اِستِثنا13
1ممکن چُھ زِ توٚہہ منٛزٕ آسن تِتھ لوٗکھ تہِ یمہ ونان آسن زِ أسؠ چھِ نبی۔ تِم ہیٚکن ؤنِتھ زِ تِم چھِ خابن ہنٛدؠ تعبیر کرنس تہٕ مختلف قسمٕکؠ معجزات کرنس قٲبل۔ 2تِم ہیٚکن یژھٕ کتھٕ کٔرِتھ تاکہِ توٚہہ کرن پننٮ۪ن معبودن ہنٛز عبادت کرنس پٮ۪ٹھ آمادٕ یِمن متعلق نہٕ توٚہؠ گۅڈٕ کِہین زانان ٲسیٚو۔ مگر یتھ حدس تام تہِ زِ اگر تِم پیشن گوئی کرن، سۅ سپدِ،3تہنٛزن کتھن کُن دیزیٚو نہٕ توجہ۔ سون خدا یہُوواہؔ ازمایو توٚہہ یہ زاننہٕ باپتھ زِ کیاہ توٚہؠ چُھوا تس سٟتؠ تمام بٲطنی وجودٕ سٟتؠ محبت کران۔ 4توٚہہِ پزِ پنٕنؠ زندگی تِتھے پٲٹھؠ گذارٕنؠ یتھٕ پٲٹھؠ سون خدا یہُوواہؔ توٚہہِ نِش یژھان چُھ، تہٕ توٚہہِ پزِ تمسُنٛد تعظیم کرُن، یہ سُہ توٚہہ کرُن ونان چُھ تہِ کٔریٚو تہٕ تس پٮ۪ٹھ تھٲیو بھروسہٕ۔5مگر توٚہہ پزِ سُہ کانٛژھا ہلاک کرُن یُس اپُز دعوا کرِ زِ بہٕ چُھس نبی یا یُس اپُز دعوا کرِ بہٕ ہیٚکہٕ خابن تعبیر ونِتھ یا توٚہہِ ونیٚو زِ سانِس خدا یہُوواہسؔ سٟتؠ کریٚو بغاوت یمؠ تُہنٛدؠ جدٕاجداد مِصرٕ منٛزٕ غلامی نِشہ بچٲوؠ۔ یتھؠ لوٗکھ چھِ صرف یہ یژھان زِ توٚہؠ ترایو تِتھ کنؠ زندگی گذارٕنؠ یتھٕ کنؠ یہُوواہنؔ توٚہہِ کرنُک حکم دیتمُت چُھ۔ تِمن دِیو پھٲسؠ تاکہ توٚہہ منٛزٕ ییہِ یہ بُرایی دور کرنہٕ۔6یمہِ سٟتؠ پییہِ نہٕ کانٛہہ فرق اگر زن تُہنٛد بوے تُہنٛز بیٚنہِ تُہنٛز خاندارنؠ یا تُہنٛد کانٛہہ قریبی دوس توٚہہ ژوٗرِ پٲٹھؠ تلقین کٔرِتھ ونہ زِ أسؠ کرو دویمیٚن دیوتاہن ہنٛز عبادت یِمن متعلق نہ توٚہہ معلوم آسہ تہٕ نہ تُہنٛدین جدٕاجدادن۔ 7یمو منٛزٕ ہیٚکن توٚہہ کینٛہہ تِمن دیوتاہن ہنٛز پرستِش کرنٕچ ترغٲب دِتھ یِمن ہنٛز عبادت توٚہہ انٛدؠ پٔکؠ روزن وٲلؠ کینٛہہ لوٗکھ کران چھِ، یا یِم دورِکؠ بسکین یِمن دیوتاہن ہنٛز عبادت کران چھِ۔8یہ تِم ونان چھِ تمہٕ کٔریٚو۔ تِہنٛز کتھ تہِ مہٕ بوزیٚو۔ تِمن پٮ۪ٹھ مہٕ کٔریٚو رحم تہٕ یہ کینٛژھا تِمو کوٚر تِمہ تھٲیو کٔھٹِتھ۔9تِمن دِیو پھاسؠ! توٚہؠ ٲسیٚو گۅڈنِکؠ نفر یُس گۅڈٕ تمن مارنہٕ باپتھ سنٛگسار کرِ۔ پتہٕ چلاون باقی لوٗکھ تہِ تِمن پٮ۪ٹھ کنہِ۔ 10تِتھؠ لوٗکھ مٲرؠ ووکھ کنہِ لایتھ تکیازِ تِم چھِ توٚہہ سٲنس خدا یہُوواہؔ سنٛز عبادت کرنہٕ نِشہ رُکاون یژھان یمؠ تُہنٛدؠ جدٕاجداد مِصرٕ منٛزٕ غلامی نِشہ بچٲوؠ۔11ییٚلہ تِمن موتُک سزا دنہٕ ییہِ تہٕ سٲری اسرائیلی لوٗکھ یہ بوزن زِ کیاہ سپُد تمہٕ کھۅژُن تہٕ تِمو منٛزٕ کرنہٕ کانٛہہ دوبارٕ یژھ بُرٕ حرکت۔12ییٚلہ توٚہؠ تمہ ملکٕچہ کُنہِ بستی منٛز روزان ٲسیٚو یۅسہ سون خدا یہُوواہؔ توٚہہِ دِوان چُھ تہٕ ہکیٚو بوزِتھ13زِ توٚہہ منٛزٕ چھِ کینٛہہ ناکارٕ لوٗکھ پننہِ شہرٕ کٮ۪ن لوٗکن یہ ؤنِتھ دونٛکھٕ دِوان زِ "ؤلیٚو أسؠ کرو باقی معبودن ہنٛز عبادت"14أمِچ اصلی حقیقت زٲنیٚو پوٗرٕ پٲٹھؠ۔ فرض کرو اگر توٚہہِ پےَ لوٚگ یہ چُھ پوٚز زِ یژھ رسوٲیی چھےٚ سپٕز۔15پتہٕ کٔرؠ زیوکھ تمہِ شہرٕکؠ سٲری لوٗکھ قتل۔ تہٕ تِہنٛدؠ تمام چو چاروٲے تہِ مٲرؠ زیوکھ۔ شہر کٔرؠ زیٚون مکمل پٲٹھؠ تباہ۔ 16یہ کینٛژھا تتہِ کیٚن روزن والیٚن ہُنٛد آسہ سُہ سوٚمبرٲوِتھ کٔرؠ زیٚو شہرٕ کِس ژُوتِس پٮ۪ٹھ جمع۔ پتہٕ زٲلؠ زیٚون سُہ شہر تہٕ تتھ منٛز موجود تمام چیز، زنتہٕ یہ یہُوواہؔ سنٛدِ باپتھ قربٲنی آسہ یۅسہ پوٗرٕ پٲٹھؠ قربان گاہس پٮ۪ٹھ زالنہٕ آیہ۔ کھنٛڈراتھ گژھن ہمیشہٕ باپتھ تٔتھؠ شہرس منٛز روزٕنؠ۔ یہ شہر گژھِ نہٕ دوبارٕ تعمیر کرنہٕ یُن۔17توٚہؠ نیزیٚوکھ نہٕ یِم چیز پننہِ باپتھ یمہٕ یہُوواہنؔ فناہ کرٕنؠ ؤنؠ، چونکہِ اگر توٚہؠ میانِس وننس پٮ۪ٹھ عمل کٔریٚو تہٕ یہُوواہؔ سپدینہٕ توٚہہِ پٮ۪ٹھ ناراض، سُہ کرِ توٚہہ پٮ۪ٹھ رحم۔ تہٕ سُہ کرِ توٚہہ واریاہ اولاد عطا، یمیُک تٔمؠ سانٮ۪ن جدٕاجدادن سٟتؠ وعدہ کوٚرمُت چُھ یُس سُہ پوٗرٕ کرِ۔18سون خدا یہُوواہؔ کرِ یہ سورےٕ اگر توٚہؠ تہِ کٔریٚو یہ سُہ توٚہہ کرُن ونان چُھ، اگر توٚہؠ تِمن سارنےٕ احکامن پٮ۪ٹھ عمل کٔریٚو یمہٕ بہٕ توٚہہ از ونان چُھس تہٕ یہ یہُوواہؔ ونان چُھ تہِ کرُن روزِ تُہنٛدِ باپتھ جان۔
Bridge Connectivity Solutions Pvt. Ltd.