2 پطرس2
1مگر اسرائیل ین منٛز ٲسؠ خدٲیی پٲغام واتنُک اپزُے دعوا کرن وٲلؠ تہِ۔ یِتھے پٲٹھؠ ہیٚکن توٚہہِ منٛزٕ اپُز تعلیم دِنہٕ وٲلؠ تہِ ٲسِتھ۔ تِم تراون توٚہہِ منٛز تِم بدعت یِمو باپتھ پوشہٕ وُن سزا آسہ۔ یِتھؠ لوٗکھ کرن پننس مٲلکس یسوعسؔ مسیحس تہِ انکار، یمؠ یِم لوٗکھ بوٚٹھ لٲگؠ۔ امیُک تر آسہ یہِ زِ خدا کرِ تِمن ہمیشہٕ ہمیشہٕ باپتھ رسوا۔2تہٕ واریاہ لوٗکھ کرن یِتھے پٲٹھؠ یِمن اپزٮ۪ن وۅستادن ہنٛدؠ پٲٹھؠ بے گنٛڈ کار۔ یِمن اپزؠ یارٮ۪ن وۅستادن ہنٛدِ سببہٕ ونن بے دین لوٗکھ مسیحؔ یتس بدرد۔3تہٕ پننہِ انٛدرمہِ بیٚچھِ گی کِنؠ کرن یِم اپزؠ یٲرؠ وۅستاد توٚہہِ اپُز ؤنؠ ؤنؠ ماوضہ وصول۔ خداین کٔرؠ یِم سٮ۪ٹھا برونٛہہ رسوا تہٕ خدا کرِ یِمن بے شک بُرباد۔4یہِ عدالت لگہ ضرور تکیازِ خداین ترٲوؠ نہٕ سزا ورٲے اتُر کرن وٲلؠ فرشتہٕ تہِ۔ بلکہِ بٔرِن جہنمس یتہِ تِم ہانکلو سٟتؠ انہِ گٔٹِس منٛز گنٛڈِتھ چھِ۔ خداین بنٲوؠ یِم گناہ گار فرشتہٕ بٲنٛدؠ اتی تاکہِ تِمن لگہ عدالت۔5خداین ترٲوؠ نہٕ سٮ۪ٹھا پتھ کالہِ دنیاہس منٛز بسن وٲلؠ لوٗکھ تہِ سزا ورٲے۔ وۅنؠ گو تٔمؠ ترٲوؠ مُچھِ ٲٹھ نفر یِمن منٛز راستبٲزی ہُنٛد تلقین کرن وول نوح تہِ اوس، ییٚلہِ تٔمؠ خداین بے ایمان لوٗکھ یِم تمہِ وقتہٕ دنیہس منٛز بسان ٲسؠ سٲلابہٕ بُزؠ کٔرؠ۔6خداین کٔرؠ سدومؔ تہٕ عمورہ نٲوؠ شہر سزا دِتھ نارٕ بُزؠ تہٕ مکمل پٲٹھؠ کوٚرنکھ سوٗر۔ خداین بنٲوؠ یتھٕ پٲٹھؠ یِم شہر خدا سنٛز نافرمٲنی کرن والیٚن ہنٛدِ باپتھ مثال۔7خداین بخُش لوٗطس نجات یُس راستباز اوس۔ لوٗط اوس سٮ۪ٹھہے پریشان، لوٗکن ہنٛدیٚو بے گنٛڈ بد اخلاق کارو کِنؠ یِم سدومس منٛز لاقانونیت پھہلاوان ٲسؠ۔8ییٚلہِ سُہ یِمن بدکار تہٕ بدخواہ لوٗکن سٟتؠ سدومؔ شہرس منٛز روزان اوس۔ سُہ راستباز نفر لوٗط اوس پرٮ۪تھ دوٚہہ تُہنٛد وُچھان تہٕ بوزان پریشان روزان۔ تٔمؠ کوٚر یہِ اوٕ کِنؠ زِ لوٗکھ یہِ کران کراوان ٲسؠ تہِ اوس سیٚودے خدا سنٛدِس شریعتس خلاف۔9یوٚدوے یِم سٲری چیز پٔزؠ چھِ، تیٚلہِ پزِ توٚہہِ یقین تھاوُن زِ خداوند چُھ زانان زِ تِم لوٗکھ کِتھہٕ پٲٹھؠ چھِ کُنہِ تہِ سزا نِشہ بچاوٕنؠ یِم تس عزت دِن۔ تہٕ خداوند چُھ یِتہِ زانان زِ تِم لوٗکھ کِتھہٕ پٲٹھؠ تھٲوِکھ تیار بہ تیار سزا باپتھ ییٚلہِ عدالت لاگنُک وق واتہِ یِمن بدکار لوٗکن۔10تہٕ سُہِ دِیہ سزا خاص پٲٹھؠ تِمن لوٗکن یِم لٔگؠ تھےٕ تِم کار کران روزن یہ تِمن پنُن گناہ گار دِل ونہِ، تِم کار یِم خدایس ناپسند چھِ۔ یِم لوٗکھ چھِ خدٲیی حکمن تہِ توہین کران۔ یِم کٲتیاہ دلیر چھِ! یِمن یہِ دِل یژھِ یِم چھِ تی کران! یِم چھِنہٕ خدا سنٛدٮ۪ن شاندار فرشتن تہِ توہین کرنس پژان۔11وۅنؠ گو خدا سٕنٛدؠ فرشتہٕ یوٚدوے یِمو لوٗکو کھۅتہٕ زیادٕ قوت وٲلؠ چھِ، چھِنہٕ تِم خدایس برونٛہہ کنہِ پرٮ۪زلوٕنٮ۪ن زٲژن نس تالہِ لٔدِتھ کانٛہہ راہ کھالان۔12وۅنؠ گو، یِم اپٕزؠ وۅستاد چھِ زٲنتو چاروٲے یِم بے عقل چھِ۔ یمہِ آیہِ یِم چاروٲے قدرتی طور وتھٕ ژھانٹھ کران چھِ، یِم سپدؠ پٲدٕ توٕکِنؠ زِ یِم یِن باقیو دٔسؠ رٹنہٕ تہٕ مارنہٕ۔ یِم چھِ تِمن چیزن متعلق بدرد ونان یِمن متعلق نہٕ یِم کہین زانان چھِ۔ خدا کرِ یِمن بُرباد ییٚلہِ یہنٛزِ بُربٲدی ہُنٛد وق واتہِ۔13یِمن اپزٮ۪ن وۅستادن آسہ مصیبت تُلُن پننیٚو کوٕ کارن ہنٛدیٚو منٲسب سزہو کِنؠ۔ یِم چھِ پنٕنؠ بداخلاقی عیٲشی دوٚہلہ تہِ مناوان آسان۔ پلون پٮ۪ٹھ کُنہِ بدنُما داغٕکؠ پٲٹھؠ چھِ یِم تہندٮ۪ن سمکھن جاین منٛز زلالتہٕ بٔرِتھ آسان! یِم چھِ توٚہہِ سٟتؠ کھیٚوان چیٚوان تہٕ پننٮ۪ن کۅ کارن پٮ۪ٹھ تھیٚکان روزان۔14یِم یس زنانہِ تہِ وچُھن تس سٟتؠ چھِ یِم غٲر اخلٲقی جنسی تعلقات قٲیِم کرٕنؠ یژھان۔ یِم چھِنہٕ گناہ کرٕنؠ رُکاوِتھ ہیٚکان۔ یِم چھِ روحٲنی طور لیٚژٮ۪ن لوٗکن گناہ کرنس کُن رٲغب کران۔ یتھٕ پٲٹھؠ کھِلٲڑؠ کُنہِ کھیٚلہِ باپتھ تیار چھِ کرنہٕ یِوان، تِتھے پٲٹھؠ چھِ یِم اپٕزؠ وۅستاد پنُن پان لالچہِ باپتھ تیار کران۔ خداین چھےٚ یِمن لعنت سوزمٕژ!15یِم چھِ خدایہِ سنٛزِ یژھایہِ مطٲبق زنٛدٕ روزنس نکار کران۔ یِم چھِ کمین گی سان عمل کران۔ یِم چھِ بعورؔ سنٛدِس نیٚچوِس بلعامسؔ پتہٕ پتہٕ پکان، پتھ کالہِ تسنٛدِ کرنہٕ کراونُک نقل کٔرِتھ۔ سُہ اوس پننٮ۪ن کۅ کارن باپتھ پونٛسہٕ رنگؠ ماوضہٕ رٹُن پسنٛد کران۔16وۅنؠ گو خداین کوٚر سُہ دفع اسرائیل ین خلاف کۅ کار کرنہٕ کِنؠ۔ یوٚدوے زن خَر کتھہٕ چھِنہٕ کران، خداین کرنوو بلعام سُنٛد خَر انسٲنؠ بولہِ منٛز کتھہٕ کرنٲوِتھ امسٕنٛدؠ کۅ کار بند۔17یِم اپٕزؠ وۅستاد چھِ فضول، تِمن ناگن ہنٛدؠ پٲٹھؠ یِمن آبےٕ ہوٚکھمُت چُھ۔ یِم چھِ زنتہٕ تِم اۅبرٕ لنٛگ یِمن واوٕ طوفان دوٗر چھکان چُھ امہِ برونٛہہ زِ یِم تراون روٗد۔ خداین چُھ مخصوس کوٚرمُت جہنمُک انہِ گوٚٹ یہنٛدِ باپتھ۔18یہِ چُھ پوٚز تکیازِ تِم چھِ لوٗکن گناہ کرنہٕ باپتھ قٲیل کران یم حالےٕ ایمان وٲلؠ چھِ بنیمٕتؠ تہٕ کوٚرکھ یہٕ کرُن بند یہِ کمین بے ایمان لوٗکھ چھِ کران۔ یِم اپٕزؠ وۅستاد چھِ یہ کران تھیکنیل لفظ ورتٲوِتھ یِمن نہٕ کانٛہہ مۅل چُھ۔ یِم چھِ یمن لوٗکن کتھو سٟتؠ بیرِ والان۔ یہِ کینژھا تہِ گناہ گار فطرت کرناوُن یژھِ۔19تِم چھِ یہِ کران پننٮ۪ن بوزن والیٚن یہِ ؤنِتھ تہِ زِ تِم چھِ آزاد پننہِ یژھایہِ مطٲبق کینٛہہ تہِ کرنہٕ باپتھ۔ أتھؠ وقتس دوران، چھِ یِمن پننہِ گناہ گار خوٲہشہٕ پنٕنؠ غلام بنٲوِتھ یِمہٕ یِمن برباد کرن۔ یہِ چُھ پزر تکیازِ یِم چیز کٲنٛسہِ انسانس پننس قبضس تل رٹن تِمے چیز چھِ تس پنُن غلام بنٲوِتھ پکناوان۔20یوٚدوے یِتھیٚو لوٗکو زانہٛہ کٲلؠ تِژھٕ یچھِ کامہِ کرنہِ تراوِمژٕ آسن تہٕ یِم انسٲنی سماجس گنٛڈ تُلن تس یسوع مسیحؔ ہس زٲنِتھ یُس اسہِ پٮ۪ٹھ راج تاج کران چُھ تہٕ اسہِ نجات بخشان چُھ۔ مگر تِم گنٛدٕ تہٕ ذہن اولودٕ کرن وٲلؠ چیز چِھکھ بیٚیہِ ولان تہٕ قبضس تل انان۔ یتھٕ پٲٹھؠ چُھ یہُنٛد ازکال پتمہِ کھۅتہٕ تہِ بدتر گژھان۔21یہِ چُھ اوٕ کِنؠ تکیازِ یہِ روزِہے یہنٛدِ باپتھ بہتر یوٚدوے تِمو خدایہِ سنٛزِ پسنٛد مطٲبق زُوون زونمُت آسہ ہے نہٕ یمہِ بدلہٕ زِ خدایہِ سٕنٛدؠ مقدس حکم یِم تسٕنٛدیو رسولو یِم ہیچھنٲوؠ کِتھہٕ پٲٹھؠ کرو رد۔22یہ چُھ اکھ پوٚز ونِیوٚت یُس یہِ باوان چُھ زِ یِمن اپزٮ۪ن وۅستادن کیا بنیاو: "تِم چھِ زنتہٕ ہوٗنؠ یِم پنٕنؠ درۅکھ کھیٚنہِ واپس پھیران چھِ" تہٕ "تِم چھِ زنتہٕ سوٗر یِمو پنُن پان چھوٚل تہٕ دِتِکھ ربہِ منٛز ڈۅلٕنؠ۔"
Bridge Connectivity Solutions Pvt. Ltd.