گلتی1
1بہٕ پولُسؔ چھُس توٚہہِ یہِ نامہٕ لیٚکھان۔ بہٕ چھُسو توٚہہِ ژٮ۪تس پاوان زِ بہٕ سوزُس خداین پنُن نمایندٕ بنٲوِتھ۔ اوٕ کِنؠ نہ زِ لوٗکن ہنٛزِ أکؠ جمٲژ کوٚرُس بہٕ مقرر، نہ امہِ کِنؠ زِ کٲنٛسہ انسانن سوزُس بہٕ رسول بننہٕ خٲطرٕ بلکہِ کوٚرُس بہٕ یسوع مسیحؔ تہٕ خداین پنٕنؠ ببن مقرر تہٕ سوزُس بہٕ رسول بننہٕ خٲطرٕ آ خداین یعنی ببن یمؠ مسیحؔ بیٚیہِ زنٛدٕ کوٚر مرنہٕ پتہٕ۔2تمام ایمان وٲلؠ سٲتھی یِم مےٚ سٟتؠ چھِ یتھ پٲغامس منظوری بخشان یُس بہٕ توٚہہِ سوزان چھُس۔ بہٕ چھُس یہِ نامہٕ سوزان تَتھ سٲرؠ سےٕ مجلسہِ یۅسہٕ گلتیہ کِس صوبس منٛز چھےٚ۔ 3خدا سون بب تہٕ خداوند یسوع مسیحؔ روزِن توٚہہِ پیٚٹھ لگؠ تھےٕ مہربان امنہٕ سان۔4مسیحنؔ کوٚر پنُن پان قربٲنی باپتھ پیش تاکہِ سُہ ہٹاوِ جرُم یُس اسہِ گناہ کرنہٕ کِنؠ چھُ وۅتلیومُت۔ تٔمؠ کوٚر یہِ اوٕ کِنؠ زِ سُہ ہیٚکہِ اسہِ یِم بُرٕ کامہِ نہ کرنس لایق بنٲوِتھ یِم زن تس نہ زانن وٲلؠ کران چھِ۔ تٔمؠ کوٚر یہِ اوٕ کِنؠ زِ سون بب خدا تہِ چھُ یی یژھان۔5تکیازِ تہِ چھُ پوٚز۔ ؤلیٚو أسؠ کرو ہمیشہٕ خدایہِ سٕنٛدؠ تعریف تہٕ یی ٲسِن پوٚز۔6بہٕ چھُس سٮ۪ٹھا دِل ملول زِ مسیحسؔ پیٚٹھ پژھ کٔرِتھ چھُو توٚہؠ خدایس نِش دور گژھان۔ خداین ژٲرِو توٚہؠ اکہِ تِتھہِ رِشتہٕ باپتھ یمچ بنیاد مسیحؔ سٕنٛز رحم دلی چھےٚ۔ بہٕ چھُس دل ملول زِ توٚہہِ کٔرٕو أکِس بدل شیچھِ پیٚٹھ پژھ یۅسہٕ کٔمؠ سٕنٛدؠ تام کِنؠ پوٚز چھےٚ۔7تُہنٛد پٲغام چھُنہٕ کانہٛہ رٕژ خبر یہِ سپُد تہِ چھُ یہِ زِ خبر کٔمؠ تام اوٚن تہُنٛدِس دماغس کھُر۔ تُہنٛد غرض چھُ مسیحسؔ متعلق رٕژ شیٚچھ بدلاوٕنؠ۔ تِم چھِ تھاوان بدل شیٚچھ۔8مگر یودوے أسؠ رسول یا آسمٲنؠ فرشتہٕ تہِ تتھ رٕژِ شیٚچھِ یۅسہٕ اسہِ توٚہہِ برونٛہےٕ دِژ، کانہٛہ بدل شیٚچھ ونن۔ بہٕ چھُس خدایس زارٕ پارٕ کران زِ سُہ دِین تس ہمیشہٕ ہمیشہٕ پوشہٕ وُن سزا۔9یہِ زن اسہِ توٚہہِ برونٛہےٕ ووٚن۔ بہ چھُسو توٚہہِ بیٚیہِ ونان کُستام چھُو توٚہہِ ونان زِ تسُنٛد ونُن چھےٚ رٕژ شیٚچھ۔ مگر یہِ چھُ تمہِ رٕژِ خبرِ نِشہٕ وُلٹہٕ یۅسہٕ مےٚ توٚہہِ دِژ۔ اوے چھُس بہٕ خدایس منٛگان زِ تمِس نفرس ژٕھنِنِ ابدی لعنت نٲلؠ10مےٚ ووٚن یہِ اوٕ کِنؠ زِ بہٕ چھُس نہٕ یژھان زِ مےٚ کرن لوٗکھ تٲیید۔ تٔمہِ بدلہٕ یہِ زن مےٚ متعلق کینٛہہ لوٗکھ ونان چھِ۔ خدا گژھِ مےٚ تٲیید کرُن منظور تھاوُن۔ یی چھُ میون یژھُن۔ خاص پٲٹھؠ بہٕ چھُس نہٕ کینٛہہ ونان یا کران لوٗکھ خوش کرنہٕ باپتھ۔ اگر یہِ وُنتہِ لوٗکھےٕ چھِ یِمن بہٕ خوش کرُن چھُس یژھان تیٚلہِ چھُس نہٕ بہٕ سُہ یُس پننہِ رضامندی کِنؠ حتمی طور بس مسیحسؔ خدمت کران چھُ۔11میانیٚو ایماندار سٲتھیو! بہٕ چھُس یژھان زِ توٚہؠ زٲنِو زِ یُس پٲغام بہٕ مسیحسؔ متعلق لوٗکن واتناوان چھُس چھُنہٕ کانہٛہ انسان سُنٛد بنومُت بیان۔12مےٚ دیُت نہٕ یہِ پٲغام کٲنٛسہِ انسانن، نہ ہٮ۪چھنووُس بہٕ یہِ کٲنٛسہِ انسانن۔ یہِ اوس خدا یمؠ یسوع مسیحؔ مےٚ پیٚٹھ ظٲہر کوٚر۔13لوٗکو چھُو توٚہہِ ووٚنمُت زِ میون وطیرٕ کیا اوس۔ ییٚلہِ بہٕ یہُودؠ اوسُس تِمو ووٚنو توٚہہِ زِ بہٕ اوسُس خدایس پژھ کرن والیٚن جمٲژن لگاتار عِذا واتناوان۔ تِمو ونُو توٚہہِ یِتہِ زِ بہٕ اوسُس تِمن لوٗکن مُلہٕ مۅنٛجہِ گالُن یژھان۔14بہٕ اوسُس شدومد تہٕ مکمل پٲٹھؠ مذہب پالن پننٮ۪ن ہم عمرن ہنٛدِ کھۅتہٕ گٔژھؠ تھےٕ یہُودؠ مذہب پالان۔ بہٕ اوسُس بڈٕ جوشہٕ سان پننٮ۪ن بزرگن ہنٛز روایژ باقےٕ لوٗکھ مٲنراوٕنؠ یژھان۔15ووٚنؠ گو پننہِ زیٚنہٕ برونہٛےٕ اوسُس بہٕ خداین اکہِ خاص کامہِ باپتھ منتخب کوٚرمُت تہٕ ژورمُت بڈِ مہربٲنی سان۔ ییٚلہِ خداین سونچ زِ یہِ چھُ رُت، 16تٔمؠ ہوو مےٚ زِ کُس چھُ تسُنٛد اصلی گۅبرِس درحقیقت۔ تٔمؠ کوٚر یہِ اوٕ کِنؠ زِ بہٕ واتناوٕ یہِ رٕژ شیٚچھ امسنٛدِس گۅبرِس متعلق باقےٕ عدالتن منٛز غٲر یہودٮ۪ن تام تہِ۔ مگر بہٕ گوس نہٕ ؤلؠ باقےٕ انسانن نِش تاکہِ مےٚ میلہِ وقت یہِ پٲغام پانہٕ تہِ سمجھنُک۔17مےٚ تروو نہٕ ؤلؠ ؤلؠ دمشق شہر تہِ یروشلم گژھنہٕ باپتھ تمن یسوع سنٛدین نمایندن کن یِم مےٚ برونہٛہ ٲسؠ بلکہ مےٚ ٲس عرب علاقن کُن أکِس صحرٲیؠ زمینہِ کُن۔ پتہٕ آس بہٕ دُبارٕ دمشق واپس۔18پتہٕ تریٚیہِ ؤہرؠ خداین کٔر یہِ رٕژ شیٚچھ مےٚ پیٚٹھ ظٲہِر پتہٕ گوس بہٕ یروشلم شہرس کُن تاکہِ اتہِ ما سمکھہٕ بہٕ پطرسس مگر بہٕ رودُس تتہِ تمِس سٟتؠ چھرا پندہن دوٚہن۔19مےٚ وُچھ یعقوب تہٕ سٲنِس خداوند یسوع سُنٛد نمایندٕ تہٕ بوے۔ مگر مےٚ وُچھ نہٕ یسوع سنٛدؠ باقےٕ نمایندٕ کینٛہہ۔20خدا چھُ زانان زِ یہِ بہٕ توٚہہِ لیٚکھان چھُس تہِ چھُ پوٗرٕ پوٗرٕ درُست۔21ییٚلہِ مےٚ یروشلم تروو بہٕ گوس صوریہ تہٕ کلکیہ صوبن منٛز۔22أمہِ وقتہٕ اوسُس نہٕ یہُوداؔ کِس صوبس انٛدر مسیحیؔ مجلس منٛز لوٗکو بہٕ وُچھمُت۔23تِمو اوس چھرا بوزمُت باقین لوٗکن ہنٛزِ ذکرِ منٛز میون۔ پولُسؔ یُس برونہٛہ کالہِ اسہِ خلاف عِذا واتناون واجنہِ کامہِ اوس کران چھُ ووٚنؠ سُہ پٲغام بوزناوان یتھ پیٚٹھ اسہِ پژھ چھےٚ تہٕ یتھ پٲغامس سُہ کینٛہہ کال برونہٛہ لوٗکن پژھ کرنس تھوٚس اوس انان۔24تِم رودؠ لگاتار خدایہِ سٕنٛدؠ تعریف کران تکیازِ تٔمؠ اوس مےٚ منٛز یسوع سٕنٛز پژھ وۅتلٲومٕژ تہٕ بیٚیہِ اوسُس بہٕ ووٚنؠ تس متعلق لوٗکن رٕژ شیٚچھ باوان۔
Bridge Connectivity Solutions Pvt. Ltd.