اعمال1
1ٹاٹھِ تھیُفِلسہٕؔ،
پننہِ گۅڈنچہِ کتابہِ منٛز یۅسہ مےٚ چانہِ باپتھ لیٚچھ، لیٚوکھ مےٚ تِمن واریہن چیزن متعلق یمہٕ یسوعنؔ کٔرؠ تہٕ ہیٚچھنٲوؠ 2تتھ دوٚہس تام ییٚلہِ سُہ خداین آسمانس پیٚٹھ نیٚو۔ آسمانس پیٚٹھ واتنہٕ برُونٛہہ پاک روح سنٛدِ طاقتہٕ سٟتؠ کوٚر تمؠ رسولن باپتھ تِمن کتھن ہُنٛد انتخاب تہٕ ونہِ نکھ یمہ سُہ یژھان اوس تِمن زٲنؠ راوُن۔3مصیبت تُلنہٕ تہٕ صلیبس پیٚٹھ مرنہٕ پتہٕ گو سُہ دوبارٕ زنٛدٕ۔ یتھ کنؠ سُہ آینٛدٕ ژتجہَن دوٚہُن اکثر ظٲہر سپدان اوس، رسولو وُچھ سُہ کٔژِ پھرِ۔ تٔمؠ دیُت تِمن مختلف طریقو باس زِ سُہ چُھ دوبارٕ زنٛدے۔ تٔمؠ کٔر تِمن یہ باوتھ زِ خدا کِتھٕ کنؠ چُھ پننہِ بادشٲہی منٛز لوٗکن ہنٛزِ زنٛدگی پیٚٹھ حکومتھ کران۔4اکہِ دوٚہہ ییٚلہ سُہ تِمن سٟتؠ اوس تہٕ تٔمؠ ووٚن تِمن، "یروشلمہ منٛزٕ مہٕ نیریٚو۔ نیرنہٕ بجایہ کٔریٚو یتی انتظار یۅتام میٚون بب توٚہہِ پنُن روح عطا کرِ یتھٕ کنؠ تٔمؠ توٚہہِ وعدٕ کوٚرمُت چُھ۔ توٚہہِ بوزو اتھ متعلق مےٚ نِش ییٚلہ بہٕ ونان اوسسو۔ 5یوحناہنؔ دیُت لوکن آبس منٛز بپتسمہ مگر کینٛژِ دوٚہؠ پتہٕ دییہِ توٚہہِ خدا پاک روح سٟتی بپتسمہ۔ 6اکہِ دوٚہہ ییٚلہ رسول یسوعسؔ یکہٕ وٹہٕ سمٕکھؠ تہٕ تِمو پرُوژھ تس، "اے خداوند، کیاہ توٚہؠ بٔنوا بادشاہ داوود سنٛدؠ پٲٹھؠ اسہِ اسرائیلی لوٗکن ہنٛدؠ بادشاہ۔ یُس واریاہ برُونٛہہ حکومتھ کران اوس؟7تٔمؠ دیُت تِمن جواب، "توٚہہِ چھنہٕ سُہ وق تہٕ تِم دوٚہہ زاننٕچ ضرورت زِ یہ کر سپدِ۔ میانی ببَن چُھ یہ فٲصلہٕ کوٚرمُت زِ سُہ کر بناوِ مےٚ بادشاہ"8مگر ییٚلہ پاک روح توٚہہِ نِش ییہِ توٚہؠ بنیٚو مضبوط۔ پتہٕ ؤنیٚو توٚہؠ یروشلمس، یہُودیہ، سامریہ تہٕ پوٗرٕ دنیاہس منٛز لوٗکن مےٚ متعلق۔9یہ وننہٕ پتہٕ کھۅت سُہ آسمان اوبرن ووٚلُس نال تہٕ پتہٕ آو نہٕ اتھی۔ 10باقی رسول ٲسؠ آسمانس کُن مُدے گنٛڈتھ ییٚلہ ہیٚور کُن کھسان اوس تہٕ اچانک گےَ سفید پلون منٛز ملبوس تِمن برُونٛہہ کنہِ زٕ نفر ظٲہِر۔ تِم ٲسؠ فرشتہٕ۔11تِمو منٛزٕ ووٚن أکؠ، "اے گلیل کیٚو نفرو، توٚہہ چھنہٕ یتِتھ واریہس کالس اِستادٕ روزِتھ آسمان کُن وُچھنٕچ ضرورت۔ کُنہ دوٚہہ ییہِ یوٚہے یسوعؔ یُس خداین توٚہہِ منٛزٕ آسمان کھول، زمینس پیٚٹھ واپس۔ یہ ییہِ تِتھے کنؠ واپس یتھِ کنؠ توٚہہ وُونؠ یہ آسمانس پیٚٹھ کھسان وُچھوون" 12ییٚلہِ دوٚنوے فرشتہٕ واپس گےَ، رسول آے زیتون پہاڑٕ پیٚٹھٕ یروشلم واپس یُس اتہِ پیٚٹھٕ کمےٕ دوٗر اوس۔ 13شہرس منٛز واتنہٕ پتہٕ کٔھتؠ تِم سیٚودے تمہِ مکانہٕ کِس ہیٚرمِس کمرس منٛز یتہِ تِم ٹھہرِتھ ٲسؠ۔ یِم لوٗکھ تتہِ ٲسؠ تِمن منٛز ٲسؠ پطرسؔ، یوحنا، یعقوبؔ، اندریاسؔ، فلپس، تُوماؔ، برتلمایی، متیؔ، حلفیؔ سُنٛد یعقوبؔ، شمعون زیلوتیسؔ، تہٕ یعقوبؔ ناوٕ کِس بیٚیِس فردٕ سُنٛد نیٚچو یہُوداؔ شٲمل۔14یم سٲری رسول لٔگؠ یکہٕ وٹہٕ دُعا کرنہِ۔ تِمن سٟتؠ آسہٕ دُعا کرنس منٛز آسہ تمہ زنانہٕ تہِ یمہٕ یسوعسؔ سٟتؠ آسہٕ، بیٚیہِ یسوع سنٛز موج مریمؔ تہٕ تمسنٛدؠ لۅکٕٹؠ بٲے۔15یمن دوٚہُن سپُد پطرس پننٮ۪ن سٲتھی ایماندارن منٛزٕ کھڑا۔ تتھ جایہ ٲس یسوعؔ سنٛدین تقریباً اکِس ہتن وُہن پٲرو کارن ہنٛز اکھ جماتھ۔ تٔمؠ ووٚن،16"میانیٚو ایماندار سٲتھیو، یِم چھِ تِم الفاظ یمہ بادشاہ داوودنؔ واریاہ برُونٛہہ صحیفن منٛز لیٚکھمٕتؠ چھِ گژھن تمسنٛدِ وننہٕ مطٲبق سپدٕنؠ۔ پاک روح اوس یہ زانان زِ یہُوداؔ ہاوِ یسوعؔ سنٛدٮ۪ن دشمنن زِ سُہ کتہِ چھُ ژھارُن تہٕ کرُن گرفتار، میول داودسؔ حوصلہٕ یِم لفظ لیٚکھنہٕ خٲطرٕ۔ 17یودوے یسوعؔ ہن اسہِ باقیٚو منٛزٕ یہُوداؔ رسول سنٛدِ حثیتہٕ خدمتہٕ باپتھ مشخص، مگر یہُوداؔ اوس سُہ شخص یمؠ یسوع سنٛدین رٹن والیٚن لوٗکن وتھ ہٲو۔18یہُودی سردارو دِتؠ یہُوداہسؔ پونٛسہٕ ییٚلہ تٔمؠ تِمن یسوعسؔ دغاہ بٲزی سان دونٛکھٕ دِنُک وعدٕ کوٚر۔ پتہٕ دیُت یہُوداہنؔ تِمن سُہ رقم واپس۔ ییٚلہ یہُوداہنؔ پنُن پان پھاسہِ الوونت تروو تہٕ تمؠ سنٛز لاش آیہ زمینس پیٚٹھ پتھر لاینہٕ۔ تمِس پٔھٹ یڈ تہٕ انٛدرم آے سٲرسےٕ چھکراونہٕ۔ تہٕ یہُودؠ سردارو ہیٚوت تِمن پونٛسن زمین۔19یروشلمس منٛز روزن والیٚو تمام لوٗکو بوز اتھ متعلق، امہِ کِنؠ کوٚر تِمو پننہِ ارامیؔ زبٲنؠ منٛز اتھ زمیٖنس ہقل دماؔ ناو تمیُک مطلب گو "خوٗنہٕ مٲدان" تکیازِ یہ ٲس سۅ جاے یتِتھ کانٛسہِ ہُنٛد موت سپُدمُت اوس۔20پطرسنؔ ووٚن یتہِ، "مےٚ وُچھ زِ یہُوداؔہس سپُد تہِ یہ زبور کتابہِ منٛز لیٚکِھتھ چُھ: "امسُنٛد گرٕ سپدِن ختم، تِمو منٛزٕ مہٕ روزِنؠ کانٛہہ تہِ پتھ کُن۔ تہٕ یتہِ چُھ باسان زِ یمہٕ باقی الفاظ یمہٕ داوودنؔ لیکھمٕتؠ چھِ تہِ چھِ یہُوداہسؔ کُن اشارٕ کران: 'کانٛسہِ بییِس کٔریٚو بحثیتِ سردار أمسنٛز کٲم تفویض' ۔21"لہٰذا چُھ سانہِ خٲطرٕ ضروری زِ أسؠ کروون یہُوداؔ سنٛزِ جایہ کانٛہہ بدل نفر مقرر۔ سُہ گژھِ سُہ نفر آسُن یُس ہمیشہِ اسہِ سٟتؠ رودمُت آسہ ینہٕ خداوند یسوع اسہِ سٟتؠ اوس۔22یعنی ینہٕ پیٚٹھٕ بپتسمہ دِنہٕ وٲلؠ یوحناہن یسوعسؔ بپتسمہ دیُت، تتہِ پیٚٹھٕ یۅتام یسوع اسہِ تراوِتھ آسمان کھۅت۔ یہُوواہؔ سنٛز جاے رٹن وول نفر گژھِ اسہِ یسوعسؔ متعلق لوٗکن یہ وننَس منٛز ساتھ ہیٚکُن دِتھ زِ سُہ کِتھٕ کنؠ سپُد مرنہٕ پتہٕ بیٚیہِ زنٛدٕ۔23یتھٕ کنؠ کٔرؠ رسولو تہٕ باقی مانن والیٚو دوٚن نفرن ہنٛدؠ ناو تجویز۔ اکھ شخص اوس یوسفؔ برسباؔ، یمِس یوستُسؔ تہِ ونان ٲسؠ۔ دویِم شخص اوس متیاہؔ۔24پتہٕ مونٛگ تِمو دُعا: " اے خداوند یسوعؔ، یہُوداؔ رود نہٕ ووٚنؠ رسول۔ تمِس گےَ گناہ سرِزد تہٕ ژوٚل تمہِ جایہ نِش یتِتھ سُہ شوبہِ ہے۔ توٚہؠ چُھو زانان زِ کس سنٛدِس دِلس منٛز کیاہ چُھ، لہٰذا ہٲوؠ تو اسہِ مہربٲنی کٔرِتھ زِ توٚہہ کُس ژورٕ وون یمو دوٚیو نفرو منٛزٕ یہُوداؔ سنٛزِ جایہِ۔26پتہٕ تراوِ تِمو دویٚو منٛزٕ اکھ ژارنہٕ باپتھ چیٖرِ تہٕ متیاہؔ سنٛدِ ناوٕ درایہ چیٖرؠ تہٕ سُہ بنیاو باقی کہَن رسولن سٟتؠ رسول۔
پننہِ گۅڈنچہِ کتابہِ منٛز یۅسہ مےٚ چانہِ باپتھ لیٚچھ، لیٚوکھ مےٚ تِمن واریہن چیزن متعلق یمہٕ یسوعنؔ کٔرؠ تہٕ ہیٚچھنٲوؠ 2تتھ دوٚہس تام ییٚلہِ سُہ خداین آسمانس پیٚٹھ نیٚو۔ آسمانس پیٚٹھ واتنہٕ برُونٛہہ پاک روح سنٛدِ طاقتہٕ سٟتؠ کوٚر تمؠ رسولن باپتھ تِمن کتھن ہُنٛد انتخاب تہٕ ونہِ نکھ یمہ سُہ یژھان اوس تِمن زٲنؠ راوُن۔3مصیبت تُلنہٕ تہٕ صلیبس پیٚٹھ مرنہٕ پتہٕ گو سُہ دوبارٕ زنٛدٕ۔ یتھ کنؠ سُہ آینٛدٕ ژتجہَن دوٚہُن اکثر ظٲہر سپدان اوس، رسولو وُچھ سُہ کٔژِ پھرِ۔ تٔمؠ دیُت تِمن مختلف طریقو باس زِ سُہ چُھ دوبارٕ زنٛدے۔ تٔمؠ کٔر تِمن یہ باوتھ زِ خدا کِتھٕ کنؠ چُھ پننہِ بادشٲہی منٛز لوٗکن ہنٛزِ زنٛدگی پیٚٹھ حکومتھ کران۔4اکہِ دوٚہہ ییٚلہ سُہ تِمن سٟتؠ اوس تہٕ تٔمؠ ووٚن تِمن، "یروشلمہ منٛزٕ مہٕ نیریٚو۔ نیرنہٕ بجایہ کٔریٚو یتی انتظار یۅتام میٚون بب توٚہہِ پنُن روح عطا کرِ یتھٕ کنؠ تٔمؠ توٚہہِ وعدٕ کوٚرمُت چُھ۔ توٚہہِ بوزو اتھ متعلق مےٚ نِش ییٚلہ بہٕ ونان اوسسو۔ 5یوحناہنؔ دیُت لوکن آبس منٛز بپتسمہ مگر کینٛژِ دوٚہؠ پتہٕ دییہِ توٚہہِ خدا پاک روح سٟتی بپتسمہ۔ 6اکہِ دوٚہہ ییٚلہ رسول یسوعسؔ یکہٕ وٹہٕ سمٕکھؠ تہٕ تِمو پرُوژھ تس، "اے خداوند، کیاہ توٚہؠ بٔنوا بادشاہ داوود سنٛدؠ پٲٹھؠ اسہِ اسرائیلی لوٗکن ہنٛدؠ بادشاہ۔ یُس واریاہ برُونٛہہ حکومتھ کران اوس؟7تٔمؠ دیُت تِمن جواب، "توٚہہِ چھنہٕ سُہ وق تہٕ تِم دوٚہہ زاننٕچ ضرورت زِ یہ کر سپدِ۔ میانی ببَن چُھ یہ فٲصلہٕ کوٚرمُت زِ سُہ کر بناوِ مےٚ بادشاہ"8مگر ییٚلہ پاک روح توٚہہِ نِش ییہِ توٚہؠ بنیٚو مضبوط۔ پتہٕ ؤنیٚو توٚہؠ یروشلمس، یہُودیہ، سامریہ تہٕ پوٗرٕ دنیاہس منٛز لوٗکن مےٚ متعلق۔9یہ وننہٕ پتہٕ کھۅت سُہ آسمان اوبرن ووٚلُس نال تہٕ پتہٕ آو نہٕ اتھی۔ 10باقی رسول ٲسؠ آسمانس کُن مُدے گنٛڈتھ ییٚلہ ہیٚور کُن کھسان اوس تہٕ اچانک گےَ سفید پلون منٛز ملبوس تِمن برُونٛہہ کنہِ زٕ نفر ظٲہِر۔ تِم ٲسؠ فرشتہٕ۔11تِمو منٛزٕ ووٚن أکؠ، "اے گلیل کیٚو نفرو، توٚہہ چھنہٕ یتِتھ واریہس کالس اِستادٕ روزِتھ آسمان کُن وُچھنٕچ ضرورت۔ کُنہ دوٚہہ ییہِ یوٚہے یسوعؔ یُس خداین توٚہہِ منٛزٕ آسمان کھول، زمینس پیٚٹھ واپس۔ یہ ییہِ تِتھے کنؠ واپس یتھِ کنؠ توٚہہ وُونؠ یہ آسمانس پیٚٹھ کھسان وُچھوون" 12ییٚلہِ دوٚنوے فرشتہٕ واپس گےَ، رسول آے زیتون پہاڑٕ پیٚٹھٕ یروشلم واپس یُس اتہِ پیٚٹھٕ کمےٕ دوٗر اوس۔ 13شہرس منٛز واتنہٕ پتہٕ کٔھتؠ تِم سیٚودے تمہِ مکانہٕ کِس ہیٚرمِس کمرس منٛز یتہِ تِم ٹھہرِتھ ٲسؠ۔ یِم لوٗکھ تتہِ ٲسؠ تِمن منٛز ٲسؠ پطرسؔ، یوحنا، یعقوبؔ، اندریاسؔ، فلپس، تُوماؔ، برتلمایی، متیؔ، حلفیؔ سُنٛد یعقوبؔ، شمعون زیلوتیسؔ، تہٕ یعقوبؔ ناوٕ کِس بیٚیِس فردٕ سُنٛد نیٚچو یہُوداؔ شٲمل۔14یم سٲری رسول لٔگؠ یکہٕ وٹہٕ دُعا کرنہِ۔ تِمن سٟتؠ آسہٕ دُعا کرنس منٛز آسہ تمہ زنانہٕ تہِ یمہٕ یسوعسؔ سٟتؠ آسہٕ، بیٚیہِ یسوع سنٛز موج مریمؔ تہٕ تمسنٛدؠ لۅکٕٹؠ بٲے۔15یمن دوٚہُن سپُد پطرس پننٮ۪ن سٲتھی ایماندارن منٛزٕ کھڑا۔ تتھ جایہ ٲس یسوعؔ سنٛدین تقریباً اکِس ہتن وُہن پٲرو کارن ہنٛز اکھ جماتھ۔ تٔمؠ ووٚن،16"میانیٚو ایماندار سٲتھیو، یِم چھِ تِم الفاظ یمہ بادشاہ داوودنؔ واریاہ برُونٛہہ صحیفن منٛز لیٚکھمٕتؠ چھِ گژھن تمسنٛدِ وننہٕ مطٲبق سپدٕنؠ۔ پاک روح اوس یہ زانان زِ یہُوداؔ ہاوِ یسوعؔ سنٛدٮ۪ن دشمنن زِ سُہ کتہِ چھُ ژھارُن تہٕ کرُن گرفتار، میول داودسؔ حوصلہٕ یِم لفظ لیٚکھنہٕ خٲطرٕ۔ 17یودوے یسوعؔ ہن اسہِ باقیٚو منٛزٕ یہُوداؔ رسول سنٛدِ حثیتہٕ خدمتہٕ باپتھ مشخص، مگر یہُوداؔ اوس سُہ شخص یمؠ یسوع سنٛدین رٹن والیٚن لوٗکن وتھ ہٲو۔18یہُودی سردارو دِتؠ یہُوداہسؔ پونٛسہٕ ییٚلہ تٔمؠ تِمن یسوعسؔ دغاہ بٲزی سان دونٛکھٕ دِنُک وعدٕ کوٚر۔ پتہٕ دیُت یہُوداہنؔ تِمن سُہ رقم واپس۔ ییٚلہ یہُوداہنؔ پنُن پان پھاسہِ الوونت تروو تہٕ تمؠ سنٛز لاش آیہ زمینس پیٚٹھ پتھر لاینہٕ۔ تمِس پٔھٹ یڈ تہٕ انٛدرم آے سٲرسےٕ چھکراونہٕ۔ تہٕ یہُودؠ سردارو ہیٚوت تِمن پونٛسن زمین۔19یروشلمس منٛز روزن والیٚو تمام لوٗکو بوز اتھ متعلق، امہِ کِنؠ کوٚر تِمو پننہِ ارامیؔ زبٲنؠ منٛز اتھ زمیٖنس ہقل دماؔ ناو تمیُک مطلب گو "خوٗنہٕ مٲدان" تکیازِ یہ ٲس سۅ جاے یتِتھ کانٛسہِ ہُنٛد موت سپُدمُت اوس۔20پطرسنؔ ووٚن یتہِ، "مےٚ وُچھ زِ یہُوداؔہس سپُد تہِ یہ زبور کتابہِ منٛز لیٚکِھتھ چُھ: "امسُنٛد گرٕ سپدِن ختم، تِمو منٛزٕ مہٕ روزِنؠ کانٛہہ تہِ پتھ کُن۔ تہٕ یتہِ چُھ باسان زِ یمہٕ باقی الفاظ یمہٕ داوودنؔ لیکھمٕتؠ چھِ تہِ چھِ یہُوداہسؔ کُن اشارٕ کران: 'کانٛسہِ بییِس کٔریٚو بحثیتِ سردار أمسنٛز کٲم تفویض' ۔21"لہٰذا چُھ سانہِ خٲطرٕ ضروری زِ أسؠ کروون یہُوداؔ سنٛزِ جایہ کانٛہہ بدل نفر مقرر۔ سُہ گژھِ سُہ نفر آسُن یُس ہمیشہِ اسہِ سٟتؠ رودمُت آسہ ینہٕ خداوند یسوع اسہِ سٟتؠ اوس۔22یعنی ینہٕ پیٚٹھٕ بپتسمہ دِنہٕ وٲلؠ یوحناہن یسوعسؔ بپتسمہ دیُت، تتہِ پیٚٹھٕ یۅتام یسوع اسہِ تراوِتھ آسمان کھۅت۔ یہُوواہؔ سنٛز جاے رٹن وول نفر گژھِ اسہِ یسوعسؔ متعلق لوٗکن یہ وننَس منٛز ساتھ ہیٚکُن دِتھ زِ سُہ کِتھٕ کنؠ سپُد مرنہٕ پتہٕ بیٚیہِ زنٛدٕ۔23یتھٕ کنؠ کٔرؠ رسولو تہٕ باقی مانن والیٚو دوٚن نفرن ہنٛدؠ ناو تجویز۔ اکھ شخص اوس یوسفؔ برسباؔ، یمِس یوستُسؔ تہِ ونان ٲسؠ۔ دویِم شخص اوس متیاہؔ۔24پتہٕ مونٛگ تِمو دُعا: " اے خداوند یسوعؔ، یہُوداؔ رود نہٕ ووٚنؠ رسول۔ تمِس گےَ گناہ سرِزد تہٕ ژوٚل تمہِ جایہ نِش یتِتھ سُہ شوبہِ ہے۔ توٚہؠ چُھو زانان زِ کس سنٛدِس دِلس منٛز کیاہ چُھ، لہٰذا ہٲوؠ تو اسہِ مہربٲنی کٔرِتھ زِ توٚہہ کُس ژورٕ وون یمو دوٚیو نفرو منٛزٕ یہُوداؔ سنٛزِ جایہِ۔26پتہٕ تراوِ تِمو دویٚو منٛزٕ اکھ ژارنہٕ باپتھ چیٖرِ تہٕ متیاہؔ سنٛدِ ناوٕ درایہ چیٖرؠ تہٕ سُہ بنیاو باقی کہَن رسولن سٟتؠ رسول۔
Bridge Connectivity Solutions Pvt. Ltd.