اِستِثنا31
1ییٚلہِ موسیٰؔ ہن اسرائیل ین تہِ سورےٕ ؤنِتھ مۅکلوو،2بہٕ چُھس اکھ ہتھ تہٕ وُہہ وۅہُر۔ بہٕ ہیٚکہٕ نہٕ وۅنؠ تِمن سارنی جاین گٔژھِتھ یوٚت توٚہہ ضروری گژُھن چُھ، لہٰذا ہیٚکہٕ نہٕ وۅنؠ تُہنٛد رہنما بنِتھ۔ بیٚیہِ یتہِ زِ یہُوواہنؔ ووٚن مےٚ یتہ زِ بہٕ گژھٕ نہٕ یردن دریاوس اپور ترُن۔3مگر سون خدا یہُوواہؔ نیرِ توٚہہِ برُونٛہہ۔ سُہ بناوِ توٚہہ تتہِ روزن والٮ۪ن قومن تباہ کرنس قٲبل، تاکہِ توٚہؠ کٔرِو تہنٛدِس زمینس قبضہٕ۔ یشوعؔ کرِ توٚہہ رہنمٲئی، یہ یہُوواہنؔ مےٚ گۅڈے ووٚن۔4یہُوواہؔ کرِ تِمن قومن سٟتؠ تی یہ تمؠ عمور قومہٕ کٮ۪ن دوٚن بادشاہن سیحونسؔ تہٕ عوجسؔ سٟتؠ کوٚر ییٚلہ تٔمؠ تِہُنٛد فوج تہٕ قوم تباہ کوٚر۔5یہُوواہؔ بناوِ توٚہہ تِمن لوٗکن ہنٛزٕ جمٲژ فتح کرنس قٲبل، مگر توٚہہ پزن تِم سٲری لوٗکھ قتل کرٕنؠ، یمیُک مےٚ توٚہہ حکم کوٚرمُت چُھ۔6بہودُر تہٕ پُر اعتماد روزیٚو۔ تِمن لوٗکن مہٕ کھۅژیٚو۔ یہ مشرٲزیٚو نہٕ یہُوواہؔ چُھ سون خدا یُس توٚہہِ سٟتؠ گژھِ۔ سُہ کریٚو توٚہہ ہمیشہٕ مدد تہٕ توٚہہ ترایو نہٕ زانٛہہ۔"7پتہٕ اوٚن موسیٰؔ ہن یشوعؔ پانس نِش ناد دِتھ تہٕ ووٚننَس، "حوصلہٕ تہٕ اعتماد تھاو، ژےٕ چُھکھ یُس یِمن لوٗکن تتھ ملکس منٛز نیٚیہ یُس دِنُک یہُوواہنؔ سانٮ۪ن جدٕاجدادن سٟتؠ وعدہ کوٚرمُت چُھ۔ تہٕ ژٕ بناوہکھ تِم تتھ قبضہٕ کرنس قٲبل۔ 8یہ چُھ یہُوواہؔ یُس توٚہہ برُونٛہہ نیرِ۔ سُہ روزِ توٚہہِ سٟتؠ۔ سُہ کرِ توٚہہ ہمیشہٕ مدد۔ سُہ تراوِ نہٕ توٚہہ زانٛہہ۔ لہٰذا مہٕ کھۅژیٚو، یا مہٕ بانٛبریٚو۔"9موسیٰؔ ہن لیکھؠ تِم تمام قانون تہٕ طُمار دتِنؠ کاہنن یمہٕ مقدس صندوق ہیٚتھ ٲسؠ۔ تمؠ دِتؠ یِم طُمار تمام اسرائیلی بزرگن تہِ۔10پتہٕ دیُت موسیٰؔ ہن یِمن کاہنن تہٕ زِٹھٮ۪ن حکم، "پرٮ۪تھ ستہِ وہرؠ ٲخرس پٮ۪ٹھ، ییٚلہ تمام قرضہٕ معاف سپدِ، پٔرؠ زیٚو یمہٕ تمہِ وقتہٕ ییٚلہ لوٗکھ خٟمہٕ عید مناوان آسن۔11یہ پٔرؠ زیٚو سارنی اسرائیلی لوٗکن نِش ییٚلہ تِم تتھ جایہِ جمع آسن یۅسہ یہُوواہنؔ پننہِ عبادتہٕ باپتھ ژٲرمٕژ آسہ۔12پرٮ۪تھ کانٛہہ کٔرؠ زیٚون جمع مرٕد، زنہِ بچہٕ، تمہٕ غٲر ملکی تام تہِ یمہٕ تُہنٛدین شہرن منٛز روزان آسن، تاکہِ تِم بوزن تِم قانون تہٕ ہیٚچھن زِ سٲنِس خدا یہُوواہسؔ زبردس احترام کرُن، تہٕ وفادٲری سان پرٮ۪تھ کتھ پٮ۪ٹھ عمل کرٕنؠ۔ یہ یمن قانونن منٛز لیٚکھِتھ چُھ۔13اگر تِم یہ کرن تہٕ تُہنٛدؠ اولاد یمو نہٕ یِم قانون زانٛہہ تہ بوزؠ مٕتؠ آسن تہٕ بوزن، تہٕ یتہِ ہیٚچھن زِ سٲنِس خدا یہُوواہسؔ چُھ اکھ عظیم احترام، تِمن تمام ورین دوران یِمن تِم اتھ ملکس منٛز روزن یتھ پٮ۪ٹھ توٚہؠ یردن دریاوس تار دِتھ قبضہٕ کرن وٲلؠ چُھو۔"14پتہٕ ووٚن یہُوواہنؔ موسیٰؔ ہس، "غورٕ سان بوز۔ ژٕ مرکھ جلدےٕ۔ یشوعؔ انُن ناد دِتھ، تہٕ ژٕ گژھِ تس سٟتؠ مقدس خٟمس منٛز، تاکہ بہٕ کرن سُہ نُو سربراہ مقرر۔ لہٰذا گےَ یشوع تہٕ موسیٰؔ مقدس خٟمس منٛز۔15تتہِ گو یہُوواہؔ تِمن ابرٕ لنٛگین منٛز ظٲہِر تہٕ سُہ ابُر اوس خٟمہٕ کٮ۪ن دروازن تام۔16یہُوواہنؔ ووٚن موسیٰؔ ہس، "ژٕ مرکھ جلدےٕ۔ پتہٕ کرن یِم لوٗکھ مےٚ بے وفٲیی۔ تِم ژھنن یِمن عہدن پٮ۪ٹھ عمل کرٕنؠ ترٲوتھےٕ یِم مےٚ یِمن سٟتؠ کرمٕتؠ چھِ۔ تِم کرن تِمن غٲر ملکی دیوتاہن ہنٛز عبادت کرٕنؠ شروع یہنٛز پوٗزا یمہ ملکٕکؠ لوٗکھ کران چھِ یوٚت تِم دٲخل سپدن۔17ییٚلہ یہ سپدِ تہٕ بہٕ گژھٕ تِمن سٮ۪ٹھاہ ناراض۔ بہٕ ژھنکھ تِم ترٲوتھےٕ تہٕ تِمن مذید مدد کرنہٕ نشہٕ روزٕ پتھ۔ تِمن ین واریاہ بُراییہِ ولنہٕ، تہٕ تِم سپدن تباہ۔ پتہٕ ونن تِم پانہٕ وٲنؠ، "اسہِ سٟتؠ چُھ یہ اوٕ کِنؠ تہِ سپدان تکیازِ سون خدا چُھنہٕ وۅنؠ اسہِ سٟتؠ۔18تہٕ تِمو تمام بُرٕ کامیٚو سببہٕ یمہٕ تِمو کرِ، تہٕ خاص کر امہِ موٚکھٕ زِ تِمو کٔر باقی خداین ہنٛز عبادت کرٕنؠ شروع۔ بہٕ روزٕ تِمن مدد کرنہٕ نشہٕ پتھ۔19اے موسیٰؔ، بہٕ بوزناوتھ ژٕ اکھ بٲتھ۔ یہ لیٚکھ ژٕ اکِس طُمارس پٮ۪ٹھ تہٕ ہیٚچھنٲوؠ ووکھ اسرائیل لٕکؠ لوٗکھ تہٕ کٔرؠ ووکھ زبٲنی یاد۔ یہ روزِ تِہنٛدین الزامن اکھ گوٲہی ہِش۔20بہٕ چُھس تِم أکِس انتہٲیی ذرخیز زمینس کُن ننہٕ وول، اکھ تِژھ زمین یمیُک مےٚ تِہنٛدین جدٕاجدادن سٟتؠ تمن دِنُک وعدہ کوٚرمُت چُھ۔ تتہِ میلہ تِمن کھیٚنہٕ باپتھ واریاہ کینٛہہ، یمیُک نتیجہٕ یہ نیرِ زِ تِمن روزِ ہمیشہٕ سیری تہٕ تِم گژھن مۅٹؠ۔ مگر پتہٕ کرن تِم باقی معبودن کُن رجوع تہٕ لاگن تِہنٛز عبادت کرٕنؠ تہٕ مےٚ حقیر زٲنِتھ پُھٹراون سُہ عہد یُس مےٚ تِمن سٟتؠ کوٚرمُت چُھ۔ 21تہٕ تِمن ین واریاہ بٔڈؠ مصیبت پیش۔ تہٕ تمہِ پتہٕ کرن تِہنٛدؠ اولاد یہ بٲتھ یاد، تہٕ یہ آسہ تمِس گواہ سنٛدؠ پٲٹھؠ یُس ونان چُھ، "وۅنؠ چُھو توٚہؠ زانان زِ یہُوواہنؔ کیازِ دیُت تُہنٛدین جدٕاجدادن سزا، بہٕ نِمکھ جلدےٕ تِم تتھ ملکس منٛز واپس یُس دِنُک وعدہ مےٚ تِمن کوٚرمُت چُھ؛ مگر وُنہ تہِ چُھس بہٕ یہ کرنہ برُونٛہہ یہ زانان زِ تِم کیاہ چھِ سونچان زِ تتہِ روزِتھ کیاہ کرن تِم۔"22چنانچہِ یمہِ دوٚہہ یہُوواہنؔ موسیٰؔ ہس سُہ بٲتھ دیُت، موسیٰؔ ہن ہیٚچھنٲوؠ اسرائیل لٕکؠ لوٗکھ۔23پتہٕ کوٚر یہُوواہنؔ یشوع سردار مقرر تہٕ دیُتنس حکم، "بہودُر بن تہٕ اعتماد تھاو، تکیازِ ژٕ نِہکھ اسرائیلی لوٗکھ تتھ ملکس منٛز یمیُک مےٚ وعدہ کوٚرمُت چُھ زِ بہٕ دِمہٕ تِمن۔ تہٕ بہٕ روزٕ توٚہہِ سٟتؠ۔"24موسیٰؔ ہن مۅکلٲوؠ تمام قانون طُمارن پٮ۪ٹھ لیٚکھِتھ۔25پتہٕ ووٚن موسیٰؔ ہن لاوی ہنٛدین اولادن یِمن اتھِ مقدس صندوق اوس یتھ منٛز داہ احکام ٲسؠ،26"یہ طُمار نِیو یتھ پٮ۪ٹھ یِم داہ قانون لیٚکھِتھ چھِ تہٕ یہ تھٲیو ہُتھ صندوقس نِش یتھ منٛز سٲنِس خدا یہُوواہؔ سنٛدؠ عہدنامہٕ چھِ یِم تٔمؠ توٚہہِ سٟتؠ گنٛڈمٕتؠ چھِ۔ تاکہ تِم روزن یتھ کتھِ گواہ زِ یہُوواہؔ کیاہ کرِ تِمن لوٗکن سٟتؠ یِم تمؠ سنٛز نافرمٲنی کرن۔ 27بہٕ چُھس یہ اوٕ موٚکھٕ ونان تکیازِ بہٕ چُھس زانان زِ یِم لوٗکھ چھِ واریاہ ضِدی۔ یۅتام بہٕ یِمن سٟتؠ رودُس یِمو کٔر یہُوواہسؔ سٟتؠ بغاوت، تہٕ میانہِ مرنہٕ پتہٕ کرن یِم بیٚیہِ تہِ روگردٲنی۔28لہٰذا کٔرووکھ قبیلن ہنٛدؠ تمام زِٹھؠ تہٕ پنٕنؠ افسر جمع تاکہِ بہٕ تارٕ تِمن امہِ بٲتٕکؠ لفظ فِکر تہٕ یِم آسمانس تہٕ زمینہِ پٮ۪ٹھ چھِ تِمن سارنی کرٕ بہٕ درخواس زِ تِم دِن یمن لوٗکن خلاف گوٲہی۔29بہٕ چُھس یہ اوٕ موٚکھٕ ونان تکیازِ بہٕ چُھس زانان زِ یِم لوٗکھ کرن میانہِ مرنہٕ پتہٕ واریاہ بدکٲری۔ تِم تراون تہِ سورےٕ کرُن یمیُک مےٚ تِمن حکم کوٚر۔ تہٕ آینٛدٕ کرن تِم یمو تمام بُرٕ کامیٚو سٟتؠ یہُوواہسؔ سٮ۪ٹھاہ ناراض۔ پتہٕ کرناوِ سُہ تِمن مختلف آفژن ہُنٛد مقابلہٕ۔30تمہِ وزِ ییٚلہ سٲری اسرائیلی لوٗکھ بوزان ٲسؠ تہٕ موسیٰؔ ہن گیُو تہنٛدِ باپتھ یہ سورےٕ بٲتھ۔
Bridge Connectivity Solutions Pvt. Ltd.