پیدٲیش46
1لہٰذا دراو یعقوبؔ پنُن خاندان تہٕ تمام مالہٕ اسباب ہیٚتھ۔ ییٚلہ سُہ بیرسبعؔ جایہ ووت تہٕ تٔمؠ کرِ تتہِ خدایہ سنٛدِ ناوٕ قربٲنیہِ پیش یمِچ ریوایت تمسنٛدؠ مٲلؠ اسحاقن قٲیم کٔرمٕژ ٲس۔2امہِ رٲژ آو یعقوبس خدا خابس منٛز تہٕ وُننَس، "یعقوبؔ! یعقوبؔ!" تٔمؠ ونُس یورٕ، "بہٕ چُھس حٲضر!"3خداین ونُس، بہٕ چُھس خدا یمؠ سنٛز عبادت چون مول کران اوس۔ مِصر گژھنَس مہٕ کھۅژ تکیازِ بہٕ دِمے ژےٚ واریاہ اولاد تہٕ تِم بنَن تتہِ اکھ عظیم قوم۔4بہٕ آسہٕ مِصرس منٛز ژےٚ سٟتؠ تہٕ پتہٕ انن بہٕ چٲنؠ ذریاتھ پانس سٟتؠ کنعان واپس۔ تہٕ یوسف آسہ تمہِ وزِ توٚہے نِش ییٚلہ توٚہہِ مرُن آسہ۔"5لہٰذا دراو یعقوبؔ بیرسبعؔ پٮ۪ٹھٕ تہٕ تٔمسنٛدیو نیٚچیو بوٚر پنُن مول، بننہِ گرٕواجنہِ تہٕ بجہٕ تِمن گاڈین منٛز یمہٕ بادشاہن تِمن سفرٕ خٲطرٕ سٟتؠ دژٕمژٕ آسہٕ۔6یتھ کنؠ گو یعقوبؔ تہٕ تمسُنٛد سورےٕ خاندان مِصر۔ تِمو نی چو چاروٲے تہٕ باقےٕ سورےٕ جاداد پانس سٟتؠ یُس تِمو کنعانس منٛز کمووٕمُت اوس۔7یعقوب گو پنٕنؠ سٲری لڑکہٕ، کورِ تہٕ زُرؠ ہیٚتھ مِصر۔8یم یعقوبس سٟتؠ مِصر ٲسؠ تہنٛز تفصیل چھےٚ یتھٕ کنؠ: یعقوبؔ سُنٛد ساروےٕ کھۅتہٕ بوٚڈ نیٚچو رُوبِنؔ۔9رُوبِنؔ سُنٛد نیٚچو حنوکؔ، فلُوؔ، حصرونؔ تہٕ کرمیؔ۔10شمعونؔ تہٕ تمسنٛدؠ نیٚچوؠ یموایلؔ، یمین، اُہدؔ، یکینؔ، صُحر تہٕ ساولؔ یُس کنعان قبیلچہ اکِس خوتونہِ ہُنٛد نیٚچو اوس۔11لاوی تہ تمسنٛدؠ نیٚچوؠ جیرسونؔ، قہاتؔ تہٕ مراریؔ۔12یہُوداؔ تہٕ تمسنٛدؠ نیٚچوؠ، سیلہؔ، فارصؔ تہ زارحؔ تہٕ تمؠ سنٛدؠ باقی نیٚچوؠ، عیرؔ تہ اونانؔ ٲسی گزیامتؠ کنعانؔ ملکس منٛز فارص سنٛدؠ زٕ نیٚچوؠ حصرونؔ تہٕ حمُول۔13اشکارؔ تہٕ تمسنٛدؠ نیٚچوؠ تولعؔ، فووہؔ، یوبؔ، تہٕ سمرون۔14زبُلُون تہٕ تمسنٛدؠ نیٚچوؠ سردؔ، ایلونؔ تہٕ یَحلی ایلؔ۔15یم سٲری ٲسؠ یعقوبؔ تہٕ لیاہؔ سنٛدؠ نیٚچوؠ یم فدن ارامؔ جایہ تہنٛزِ کورِ دینہؔ ہس علاوٕ زامٕتؠ ٲسؠ۔ کُلہم پٲٹھؠ ٲسؠ یم تیٚترہ کورِ تہٕ گۅبر۔16جدؔ تہٕ تمسنٛدؠ نیٚچوؠ، صفِیان، حجیؔ، سونیؔ، اصبانؔ، عیریؔ، ارودیؔ تہٕ اریلیؔ۔17آشرؔ تہٕ تمسنٛدؠ نیٚچوؠ، یمنہؔ، اسواہؔ، اِسویؔ، برِیعاہؔ تہٕ تِہنٛز بیٚنہِ سِرہؔ؛ برِیعاہؔ سنٛدؠ نیٚچوؠ: حِبر تہٕ ملکی ایلؔ۔18یم گےَ یعقوبنؔؠ تہٕ زلفہؔ سنٛدؠ شُرؠ تہٕ زُرؠ تس زلفہؔ لونڈی ہنٛدؠ یۅسہ لابننؔ پننہِ کورِ لیاہَسؔ دِژٲیہ یہُنٛد تعداد شُراہ اوس۔19یعقوب سنٛدؠ نیٚچوؠ یوسفؔ تہٕ بنیمِینؔ یم راخِلؔ ہنٛدِ مرِ آمٕتؠ ٲسؠ۔20افرائیمؔ تہٕ منسیؔ ٲسؠ یوسفٕنؠ زٕ لٔڑکہٕ تِمگےَ نہٕ مِصر واپس تکیازِ تِم ٲسؠ مِصرسےٕ منٛز زامٕتؠ۔ تِم ٲسؠ تتہِ اونؔ سنٛزِ کورِ آسِناتھؔ ہنٛدِ مرِ آمٕتؠ۔ یُس عون شہرٕ کِس ہیکلس منٛز کاہن اوس۔21بنیمِینؔ تہٕ تمسنٛدؠ نیٚچوؠ: بالعؔ، بکرؔ، اشبیلؔ، جیراؔ، نعمانؔ، اخی، روسؔ، مُفیمؔ، حفیمؔ تہٕ ارد؛22یم ٲسؠ راخِلؔ تہٕ یعقوبنؔؠ شُرؠ تہٕ زُرؠ۔ یہُنٛد کُل تعداد ژۅداہ اوس۔23دانؔ تہٕ تمسُنٛد نیٚچو حشیمؔ۔24نفتالیؔ تہٕ تمسنٛدؠ نیٚچوؠ یحصی ایلؔ، جونیؔ، یِصرؔ تہٕ سلیمؔ۔25یم سٲری ٲسؠ یعقوبنؔؠ بِلہاؔ سٕنٛدؠ شُرؠ تہٕ زُرؠ تمِس لونڈی ہنٛدؠ یۅسہ لابنَن پننہِ کورِ راخِلِ سٟتؠ دِژٲیہ۔ یِم ٲسؠ کُل ستتھ نفر۔26کُلہم پٲٹھؠ ٲسؠ یِم شُہٲٹھ اولاد یِم یعقوبس سٟتؠ مِصر گےَ۔ اتھ منٛز آسہٕ نہٕ تمؠ سنٛزٕ نۅشہٕ شٲمل۔27یعقوبؔ تہٕ یوسفؔ بیٚیہِ یوسفنؔؠ زٕ لٔڑکہٕ یم مِصرس منٛز زامٕتؠ ٲسؠ تمہٕ ہیٚتھ سمیاو مِصرس منٛز یعقوبُن سورےٕ عیال ستَتھ نفر۔28یعقوبنؔ سوز یہُوداؔ باقین برُونٛٹھےٕ یوسفس نِش تاکہ سُہ ونہِ تس زِ جوشن واتنٕچ بہتر سبیل۔ پتہ آو یہُوداؔ پننٮ۪ن خاندان کیٚن لوٗکن نِش واپس تہٕ پتہٕ دراے تِم جشنؔ علاقس کُن۔ ییٚلہِ تِم تور وٲتؠ،29یوسفنؔ کۅر پنُن رتھ ٹاگہٕ تیار تہٕ گو جشنؔ پننِس مٲلِس سمکھنہِ۔ ییٚلہِ یوسف تور ووت تٔمؠ رۅٹ پنُن مول نالہٕ متہِ تہٕ رود واریہس کالس ودان۔30یعقوبنؔ وُن یوسفسؔ، "مےٚ وُچھمکھ ژٕ تہٕ وۅنؠ آم یقین زِ ژٕ چُھکھ زنٛدے۔ وۅنؠ مرٕ بہٕ شیٚہُل۔"31امہِ پتہٕ وُن یوسفنؔ پننِس مٲلِس تہٕ پننٮ۪ن باین، "بہٕ گژھِ بادشاہس نِشہ تہٕ ونَس، میانؠ بٲے تہٕ میٚون مول بیٚیہِ خاندانٕکؠ باقی روزن وٲلؠ، یم کنعانس منٛز روزان ٲسؠ آے سٲری مےٚ نِش۔32تِم سٲری چھِ چو چاروٲے رچھن وٲلؠ۔ تِم چھِ پنٕنؠ چاروٲے رچھان، تِمو چھِ پنٕنؠ تیر، ژھاوٕلؠ، گُپن وغٲرٕ سٟتؠ انٕنؠ۔ یۅسہ ملکِیت تِمن ٲس۔"33ییٚلہ بادشاہ توٚہہِ ناد سوزِ تہٕ پرژھِ زِ توٚہؠ کیاہ کٲم چُھو کران؟34توٚہؠ ونؠ زیوس زِ ییٚلہ أسؠ جوان ٲسؠ تہٕ أسؠ ٲسؠ چو چاروٲے رچھان یہ سٲنؠ جدٕ اجداد کران ٲسؠ، اگر توٚہؠ تس یہ ؤنیٚو سُہ دِیو توٚہہ جشنؔ علاقس منٛز روزنہٕ۔ یوسفنؔ وُن تِمن یہ چُھو اوٕ موٚکھٕ ونُن تکیازِ مِصرٕکؠ لوٗکھ چھِ چاروٲے رچھن والیٚن حقیر زانان۔
Bridge Connectivity Solutions Pvt. Ltd.