہِ کھیٚنہٕ خٲطرٕ کینٛہہ! اسہِ کٔرؠ پنٕنؠ سٲری پونٛسہٕ اناج ہیٚنَس پٮ۪ٹھ خرٕچ، تہٕ وۅنؠ چُھنہٕ اسہِ نِش کانٛہہ تہِ پونٛسہٕ پتھ کُن!"16یوسفنؔ جواب اوس، "چونکہ توٚہہ چھِ سٲری پونٛسہٕ مۅکلیمٕتؠ، لہٰذا أنؠ تو پنٕنؠ چاروٲے مےٚ نِش، اگر توٚہؠ تہِ کٔریٚو بہٕ دِمو توٚہہِ چاروایو بدلہٕ اناج۔17لہٰذا أنؠ تِمو پنٕنؠ چاروٲے یوسفس نِش۔ تٔمؠ دیُت تِمن تہنٛدیٚن گُرین، تیٖرن، ژھاولیٚن، گٲون تہٕ تہنٛدیٚن خرن بدلہٕ اناج۔18ییٚلہ سُہ وری مۅکلیاو تہٕ دویمہ وریہ آے تِم تمِس نِش تہٕ وُنہَس، "أسؠ ہیٚکو نہٕ یہ کتھ توٚہہ نِش ژوٗرِ تھٲوِتھ زِ اسہِ نِشہ چُھنہٕ کانٛہہ پونٛسہٕ تہٕ سٲنؠ چاروٲے تہِ چھِ وۅنؠ تُہنٛدی۔ اسہِ نِش چُھ ۅ توٚہہِ دنہٕ باپتھ صرف پنٕنؠ جسٕم تہٕ زمین۔ اسہِ چُھنہٕ بیٚیہِ پتھ کُن کِہین۔19اگر توٚہؠ اسہِ کھیٚنہٕ باپتھ کینٛہہ دِیو نہٕ تہٕ أسؠ مرو۔ اگر توٚہؠ اسہِ بیٚول دِیو نہٕ سون زمین تہِ گژھِ بیٚکار۔ أسؠ تہٕ سون زمین ہیٚیو اناجس بدلہٕ موٚلؠ۔ أسؠ بنو بادشاہ سنٛدؠ غلام تہٕ سُہ بنہِ زمینُک مٲلک۔ اسہِ ہیٚیو مٔلؠ تاکہِ أسؠ ۅپداوو کُلؠ تہٕ اناج۔ یُتھ نہٕ أسؠ مرو، تہٕ سٲنؠ زمین گژھِ نہٕ بنٛجر۔"20لہٰذا ہیٚوت یوسفنؔ بادشاہ سنٛدِ باپتھ مِصرُک سورےٕ زمین۔ مِصرٕکؠ پرٛتھ کانٛسہِ نفرن کُن أمِس پنُن زمین تکیازِ دراگ اوس ملکس منٛز یُتھ زِ یمن اوس نہٕ خوراک مٔلؠ ہیٚنہٕ باپتھ امہِ بغٲر بیٚیہِ کانٛہہ چارٕ۔ لہٰذا بنییہِ سٲرےٕ زمین بادشاہ سنٛز۔21نتیجہ دراو یہ زِ یوسفنؔ بنٲوؠ مِصر اکہ سرحدٕ پٮ۪ٹھٕ بیٛیِس سرحدس تام سٲری لوٗکھ بادشاہ سںنٛدؠ غلام۔22مگر تٔمؠ ہیٚژ نہٕ کاہنن ہنٛز زمین تکیازِ تِم ٲسؠ ہمیشہٕ بادشاہ سنٛز راشن نِوان۔ یوٚہے وجہ چُھ زِ تِمو خرچٲو نہٕ پنٕنؠ زمین۔23یوسفنؔ وُن لوٗکن، "میانؠ کتھ بوزیٚو! از ہیٚتمو مےٚ توٚہؠ تہٕ تُہنٛز زمین بادشاہ سنٛدِ باپتھ موٚلؠ۔ وۅنؠ چُھ یتِتھ یہ بیٚول تاکہ یہ ؤیو توٚہؠ زمینَس۔24مگر ییٚلہ توٚہؠ فصٕل لونیٚو تہٕ اسہِ پزِ فصلُک پٲنژم حصہٕ بادشاہس دیُن۔ باقی فصٕل چُھو توٚہہِ کھہَن وونہٕ باپتھ بیوٗل، پانس، پننٮ۪ن بچن تہٕ پرٛتھ کانٛسہِ گرٕ وٲلِس کھیٚنہٕ خٲطرٕ۔25تِمو ونُس تورٕ، "توٚہہِ بچٲیو سٲنؠ زُو۔ أسؠ چھِ یژھان توٚہؠ گٔژھیٚو اسہِ خوش روزٕنؠ۔ تہٕ أسؠ چھِ بادشاہ سنٛدؠ غلام۔"26یوسفنؔ بنٲوؠ مِصرچہِ تمام زمینہِ متعلق قٲیدٕ قانون۔ اکھ یہِ زِ یُس فصٕل لوننہٕ ییہِ تمیُک پانٛژِم حصہٕ آسہ بادشاہ سُنٛد۔ یُس قانون وُنتہِ رٲیج چُھ۔ صرف آسہ نہٕ کاہنن ہنٛزِ زمینہِ پٮ۪ٹھ بادشاہ سُنٛد حق۔27یعقوب تہٕ تمسُنٛد خاندان بسیاو مِصرٕ کِس جشنؔ علاقس منٛز۔ تِمو کۅر تتہِ جاداد حٲصِل۔ تِمن زاے تتہِ واریاہ اولاد۔ یمہِ سٟتؠ تتہِ تِہنٛز واریاہ آبٲدی بڑییہِ۔28یعقوبؔ رود مِصرس منٛز سدہَن ورؠ ین۔ کُلہم پٲٹھؠ رود سُہ أکِس ہتس تہٕ ستتٲجہَن ؤرین زندٕ۔29ییٚلہ تمِس مرنُک وقت نزدیک ووت تٔمؠ اوٚن پنُن نیٚچو یوسفؔ ناد دِتھ تہٕ وُننَس، "اگر ژٕ میانؠ رضا منٛدی کانٛچھان چُھکھ تیٚلہِ تھاو پنٕنؠ اتھٕ میانیٚن رانن پٮ۪ٹھ تہٕ کر مےٚ سٟتؠ وعدہ زِ ژٕ کرکھ مےٚ سٟتؠ وفادٲری۔ بحثیتِ مول ورتاوکھ ژٕ مےٚ سٟتؠ تہِ یہ بہٕ ژیٚنِش توقع کران چُھس۔ ییٚلہ بہٕ مرٕ تہٕ مےٚ کٔرزیٚنہٕ یتہِ مِصرس منٛز دفن۔30یمہِ ساعتہٕ بہٕ مرٕ تہٕ پننِس مٲلس تہٕ بٔڈؠ ببَس نِشہ واتہٕ یمہٕ مےٚ برُونٛہہ درامٕتؠ چھِ تہٕ میانؠ لاش کٔڑزِ مِصرٕ منٛزٕ تہٕ واتنٲوؠ زِ کنعان تہٕ کٔرؠ زیٚن تٔتی دفن یتہِ تِم مدفون چھِ۔ یوسفنؔ ونُس درجواب، "بہٕ کرٕ تی یہ توٚہؠ ونان چُھو۔"31یعقوبنؔ ونُس، "مےٚ تھی کھیٚہ قسم زِ ژٕ کرکھ یہ۔ "اوٕ کِنؠ کھیٚو یوسفنؔ قسم زِ بہٕ کرٕ یہ۔ پتہٕ دیُت یعقوبنؔ پننِس بسترس شانٛدٕ کنہِ خدایہ سنٛز عبادت کران کران سجدٕ۔
Bridge Connectivity Solutions Pvt. Ltd.