خروج20
1پتہٕ کوٚر خداین اسرائیل کیٚن لوٗکن سٟتؠ یہِ کلامہٕ۔2"بہٕ چُھس یہُوواہؔ تُہنٛد سُہ اکھ خدا یمِس توٚہؠ عبادت چُھو کران۔ بہٕ چُھس سُہ اکھ یمؠ توٚہؠ مِصرٕ منٛزٕ کڈتھ اَنیوٕ۔ بہٕ چُھس سُہ اکھ یمؠ توٚہؠ تتِچہِ غۅلٲمؠ نِشہ آزاد کٔروٕ۔3مےٚ ورٲے مٕہ کریو بیٚیہِ کٲنسہِ معبودس عبادت۔4توٚہؠ مٕہ گٔرِیو پانس کیژھ سۅ اکھ موُرت یۅسہ آسمانس پؠٹھ یا زمیٖنس پؠٹھ یا آبس منٛز بوزنہٕ ییہِ۔5کٲنسہِ پوتلِس مٕہ کریو سجدٕ نہٕ کریو تتھ عبادت، تکیازِ بہٕ چُھس یہُوواہؔ تُہنٛد خدا۔ میون مطالبہ چُھ زِ توٚہؠ کریو صرف میٲنؠ عبادت! بہٕ دِمہٕ تِمن ہنٛزن ترٛیٚمہٕ تہٕ ژوٗرِ مہِ پیٖرِ تام سزا یِم مےٚ سٟتؠ عداوتھ تھاون۔6بہرحال، بہٕ برٕ لول تِہنٛزن ساسہٕ بدین پیٖرین یِم مےٚ لول برن بیٚیہِ میٲنؠن حکمن پؠٹھ عمل کران روٗزن۔7غفلتس منٛز مٕہ ہیووٚ میون ناو، تکیازِ بہٕ چُھس یہُوواہؔ تُہنٛد خدا تہٕ بہٕ دِمہٕ تِمن یقیٖنن سزا یِم میون ناو غلط مقصدٕ خٲطرٕ استعمال کرن۔8یاد گژھِ تھوٚن زِ پریتھ ہفتُک سٔتِم دوٚہہ چُھ میانہِ خٲطرٕ۔9پرٮ۪تھ ہفتٕکؠ شےٚ دوٚہہ چھِ توٚہہ پنٕنؠ کٲم کرنہٕ باپتھ۔10سٔتم دوٚہہ چُھ آرامُک اکھ دوٚہہ یُس یہُوواہؔ تُہنٛدس خدایہِ سٕنٛدِ باپتھ مخصوص چُھ۔ اتھ دوٚہس پؠٹھ چھِنہٕ توٚہہِ کانٛہہ تہِ کٲم کرِن۔ نہٕ کٔرِن تُہنٛدؠ نیٚچوؠ، نہٕ تُہنٛزٕ کورِ، نہٕ زنان یا مرد غلام، نہٕ تُہنٛدؠ چاروٲے، نہٕ کانٛہہ ۅپر یُس توٚہہِ نِشہ کٲم کران آسہ۔11یہِ کریو تکیازِ بہٕ، یہُوواہؔ چُھس سُہ یمؠ آسمان، زمین، سمندر، بیٚیہِ یہِ پرٛیتھ کانٛہہ چیٖز یتہِ چُھ، کوٚر مےٚ شین دوٚہُن انٛدر پٲدٕ۔ پرٛیتھ کانٛہہ چیٖز پٲدِ کٔریتھ کوٚر مےٚ پتہٕ شیمہِ دوٚہہ آرام۔ توے کٔرؠ مےٚ یہُوواہنؔ اتھ دوٚہس برکت عطا الگ، کٔریتھ بنووم اکھ مقدس دوٚہہ۔12پننِس مٲلس ماجہِ کریو احترام یتھ زن توٚہؠ تتھ ملکس منٛز سؠٹھاہ کٲلس زندٕ روزیٚو یُس توٚہہِ یہُوواہنؔ تُہنٛدؠ خداین عطا کوٚروٕ۔13قتل مٕہ کرہُن کانٛہہ اکھ۔14زنا مٕہ کریو۔15ژوٗر مہٕ کریو۔16کٲنٛسہِ خلاف مہٕ کریو اپُز الزام پیش۔17بییٚس کٲنسہِ ہنٛدِ گرچ لالچ مہٕ کٔریٚو، کٲنٛسہِ ہنٛزِ زنانہٕ، کٲنٛسہِ ہنٛدس غلامہٕ سنٛز یا لونڈی ہنٛز، کٲنٛسہِ ہنٛدین چارواین ہنٛز، کٲنٛسہِ ہنٛدس خرٕ سنٛز، یا کٲنٛسہِ شخصہٕ سنٛدِس چیٖزس مٕہ زٲگیو۔"18ییٚلہِ لوٗکو گگرایہِ بوٗزٕ، وزملہٕ وُچھکھ، بیٚیہِ بگلچؠ آواز بوٗزکھ سٟتی وُچھکھ پہاڑس پؠٹھ دٔہہ، تِم کھوژؠ تہٕ ژایکھ تھَر۔ تِم سپدؠ دوٗر أکِس محفوظ جایہِ پؠٹھ کھڑا19تہٕ وُنکھ موسیٰؔ ہس، "ژےٚ کرِ اسہِ سٟتؠ کتھ! أسؠ بوٗزو! خدایس مہَ دِ اسہِ سٟتؠ کتھ کرنہٕ۔ أسؠ چھِ کھۅژان زِ ہرگاہ تٔمؠ اسہِ سٟتؠ کتھ کٔر تہٕ أسؠ سپدو مارٕ۔"20موسیٰؔ ہن دِیتُ لوٗکن جواب، "کھوژُن لگہ نہٕ! خدا چُھ آمُت توٚہہِ پرکھاؤنہِ۔ سُہ چُھ یژھان زِ توٚہؠ کٔرِو تمِس احترام تہٕ برونٛہہ کُن کٔرِو نہٕ توٚہؠ گناہ۔"21لوٗکھ روٗدؠ دوٗرے پہن وچھان ییٚلہِ موسیٰؔ تتھ سیاہ اوبرس نکھٕ گوٚو یتیتھ خدا اوس۔22یہُوواہنؔ ووٚن موسیٰؔ، "اسرائیل کیٚن لوٗکن وَن، "مےٚ، یہُوواہنؔ کتھٕ پٲٹھؠ کٔر توٚہہِ سٟتؠ آسمانہٕ پؠٹھٕ کتھ۔23توٚہؠ مہَ بنٲیو کانٛہہ تہِ سۅنہٕ سُنٛد یا چٲندِ ہُنٛد معبودن یمِس توٚہؠ میانہِ بدلہٕ عبادت کٔرِو۔24میانہٕ باپتھ بنٲیو مؠژِ ہُنٛد اکھ قربان گاہ۔ پننہِ بٔزنہٕ آمٕژ قۅربٲنی دِیو تتھ پؠٹھ، یمن قۅربٲین ہُنٛد وعدہ توٚہہِ مےٚ سٟتؠ سلامتی باپتھ کوٚروٕ بیٚیہِ کٔرِو کٹھ تہٕ دانٛد قربان۔ مےٚ کریو تتھ جایہِ پؠٹھ عبادت یۅسہ بہٕ تُہنٛدِ باپتھ ژارٕ مےٚ احترام کرنہٕ باپتھ؛ ہرگاہ توٚہؠ یہِ کٔرِو، بہٕ دِمووٕ توٚہہِ برکتھ۔25ہرگاہ توٚہؠ میانہِ باپتھ کنؠن ہُنٛد اکھ قربان گاہ تعمیٖر کریو، تِمہٕ کنہِ گژھن نہٕ پھڑراونہِ تکیازِ تمہِ سٟتؠ سپدِ قربان گاہ ناپاک۔26میٲنس قربان گاہس گژھِ نہٕ ہیر لٲگتھ کٔھسنُ یتھ زن تُہنٛدؠ پوشیدٕ تان بیٚس نظرِ گژھِن۔
Bridge Connectivity Solutions Pvt. Ltd.