اِستِثنا22
1موسیٰؔ ہن ووٚن اسرائیل ین مزید، "اگر توٚہؠ کٲنٛسہِ اسرائیلی سٲتھی سُنٛد دانٛد یا تیوٗر وُچھوون یُس رووٕمُت آسہ تہٕ تہِ کٔرؠ زیٚو نہٕ زنتہٕ توٚہہِ وُچھوےٕ نہٕ۔ سُہ نی زیون پننِس مٲلکس نِش واپس۔2وۅنؠ اگر تمسُنٛد مٲلکھ توٚہہِ نزدیک آسہ نہٕ باسان یا توٚہؠ ٲسیٚو نہٕ زانان زِ سُہ کُس چُھ تیٚلہِ نی زیون سُہ جانور پنُن گھرٕ۔ سُہ ہیٚکہ تۅتام توٚہہِ نِش روزِتھ یۅتام نہٕ تسُنٛد مٲلکھ تس ژھانٛڈنہِ واتہِ۔ پتہٕ پزِ توٚہہ تس سُہ جانور دیُن۔3توٚہہ پزِ تمہِ وزِ تہِ تی کرُن اگر توٚہؠ کانٛہہ خر، کپر ٹُکرٕ یا بیٚیہِ کانٛہہ چیز وُچِھو یُس کٲنٛسہِ رووٕمُت آسہ۔ یہ توٚہہ کرُن پزِ تتھ گژھِ نہٕ نکار کرُن۔ کُنہِ ماملس منٛز گژھِ نہٕ نہ زاننُک بہانہٕ کرُن۔4تہٕ اگر توٚہؠ کٲنٛسہِ اسرائیلی سُنٛد خر یا گاو سڑکہِ پٮ۪ٹھ پٮ۪مٕژ وُچھوون تہٕ تہِ کٔرؠ زیٚو نہٕ زنتہٕ توٚہہ وُچھوےٕ نہٕ۔ سُہ ضانور تھوٚد تُلنس منٛز کٔرؠ زیٚو مٲلکس مدد تاکہِ سُہ گژھِ بیٚیہِ پننٮ۪ن زنٛگن پٮ۪ٹھ کھڑا۔5زنٮ۪ن پزِنہٕ مردن ہُنٛد لباس لاگُن تہٕ مردن پزِنہٕ زنٮ۪ن ہُنٛد لِباس لاگُن۔ سون خدا یہُوواہؔ چُھ یِژھ کٲم کرن والٮ۪ن نفرت کران۔6اگر توٚہؠ کُنہ کُلِس یا بیٚیہِ کُنہِ جایہ کٲنٛسہِ جاناوار سُنٛد اول وُچِھو تہٕ مادٕ جاناوار ٹھوٗلن پٮ۪ٹھ یا بچن سٟتؠ بِہتھ وُچھوون تہٕ سُہ مہٕ رٔٹوون نہ مٲرؠ زیٚون۔7توٚہہ چُھ جاناوارن ہنٛدؠ بچہٕ نِنُک اجازت، مگر توٚہہ چُھ تِہنٛزِ ماجہِ ژلنُک اجازت دیُن۔ یہ کٔرزیٚو اوموٚکھٕ تکیازِ یِم چیز روزن تُہنٛدِ باپتھ بہتر تہٕ توٚہؠ روزیٚو واریہس وقتس زنٛدٕ۔8اگر توٚہؠ نوو گھرٕ بناوان چُھو تہٕ توٚہہ پزِ پشس پٮ۪ٹھٕ انٛدؠ انٛدؠ جنگلہٕ گنٛڈن۔ یتھٕ پٲٹھؠ بٔنیٚو نہٕ توٚہؠ ذمہٕ دار اگر کانٛہہ شخص تمہ پٮ۪ٹھٕ ؤسؠ پٮ۪تھ مرِ۔9تتھ علاقس منٛز مہٕ لٲگیٚو کانٛہہ تہِ فصٕل یتہِ دچھِ کُلؠ لٲگِتھ آسن اگر توٚہؠ تہِ کٔریٚو تہٕ کاہن نِن یہُوواہؔ سنٛدِس مقدِسس منٛز سُہ سورےٕ فصٕل تہٕ دچھ دوٚنوے پننِس قبضس منٛز۔ 10پنُن زمین واینہٕ وزِ مہٕ کٔریٚو خرس تہٕ دانٛدس یکہٕ وٹہٕ پٲیل۔11تِم پلو مہٕ لٲگیٚو یمہٕ ییر تہٕ ریشم یکوٹہٕ رلاٲوِتھ بناونہٕ آسن آمٕتؠ۔12پانہٕ وٲنؠ رلاوِتھ بنٲیو جٲلؠ تہٕ سۅ لٲگیٚو پننہِ چۅگہٕ کٮ۪ن ژوٚن کوٗنن۔13مثال مانو زِ اکھ نفر چُھ اکِس جوان زنہِ سٟتؠ خاندر کٔرتھ تمِس نِش شونٛگان تہٕ پتہٕ چُھ فٲصلہٕ کران زِ بہٕ بساون نہٕ وۅنؠ یہِ،14فرض کرو سُہ دییہِ تمِس غلط الزام تہٕ کرِ دعوا زِ یہ ٲس نہٕ انۂرِش ییٚلہِ مےٚ أمِس سٟتؠ خاندر کوٚر۔15اگر یہِ سپدِ تہٕ نوجوان کورِ ہنٛدِس مٲلِس ماجہ پزِ سۅ کپر ژادر انٕنؠ یۅسہ تٔمؠ شخصن تہٕ تِہنٛزِ کورِ تمہِ ساعتہٕ بسترس ترٲوِتھ اوس یمہِ وزِ تِمن کُٹھ دِتُکھ یتھ پٮ۪ٹھ وُنہ خوٗنہٕ داغ آسن تہٕ ہاون شہرٕ کِس دروازس پٮ۪ٹھ شہرٕ کٮ۪ن بُزرگن۔16پتہٕ پزِ نوجوان کورِ ہنٛدِس مٲلِس بُزرگن ونُن، "مےٚ دِژ یہ پنٕنؠ یہ کور یمِس شخصس پنٕنؠ خاندارِنؠ بناونہٕ باپتھ نیتھٕرؠ۔ مگر وۅنؠ چُھ سُہ ونان مےٚ چھنہٕ یہ ضرورت۔17بلکہِ چُھس غلط الزام دِوان زِ یمہ، وزِ مےٚ أمِس سٟتؠ خاندر کوٚر یہ ٲس نہٕ انہرِش۔ مگر وُچھو! یہ چُھ ثٲبت کران زِ میٲنؠ کور ٲس انۂرِش! وُچِھو یتھ کپر ژادرِ خوٗنہٕ داغ یۅسہ یمن تمہِ رٲژ تل ٲس! تہٕ ہاوِ سۅ شیٹ تِمن بُزرگن۔18پتہٕ نِن تِم بُزرگ تمِس شخصس تہٕ دِنس کوڈٕ۔19تِم کرن تس مطالبہ زِ دییہِ چاندِ ہنٛدؠ ہتھ ٹکہٕ جرمانہٕ رنٛگؠ تہٕ تِم دِن نوجوان کورِ ہنٛدِس مٲلس۔ تکیازِ تٔمؠ کٔر اسرائیلٕچ اکھ نوجوان کور خجٕل۔ امہِ علاوٕ، روزِ سۅ زٔنؠ تسؠ سٟتؠ۔ سۅ چھےٚ تس سنٛز خاندارِنؠ۔ تمِس چُھنہٕ تس آینٛدٕ طلاق دِنُک اجازت۔ 20وۅنؠ اگر أمِس شخصہٕ سنٛز کتھ پٔز ٲس تہٕ تمِس اوس نہٕ اتھ کتھِ کانٛہہ ثبوت زِ سۅ ٲس تمہِ وزِ انۂرِش یمہِ وزِ تس خاندر کوٚرُکھ،21سُہ نیٚیہ تمِس نوجوان کورِ تہٕ تراویس مٲلؠ سنٛدِس دروازس پٮ۪ٹھ۔ پتہٕ پزِ تمہِ شہرٕ کٮ۪ن لوٗکن سۅ سنگسار کٔرِتھ قتل کرٕنؠ۔ تِمن پزِ ضرور یہ کرُن تکیازِ تٔمؠ کٔر اسرائیلس منٛز سۅ اکھ کام یۅسہ انتہائی شرمناک چھےٚ، ییٚلہ سۅ پننِس مٲلؠ سنٛدِس گھرس منٛز روزان ٲس سۅ ٲس کس تام نفرس نِش شونٛگان۔ تمِس یتھٕ کِنؠ مارنہٕ سٟتؠ ہکیٚو توٚہؠ یہ بُرایی پننِس سماجس منٛز ختم کٔرِتھ۔ 22اگر کانٛہہ شخص کٲنٛسہِ دویمِس نفرٕ سنٛزِ خاندارنہِ نِش شونٛگِتھ رٹنہٕ آو تہٕ دوٚنوے گژھن قتل کرنہٕ یِنؠ۔ یہ کرنہٕ سٟتؠ ہکیٚو توٚہؠ اسرائیلس منٛز امہِ بُرٕ عملہِ نِشہ نجاتھ پرٲوِتھ۔ 23مثال کرو زِ کُنہِ شہرس منٛز وُچھ کٲنٛسہِ نفرن کانٛہہ نوجوان کور یس کٲنٛسہِ نفرس سٟتؠ گنٛڈِتھ اوس تہٕ سُہ نفر وچُھکھ تس نِش شونٛگِتھ۔24توٚہہ پزن تِم دوٚنوے شہرٕ کِس تتھ دروازس پٮ۪ٹھ نِنؠ یتِتھ شہرٕکؠ قٲید اہم معاملاتن ہُنٛد فٲصلہٕ کران چھِ۔ تتہِ پزن توٚہہ تِم دوٚنوے سنگسار کٔرِتھ قتل کرٕنؠ۔ توٚہہ پزِ سۅ نوجوان زنؠ اوٕ موٚکھٕ قتل کرٕنؠ تکیازِ شہرس منٛز ٲسِتھ تہِ تُل نہٕ تمہِ مدتہٕ خٲطرٕ شور۔ تہٕ یہ مرد چُھ اوٕ موٚکھٕ قتل کرُن تکیازِ سُہ شونٛگ تس زنہِ نِش یس سٟتؠ تمِس کھانٛدر کرنُک وعدہ کرنہٕ اوس آمُت۔ یہ کرنہٕ سٟتؠ کٔریٚو توٚہؠ پننِس سماجس منٛز امہِ بُرایی ہُنٛد خٲتمہٕ۔25مگر فرض کرو زِ کُنہ گامہٕ کِس ننِرس منٛز سمکھِ اکھ نفر اکِس نوجوان کورِ یمِس کھاندرٕچ کتھ آسہ رٹنہٕ آمٕژ تہٕ سُہ کرِ تس پانس نِش شونٛگنہٕ باپتھ مجبور۔ اگر یہ سپُد تہٕ تیٚلہ گژھِ صرف سُہ نفر قتل یُن کرنہٕ۔26تہٕ جوان زنہٕ گژھِ نہٕ سزا یُن دِنہٕ تکیازِ تمہِ کٔر نہٕ کانٛہہ تِژھ کٲم یمہ باپتھ تس موتُک سزا رٹنٕچ مستحق بنہِ۔ یہ معاملہٕ چُھ یتھٕ پٲٹھؠ زِ ییٚلہ کانٛہہ نفر گامس منٛز کٲنٛسہِ دویمِس نفرس پٮ۪ٹھ حملہٕ کرِتھ تس قتل کران چُھ،27چونٛکہ یمؠ نفرن سۅ پانس سٟتؠ شونٛگنہٕ باپتھ مجبور کٔر تمؠ وُچھ سۅ تمہِ وزِ ییٚلہ سۅ گامس منٛز ننِرس کُن ٲس تہٕ اگر تمہِ مدتہٕ باپتھ شور تُل۔ تتہِ اوس نہٕ کہنٛؠ یُس تس بچاوِہے۔28اگر کانٛہہ مرد کٲنٛسہِ نوجوان زنہِ یمِس نہٕ وُنہِ گنٛڈنہٕ آسہ آمُت پانس نِش شونٛگنہٕ باپتھ مجبور کرِ تہٕ کانٛہہ تِمس تہِ کران وُچھِ،29تمِس نفرس پزن چانٛدٕ ہنٛدؠ پنٛژاہ سِکہٕ تمسنٛدِس مٲلِس کُن ادا کرٕنؠ، تہٕ پتہٕ چُھس تمِس سٟتؠ کھانٛدر کرُن۔ تکیازِ تٔمؠ کٔر سۅ پانس سٟتؠ شونٛگنہٕ باپتھ مجبور کٔرِتھ رسوا۔ تمِس چُھنہٕ پتہٕ زندگی منٛز کُنہ تہِ وزِ تمِس طلاق دِنُک اجازت۔ 30کٲنٛسہِ نفرس پزِ نہٕ پننِس مٲلؠ سنٛزِ کٲنٛسہِ کھاندارنہِ نِش شونٛگِتھ پننِس مٲلؠ سنٛدِس امانتس خیانت کرٕنؠ۔
Bridge Connectivity Solutions Pvt. Ltd.